Tamil Paleo Food , Recipes for Dummies

மேஜிக் பாட் என்றால் என்ன? நம் வீட்டில் இருக்கும் குக்கரே போதுமா? தனியே காசு செலவழிக்க வேண்டுமா? இந்தக் குக்கர் அல்லது மேஜிக் பாட் எங்கே கிடைக்கும்? உங்களில் பலருக்கு இந்தக் கேள்விகள் இருக்கிறது. பலர் கமெண்ட்டில் கேட்டிருக்கிறீர்கள்.

ஒவ்வொரு படியாக கற்றுக்கொண்டு பொறுமையாக ஒபோஸ் சித்தாந்தத்தைப் புரிந்துகொள்வது நல்லது.

பேலியோவுக்கும் இதேதான்.

அதிரடியாக பாதாம், முட்டை, இந்துப்பு, பசுமஞ்சள், ஆப்பிள் சைடர் வினிகர் வாங்கி, கார்ப் ஃப்ளூ தாக்குப் பிடிக்க முடியாமல், பேலியோ பற்றிப் புரிந்துகொள்ளாமல் 3 ம் நாள் பேலியோ வேஸ்ட் என்று கைவிடுவதற்கும், அதிரடியாக குக்கர் வாங்கி, சித்தாந்தம் புரியாமல் ஏதோ ஒன்றைச் சமைத்து ஒபோஸ் வேஸ்ட் என்று கைவிடுவதற்குப் பதிலாக, பொறுமையாகப் புரிந்துகொண்டு முயற்சிக்கும்பொழுது இதன் முழுமையான பலன் உங்களுக்குக் கிடைக்கும்.

உங்களிடம் இருக்கும் 2லி குக்கர் அல்லது ஒபோஸிற்கான வாங்கிய மேஜிக் பாட் உங்களிடம் இருந்தால். முதன் முதலில் நீங்கள் செய்யவேண்டிய அடிப்படை விஷயம் என்ன? என்பதை இதில் காணலாம்.

அதன் பெயர் ஸ்டாண்டர்டைசேஷன்.

ஒரு இண்டக்‌ஷன் ஸ்டவ்வில், உங்களுக்குக் கிடைக்கும் லோ வோல்டேஜ், ஹை வோல்டேஜ், அல்லது சரியான வோல்டேஜில், 60 எம் எல் அளவுள்ள கால் கப் தண்ணீரை சூடுபடுத்தினால் அல்லது சமைத்தால் அல்லது ப்ரஷர் குக் செய்தால் அந்த கால் கப் நீர் கொதித்து முதல் விஸிலை எவ்வளவு நேரத்தில் அளிக்கிறது என்பதே ஒரு 2லி குக்கர் மேஜிக் பாட்டாக மாற்றும் வழிமுறை.

இதுதான் முதல் பாடம். இதை சரியாகப் புரிந்துகொள்ளாமல் ஒபோஸில் எந்த ரெசிபியை நீங்கள் முயற்சித்தாலும் அது முதல் பாவமாக மாறிவிடும்.

-@-

இன்னொருமுறை ஒபோஸ்க்கு தேவையான லிஸ்டை சரிபார்த்துவிடலாம்.

ஒபோஸ் மேஜிக் பாட் = ஒபோஸின் தனிப்பட்ட மேஜிக் பாட் அல்லது உங்களிடம் இருக்கும் 2லிட்டர் ப்ரஷர் குக்கர்.

சரியான அளவுகளுள்ள - கப் Cups & ஸ்பூன்கள் Spoons

இவை அளவுகள் ஒரேமாதிரியானவை.

ஒரு கப் அளவு 1C= 240 ml,
ஒரு டீஸ்பூன் அளவு 1tsp = 5ml,
ஒரு டேபிள் ஸ்பூன் அளவு 1Tbsp = 15ml

கையளவு , ஆழாக்கு, நான்கு சிட்டிகை போன்றவை ஏன் வேலைக்காகாது என்பது புரிகிறதல்லவா?

ஒரு ரெசிபியில் ஒரு கப் காய்கறி, 2 டேபிள் ஸ்பூன் தண்ணீர், அரை டீஸ்பூன் உப்பு என்று சொல்லும்பொழுது, மேலே சரியான அளவுகளில் கப் / ஸ்பூன்கள் வாங்கிப் பயன்படுத்தும் அனைவருக்கும் ஒரே போல சுவை & Result வருவது மாறாதுதானே? ஏற்கனவே அறிமுகம் 3-ல் சொன்ன பிஸ்கெட் கம்பெனி உதாரணத்தை நினைவில் கொள்ளுங்கள்.

செபரேட்டர்கள் Separators - இதன் பயன்பாட்டைப் பிறகு பார்க்கலாம்.

இண்டக்‌ஷன் ஸ்டவ். 800, 1000, 1200, 1400 வாட்ஸ்கள் செலக்‌ஷன் இருக்கும் டைப் உத்தமம்.

-@-

இப்பொழுது ஒரு ஒபோஸ் மேஜிக் பாட் அல்லது 2 லி குக்கரை எடுத்து அதன் மூடியில் விஸிலைப் போட்டு, காஸ்கெட் எல்லாம் சரியாக இருக்கிறதா என்று கவனித்து கால் கப் அதாவது சரியாக 60 எம் எல் தண்ணீரை விட்டு. மூடியைப் போட்டு மூடி, இண்டக்‌ஷன் அடுப்பில் வைத்து, 1200 வாட்ஸ் என்ற வெப்ப அளவை செலக்ட் செய்து, அதே நேரம் உங்கள் மொபைலில் டைமரை ஆன் செய்துகொள்ளவேண்டும்.

முதல் விஸில் வரும்போது டைமரை நிறுத்தி எவ்வளவு நேரத்தில் முதல் விஸில் வந்திருக்கிறது என்று பார்க்கவேண்டும்.

அடுப்பையும், டைமரையும் ஒருசேர ஆன் செய்வது முக்கியம். அடுப்பை ஆன் செய்து டிவி சீரியலில் எந்த மாமியார் எந்த மருமகளுக்கு சூனியம் வைக்கிறார் என்று ஒரு எட்டுப் பார்த்துவிட்டு டைமரை ஆன் செய்து மூன்றாவது விஸில் 1.35 நிமிடத்தில் வந்ததை முதல் விஸில் என்று நம்பும் அப்பாவி நீங்கள் என்றால் ஐ அம் பாவம்.

இதுதான் Standardisation எனும் முதல் பாடம்.

சரி, இதைச் சரியாகச் செய்துவிட்டீர்கள். இப்பொழுது என்ன ரிசல்ட் அதன் மூலம் நாம் அறிந்துகொள்ளும் விஷயம் என்ன?

முதல் விஸில் ஒன்றிலிருந்து இரண்டு நிமிடங்களுக்குள் வந்துவிட்டால் உங்கள் குக்கர் ஒபோஸ் சமையல் முறைக்கு தயாராக இருக்கிறது என்று அர்த்தம்.

ஒரு நிமிடத்திற்குள்ளாகவே முதல் விஸில் வந்துவிட்டால். நீங்கள் அதிக வெப்பத்தில் சமைக்கிறீர்கள், வெப்பத்தைக் குறைக்கவேண்டும் என்று பொருள்.

2 நிமிடங்கள் தாண்டியும் உங்களுக்கு விஸில் வரவில்லை என்றால், நீங்கள் குறைவான வெப்பத்தில் சமைக்கிறீர்கள், வெப்பத்தைக் கூட்டவேண்டும் என்று பொருள்.

1 நிமிடம் 35 செகண்ட்களில் முதல் விஸில் என்பது பர்பெக்ட் டைமிங். குக்கர், இண்டக்‌ஷன் அடுப்பு, நல்ல ஏற்றம் இறக்கமில்லாத வோல்டேஜில் இது சுலபமாகக் கிடைக்கும். ஒன்றிலிருந்து இரண்டு நிமிடங்களுக்குள்ளாக என்பதை கணக்கில் கொண்டால் போதும்.

ஏன் இதைச் செய்யவேண்டும்?

இதுதான் உங்கள் 2லி குக்கர் அல்லது மேஜிக் பாட் ஒபோஸ் முறையில் அதன் பார்முலாவில் சொல்லப்படும் ரெசிபிக்களை சுவை, நிறம், மணம் மாறாமல் உங்களுக்கு அளிக்க சரியான ஒன்றாக இருக்கிறது என்பதை உறுதி செய்கிறது.

