டயபடிக் மக்களுக்கான தனிக் குழுமம் பற்றிய விவரம். / Exclusive Paleo group for Diabetic

டயபட்டீஸ் / நீரிழிவு / சர்க்கரை நோயை விரட்ட நியான்டர் செல்வனால் ஆரம்பிக்கப்பட்ட இந்த குழுமத்திற்கு ( https://www.facebook.com/groups/ancestralfoods/ ) அட்மின்கள், மாடரேட்டர்கள் சார்பாக வரவேற்கிறோம். டயபட்டீஸை உங்கள் உடலில் இருந்து விரட்டி, உங்களை ஆரோக்கியமான வாழ்வியல் முறைக்கு அழைத்து செல்வதே குழுவின் நோக்கம். குழுவில் கோப்புகள் பகுதியில் மருத்துவர்கள், சீனியர்களின் அறிவுரைகள் நல்ல தமிழில் உள்ளது. உங்கள் உள்ளுறுப்புகளின் இன்ப்ளமேஷன் எனப்படும் உள்காயத்தை குறைத்து, உங்கள் குருதியில் சர்க்கரை அளவு அதிகரிக்காமல் இருக்க கீழ்க்கண்ட பரிந்துரைகள் கொடுக்கப்படுகிறது. என்ன என்ன உணவு சாப்பிடவேண்டும் என்பது ஆளுக்காள் மாறுபடும் (அதற்கு தைரோகேர் ஆரோக்கியம் 1.4 பேக்கேஜ் எடுத்து அந்த ரிப்போட் அப்லோட் செய்து நீங்கள் டயட் கேட்கவேண்டும்), ஆனால் சில பரிந்துரைகள் அனைவருக்குமானது. அவற்றை கீழே பட்டியலிடுகிறேன்.

சிவராம் அண்ணாவின் உன்னை வெல்வேன் நீரிழிவே புத்தகம் கண்டிப்பாக முழுமையாக படித்திருக்கவேண்டும். செல்வன் ஜி யின் பேலியோ டயட் புத்தகம் படித்திருக்கவேண்டும். மல்லிகை மகள் புத்தகத்தில் நமது குழு சீனியர்கள் எழுதிய கட்டுரைகளின் தொகுப்பு புத்தகம் படித்திருக்கவேண்டும்.

குழுவில் ரிப்போட் அப்டேட் செய்தபின், சீனியர்கள் மருத்துவர்களின் ஆலோசனைக்காக காத்திருந்து, டயட் பெற்று அதன் பின்னர் மட்டுமே பேலியோ தொடங்க வேண்டும். (உதா : யூரிக் ஆசிட் அளவுகள் அதிகம் இருந்தால், ரெட் மீட், கீரைகள் தவிர்க்க சொல்வோம். ஆனால் நீங்களாக டயட் ஆரம்பித்தால் இதை கணக்கில் கொள்ளாமல் ரெட் மீட் சாப்பிட்டு யூரிக் ஆசிட் அளவுகள் மேலும் அதிகரித்து பிறகு எங்களை குறை சொல்வீர்கள்)

தினமும் வைட்டமின் டி: வைட்டமின் டி புரோட்டகாலை பாலோ செய்யவேண்டும். அதாவது சப்ளிமெண்ட்ஸ் எடுக்கவேண்டும். (உங்கள் வைட்டமின் டி அளவுகள் அடுத்த ரிப்போட்டில் சிறப்பாக வரும் வரை. வைட்டமின் டி அளவுகள் 100 இருந்தால் 100 வயது வரை ஆரோக்கியமாக வாழலாம். ஆனால் நான் பார்க்கும் ரிப்போட்டுகளில் பலவற்றில் வைட்டமின் டி 25க்கு குறைவே. சிலருக்கு 10க்கும் குறைவு. 6 கூட பார்த்தேன். அதிக வெய்யில் இருக்கும் நம் நாட்டில் இந்த நிலை என்பது தான் மிகவும் ஆச்சர்யம். ஆக தினமும் மதிய வெய்யிலில் நின்று, அடுத்த ரிப்போட்டில் உங்கள் வைட்டமின் டி அளவு மிக அதிகரிக்குமாறு பார்த்துக்கொள்ளவேண்டும். மதிய வெய்யிலில் (11:30 யில் இருந்து 2 மணி வரை) ஏதாவது ஒரு 20 நிமிடம், தண்ணீர் வைத்துக்கொள்ளவும். அவ்வப்போது தண்ணீர் குடித்துக்கொள்ளவும்.

தினமும் வெய்யிலில் 20 நிமிடம்.
+
சாப்ட்ஜெல்ஸ் டாக்டர்ஸ் பெஸ்ட் வைட்டமின் டி3 - 5000 ஐயு - காலை உணவுக்கு பின் 1 மாத்திரை
வைட்டமின் கே2 - ஜாரோ - காலை உணவுக்கு பின் 1 மாத்திரை (ஜாரோ பார்முலாஸ் எம்.கே7) வைட்டமின் கே2 90 எம்சிஜி
மக்னீசியம் க்ளைசினேட் - சொலாரே - ஒரு மாத்திரை இரவு உணவுக்கு முன்.

தினம் ஒரு ஒமேகா 3 - எப்போது வேண்டுமானாலும் எடுக்கலாம். வெஜிட்டேரியன்கள் கண்டிப்பாக தயங்க கூடாது. 1000 எம் ஜி. டயபட்டீஸ் மக்களுக்கு மிக மிக தேவையானது. நார்வீஜியன் காட் லிவர் ஆயில் என கேட்டு பார்த்து அந்த பிராண்ட் வாங்கவும். எது பெஸ்ட் என விசாரித்து வாங்கவும்.

வைட்டமின் பி 12 குறைபாட்டை போக்க அசைவம் சாப்பிடுபவர்கள் வாரம் ஒருமுறை ஈரல் + ரத்த பொரியல் கண்டிப்பாக சாப்பிடவேண்டும்.