இதைச் செய்யாமல் குன்ஸாக சமைத்தால் அதிக வெப்பத்தில் தீய்ந்துபோவதும், குறைந்த வெப்பத்தில் உணவு சரியாக சமைக்காமல், அரைகுறையாக இருப்பதும் நிகழும்.

முதல் பாடத்தை மீண்டும் ஒருமுறை கவனமாகப் படித்துவிடுங்கள்.

இனி மக்கள் இதைப் புரிந்துகொள்ளாமல் செய்யும் முதல் பாவத்தைப் பார்க்கலாம்.

இரண்டு லிட்டர் குக்கர் கைவசம் இல்லை. 1.5லிட்டர் அல்லது 5 லிட்டர் இருக்கிறது. அதனால் என்ன? கூட்டி, வகுத்து, பெருக்கிக் கழித்து முக்காலே அரைக்கால் கப் தண்ணீரை விடுவோம்.

இண்டக்‌ஷன் ஸ்டவ்வில் 2500 வாட்ஸ்தான் இருக்கிறது. மீண்டும் கூட்டி, வகுத்து, பெருக்கிக் கழித்து 30 செகண்டில் முதல் விஸில் வருகிறதா என்று பார்க்கலாம்.

மேலே சொன்ன இரண்டுமே இல்லை. பால் குக்கர்தான் இருக்கிறது. அதுவும் விஸில் அடிக்குமே? கால் கப் தண்ணீரை விட்டு அடுப்பில் வைப்போம்.

மேலே சொன்ன எதுவும் பலனளிக்காது. அல்லது ஒபோஸ் சமையலுக்கு ஒத்துவராது. தயவுசெய்து ஒரு சித்தாந்தத்தின் அறிவியல் கணக்கீடுகளின் அடிப்படையில் புரிந்துகொண்டு முன்னேறி 1000 லிட்டர் குக்கரில் கூட ஒபோஸில் சமைக்கும் திறனை வளர்த்துக்கொள்ள முயற்சியுங்கள். முதல் பாடத்திலேயே முதல் பாவத்தைச் செய்யவேண்டாம். அது மிகப்பெரிய பின்னடைவை, மனக்கஷ்டத்தை, வெறுப்பை உங்களுக்குத் தரும்.

ஒரு உன்னதமான எளிமையான சமையல் முறையை நீங்கள் உங்கள் அறியாமையால் வெறுக்கும் நிலை வரும்.

பேலியோவின் முதல் பாவமும் இதேதான்.

முதன் முதலாக கார்ப் எனும் மாவுச்சத்து உணவுகளை தவிர்க்கும்பொழுது கார்ப் ஃப்ளூ எனும் உடல் பிரச்னை வரும்.

தலைவலி, சோர்வு, கைகால் உதறுவது, வயிற்றுப் போக்கு என்று முதல் 4-5 நாட்கள் வரும் இதைப் புரிந்துகொள்ளாமல் பேலியோ விட்டு ஓடியவர்கள் பலர். அவர்கள் இழந்தது எவ்வளவு விலைமதிப்பில்லாத ஆரோக்கியத்தை? அதைக் கடந்தவர்கள் அடைந்த அபரிமிதமான பலன்கள்தான் எத்தனை?

பொறுமை, புரிந்துகொள்ளுதல், புரியாததை தெளிவுபடுத்தித் தெரிந்துகொள்ளுதல், தேடல், பகுத்தறிதல், ஏற்றுக்கொள்ளுதல், செயல்படுத்துதல், வெற்றியடைதல்.

இதுதானே புதிய ஒன்றைக் கற்றுக்கொள்வதற்கான படிநிலைகள்?

ஆக, Standardisation ஒபோஸின் முதல் பாடம். உங்கள் மேஜிக் பாட் அல்லது 2லிட்டர் குக்கரில் கால் கப் நீருக்கு முதல் விஸில் எப்பொழுது வந்தது? நிமிடங்கள், நொடிகள் என்ன?

சரி, இனி மேஜிக் பாட் எங்கே கிடைக்கும் என்று கேட்டவர்களுக்கு:

ஒபோஸுக்கென்று வடிவமைக்கப்பட்ட பிரத்யேக 2லிட்டர் மேஜிக் பாட் கிடைக்கிறது. அதற்கான லிங்க் மற்றும் டிஸ்கவுண்ட் கூப்பன் கோட் கீழே கொடுக்கிறேன். அதில் என்ன இருக்கும்?

ஒரு 2லி மேஜிக் பாட்.
அளவுகளுக்கான ஸ்பூன்கள்.
அளவுகளுக்கான கப்கள்.
ஒரு சபரேட்டர்.

Link:

www.oposkit.com

2லி மேஜிக் பாட் செலெக்ட் செய்து

2லிட்டர் மேஜிக் பாட்டுக்கான டிஸ்கவுண்ட் கூப்பன் கோட் : OPOSpaleo2 பயன்படுத்தி வாங்கலாம்.

3லிட்டர் மேஜிக் பாட் டிஸ்கவுண்ட் கூப்பன் கோட் : opospaleo பயன்படுத்தி வாங்கலாம்.

(இந்த கூப்பனைப் பயன்படுத்தாவிட்டால் டிஸ்கவுண்ட் கிடைக்காது. )

இந்த மேஜிக் பாட் எப்படி இருக்கும்? வீடியோ:

https://www.youtube.com/watch?v=59tBcTdYDR8

மேலுள்ள யுட்யூப் சானலை சப்ஸ்க்ரைப் செய்து பேலியோ உணவுகளை எப்படி ஒபோஸ் முறையில் தயார் செய்வது என்று எளிமையாக வீடியோக்கள் மூலம் அறிந்துகொள்ளுங்கள்.

இந்தக் குக்கர் வாங்கும்பொழுது ஏற்படும் ஆன்லைன் பேமெண்ட் பிரச்னைகள், ஆர்டர், டெலிவரி விவரங்கள் அனைத்திற்கும் கீழுள்ள இமெயிலில் தொடர்புகொண்டால் அவர்கள் தேவையான பதில் அளிப்பார்கள்.

care@smarteer.com

மேலுள்ள இமெயிலுக்குப் புகார் அனுப்பிவிட்டு ஒரு காப்பியை கீழ்க்கண்ட இமெயிலுக்கும் அனுப்பவும்:

oposmods@gmail.com

பேலியோவிற்காக இன்னும் விலை குறைவாக ஒரு கிட் தயாரித்து தருமாறு கேட்டிருக்கிறேன். அது எப்பொழுது கிடைக்கும் என்பது தெரியாது. விவரம் வரும்பொழுது அறிவுக்கிறேன்.

சரி.

இந்தக் குக்கர் விற்கத்தான் இந்தக் க்ரூப்பா?

இல்லை. ஒபோஸ் முறையில் பேலியோ உணவுகளை எப்படி எளிதாக, விரைவாகச் சமைப்பது? சமைக்கத் தெரியாதவர்களும் சமைக்கக் கற்றுக்கொள்வது, நமது உணவை நாமே சமைத்து உண்பது போன்றவற்றிற்காகத்தான் இந்தக் குழு.

பேலியோ இலவசம்தானே?

பேலியோ சித்தாந்தம் இலவசம்.
ஒபோஸ் சித்தாந்தம் இலவசம்.

பேலியோ கடைபிடிக்க சமையல் பாத்திரம் துவங்கி, கேஸ் சிலிண்டர், சமையல் பொருட்கள், காய்கறி, எண்ணெய், நெய், முட்டை, இறைச்சி, பாதாம் அனைத்தையும் காசு கொடுத்து வாங்கத்தானே வேண்டும்.

ஏற்கனவே உங்கள் சமையலறையில் இருக்கும் பொருட்களைக் கொண்டும் பேலியோ முயற்சிக்கலாம். தேவை பேலியோ பற்றிய புரிதல்.

அதே போல ஒபோஸ் சித்தாந்தம் இலவசம். அதனடிப்படையில் சமைக்க, சில பொருட்கள் காசுகொடுத்து வாங்கவேண்டும்.

ஏற்கனவே உங்கள் சமையலறையில் இருக்கும் குக்கரைக் கொண்டும் ஒபோஸ் முயற்சிக்கலாம். தேவை ஒபோஸ் பற்றிய புரிதல்.

முழுவதுமாக பாடங்கள் முடிந்து, சமையல் துவங்கும் வரை காத்திருந்து அதன் பின் உங்களுக்கு உபயோகமென்றாலும் வாங்கலாம்.

முதலில் சித்தாந்தத்தைப் புரிந்துகொள்ள முயற்சி செய்யுங்கள்.

மேலே உள்ள சைட்டில்தான் வாங்க வேண்டுமா?
மேஜிக் பாட் என்றால் ஆம். சாதாரன குக்கர் என்றால் இல்லை.

என்னிடம் 2லி குக்கர் இருக்கிறது. அதைப் பயன்படுத்தலாமா?

ஒபோஸ் ஸ்டாண்டர்டைசேஷன் டைமிங் சரியாக இருப்பின் தாராளமாகப் பயன்படுத்தலாம். ஆனால் அதிக வெப்பத்தில் சமைக்கப்படும் ஒபோஸ் சமையல்கள் அனைத்திற்கும் அது ஏற்றதா என்பதை நீங்கள்தான் பயன்படுத்தி முடிவுசெய்யவேண்டும். பொதுவாக சாதாரண குக்கர்கள் அதிகவெப்பம் குறுகிய நேரம், தண்ணீர் இல்லாத அல்லது குறைவான சமையலுக்காக டிசைன் செய்யப்படுவதில்லை.

Induction stove எதை வாங்கலாம்?

நான் பயன்படுத்துவது இது :

https://amzn.to/2p4jV79

இண்டக்‌ஷன் ஸ்டவ் மட்டும்தான் பயன்படுத்த முடியுமா? கேஸ் ஸ்டவ், விறகடுப்பு போன்றவற்றில் ஒபோஸ் முறையில் சமைக்க முடியாதா?

முடியும். ஆனால் குறிப்பிட்ட அளவு கட்டுப்படுத்தப்பட்ட வெப்ப அளவை சீராகக் கொடுப்பது இண்டக்‌ஷன் ஸ்டவ் மட்டுமே என்பதால் ஒபோஸில் அது மட்டுமே பரிசீலிக்கப்படுகிறது. ஆக , இப்பொழுதைக்கு அதில் சமைப்பதை மட்டும் பேசுவோம்.

உங்களிடம் 1200 வாட்ஸ் உள்ள அடுப்பை நீங்கள் பயன்படுத்தி முதல் பாடம் சரியாக வருகிறதா என்று சரிபார்க்கலாம். உங்களிடம் 1200 வாட்ஸில் இல்லாவிட்டால் அக்கம் பக்கம் தெரிந்தவர்களிடத்தில் இருந்தாலும் வாங்கிப் பரிசோதிக்கலாம். முதல் பாடத்தில் குக்கருக்கோ, அடுப்பிற்கோ ஒரு ஆபத்தும் வராது. ஆனால், ஒபோஸ் முழுமையான சமையலுக்கு இந்த இரவல் சமாச்சாரம் ஒத்துவராது.

கிச்சன் எடைக் கருவி எதை வாங்கலாம்?

நான் பயன்படுத்தும் இருப்பதிலேயே விலை குறைவான மாடல்

https://amzn.to/30SUrqE

இன்னும் அளவுகள் கொண்ட கப்கள், ஸ்பூன்கள் எல்லாமே அமேசானில் கிடைக்கிறது.

தேடுங்கள் கிடைக்கும்.

-@-

Friday, March 2, 2018

ஆரோக்கியம் நல்வாழ்வு குழுவில் பேலியோ முயற்சிப்பவர்களுக்கான வழிகாட்டி.

ஆரோக்கியம் நல்வாழ்வு Facebook Group மூலம் பேலியோ உணவுமுறையைப் பற்றி அறிந்துகொள்ள வந்திருக்கும் உங்களை வரவேற்கிறோம்.

எச்சரிக்கை - 1.

இந்த உணவுமுறை மருத்துவரால்/ டயட்டிசியனால் எழுதபட்டது கிடையாது. சராசரி குடிமகனால் சொந்த அனுபவம், படித்து தெரிந்துகொண்டது ஆகியவற்றின் பேரில் எழுதபட்டது. இந்த உணவுமுறையைத் துவக்குமுன் மருத்துவர் அறிவுரையை கேட்டுகொன்டு பின்பற்றூவது நலம்
இந்த உணவுமுறையால் கொலஸ்டிரால் & எல்டிஎல் ஏறும். சுகர் இறங்கும். பிளட் பிரஷர் கட்டுபாட்டில் வரும். இதற்கான காரணங்கள் தெளிவாக விளக்கப்பட்டுள்ளன. படித்து அறிந்துகொள்ளவும்.
இந்த ரெசிப்பிக்களால் சுகர் இறங்குவதால் அதற்கு தகுந்தபடி சுகர் மாத்திரை அளவை மருத்துவர் அறிவுரையின் பேரில் குறைத்துகொள்வதும், சுகர் லெவலை அடிக்கடி மானிட்டர் செய்து லோ சுகர் ஆகாமல் பார்த்துகொள்வதும் அவசியம்.
இது பொதுவாக சுகருக்கும், எடைகுறைப்புக்கும் எழுதபட்டது. அத்துடன் வேறு எதாவது சிக்கல்கள், வியாதிகள் (உதா: கிட்னி பிரச்சனை) இருந்தால் அம்மாதிரி பிரச்சனைகளை மனதில் வைத்து இது எழுதபடவில்லை. அம்மாதிரி சூழலில் இதை மருத்துவ ஆலோசனை இன்றிப் பின்பற்றவேண்டாம்.

எச்சரிக்கை - 2.

எங்கள் குழு முழுவதும் இலவசமாக ஆலோசனைகள் தரும் குழுமம். நீங்கள் பேஸ்புக்கில் கேள்வி கேட்டு யாரேனும் உங்கள் இன்பாக்ஸில் நான் டயட் தருகிறேன் என்று தனிச் செய்தி அனுப்பினாலோ, போன் நம்பர் கேட்டாலோ உடனடியாக அதை எங்கள் கவனத்திற்குக் கொண்டுவரவும். எங்கள் குழுவின் அட்மின்கள், தன்னார்வலர்கள் யாரும் இப்படித் தனித் தொடர்பில் உறுப்பினர்களைத் தொடர்புகொள்ள மாட்டார்கள். தேவையில்லாத ஆன்லைன் கிரிமினல்களிடம் சிக்கி உங்கள் பணத்தை, ப்ரைவஸியை இழக்கவேண்டாம்.

புகார் செய்ய இமெயில் : neander2100@gmail.com

01.

இந்தப் பக்கத்தில் பேலியோ உணவுமுறையின் முக்கியக் கட்டுரைகள் தொகுக்கப்பட்டிருக்கிறது. அடிப்படையான கேள்விகள் கேட்கும் முன்பாக இந்தப் பக்கத்தில் தொகுக்கப்பட்டுள்ள அனைத்து கட்டுரைகளையும் பொறுமையாகப் படித்து பேலியோ பற்றி அறிந்துகொள்ளுங்கள்.

02.

ரத்தப் பரிசோதனை முடிவுகள் பார்த்த பின்பே ஆரோக்கியம் நல்வாழ்வுக் குழுவில் உங்களுக்கான பேலியோ பரிந்துரைகள் இலவசமாக வழங்கப்படும். பேலியோ உணவுமுறையைப் பின்பற்றுவதற்காக குழு பரிந்துரைக்கும் அடிப்படையான ரத்தப் பரிசோதனைகள் விவரம்:

மேலே உள்ள படத்தில் குறிப்பிடப்பட்டுள்ள ரத்தப் பரிசோதனைகளை நீங்கள் உங்களுக்கு வசதியான லேபுகளில் டெஸ்ட் எடுத்து அதனை குழுவில் Excel Sheet Format ல் படமாகப் பகிர்ந்தால் உங்களுக்கான பேலியோ உணவுப் பரிந்துரைகள் வழங்கப்படும்.

மேலே குறிப்பிடப்பட்டுள்ள அனைத்து பரிசோதனைகளையும் எடுக்க முடியாத நிலையில் இருக்கும் வெளிநாட்டு வாழ் மக்கள் கீழ்க்கண்ட குறைந்தபட்ச டெஸ்ட்களை எடுத்தும் குழுவில் பேலியோ உணவுப்பரிந்துரைகள் பெறலாம். நீங்கள் எந்த நாட்டில் வசிக்கிறீர்கள்? உங்கள் உடல் பிரச்னைகள், எடுக்கும் மாத்திரைகள் விவரம் போன்றவற்றைக் கட்டாயம் குறிப்பிடவேண்டும்.