கட்டுப்பாடற்ற சுகர் இருப்பவர்கள் (300க்கு மேல் / 11க்கு மேல்) கண்டிப்பாக வாரத்தில் ஐந்து நாட்கள் 4 கிலோமீட்டர் நடைப்பயிற்சி செய்யவேண்டும். நல்ல கட்டுப்பாட்டில் இருப்பவர்கள், வாரத்தில் 3 நாட்கள் 4 கிலோமீட்டர் நடைப்பயிற்சி செய்யவேண்டும். நடைப்பயிற்சி சீரான ரத்த ஓட்டத்தை கொடுத்து நல்ல ஆரோக்கியத்தை கொடுக்கும். நமது குழுவின் வாக்கிங் ஈவண்டில் சேர்ந்து உங்கள் நடைப்பயிற்சி விவரங்களை தெரிவித்துவாருங்கள் :

பசு மஞ்சள் வைத்தியம் : கொழுப்புணவு சாப்பிட்ட பின், பசு மஞ்சள் வைத்தியம் செய்யவும். ஆர்கானிக் மஞ்சள் பொடி 1 ஸ்பூன் + துளசி இலை 3 + மிளகு தட்டியது 8 + ஒரு சின்ன வெங்காயம் சிறிய துண்டுகளாக வெட்டியது இவற்றை மாத்திரை போல விழுங்கவும், அல்லது கடித்தும் சாப்பிடலாம்.

பூண்டு : தினமும் காலையில் இரண்டு பூண்டுகளை சிறு துண்டுகளாக வெட்டி, பத்து நிமிடம் கழித்து தண்ணீரில் அப்படியே விழுங்கவும்.

லெமன் ஜூஸ் : தினமும் ரெண்டு எலுமிச்சையை ஒரு பெரிய க்ளாஸில் பிழிந்து ஒரு ஸ்பூன் உப்பு போட்டு குடிக்கவும். ஒரே நேரமாக குடிக்க முடியவில்லை என்றால் லெமன் ஜூஸ் வாட்டர் பாட்டில் தயாரித்துக்கொண்டு தாகம் வரும்போதெல்லாம் இதையே குடிக்கவும். பேராதிமனிதனான நம் குழுவின் தலைவர் செல்வன் தினம் 4 லெமன் ஜூஸ் குடிக்கிறார். விருப்பம் இருந்தால் நீங்களும் செய்யலாம்.

ஆப்பிள் சைடர் வினிகர் : உங்கள் குருதியில் ரத்த சர்க்கரை அளவு அதிகரிப்பை 20 சதவீதம் வரை கட்டுப்படுத்தக்கூடியது ஆப்பிள் சைடர் வினிகர். ஒரு கிளாஸில் இரண்டு ஸ்பூன் ஆப்பிள் சைடர் வினிகர் விட்டு, அதில் முழுவதும் தண்ணீர் நிரப்பி, பத்து நிமிடம் வைத்திருந்து உணவுக்கு பின் ஒவ்வொரு வேளையும் அருந்தலாம். ப்ராக் ப்ராண்ட் ரா அண்பில்ட்டர்ட் ஆப்பிள் சைடர் வினிகர் மட்டுமே அருந்தவேண்டும். நார்மல் வினிகர், நார்மர் ஆப்பிள் சைடர் வினிகர் அருந்த கூடாது. இது அந்த நிறுவனத்தின் இணைய தளம் - bragg.com. அனைத்து இ-காம் இணைய தளங்களிலும் ஆப்பிள் சைடர் வினிகர் கிடைக்கிறது. ஆப்பிள் சைடர் வினிகர் எப்படி அருந்துவது என்ற யூடியூப் வீடியோ இது : https://www.youtube.com/watch?v=SmQRpL97ltE

நாட்டு மருந்துகள், நிலவேம்பு பொடி பவுடர் தூள் குச்சி மரம் ஓமியோபதி மருந்துகள் சித்தா யுனானி மருந்துகள் எனக்கு எந்த பலனையும் தரவில்லை. இது என் சொந்த அனுபவம். மேற்கொண்டு இதில் எதுவும் பேசுவதாயில்லை.

டயபட்டீஸ் இருக்கும் பலரிடம் குருதியில் ரத்த சர்க்கரை அளவை அளக்கும் கருவி கிடையாது. நீங்கள் குடும்பமாக சினிமாவுக்கு போகும் செலவு தான் அந்த மெஷின். அக்யூ செக் என்ற பிராண்ட் நன்றாக இருக்கிறது. பேலியோ ஆரம்பித்தப்பின் வாரம் 3 முறையாவது உணவுக்கு முன் ஒரு முறையும், உணவுக்கு பின் இரண்டு மணி நேரம் கழித்து ஒரு முறையும் குருதி பரிசோதனை செய்து பார்த்துவரவும். காலை உணவுக்கு முன் 110க்கு கீழேயும், உணவுக்கு பின் 180க்கு கீழேயும் இருக்கவேண்டும்.

டயபட்டீஸுக்கு இதுவரை எந்த மாத்திரையும் எடுக்காமல் இருப்பவர்கள் தயவு செய்து உங்கள் ரிப்போட்டை ஆங்கில மருத்துவர் - டாக்டர் எம்பிபிஎஸ்ஸிடம் காட்டி டயபட்டீஸுக்கு கொடுக்கப்படும் மருந்துகளை வாங்கி தவறாமல் உண்ணவும். ஒரு மாதம் பேலியோ எடுத்தபிறகு மீண்டும் ஒரு ரிப்போர்ட் எடுத்து, அதே மருத்துவரிடம் காட்டி மாத்திரை அளவுகள் குறைப்பதோ அல்லது முற்றிலும் நிறுத்துவதோ செய்யலாம்.

டயபட்டீஸுக்கு மாத்திரை எடுப்பவர்கள் உங்கள் மாத்திரைகளை நீங்களாக நிறுத்தவேண்டாம். பேலியோ பாலோ செய்து அதன் பின் குருதி பரிசோதனை செய்து மருத்துவரின் அனுமதி பெற்று அதன் பின்னரே மாத்திரைகளை நிறுத்தவேண்டும்.

நான் அப்படித்தான் செய்தேன். மருத்துவர் மெட்பார்மினை நிறுத்தி முழுவதும் டயட் பாலோ செய் என அனுமதி கொடுத்தார். அவர் அனுமதியோடு பேலியோவை கடைபிடித்து குருதி சர்க்கரை அளவுகளை குறைத்து காட்டினேன். நீங்களும் அவ்வாறே செய்க

பெண்கள் கண்டிப்பாக இரும்பு சட்டியில் சமைத்து உண்டால் உங்கள் இரும்பு சத்து குறைபாடு நீங்கும். பெரும்பாலான டயபட்டீக் இருக்கும் பெண்களுக்கு இரும்பு சத்து குறைபாடு கண்டிப்பாக இருக்கிறது என்பதை பல ரிப்போட்களில் பார்க்கிறேன்.