வெளிநாட்டு வாழ் மக்களுக்கான குறைந்தபட்ச டெஸ்ட்கள்:

Hba1C, Thyroid, Lipid profile, Kidney profile, Urine, Liver Profile If possible include any or all of the above tests.

இருப்பினும் வெளிநாட்டு மக்கள் இந்தியா வரும்போது முழு பரிசோதனை செய்து விவரங்கள் அறிந்துகொள்வது அவசியம்.

பல ஆண்டுகளாக டயபடிக்காக இருக்கும் மக்கள், அதிக உடல் எடை (90 கிலோவிற்கு மேல்) இருக்கும் மக்கள், குடி, சிகரெட் அல்லது அதிக நாட்கள் உடலில் பிரச்னைகளோடு இருக்கும் மக்கள், வயதானவர்கள், அறுவை சிகிச்சை, இதய நோய்கள், கிட்னி பிரச்னை மக்கள் அனைவரும் மேலே பரிந்துரைக்கப்பட்ட ரத்தப் பரிசோதனைகளுடன், அப்டமன் ஸ்கேன் மற்றும் ஈ சி ஜி டெஸ்ட்களும் சேர்த்து எடுத்து பதிவிடுவது நல்லது. ஈ சி ஜி அப்டமன் ஸ்கேன் போன்றவை நீங்கள் வருடத்திற்கு ஒருமுறையாவது எடுத்து உங்கள் குடும்ப மருத்துவரிடம் அறிவுரை பெற்று வருமுன் காக்கவேண்டியே இதைப் பரிந்துரைக்கிறோம். ரத்தப் பரிசோதனை முதற்கொண்டு நீங்கள் எடுத்துப் பகிரும் எந்த டெஸ்ட் ரிசல்ட்களையும் வைத்துக்கொண்டு நாங்கள் எந்த மருத்துவமும் பார்ப்பதில்லை, மருந்துகளும் பரிந்துரைப்பதில்லை. அதன் பிரச்னைகள் அடிப்படையில் உங்கள் மருத்துவரைப் பார்க்கவும் நீங்கள் ஏதாவது உணவைத் தவிர்க்கவேண்டி இருப்பின் அதைச் சொல்லவும், பேலியோ உணவுமுறை உங்களுக்கு ஒத்துக்கொள்ளாதென்றால் அதை எடுத்துச் சொல்லவும் மட்டுமே அதை நாங்கள் பயன்படுத்துகிறோம். உங்கள் உடல் பிரச்னைகள் எதுவாக இருப்பினும் நீங்கள் உங்கள் மருத்துவரிடம் கலந்தாலோசித்து சிகிச்சை எடுத்துக்கொள்ளவேண்டும்.

மேற்கண்ட டெஸ்ட்களை குறைந்த விலையில் தென் இந்தியா மற்றும் இந்தியா முழுமைக்கும் ஆரோக்கியம் நல்வாழ்வு குழு மக்களுக்காகச் செய்து தரும் லேப் பற்றிய விவரங்கள் கீழே கொடுக்கப்பட்டுள்ளது. கொடுக்கப்பட்டுள்ள போன் நம்பரில் அவர்களைத் தொடர்புகொண்டு நீங்கள் வசிக்கும் இடத்தில் அவர்கள் பரிசோதனை நிலையம் அல்லது வீட்டிலேயே ரத்த மாதிரிகள் எடுக்கும் வசதி இருக்கிறதா என்று கேட்டு அறிந்துகொள்ளலாம். எங்கு ப்ளட் டெஸ்ட் செய்துகொள்வது என்பது உங்கள் விருப்பம். எங்களுக்குத் தேவை டெஸ்ட் ரிசல்ட்கள் மட்டுமே.

பல ஆண்டுகளாக உடல் பிரச்னை இருப்பவர்கள், இது போன்று டெஸ்ட்கள் செய்யாதவர்கள், முதல் முறையாக பேலியோ முயற்சிக்க விரும்புபவர்கள், முழு பேலியோ பரிசோதனை செய்துகொள்வது அவசியம். குறைந்த விலையில் கிடைக்கும் பாக்கேஜ்கள் ஏற்கனவே பேலியோ முயற்சித்து உடல் பிரச்னைகள் அறிந்த மக்களுக்கானது.

ஆர்பிடோ லேப் & ஸ்கான்ஸ் – 9087690877, 9344113880

ஆர்த்தி ஸ்கான்ஸ் : 99400 22667, 044- 66007700

தைரோகேர் – 022-30900000 / 41252525 அல்லது PALEO என்று 9870666333 என்ற எண்ணுக்கு எஸ் எம் எஸ் அனுப்பி பேலியோ 1.7 டெஸ்ட் எடுக்கவும்.

03.

ரத்தப் பரிசோதனை ரிசல் வந்ததும் அதனை குழுவில் படங்களாக அல்லது பிடிஎஃப் பைலாக இணைக்காமல் கீழ்க்கண்ட வழிமுறைகளைப் பயன்படுத்தி போஸ்ட் செய்தால் மட்டுமே உணவுப் பரிந்துரை கிடைக்கும்.

ரத்த பரிசோதனை ரிப்போர்ட் கிடைக்கப்பெற்றதும் கீழே கொடுக்கப்பட்டு உள்ள வழிமுறையை பின்பற்றி குழுவில் உங்களது ரத்த பரிசோதனை ரிப்போர்ட்யை பதிவிடுங்கள்.

எக்ஸ்செல் ஷீட் கிரீன்ஷாட் இல்லாத பதிவுகள் ஏற்றுக்கொள்ளப் படுவதில்லை. எக்ஸ்செல் ஷீட்அப்படியே பதிவு செய்திருந்தாலும் ஏற்றுக்கொள்ளப் படுவதில்லை.

எக்ஸ்செல் ஷீட் ஸ்கிரீன் ஷாட் (இமேஜ் ஃபார்மட்டில்) எடுத்து தான் பதிவு செய்ய வேண்டும்.

எனவே,உங்களிடமிருக்கும்ரிபோர்ட்களில் உள்ள ரிசல்ட் நம்பர்களை இந்த எக்ஸ்செல் ஷீட்டில் தவறு இல்லாமல்சரியாக இட்டு நிரப்பி அதை SCREEN SHOT எடுத்து இங்கு பதிவிடவும்.

தவறான தகவல்களுக்கு நீங்களே பொறுப்பு. சரியான தகவல்கள் இல்லாத ரிப்போர்ட்களுக்கு டயட் சார்ட் தர இயலாது.இந்த லிங்க்கில் இருக்கும் எக்ஸ்செல் ஷீட் பார்மட்டைடவுன்லோட் செய்து உபயோகப்படுத்திக்கொள்ளவும்.https://drive.google.com/file/d/1OQ8GuAe8idWgUBKk-VvUB-974l2d_apD/view?fbclid=IwAR0AHvr0W_wkPUd6xNSHSgtbYQBy2mgvPb4KyT92i9CTi11uFu4RNczxXFU

கவனமாக படித்து அதில் குறிப்பிட்டபடிபதிவேற்றவும் கீழ்க்கண்ட விபரங்கள் அனைத்தையும்கண்டிப்பாககுறிப்பிடவும்
(வயது, ஆண்/பெண், சென்டிமீட்டரில் உயரம், சைவமா / அசைவமா/ முட்டை+சைவமா, நோய்கள், எடுக்கும் மருந்துகள்)

எக்ஸ்சல் ஷீட் நிரப்பி பதிவு செய்வதற்கான வழிமுறைகள்:
கொடுக்கப்பட்டிருக்கும் லின்க்கில் இருந்து எக்ஸ்சல் ஷீட்டை டவுன்லோட் செய்து கொள்ளவும்.

அதில் கேட்கப்பட்டிருக்கும் நம்பர்களை உங்களது இரத்தப்பரிசோதனை அறிக்கையில் பார்த்து தவறில்லாமல் நிரப்பவும். (min-max என்று குறிப்பிடப்பட்டிருக்கும் நம்பர்களை மாற்ற வேண்டாம்)
கம்ப்யூட்டரில் உள்ள ALT மற்றும் PRINTSCREEN (PrtSc) பட்டன்களை அழுத்தவும்.

Paint என்னும் சாப்ட்வேரை ஓபன் செய்து அதில் “Paste” செய்யவும். பின்னர், அதனை JPEG என்ற ஃபார்மட்டில் சேவ் செய்து கொள்ளவும்.
இப்போது ஆரோக்கியம் & நல்வாழ்வு குழு முகநூல் பக்கத்தை திறந்து டைம்லைனில் (“Write Something” என்று குறிப்பிடப்பட்டிருக்கும் பகுதியில்) உங்களது விபரங்களைக் குறிப்பிட்டு, Add Photo/Video என்ற இடத்தில் நீங்கள் Paint சாப்ட்வேரில் சேவ் செய்து வைத்த ஸ்கிரீன்ஷாட் ஃபைலை இணைக்கவும்.

உதாரணமாக மற்றவர்கள் எப்படி & எந்த வடிவில் அவர்களது ரிப்போர்ட் பதிவு செய்து உணவு பரிந்துரை பெற்று உள்ளார்கள் என்று பார்க்கவும்.

பதிவு செய்வதற்கான நடைமுறைகள் இத்துடன் நிறைவு பெறுகின்றன. உங்களுக்கான உணவு பரிந்துரை நீங்கள் உங்களது ரிப்போர்ட்யை பதிவிட்டதும் அந்த பதிவில் வழங்கப்படும்..

04.

பேலியோ உணவுமுறைக்கான பொருட்கள் வாங்க கீழ்க்கண்ட குழுவில் இணைந்துகொண்டு அங்கே விளம்பரப்படுத்தப்படும் விற்பனையாளர்களிடம் தெளிவாகப் பேசி விவரம் அறிந்து நீங்கள் உங்கள் பேலியோ உணவுமுறைக்கான பொருட்களை வாங்கிக்கொள்ளலாம். அல்லது உங்கள் அருகாமையில் இருக்கும் கடைகளிலும் அவை கிடைக்கிறதா என்று பார்த்தும் வாங்கிக்கொள்ளலாம். இதுவும் ஒரு இலவச சேவை என்பதால் விற்பனை வியாபாரம் சம்பந்தமான எந்தப் பிரச்னைகளுக்கும், கொடுக்கல் வாங்கல்களுக்கும் குழுவோ, அட்மின்களோ, வாலண்டியர்களோ பொறுப்பாக மாட்டார்கள்.

பேலியோ சந்தை குழு லிங்க்:

https://www.facebook.com/groups/paleoshop/

பேலியோக்குத் தேவையான பொருட்கள் வாங்க அமேசான் லிங்க் தொகுப்பு:

https://paleogod.blogspot.com/2019/11/blog-post.html
05.

பேலியோ பற்றி நூற்றுக்கணக்கான கட்டுரைகள் குழுவில் ஏற்கனவே எழுதப்பட்டுள்ளது. ஆயிரக்கணக்கான கேள்விகளுக்கான பதில்களும் வழங்கப்பட்டுள்ளது.

கூகுளில் தேடுவதைப் போலவே பேஸ்புக் சர்ச் பாக்ஸிலும் குறிப்பிட்ட உங்கள் சந்தேகம் சார்ந்த வார்த்தைகளைப் போட்டு தேடினால் உங்களுக்கான கட்டுரைகளோ, பதில்களோ கிடைக்கும். குழுவில் மோர் சாப்பிடலாமா? கடல் பாசி சாப்பிடலாமா என்று கேட்பதால் பலன் இல்லை.

06. பேலியோ பற்றி குழுவில் எழுதப்பட்டவைகள் புத்தகங்களாகவும் கிடைக்கிறது. அவை பற்றிய விவரங்கள்:

01.பேலியோ டயட் - பேலியோ பற்றிய அறிவியல் விளக்கம். திரு நியாண்டர் செல்வன் அவர்களால் எழுதப்பட்டது. 02. உன்னை வெல்வேன் நீரிழிவே - சிவராம் ஜெகதீசன். பேலியோ உணவுமுறையில் எப்படி டயபடிக்கிலிருந்து வெளியே வரலாம் என்பது துவங்கி , டயபடிக் பற்றிய முழுமையான விளக்கங்கள் உடைய தமிழின் ஒரே முதல் நீரிழிவு பற்றிய புத்தகம். 03. 30 நாட்கள் பேலியோ சாலஞ்ச் - ஷங்கர் ஜி. பேலியோ டயட் முதன் முறையாக முயற்சிக்க விரும்புபவர்களுக்கான எளிமையான கையேடு. 04. தைராய்டு ஏன் எதற்கு எப்படி? - முத்துராமன் ஜி. தைராய்டு பற்றிய தெளிவான விளக்கம். அதிலிருந்து மீளும் உணவு முறைகள், பரிசோதனைகள் என்று தைராய்டு பற்றிய தமிழின் முக்கியமான புத்தகம். 05. பேலியோ சமையல் - சைவம். 100+ சைவ சமையல் குறிப்புகள். 06. பேலியோ சமையல் அசைவம் - 100+/அசைவ சமையல் குறிப்புகள் - 07. பேலியோபுரம் - நியாண்டர் செல்வன். ஆரோக்கியம் நல்வாழ்வு குழுவில் 5 வருடங்களாக எழுதிய கட்டுரைகள் தொகுப்பு. 5 லட்சம் மக்களை பேலியோவுக்குள் ஈர்த்த முக்கிய உணவு சார்ந்த கட்டுரைகள். 08. ஆரோக்கியம் 2.0 - டாக்டர் ஃபரூக் அப்துல்லா. ஒரு மருத்துவரால் எழுதப்பட்ட பேலியோ உணவுமுறை குறித்த முதல் மற்றும் முக்கியமான புத்தகம். 09. பேலியோ சந்தேக நிவாரணி - ஷங்கர் ஜி. பேலியோ உணவுமுறைக்கு வரும் மக்களுக்கு ஏற்படும் அடிப்படை சந்தேகங்கள் தீர்க்கும் கேள்வி பதில் தொகுப்பு. பேலியோவின் முதல் கேள்வி பதில் புத்தகம். 10. பேலியோ வெஜ் ரெசிபிகள் - RTN கண்ணன் அழகிரிசாமி. எளிமையான சைவ ரெசிபிகள் 100+ 11. பேலியோ நான்வெஜ் ரெசிபிகள் - RTN கண்ணன் அழகிரிசாமி. எளிமையான அசைவ ரெசிபிகள் 100+
12. பேலியோ டயட் சார்ட் ரெசிபிகள் - தேன்மொழி அழகேசன். 30 நாட்கள் மூன்று வேளைக்கு என்ன சமைக்கலாம் என்று ஒவ்வொரு நாளுக்கான ரெசிபிகள் அடங்கிய ரெசிபி புத்தகம்.

13. பேலியோ டயட் குணமாகும் நோய்கள் - மரு. ஃபரூக் அப்துல்லா. பேலியோ உணவுமுறையால் குணமாகும் நோய்கள் என்ன? எப்படி அவை குணமாகின்றன? அதன் அறிவியல் விளக்கம் என்ன என்று தெளிவாக எளிமையாக எழுதப்பட்ட புத்தகம்.
பேலியோ உணவுமுறையைப் பற்றி தெளிவாக அறிந்துகொள்ள, சரியாகப் பின்பற்ற இந்தப் புத்தகங்கள் உதவும். வெறும் வெயிட்லாஸுக்காக இந்த உணவுமுறையை குறுகிய காலத்திற்கு அணுகுவது பலனளிக்காது.