கிழங்கு வகைகள் தவிர்த்துவிடவும். டயபட்டீஸ் முழுதாக குறைந்தபிறகு எடை இழப்பை நிறுத்த தினம் ஒரு உருளைக்கிழங்கு எடுக்கலாம்.

சர்க்கரை வியாதி / நீரிழிவு குறைபாடு உள்ளவர்கள் பால் பொருட்கள் முடிந்த அளவு தவிர்த்துவிடவேண்டும்.

பாத பராமரிப்பு : இரவில் ஈமு ஆயில் போட்டு பாதங்களை மசாஜ் செய்யலாம். பாதங்களில் ஆறாத புண் இருந்தால் உடனே மருத்துவரை அணுகவேண்டும்.

ps:

உங்கள் தைரோகேர் ரிப்போட் குழுவில் இமேஜ் ஆக கொடுக்கலாம். அல்லது உங்கள் மின்னஞ்சலுக்கு வரும் பிடிஎப் கோப்பை அப்படியே அப்லோட் செய்யலாம். தயவு செய்து காத்திருந்து முறையான டயட் பெறவும்.

Credits: Dr.V.Hariharan MBBS, MD. Dr Raja Ekambaram​ Dr Vijayapriya Panneerselvam​ Sivaram Jagadeesan

Link to buy Paleo Books : http://paleo.co.in (you can also buy various products displayed in our meetup events - People want to add their products, do let me know)

புதியவர்களுக்கான பேலியோ ப்ரோட்டோகால் / Paleo Protocol

பேலியோ உணவுமுறை ப்ரோட்டோகால்.
புதியதாகக் குழுவில் பேலியோ உணவுமுறைக்காக அறிவுரை பெற்று உணவுமுறை எடுக்கச் சொல்லி எண்கள் கொடுக்கப்பட்ட அன்பர்கள் இதில் அந்த எண்களில் குறிப்பிட்ட/தரப்பட்ட உணவு முறையை  குழப்பிக்கொள்ளாமல், வேறு எதையும் சேர்க்காமல் அப்படியே உண்ணவும்.

பேலியோ பற்றிப் புரியாமல், யாரையோ பார்த்து, எதையோ படித்து இந்த உணவுமுறையை தயவு செய்து முயற்சிக்கவேண்டாம். நமது குழுவில் இதற்கான பல விவரங்கள் இருக்கிறது. பேலியோ உணவுமுறை, எப்படி சமைப்பது, எப்படி இந்த உணவுமுறை வேலை செய்கிறது துவங்கி பல விவரங்கள் குழு புத்தகங்களை வாங்கிப் படித்தாலும் புரியும், இணைய வசதிகள், மொபைல் அல்லது, கம்ப்யூட்டரில் படிக்க சிரமமாக இருப்பவர்கள் புத்தகங்கள் வாங்கிப் படித்து நன்றாக அறிந்துகொன்டு இந்த உணவுமுறையைத் துவங்கவும். 

புத்தகங்கள் இந்தியாவில் ஆன்லைனில் வாங்க -  www.paleocart.com
மின்புத்தகமாக கிண்டிலில் வாங்க : http://paleocart.com/kindle-ebooks/  

எச்சரிக்கை :
பேலியோ உணவு முறை என்றால் என்ன என்று தெரியாதவர்கள் இந்த லிங்கைப் படித்துப் புரிந்துகொண்டு மேற்கொண்டு தொடரவும்.
http://paleogod.blogspot.in/2016/03/blog-post.html

 

இந்த உணவு முறையை  துவங்கும் முன்பாக நீங்கள் கண்டிப்பாக எடுக்கவேண்டிய ரத்தப் பரிசோதனை பற்றிய விவரம்.
http://paleogod.blogspot.in/2016/10/basic-blood-test-details.html

இந்த உணவுமுறைக்கு முன்போ, பின்போ அல்லது இந்த உணவுமுறையை நீங்கள் கைவிட்ட பிறகோ உங்கள் உடலில் ஏற்படும் எந்த சிறிய பிரச்னையாக இருப்பினும் உடனடியாக உங்கள் குடும்ப மருத்துவரைக் கலந்தாலோசித்து சிகிச்சை பெறவும். கொழுப்பு சாப்பிட்டதால் நமக்கு பிரச்னை வந்திருக்குமோ என்று இதுவரை நீங்கள் குற்ற உணர்ச்சியே இல்லாமல் அடித்த சரக்கு, தம், பாக்கு, மருந்துகள் சரியாக எடுக்காமல் விட்டது, பேலியோவில் சகட்டுமேனிக்கு செய்த சீட்டிங்குகள், குடும்ப ஜெனடிக் பிரச்னைகளை எல்லாம் சாய்ஸில் விட்டுவிட்டு கொழுப்புணவுகள் மீது சந்தேகம் கொள்ளுபவராக இருப்பின் நீங்கள் பேலியோவை முயற்சிக்காது இருப்பதே நல்லது.

  
சைவம், அசைவ உணவு முறையை எடுப்பவர்களுக்கான பொதுவான உணவுகள் / குறிப்புகள் :
காலை எழுந்தவுடன், பல் துலக்கிவிட்டு வெதுவெதுப்பான நீர் இரண்டு கப் அருந்தவும். பின்னர் வெது வெதுப்பான நீரில் ஒரு எலுமிச்சையைப் பிழிந்து, தேவையான அளவு உப்புப் போட்டுக் குடிக்கவும். இதை ஒரு நாளில் மூன்று வேளை அருந்தலாம். பால், காபி, டீக்கு சிறந்த மாற்று இது. உடலுக்கும் நல்லது. குறிப்பாக HsCrp எண்கள் அதிகமாக இருப்பவர்கள், இருதயப் பிரச்சனை இருப்பவர்கள் தவறாமல் தினம் அருந்தவும்.

முதல் வாரம் பசி அதிகம் இருப்பது போல இருக்கும், தலை வலிக்கும், உடல் சோர்வு இருக்கும். டயபடிக் இருப்பவர்களுக்கு தடாலடியாக சர்க்கரை அளவுகள் குறையலாம். வீட்டிலேயே சர்க்கரை அளக்கும் கருவி வாங்கி வைத்துக்கொண்டு சாப்பிடும் முன் ரத்த சர்க்கரை அளவு, சாப்பிட்ட பின் இரண்டு மணி நேரம் கழித்து , ரத்த சர்க்கரை அளவுகள் குறித்து வரவும். 30 நாட்களாவது இதை நீங்கள் சரியாகக் குறித்துவந்தால் எந்த உணவு உங்கள் ரத்த சர்க்கரை அளவை அதிகரிக்கிறது என்பது எளிதில் உங்களுக்குப் புரியவரும். குறிப்பாக ருசிக்கு ஆசைப்பட்டு நீங்கள் உண்ணும் ஒரே ஒரு பிஸ்கட் / பஜ்ஜி / பழம் எந்த அளவிற்கு உங்கள் ரத்த சர்க்கரை அளவை ஏற்றுகிறது என்பது உங்களுக்கே புரியவரும். உணவுமுறையுடன்  சுகருக்கான மாத்திரைகள் எடுப்பவராக இருந்தால் உங்களுக்கு லோ சுகர் வரலாம். உங்கள் மருத்துவரைப் பார்த்து மருந்துகள் குறைக்க / நிறுத்தவேண்டும். ஒரு பிபி மெசினும் வீட்டில் வைத்திருந்தால் தினம் பிபி அளவுகள் குறித்துவைத்து அது நார்மலாகும்பொழுது மருத்துவரைப் பார்த்து அந்த மருந்துகளையும் குறைக்க / நிறுத்த வேண்டும். எடை அளக்கும் கருவியில் தினம் குறிப்பிட்ட நேரத்தில்(காலை எழுந்து பல் துலக்கி, காலைக் கடன் முடித்த பிறகு) எடை பார்த்து குறித்து வரவும். 6 மாதம் முதல் 1 வருடம் வரை உணவு முறையை  சரியாக எடுத்தால் மட்டுமே உடலில் உள்ள கெட்ட கொழுப்பு எடை கரையும். ஒழுங்காக சீட்டிங் இல்லாமல் சொல்லப்பட்ட உணவு முறையை எடுக்கும் அன்பர்கள், மூன்று மாதங்களுக்குப் பிறகே ஏன் எடை குறையவில்லை என்பதைப் பற்றிக் கவலைப்படவும். பெண்கள், தைராய்டு பிரச்சனை இருப்பவர்களுக்கு எடை குறைய நேரம் எடுக்கும்.

தைராய்டு மற்றும் வேறு சிக்கல்களுக்கு மருந்துகளை நிறுத்தாமல் எடுக்கவும். மூன்று மாதங்களுக்குப் பிறகு மீண்டும் டெஸ்ட் எடுத்து தைராய்டு அளவுகள் பார்த்து மருந்துகள் அளவு குறைத்துக்கொள்ளலாம்.

மலச்சிக்கல் உள்ளவர்கள் - திரிபலா சூர்ணம் என்று மருந்துக்கடைகளில் விற்க்கப்படும் மருந்தை பொடி அல்லது மாத்திரை வடிவில் வாங்கி தினம் காலை , இரவு உணவிற்குப் பிறகு பொடியாக இருப்பின் ஒரு சிறிய ஸ்பூன், மாத்திரையாக இருப்பின் ஒரு மாத்திரை எடுக்கலாம். தினம் கீரையை உணவில் சேர்ப்பது, இரவில் பழுக்காத கொய்யாவை 1-2 உண்பது, 3.5-4 லிட்டர் நீர் அருந்துவது, உணவில் சரியான அளவு கொழுப்பு சேர்ப்பது போன்றவைகள் மலச்சிக்கலிலிருந்து விடுதலை தரும்.

பட்டர் டீ / பட்டர் காபி என்பதை ஒரு முழு உணவாகக் கொள்ளாமல் பசி எடுத்தால் எடுக்கக் கூடிய ஒரு ஸ்னாக்காக மட்டுமே கருதி எடுக்கலாம்.

ஒரு நாளில் உங்கள் குறைந்தபட்ச உணவு 1200 கலோரிகள் வரும்படி பார்த்துக்கொள்ளவும். குறிப்பாக சைவர்கள் ஒரு வேளை பட்டர் டீ / ஒருவேளை காய்கறி / ஒருவேளை பாதாம் அல்லது பனீர் என்று எடுப்பது தவறு. அசைவர்கள் இருவேளை முட்டை / ஒருவேளை பட்டர் டீ அல்லது காய்கறி போன்று எடுப்பதும் தவறு. பரிந்துரைக்கப்பட்ட உணவு முறையை  மட்டும் குழப்பிக்கொள்ளாமல் எடுக்கவும். 

பால் சிலருக்கு ரத்த சர்க்கரை அளவுகளை ஏற்றினால் பாலை முற்றிலும் நிறுத்துவது நல்லது. பால் பொருட்கள் எடுக்கலாம். உதாரணமாக சீஸ், வெண்ணெய், பனீர், மோர், தயிர் போன்றவைகள்.

ப்ரீ ரேஞ்ச் எனப்படும் புல் மேய்ந்த மாட்டுப் பால், இறைச்சி, நாட்டுக் கோழி, முட்டை, ப்ராசஸ் செய்யப்படாத இறைச்சிகள் போன்றவற்றை மட்டுமே உண்ணச் சொல்கிறோம். ப்ரீ ரேஞ்ச் கிடைக்காதவர்கள் ப்ராய்லர் உண்ணலாம். ப்ராசஸ்ட் இறைச்சிகள் / சோயா / ப்ரிசர்வேட்டிவ் செய்யப்பட்ட உணவுகள் / ரெடி டு குக் போன்ற உணவுகள் தவிர்க்கப்படவேண்டும்.

இனிப்பு அனைத்து வகைகளும் தவிர்க்கவும். பழங்களில் அவகோடா / பழுக்காத கொய்யா / எலுமிச்சை / பெரிய நெல்லிக்காய் போன்றவைகள் உண்ணலாம். மற்ற பழங்கள் துவக்க நிலையில் ரத்த சர்க்கரை அளவுகளை ஏற்றும் என்பதால் தவிர்க்கச் சொல்கிறோம். ஜூஸ் அறவே தவிர்க்கவும்.