அனைத்துப் புத்தகங்களையும் ஆன்லைனில் வாங்க www.paleocart.com அல்லது 9445951115 என்ற எண்ணில் வாட்ஸப்பில் மட்டும் மெசேஜ் அனுப்பி விவரங்கள் பெறவும். மேலதிக விவரங்களுக்கு எங்கள் ஆரோக்கியம் & நல்வாழ்வு பேஸ்புக் குழுவிற்கு வருகை தரவும். முகவரி: www.Facebook.com/groups/tamilhealth பேலியோ ரெசிபிகளுக்கான பேஸ்புக் குழுவிலும் நீங்கள் இணைந்துகொண்டு பேலியோ சமையல் முறையை எளிதாகக் கற்கலாம் அந்தக் குழுவில் இணைய: https://www.facebook.com/groups/tamilfoods/

சமைக்கத் தெரியாதவர்களும் விரைவாகவும் எளிதாகவும் பேலியோ சமையல் வீட்டிலேயே தயாரிக்க இந்த யு ட்யூப் சானலைப் பார்க்கவும்.

https://m.youtube.com/channel/UCAP-FggYTRd28CGCamD14cw

எல்லாம் சரி இதனால் பலனடைந்தவர்கள் இருக்கிறார்களா? என்று கேள்வி வந்தால் கீழுள்ள குழுவில் சேர்ந்து பலனடைந்தவர்கள் அனுபவங்களைப் படித்து தெளிவுற கீழ்க்கண்ட குழுவில் இணைந்துகொள்ளுங்கள்:

https://www.facebook.com/groups/PaleochangedmyLife/

நீங்கள் புரிந்துகொண்டு பேலியோ முயற்சித்துப் பலனடைந்துவிட்டீர்கள், உங்கள் நண்பருக்கு அறிமுகம் செய்ய விரும்புகிறீர்கள். அவருக்கு தமிழ் தெரியாது. ஆங்கிலம் மட்டுமே தெரியும் என்றால் கீழுள்ள எங்கள் ஆங்கிலக்குழுவில் சேர்ந்து பலனடையவும்.

https://www.facebook.com/groups/Paleo.LCHF.Diet.India/

நீங்கள் நீண்டகால டயபடிக் உள்ளவராக இருப்பின் உங்களுக்கென்று ப்ரத்யோகக் குழுவான இதில் சேர்ந்து உணவுப் பரிந்துரை  பெற்றுக்கொள்ளவும்.

https://www.facebook.com/groups/ancestralfoods/

--

நம் குழுவிற்கென்று ஒரு வெப்சைட் இருக்கிறது, அதிலும் நீங்கள் உங்கள் ரத்தப் பரிசோதனை ரிசல்ட்களை நிரப்பி உணவுப் பரிந்துரை பெற முடியும். பரிசோதனை ரிசல்ட்கள் இல்லாத இடங்களை 0 என்று பூஜ்ஜ்யம் கொண்டு நிரப்பி அதற்கான காரணத்தை தெரிவிக்கவும்.

வெப்சைட் முகவரி :  https://www.indiapaleo.com/

ஒருமுறை போஸ்ட் செய்தால் உங்களுக்கு போஸ்ட் அப்ரூவ் செய்து பரிந்துரை கிடைக்க 3 முதல் அதிகபட்சம் 5 நாட்கள் ஆகலாம். காத்திருக்கவும்.

இனி,

நாங்கள் எதற்கும் கட்டணம் வாங்குவதில்லை. தனியாக க்ளினிக் வைத்து  பேலியோ பரிந்துரை செய்வதில்லை. எங்களை சந்திக்கவேண்டிய அவசியம் உங்களுக்கு இல்லை. அனைத்துவிதமான தகவல்களும் குழுவில் இருக்கிறது. பொறுமையுடன் படித்துப் பார்த்தாலே போதுமானது. உங்களுக்கு அதற்கு மேலும் ஒரு மருத்துவர் தேவைப்பட்டால் முதலில் உங்கள் குடும்ப மருத்துவரிடம் கலந்தாலோசிக்கவும். அவருக்கு பேலியோ பற்றி தெரியாவிட்டால் குழுவை அறிமுகம் செய்யவும். உங்கள் உடல் உபாதைகளுக்கு பேலியோ என்பது உதவக் கூடிய உணவுமுறையாக இருந்தாலும், பேலியோ என்பது மருந்தோ, மருத்துவமோ அல்ல. உங்களுக்கு வரும் பிரச்னைகளுக்கு பேலியோ உணவுமுறையை சந்தேகப் பட்டு கேள்விகேட்காமல் உங்கள் மருத்துவரைச் சந்தித்து வைத்தியம் பார்க்கவும்.

பேலியோ முயற்சிக்கக்கூடாத மக்கள்:

ரத்தப் பரிசோதனை செய்யாமல் பேலியோ முயற்சிப்பவர்கள்.

நீண்டகால டயபடிக்கிற்கு / ப்ளட் ப்ரஷருக்கு சரியான வைத்தியம், மருந்துகள் உண்ணாமல் கிட்னிபிரச்னை இருப்பவர்கள்.

டயலிஸிஸ் செய்பவர்கள்.

ஓப்பன் ஹார்ட் சர்ஜரி, ஸ்டெண்ட் வைத்தவர்கள்.

பேலியோ பற்றி அடிப்படைப் புரிதல் இல்லாதவர்கள்.

வெறும் வெயிட்லாஸுக்காக அணுகுபவர்கள்.

படித்து புரிந்துகொள்ள நேரமும், பொறுமையும் இல்லாதவர்கள். இட்லி, தோசை, பரோட்டா, பிரியாணி, பேக்கரி உணவுகள், ஐஸ்க்ரீம், இனிப்புகள் சாப்பிட்டால் ஹார்ட் அட்டாக், கிட்னி பிரச்னைகள், மாதவிடாய் பிரச்னைகள், உடல் பருமன் வராது, பேலியோ சாப்பிட்டால் மட்டுமே இவை எல்லாம் வரும் என்று திடமாக நம்புபவர்கள் தயவு செய்து பேலியோவை முயற்சிக்கவேண்டாம் என்று கேட்டுக்கொள்கிறோம்.

இறுதியாக, குழுவில் உங்களுக்கு யார் மீதாவது புகார் இருந்தாலோ, உங்களை யாரேனும் இன்பாக்ஸில் தொந்தரவு செய்தாலோ, அனாவசியமாக எதையாவது விற்பனைசெய்ய அணுகினாலோ நீங்கள் புகார் அளிக்கவேண்டிய முகவரி:

neander2100@gmail.com

புகார்கள் ஆதாரப் பூர்வமானதாக இருப்பது அவசியம். உங்கள் ரகசியம் காக்கப்படும், மேலே உள்ள முகவரிக்கு டயட் சார்ட், பேலியோ சந்தேகங்கள் கேட்பது தவிர்க்கவேண்டும்.

தேவையில்லாத அநாகரீகமான ஆதாரமற்ற புகார்கள், மருத்துவர்கள் பற்றி, அட்மின்கள் பற்றி, தன்னார்வலர்கள் பற்றிய சில்லறைத்தனமான புகார்கள், போஸ்ட்கள், கமெண்ட்களுக்கு அனுமதி இல்லை, அப்படிச் செய்பவர்கள் குழுவிலிருந்து நிரந்தரமாக நீக்கப்படுவார்கள். உங்கள் புகார்கள் யார் மீது இருப்பினும் மேலே உள்ள மின்னஞ்சலில் ஆதாரத்துடன் அனுப்பவும்.

டயட் துவங்கியவுடன் தினம் குழுவில் என்ன நடக்கிறது என்பதைப் படிக்கவேண்டும். தினம் சாப்பிடும் உணவுகளை ஒரு டைரியில் குறித்துவரவேண்டும். பரிந்துரைக்கப்பட்ட உணவுகளை சரியாக உண்ணவேண்டும். நடைப்பயிற்சி , சன்பாத் போன்றவைகள், சப்ளிமெண்ட்கள் முக்கியம்.

உங்கள் டோக்கன் எண், உங்கள் போஸ்ட் எப்படி சேமிப்பது போன்ற தகவல்கள் உங்கள் போஸ்டில் தரப்பட்டிருக்கும் கவனமாக அதை குறித்துக்கொண்டு மேலதிக சந்தேகங்களை இதே போஸ்டில் மட்டுமே கேட்கவும். உங்களுக்கு ஏற்படும் அனைத்து உடல் பிரச்னைகளுக்கும் உங்கள் மருத்துவரை மட்டும் அணுகவும். சிகிச்சை பெறவும்.

வாழ்க கொழுப்புடன்,

நன்றி.

பேலியோவுக்கு முன்பு நீங்கள் அறிந்துகொள்ளவேண்டியவை.. Before you try paleo..

வணக்கம்.

பேலியோ உணவுமுறையை எப்படியோ அறிந்துகொண்டு அதனை முயற்சிக்கும் முன்பாக நீங்கள் அறிந்துகொள்ளவேண்டிய சில முக்கிய விவரங்கள்.

இது ஒரு எளிய உணவுமுறை. ஆனால் இதன் சித்தாந்தம் நீங்கள் வழக்கமாக உண்ணும் முறைகள் மற்றும் அறிந்த ஆரோக்கியக் குறிப்புகளிலிருந்து வேறுபடும். அதனை முழுவதுமாக அறிந்துகொள்ள நீங்கள் எங்கள் குழுவின் புத்தகங்களைப் படித்து தெளிவாக அறிந்துகொள்ளவேண்டியது அவசியம்.