பேக்கரி உணவுகள், பொரித்த உணவுகள், வெளி இடங்களில் விற்பனை செய்யப்படும் ஜங்க் புட் எனப்படும் உணவுகள், பாஸ்ட் புட் உணவுகள் அனைத்தும் விலக்கவும்.

காபி / டீ / ஹார்லிக்ஸ் / பூஸ்ட் / சாராயம் / சிகரெட் / பீடி / ப்ரோட்டீன் பவுடர் / ட்ரின்க்ஸ் / சோயா சேர்த்த அனைத்து உணவுகள் விலக்கவும். குறிப்பாக தைராய்ட் உள்ளவர்கள் கோதுமை / சோயாவினை வாழ்க்கையில் மறந்துவிடுவதும் உங்கள் குழந்தைகளுக்கு கொடுக்காமல் இருப்பதும் நல்லது.

வழுக்கையுடனான இளநீர் / நுங்கு போன்றவைகள் எப்பொழுதாவது உண்ணலாம். அடிக்கடி வேண்டாம். அதிக ரத்த சர்க்கரை இருப்பவர்கள் தவிர்க்கவும்.

01.  பேலியோ ஸ்டார்டர் உணவு முறை  / பேலியோ துவக்க நிலை உணவு முறை / வெஜ் & நான் வெஜ்.

சைவம் , அசைவம் உணவு முறை லிஸ்டில் கொடுக்கப்பட்டவைகளை கலந்து சாப்பிடலாம். தவறில்லை. உதாரணம் : ஒருவேளை சைவம், ஒருவேளை அசைவம், முழு நாள் சைவம், முழு நாள் அசைவம்.


சைவ பேலியோஉணவு முறை:

மீல் 1: 100 கிராம் பாதாம் அல்லது பிஸ்தா அல்லது வால்நட்ஸ். பாதாம் விலை அதிகம் எனக் கருதுபவர்கள் 3 மாதங்களுக்காகவது இதை ஒருவேளை உணவாக எடுத்துக்கொள்வது நல்லது. இதிலுள்ள மக்னீசியம் மற்றும் மற்ற விட்டமின்கள் உணவுமுறையில் உடலுக்குத் தேவையான சத்துக்களை அளிக்கிறது. பசி தாங்கும் ஒரு உணவாகவும் இருக்கிறது. இந்த பாதாமை 24 மணி நேரம் தண்ணீரில் ஊறவைத்து அந்தத் தண்ணீரையும் மூன்று நான்கு முறை மாற்றிப் பின்னர் அதை சிறிது நேரம் உலறவைத்து, நெய்யில் தீயாமல் வதக்கி பின்னர் உண்ணவும். அளவு 100 நம்பர்கள் பாதாம் இதன் எடை கூடக் குறைய 100 கிராம் இருக்கும். ஆக, பாதாம் 100 நம்பரா? கிராமா என்று குழம்பவேண்டாம். 100 நம்பர்கள் உண்ண முடியவில்லை என்றால் வயிறு நிரம்ப உண்ணவும். அது 75 நம்பர் பாதாமாக இருந்தாலும் பரவாயில்லை. பாதாம் உண்ணும் முன்னும், உண்ட பின்பும் 2 மணி நேரங்கள் தண்ணீர் தவிர வேறு உணவுகள் உண்ணவேண்டாம். அதன் சத்துக்களை பாதாம் சேரவிடாது என்பதாலேயே இதைச் சொல்கிறோம். பாதாம் பச்சையாக சாப்பிட்டால் அல்லது நல்ல க்வாலிட்டியாக இல்லாமல் இருந்தால் வயிற்று வலி / பேதி போன்றவைகள் வரலாம். வேறு பாதாம் வாங்கி முயற்சிக்கலாம்.


மீல் 2: காளிபிளவர் அரிசி வித் காய்கறி. காளிபிளவரை மிக சின்ன அரிசி சைஸ் துண்டுகளால்க நறுக்கி இட்டிலி பாத்திரத்தில் ஸ்டீம் செய்து எடுத்து அரிசி போல் பாவித்து பருப்பில்லாத குழம்பில் ஊற்றி உண்ணவும் அல்லது காய்கறி சூப் ஏராளமாக பருகவும். உடன் சிறிது தேங்காய். வாரம் 1 நாள் 40 கிராம் கைகுத்தல்/குதிரைவாலி அரிசி எடுத்து சமைத்து உண்ணலாம். அதற்கு மேல் வேண்டாம். ஒவ்வொருமுறை காய்கறி உணவாக எடுக்கும்பொழுது 30-40 கிராம் வெண்ணெய் அதனுடன் சேர்த்து உண்ணவும். கொழுப்பு என்பது ஒவ்வொரு உணவிற்கும் தேவை என்பதாலேயே இது சொல்லப்படுகிறது. சைவர்களுக்கு கொழுப்பு உணவு மூலம் கிடைக்கும் வழிகள் குறைவு என்பதால் சொல்லப்படும் விஷயங்களை கவனமாகப் பின்பற்றவும்.

மீல் 3:   பனீர் டிக்கா. 200 கிராம் பனீரை நெய்யில் வதக்கி டிக்கா அல்லது உங்கள் விருப்பம் போல வீட்டில் தயாரித்த மசாலா கொண்டு சமைத்து உண்னவும்.

ஸ்னாக்: 1 கப் முழு கொழுப்பு உள்ள பால்/தயிர். தினம் 100 கிராம் கீரை (எல்லா வகைக் கீரைகளும் உண்ணலாம்) சேர்த்துகொள்ளவும்.

சமையல் எண்ணெய் நெய்/பட்டர்/செக்கில் ஆட்டிய தேங்காய் எண்ணெய்/செக்கில் ஆட்டிய நல்லெண்ணெய் / வசதி இருந்தால் ஆலிவ் ஆயில் மட்டுமே. எண்ணெயை கொதிக்க வைக்கக் கூடாது, உயர் வெப்பத்தில் காய்ச்சக் கூடாது, எந்த உணவையும் பொரித்து உண்ணக்கூடாது. இனிப்பு எந்த வடிவிலும் (தேன், கருப்பட்டி, சுகர்ப்ரீ, வெள்ளை சர்க்கரை, நாட்டு சர்க்கரை, வெல்லம், ஸ்டீவியா, இன்னபிற கூடாது.)

முதல் வாரம் உடல் சோர்வு, தலைவலி,


முட்டை சேர்த்த சைவ டயட் உங்கள் விருப்பமாக இருந்தால் மேலே சொன்னவற்றில் ஒரு உணவாக 4-5 முட்டைகள் சேர்த்துக்கொள்ளவும்.

02. அசைவ பேலியோ டயட்:

மீல் 1:

3 முட்டை ஆம்லட். முழு முட்டை. வெள்ளைக்கரு அல்ல. மஞ்சள் கருவும் சேர்த்து. தேவைப்பட்டால் 4 முட்டை ஆம்லட் கூட உண்ணலாம். பிரச்சனை இல்லை. பசி அடங்குவது முக்கியம். சமையல் எண்ணெய் நெய். நாட்டுகோழி முட்டை மிக சிறப்பு. முட்டையை ஸ்க்ராம்பிள், ஆஃப்பாயில், புல்பாயில் என எப்படியும் உண்ணலாம்.

மீல் 2:
பேலியோ காய்கறிகள் பொரியல் அல்லது சாலட் செய்து அதனுடன் 30கி வெண்ணெய் அல்லது சீஸ் சேர்த்து உண்ணவும். கண்டிப்பாக ஒருவேளை காய்கறிகளை உணவாக உட்கொள்ளவேண்டும். கீரை ஒரு கப் தனியாக உண்ணவேண்டும். காய்கறிகள், கீரை தவிர்த்த இரண்டு வேளை முட்டை, மூன்று வேளை இறைச்சி உணவுகள் பிரச்னைகளைத் தரும், கண்டிப்பாக அது இங்கே பரிந்துரைக்கப்படுவதில்லை. 



மீல் 3:

பாயில் / க்ரில் செய்த சிக்கன்/மட்டன்/ மீன். அளவு கட்டுபாடு இல்லை. வாணலியில் வறுத்தால் சமையல் எண்னெயாக நெய் பயன்படுத்தவும்.

ஸ்னாக்: தினம் 1 கப் முழு கொழுப்பு உள்ள பால் அல்லது 50 கிராம் முழு கொழுப்பு உள்ள சீஸ்

அசைவ டயட் எடுப்பவர்கள் லீன் கட் எனப்படும் கொழுப்பு நீக்கப்பட்ட இறைச்சிகளைத் தவிர்க்கவும், மூன்று வேளை அல்லது இரண்டு வேளை அல்லது 5க்குமேல் ஒர் நாளில் முட்டை உண்பதையும் தவிர்க்கவும். கொழுப்புள்ள இறைச்சி பாகங்களே உணவில் பிரதானமாக இடம்பெறவேண்டும்.

03. HsCrP Herbs / ஹெச் எஸ் சி ஆர்பி மூலிகைகள். (இருதயப் பிரச்சனை உள்ளவர்கள் / அல்லாதவர்கள் அனைவரும் உண்ணலாம்.)

இரண்டு பற்கள் பூண்டு, இரண்டு துளசி இலைகள் (கர்பம் தரிக்க முயற்சிப்பவர்கள் துளசியைத் தவிர்க்கவும்) , இரண்டு மிளகு, பசு மஞ்சள் அரை அங்குலம் அளவு / பசு மஞ்சள் கிடைக்காதவர்கள் மஞ்சள் தூள் மூன்று ஸ்பூன் அளவு மூன்று வேளை நீங்கள் உண்ணும் உணவின் மேலே பச்சையாகத் தூவி உண்ணவும். போன்றவற்றை அப்படியே இடித்து சமைக்காமல் காலை உணவிற்குப் பின் உண்டு வரவும். இது HsCrP அளவைக் குறைக்க உதவும்.

04. சன் செஷன் / விட்டமின் டி சப்ளிமென்ட்:

 

Dminder App ஆன்ட்ராய்ட் / ஆப்பிள் போன்களில் டவுன்லோடு செய்து அந்த ஆப்பில் உங்கள் விவரங்களை உள்ளீடு செய்து தினம் 11.30 மணி முதல் 12.30 மணி வரை உள்ள வெயிலில் உடலில் அதிக இடங்களில் தோலில் நேரடியாக வெயில் படுமாறு நிற்கவும். தோலில் எண்ணெய் / க்ரீம் / லோஷன் போன்றவைகள் தடவக் கூடாது. தலைக்கு தொப்பி அல்லது கனமான துணி அணிந்து பாதுகாத்துக்கொள்ளவும், கண்களுக்கு கூலர்ஸ் அணிந்துகொள்ளவும். வெயிலில் இந்த நேரத்தில் நிற்பது மட்டுமே இயற்கையாக விட்டமின் டி உடலுக்குக் கிடைக்க உதவும். வெயிலில் நிற்பதற்கு முன்பும் பின்பும் நீர் அல்லது உப்பிட்ட லெமன் ஜூஸ் அருந்தலாம். வெயில் தோலில் பட்டால் அலர்ஜி / ரேஷஸ் வருபவர்கள் சிறிது சிறிதாக உடலை வெயிலுக்குப் பழக்கவும். ஒரு வாரத்தில் உடல் வெயிலுக்குப் பழகிவிட்டால் இந்தப் பிரச்சனைகள் வராது. குறைந்தது 10 முதல் 15 நிமிடங்கள் வெயிலில் நிற்கவும்.

வெயில் இல்லாத ஊரில் வசிப்பவர்கள் / வெயிலில் நிற்க முடியாதவர்கள் விட்டமின் டி3 கேப்ஸூல் உங்கள் மருத்துவரைக் கலந்தாலோசித்து எடுக்கவும். விட்டமின் டி அளவு 10க்கும் கீழ் உள்ளவர்கள் 60000 IU என்ற அளவில் உள்ள கேப்சூலை வாரம் ஒன்று என்ற அளவில் 3 மாதங்கள் எடுக்கலாம் உங்கள் மருத்துவரைக் கலந்தோலோசித்து மட்டும் சப்ளிமென்ட்கள் உண்ணவும். நல்ல பிராண்டு எது என்று ஆராய்ந்து அது விட்டமின் டி3 கேப்ஸூல்தானா என்று உறுதிசெய்து வாங்கி எடுக்கவும். டயபடிக் உள்ளவர்கள் கண்டிப்பாக விட்டமின் டி அளவை ஏற்றுவது சுகர் அளவுகள் குறைய உதவும்.