கீழுள்ள தளத்தில் ஆன்லைனில் இந்தப் புத்தகங்கள் விற்பனைக்குக் கிடைக்கும்.

www.paleocart.com

இதை காசுகொடுத்து வாங்கினால்தான் உங்களுக்கு இந்த உணவுமுறையைப் பின்பற்றமுடியும் என்ற கட்டாயமில்லை. இவை அனைத்தும் எங்கள் பேஸ்புக் குழுவிலும் இலவசமாகப் படிக்கக் கிடைக்கும். ஆயிரக்கணக்கான பதிவுகளில் அவற்றைத் தேடுவது சிரமமாக இருக்கும் என்று கருதுபவர்களுக்கும், பேஸ்புக் பழக்கமில்லாதவர்களுக்கும், இந்த உணவுமுறையை புதியவர்களுக்கு அறிமுகப்படுத்த விரும்புபவர்களுக்கும் நாங்கள் புத்தகமாக வெளியிடுகிறோம்.

தமிழில் பேலியோ பற்றி விரிவாகவும் அறிவியல் ரீதியாகவும் எந்தக் கட்டணமுமின்றி இலவசமாக அறிந்துகொள்ள இருக்கும் ஒரே ஒரு பேஸ்புக் குழுமம் எங்கள் ஆரோக்கியம் & நல்வாழ்வுக் குழுமம் மட்டுமே. கீழுள்ள லிங்கில் நீங்கள் நுழைந்து எங்கள் குழுமத்தில் இணைந்து பேலியோ பற்றி முழுவதும் அறிந்து, தெளிந்து இந்த உணவுமுறையைப் பின்பற்றிப் பலனடையவும். எங்களுக்கு வாட்ஸப் துவங்கி வேறு எதிலும் கிளைகள், ஆலோசனைகள் இல்லை. 3 லட்சத்திற்கும் அதிகமான உறுப்பினர்களையுடைய எங்கள் குழும முகவரி கீழே.

www.facebook.com/groups/tamilhealth

குழுவில் நாங்கள் இந்த உணவுமுறைக்காக ரத்தப் பரிசோதனைகள் கட்டாயமாக்குகிறோம். கீழுள்ள மூன்று பரிசோதனை நிலையங்களில் நீங்கள் பேலியோ துவங்குவதற்கு முன்பான ரத்தப் பரிசோதனைகளை எடுக்கலாம். மிகக் குறைந்த விலையில் குழுவினருக்காக இந்த டெஸ்ட்கள் செய்து தருகிறார்கள். மீண்டும், இந்த லேபுகளில்தான் நீங்கள் டெஸ்ட் எடுக்கவேண்டும் என்பது கட்டாயமில்லை. நாங்கள் கேட்கும் டெஸ்ட்கள் அனைத்தையும் நீங்கள் உங்களுக்கு விருப்பப்பட்ட லேபுகளில் எடுக்கலாம்.

கொழுப்பு உணவுகள் ஆபத்தானவையா? ஒரு விளக்கம். By Neadner Selvan.

கொலஸ்டிரால் உடலுக்குக் கெடுதலா?

கொழுப்பு, நிறைவுற்ற கொழுப்பு (Saturated fat) போன்ற வார்த்தைகளைக் கேட்டாலே பலரும் பதறுவார்கள். அதிலும் முட்டை, சிகப்பு இறைச்சி (Red meat), பன்றிக்கொழுப்பு, வெண்ணெய் என்றால் அவ்வளவுதான். உடனே வரும் கேள்வி – இவற்றைச் சாப்பிட்டால் மாரடைப்பு வரும் அல்லவா?’

சிகப்பு இறைச்சியும், நிறைவுற்ற கொழுப்பும் இதயத்துக்குக் கெடுதலானவை என்று பலரும் நினைப்பது நம் இதயத்துக்குத் தெரிந்தால், விழுந்து விழுந்து சிரிக்கும். ஏன் எனில், நம் இதயமே மிகப்பெரிய சிகப்பு இறைச்சித் துண்டுதான். முழுக்க முழுக்க சிகப்பு இறைச்சியாலும், நிறைவுற்ற கொழுப்பாலும் ஆனதுதான். இதயம் மட்டுமல்ல, மனித உடலே அப்படித் தான். அதிலும் மனித மூளை என்பது மிகப்பெரிய கொலஸ்டிரால் பந்து. உள் உறுப்புக்களில் மிக அதிக அளவில் கொலஸ்டிராலைத் தேக்கி இருக்கும் மனித உறுப்பு, மூளையே. வேறு எந்த உறுப்புக்களை விடவும் பத்து மடங்கு அதிக கொலஸ்டிரால் நம் மூளையில் உள்ளது.

கொலஸ்டிரால் நம் தோழன். அதிலும் உற்ற தோழன். நம் உயிர் காத்து, ஆண்களுக்கு ஆண்மையையும், பெண்களுக்குப் பெண்மையையும் அளித்து, மாரடைப்பின் பிடியில் இருந்து நம்மைக் காக்கும் தோழன். கர்ணனுக்கு துரியோதனன் போல, அவ்வைக்கு அதியமான் போல, அர்ஜுனனுக்கு கிருஷ்ண பரமாத்மா போல நமக்கு உற்ற நண்பன். கொலஸ்டிரால் இல்லையென்றால் நாம் இல்லை, நம் சந்ததி இல்லை, மனித இனம் மட்டுமல்ல, பாலூட்டிகள் என்கிற இனமே இல்லை.

கொலஸ்டிரால் என்பது பசை மாதிரி உள்ள ஒரு வகைப் பொருள். பலரும் நினைப்பது போல அதில் கலோரி எல்லாம் கிடையாது. கொலஸ்டிரால் உடலுக்குத் தேவையான மிக, மிக முக்கியமான ஒரு மூலப்பொருள். நம் உடல் இயங்க பல ஹார்மோன்கள் அவசியமானவை.

உதாரணமாக ஆண்களுக்கு ஆண்மையை அளிப்பது டெஸ்டோஸ்டிரான் (Testosterone) எனும் ஹார்மோன். இந்த ஹார்மோன்தான் உயிர் அணுக்களை உற்பத்தி செய்யத் தூண்டுகிறது. ஆண்களுக்கு முடி வளர்வது முதல் விந்தணு உற்பத்தி வரை அனைத்துக்கும் மூலக்காரணி டெஸ்டோஸ்டிரான் தான். ஆண்களுக்கு வலிமையை அளிப்பதும் இதுதான். அதனால்தான் பெண்களை விட ஆண்களுக்கு அதிக உடல் வலு உள்ளது.

பெண்களுக்குப் பெண்மையை அளிப்பது ஈஸ்ட்ரோஜென் (Estrogen) எனும் ஹார்மோன். ஈஸ்ட்ரோஜெனால்தான் பெண்கள் வயதுக்கு வருகிறார்கள், மார்பக வளர்ச்சியைப் பெறுகிறார்கள். பெண்களுக்கு, கருமுட்டை வளர்ச்சிக்கு ஈஸ்ட்ரோஜென் ஹார்மோன் அவசியம்.

கொலஸ்டிராலுக்கும் ஹார்மோன்களுக்கும் இடையே உள்ள உறவு வெண்ணெய்க்கும், நெய்க்கும் இடையே உள்ள உறவு போன்றது. அதாவது உடலால் உற்பத்தி செய்யப்படுகிற அனைத்து ஹார்மோன்களுக்கான மூலப்பொருளே கொலஸ்டிரால்தான். உடலில் வேறு எந்த மூலப்பொருள் தட்டுப்பாடு வந்தாலும் ஓரளவு சமாளிக்க முடியும். ஆனால், கொலஸ்டிரால் உற்பத்தி மட்டும் தடைபட்டால் அவ்வளவுதான். பல ஹார்மோன்களின் உற்பத்தி நின்று, உடலே ஸ்தம்பித்துவிடும்.

இத்தனை முக்கிய மூலப்பொருளான கொலஸ்டிராலை, நம் உடல் தானே தயாரித்துக்கொள்ளும் வல்லமையைப் பெற்றுள்ளது. நம் உடலின் ஒவ்வொரு செல்லுக்கும் கொலஸ்டிராலை உற்பத்தி செய்யும் சக்தி உள்ளது. இருப்பினும் நமக்குத் தேவையான கொலஸ்டிராலை நம் உணவு மூலமாகவும் பெறலாம். அதாவது இறைச்சி, முட்டை, பால், மீன் போன்ற உணவுகளில் கொலஸ்டிரால் உண்டு. அதே சமயம் எந்த ஒரு தாவர உணவிலும் கொலஸ்டிரால் கிடையாது.