05. தினம் குடிக்கவேண்டிய தண்ணீர் அளவுகள்:

பேலியோவில் உடலில் உள்ள நீர் எடைதான் முதலில் குறையும். தானியங்கள் உண்பது நிறுத்தப்படும்பொழுது உடல் நீர் இழப்பு ஏற்படும், ஆக தினம் 3.5 லிட்டர் முதல் 4 லிட்டர் சாதாரண அறை வெப்ப நீர் அல்லது வெதுவெதுப்பான நீர் மட்டும் அருந்தவும், ஐஸ் வாட்டர் தவிர்க்கவும். கண்டிப்பாக இந்த நீர் அளவை தினம் அருந்தவும்.

06. நடைப் பயிற்சி / உடற்பயிற்சி/தூக்கம்:

தினம் குறைந்தபட்சம் நடக்கவேண்டிய அளவு 3000 ஸ்டெப்ஸ். இதை சிறிது சிறிதாக அதிகரித்து ஒரு நாளில் 10000 ஸ்டெப்ஸ் நடக்க முடிந்தால் நீங்கள் ஆரோக்கியப் பாதைக்குள் அடி எடுத்து வைத்துவிட்டீர்கள் என்று அர்த்தம். மெது நடை போதும். சாப்பிட்டு இரண்டு மணி நேரம் கழித்து அல்லது இரண்டு மணி நேரம் முன்பாக நடக்கலாம். காலை / மாலை என்று உங்கள் விருப்பப்படி நடக்கவும். தினம் 7 மணி நேரம் குறைந்த பட்ச உறக்கம் அவசியம். குறிப்பாக
HsCrP எண்கள் அதிகம் இருப்பவர்களுக்கு நல்ல தூக்கம் அவசியம். உடற்பயிற்சி / ஜிம் போன்றவைகள் அறிந்தவர்கள் அதையும் முயற்சிக்கலாம். எடைப் பயிற்சிகள் உடல் எடை குறைப்புக்கு உதவும். மேலதிக உடற்பயிற்சி விவரங்களுக்கு இந்த லிங்கில் உள்ள வீடியோக்களைப் பார்க்கவும்.

07. இரும்பு சத்து குறைபாடு / ஹீமோக்ளோபின் எண்கள் குறைவானவர்கள் மற்றும் அனைவருக்கும் :

இரும்பு சட்டி வாங்கி அதில் முடிந்த அளவு எல்லா சமையல்களையும் செய்யவும். முருங்கைக் கீரை, காய் உணவில் அதிகம் சேர்க்கவும். பெரிய நெல்லிக்காய் பச்சையாக தினம் இரண்டு உண்ணவும்.

அசைவர்கள் வாரம் ஒருமுறை உள்ளுறுப்பு உணவுகளை எடுக்கவும் குறிப்பாக ஈரல். (ப்ராய்லர் கோழி / செம்மறி ஆட்டு ஈரல்கள் தவிர்க்கவும்)

ரத்தப் பொரியல் போன்றவைகளும் எடுக்கலாம். வேறு வழியே இல்லாதவர்கள் மருத்துவரைக் கலந்தாலோசித்து நல்ல அயர்ன் சப்ளிமென்ட்கள் எடுக்கலாம்.

08. மூட்டுகளில் வலி உள்ளவர்கள் மற்றும் தேவைப்படும் அனைவருக்கும்:

இஞ்சி வாங்கி அதில் டீ செய்து அடிக்கடி எடுக்கவும். இஞ்சியை துவையல், சட்டினி போன்று செய்து தினம் உணவில் சேர்க்கவும். இஞ்சி ஒரு இயற்கையான வலி நிவாரணி மற்றும் உடலுக்கு நன்மை செய்யும் ஒரு மூலிகை. இதை சமைக்காமல் பச்சையாக உணவில் உங்கள் விருப்பப்படி சேர்க்கவும்.

எப்சம் சால்ட் ஸ்ப்ரே:

எப்சம் உப்பு Epsom Salt என்று மருந்துக் கடைகளில் கிடைக்கும் அதை வாங்கி ஒரு சிறிய கப் அளவு எடுத்து அதே அளவு நீர் விட்டுக் கரைத்து அதனை ஒரு ஸ்ப்ரேயரில் விட்டு வலி உள்ள இடங்களில் ஸ்ப்ரே செய்யவும். அல்லது ஒரு டப்பில் வெதுவெதுப்பான நீர் விட்டு அதில் இரண்டு கப் எப்சம் சால்ட் போட்டு கரைத்து அதில் 10-15 நிமிடங்கள் கால்கள் அல்லது கைகளை வைத்து எடுக்கவும். எப்சம் பாத் சால்ட் என்று சரியாகத் தேடி விசாரித்து வாங்கிப் பயன்படுத்தவும்.

டயட் துவங்கி 100 நாட்களுக்குப் பிறகு அல்லது குறிப்பாகப் பரிந்துரைக்கப்பட்டாலொழிய வாரியர் / விரதங்களை முயற்சிக்கவேண்டாம்.

குழுமத்தின் புதியவர்களுக்கான பொது எச்சரிக்கைகள் அனைத்தும் இதைப் படிக்கும் உங்களுக்குப் பொருந்தும்.

-@-

Paleo LifeStyle - Cheat Sheets / எளிமையாகப் புரிந்துகொள்ள உதவும் பேலியோ விளக்கப்படம்.

Paleo LifeStyle - Cheat Sheets. (Veg & Non-Veg)

by Arun Antony George

 

புதியவர்களுக்குத் தேவையான முக்கிய குழு லிங்க் விவரங்கள். / PINNED POST

வணக்கம்.
புதிதாக டயட் கேட்பவர்கள் தனி இழை துவக்கி
தினம் 100 பாதாம் எடுக்க முடியுமா,
தினம் 4 முட்டை எடுக்க முடியுமா
தினம் மட்டன்/இறைச்சி எடுக்க முடியுமா
பனீர் தினமும் எடுக்க முடியுமா (பியூர் வெஜ் மட்டும்)
உங்களுக்கு தற்போது உள்ள உடல்நலன் சார்ந்த சிக்கல்கள், எடுக்கும் மருந்து விவரங்கள் என்ன?
உங்கள் உடல்நிலை பற்றிய தகவல்களுடன், மேலே உள்ள கேள்விகளுக்கும் பதிலை தட்டச்சி பதிவாக இடுங்கள். மேலே உள்ல கேள்விகளுக்கு பதில் சொல்லாமல் மொட்டையாக ஒரு வரியில் டயட் கேட்டால் பதில் அளிப்பது தாமதம் ஆகும்.
---------------------------------------------------------------------------------------------
குழுவில் நிறைய பேர் மெடிக்கல் ரிபோர்ட்டை போட்டு டயட் கேட்கிரார்கள். அது சரிவர கவனிக்கபடாமல் போவதால் பின்வரும் ஒழுங்குமுறையை அமுல்படுத்தவிருக்கிறோம்.