உடலில் உள்ள ஒவ்வொரு செல்லுக்குள் உள்ள சவ்வை (Membrane) உற்பத்தி செய்ய கொலஸ்டிரால் அவசியமாகிறது. மேலும், ஒவ்வொரு செல்லிலும் நீர் புகாதபடி, ‘வாட்டர் ஃப்ரூப்’ ஆக செல்களைக் காப்பாற்றுகிறது. கொலஸ்டிரால் இல்லையெனில் ஈஸ்ட்ரோஜென் (Estrogen), புரோஜெஸ்டிரான் (Progesterone), டெஸ்டோஸ்டிரான் (Testosterone), அட்ரினலின் (Adrenaline), கார்ட்டிசோல் (Cortisol) ப்ரக்னனோலோன் (Pregnenolone) போன்ற ஹார்மோன்கள் மற்றும் வைட்டமின் டி போன்றவை நம் உடலில் உற்பத்தி ஆகாது.

இதனால் நம் உடல் கொலஸ்டிராலை உற்பத்தி செய்ய அதிக முயற்சி எடுக்கிறது. இத்தனை பணிகளுக்கும் தினமும் 2000 மி.கி. கொலஸ்டிரால் தேவை. அதனால், கல்லீரல் (Liver) நம் உணவில் இருந்து கொலஸ்டிராலை உற்பத்தி செய்வதில் பெரும் ஆற்றலையும், நேரத்தையும் செலவழிக்கிறது.

உணவில் இருந்து கொலஸ்டிராலை நம் உடல் உற்பத்தி செய்வது எளிதான காரியம் அல்ல. அது 30 படிகள் கொண்ட ஒரு வழிமுறை. இதைச் செய்வதால் கல்லீரலுக்கு அதிக வேலை. அதற்குப் பதிலாக, உணவின் மூலமாகவே நம் உடலுக்கு கொலஸ்டிரால் கிடைத்துவிட்டால்? கல்லீரலுக்கு அதிக ஓய்வு கிடைக்கும் இல்லையா! இதனால் அது புரதத்தை ஜீரணம் செய்தல், பைல் ஆசிட் (Bile acid) எனப்படும் ஜீரண ஆசிட்டை உற்பத்தி செய்தல் போன்ற வேறு வேலைகளில் ஈடுபடும்.

ஆக, எத்தனைக்கு எத்தனை கொலஸ்டிரால் நம் உணவில் அதிகமாக இருக்கிறதோ அத்தனைக்கு அத்தனை நம் கல்லீரல் ஆரோக்கியமாகவும், நீண்ட ஆயுளுடனும் இருக்கும்.

உணவின் வழியாக கல்லீரலுக்கு கொலஸ்டிராலைக் கொடுப்பது என்பது தினமும் ஐந்து மணிநேரம் கையால் துணி துவைக்கும் இல்லத்தரசிக்குச் சலவை இயந்திரம் வாங்கிக் கொடுப்பது மாதிரி.

நம் உடலில் உற்பத்தி செய்யப்படும் கொலஸ்டிராலுக்கும் முட்டை, இறைச்சி, வெண்ணெய் போன்றவற்றில் இருந்து கிடைக்கும் கொலஸ்டிராலுக்கும் துளி வேறுபாடு கிடையாது. இரண்டும் ஒன்றே. முட்டையில் உள்ள கொலஸ்டிரால் உடலுக்குக் கெடுதல் என்று சொன்னால், நம் கல்லீரல் மாங்கு மாங்கு என்று உற்பத்தி செய்யும் கொலஸ்டிராலும் கெடுதலானது என அர்த்தம் வரும் இல்லையா? உடலுக்குக் கெடுதல் விளைவிக்கும் பொருளை எதற்காக நம் கல்லீரல் உற்பத்தி செய்யவேண்டும்? கொஞ்சம் யோசியுங்கள்.

நம் உடலுக்குத் தினமும் தேவைப்படும் கொலஸ்டிரால் அளவு - 2000 மிகி. அதாவது கிட்டத்தட்ட பத்து முட்டைகளில் உள்ள அளவு. தினமும் எட்டு முட்டைகள் சாப்பிட்டால், நம் கல்லீரலுக்குச் சுமார் 1600 மி.கி. கொலஸ்டிராலை உற்பத்தி செய்யும் வேலை மிச்சம் ஆகும். மீதமுள்ள நானூறு மி.கி. கொலஸ்டிராலை மட்டும் அது உற்பத்தி செய்துவிட்டு ஹாயாக ஓய்வெடுக்கும். எனவே, கொலஸ்டிரால் உள்ள உணவுகளை உண்டால் ஆபத்து என்று எச்சரிப்பதில் எந்த அர்த்தமும் இருக்கமுடியாது இல்லையா?

ஒரு அமெரிக்கருக்கு அவரது உணவின் மூலம் தினமும் 400 மி.கி. அளவுள்ள கொலஸ்டிரால் கிடைக்கிறது (அமெரிக்க அரசின் பரிந்துரை 300 மி.கி.). இந்திய அரசு, உணவில் தினமும் 365 மி.கி. மட்டுமே கொலஸ்டிரால் இருக்கவேண்டும் எனப் பரிந்துரை செய்கிறது. இந்தப் பரிந்துரைகள் அபத்தமானவை.

முன் எச்சரிக்கை: (இதப் படிங்க மொதல்ல..)

இந்த உணவுமுறை மருத்துவரால்/ டயட்டிசியனால் எழுதபட்டது கிடையாது. சராசரி குடிமகனால் சொந்த அனுபவம், படித்து தெரிந்துகொண்டது ஆகியவற்றின் பேரில் எழுதபட்டது. இந்த உணவுமுறையைத் துவக்குமுன் மருத்துவர் அறிவுரையை கேட்டுகொன்டு பின்பற்றூவது நலம்

இந்த உணவுமுறையால் கொலஸ்டிரால் & எல்டிஎல் ஏறும். சுகர் இறங்கும். பிளட் பிரஷர் கட்டுபாட்டில் வரும். இதற்கான காரணங்கள் தெளிவாக விளக்கப்பட்டுள்ளன. படித்து அறிந்துகொள்ளவும்.

இந்த ரெசிப்பிக்களால் சுகர் இறங்குவதால் அதற்கு தகுந்தபடி சுகர் மாத்திரை அளவை மருத்துவர் அறிவுரையின் பேரில் குறைத்துகொள்வதும், சுகர் லெவலை அடிக்கடி மானிட்டர் செய்து லோ சுகர் ஆகாமல் பார்த்துகொள்வதும் அவசியம்.

இது பொதுவாக சுகருக்கும், எடைகுறைப்புக்கும் எழுதபட்டது. அத்துடன் வேறு எதாவது சிக்கல்கள், வியாதிகள் (உதா: கிட்னி பிரச்சனை) இருந்தால் அம்மாதிரி பிரச்சனைகளை மனதில் வைத்து இது எழுதபடவில்லை. அம்மாதிரி சூழலில் இதை மருத்துவ ஆலோசனை இன்றிப் பின்பற்றவேண்டாம்.

மேலதிக விவரங்களுக்கு எங்கள் பேஸ்புக் குழுமத்திற்கு வருகை தாருங்கள் https://www.facebook.com/groups/tamilhealth/

Saturday, November 23, 2019

Sunday, October 13, 2019

OPOS Paleo, மேஜிக் பாட் என்றால் என்ன? முதல் பாடம்.

Friday, March 2, 2018

ஆரோக்கியம் நல்வாழ்வு குழுவில் பேலியோ முயற்சிப்பவர்களுக்கான வழிகாட்டி.

ஆரோக்கியம் நல்வாழ்வு Facebook Group மூலம் பேலியோ உணவுமுறையைப் பற்றி அறிந்துகொள்ள வந்திருக்கும் உங்களை வரவேற்கிறோம்.

பேலியோவுக்கு முன்பு நீங்கள் அறிந்துகொள்ளவேண்டியவை.. Before you try paleo..

கொழுப்பு உணவுகள் ஆபத்தானவையா? ஒரு விளக்கம். By Neadner Selvan.

Total Pageviews

Blog Archive