1) புதிதாக டயபடிஸ் உணவுமுறைக கேட்பவர்கள் அனைவரும் "சர்க்கரையில்லா பொங்கல்" (www.facebook.com/groups/ancestralfoods) குழுவில் ரிபோர்ட்டுகளை இடும்படி கேட்டுகொள்ல்படுகிறார்கள். அங்கே இன்சுலின், டயபடிஸ் போன்றவற்றில் சிறப்பான அனுபவம் உள்ள சிவராம் ஜெகதீசன், செந்தழல் ரவி போன்றோர் இருக்கிரார்கள். நியாண்டர் செல்வனும் அங்கே பேலியோ உணவுமுறைக்கு   சார்ட் வழங்குவார்.

http://paleogod.blogspot.in/2016/06/exclusive-paleo-group-for-diabetic.html

2) டயாபடிஸ் தவிர்த்து எடைகுறைப்பு, ஆட்டோஇம்யூன், பிரசர் போன்ற சிக்கல்கள் உள்ளவர்கள்
தனியாக ஒரு இழையை துவக்கி ரிபோர்ட்டுகளை அங்கே இடவும்

அதன்பின் பின் செய்யபட்ட பதிவில் ரிபோர்ட்டின் யு,.ஆர்.எல்லை இடவும். இட்டு பொறுமையாக காத்திருக்கவும். புதிதாக தொன்றும் கேள்விகள், டயட் குறித்த சந்தேகம் அனைத்தையும் அதே இழையில் முதல் பின்னூட்டத்தில் இடவும். அதில் நீங்கள் சைவமா, அசைவமா, தினம் இறைச்சி, முட்டை, 100 பாதாம் எடுக்க முடியுமா என்பது போன்ற தகவல்களை குறிப்பிடவும். இப்படி செய்வது உங்கள் மடலுக்கு பதில் கிடைப்பதை விரைவுபடுத்தும்.

"பர்ஸ்ட் கம், பர்ஸ்ட் சர்வ்" அடிப்படையில் அந்த ரிபோர்ட்டுகளுக்கான பதில் இடப்படும். பதில் இட்டவுடன் பின்போஸ்டில் உள்ள உங்கள் பின்னூட்டம் நீக்கபடும். இதன்படி உங்களுக்கு முன் காத்திருப்பவர் எனும் தகவலை அறிந்து கொள்ள இயலும்.

குழுவில் எழுதவே முடியாத அளவு பர்சனலான பிரச்சனை என்றால் எனக்கு பர்சனல் மெஸேஜ் அனுப்பவும்.
உங்கள் இழையில் சீனியர் உறுப்பினர்கள் யாரேனும் பதில் சொல்லியிருந்தால் பின் போஸ்டில் உள்ள உங்கள் யு.ஆர்.எல் கமெண்டை நீங்களே நீக்கிவிடவும். அல்லது பதில் சொன்ன சீனியர் உறுப்பினர்கள் அங்கே "ரிப்ளைட்" என்ற கமெண்ட் போட்டால் அந்த பின்னூட்டம் நீக்கபடும்.

பின் செய்யபட்ட இழையில் இடப்படும் வேறு எந்த கேள்வியும், பின்னூட்டமும் நீகக்படும்
பொதுவான கேள்விகள், தினம் எத்தனை பாதாம் சாப்பிடலாம் என்பது மாதிரியான கேள்விகளை குழுவில் இடவும்..பொதுவான சந்தேகங்களுக்கு வாரம் ஒரு முறை "ஒரு மணிநேர கேள்வி- பதில்" பகுதி நடத்த இருக்கிறேன். அதன் நேரம் ஒவ்வொரு வாரமும் அறிவிக்கபடும்

Beginners paleo

https://selvan.wordpress.com/…/03/25/paleo-diet-for-beginn…/

Paleo vegetables

https://selvan.wordpress.com/2014/04/25/ginger/

Butter tea Recipe:

https://www.youtube.com/watch?v=EnPLBPYCG4M

Arun Anthony George's Paleo diet chart

https://www.facebook.com/groups/tamilhealth/permalink/414804078710077/

----------------------------------------------------------------------------------------------------

உதவகூடிய பிற இணைப்புகள்:

சிவராம் ஜெகதீசன் அவர்களின் "உன்னை வெல்வேன் நீரிழவே" நூல்

https://www.facebook.com/groups/tamilhealth/435598866630598

வருடாந்திர மெடிக்கல் டெஸ்டில் என்ன பரிசோதனைகளை எடுக்கலாம்?

http://on.fb.me/1JRmGuw

பேலியோ ரெசிபிகள்

www.munnorunavu.blogspot.com

"உன்னை வெல்வேன் நீரிழிவே" சிவராம் ஜெகதீசனின் மின் நூல்

https://www.facebook.com/groups/tamilhealth/415206898669795/

கீழை ராசாவின் பேலியோ ரெஸிபிகள் நூல்

https://www.facebook.com/groups/tamilhealth/316592741864545/

நனிசைவர்களுக்கான சகோதர குழுமம் (பால் கூட சேர்க்காத சைவர்களே நனிசைவர்கள்)

https://www.facebook.com/groups/919246308138414/

பேலியோ உணவுமுறை  குறிப்புகள் (ஷங்கர் ஜியின் பிளாக்)

http://paleogod.blogspot.in/…/repeated-questions-about-pale…

November மாத டயட் போட்டி

https://www.facebook.com/events/1667417553470312/

ரெசிபிகள் Diet event

https://www.facebook.com/events/664870340281850/

புதியவர்களுக்கான கோகுல் குமரன் ஜியின் குறிப்புகள்

https://www.facebook.com/groups/tamilhealth/permalink/406084892915329/

Vitamin D thread

https://www.facebook.com/events/840256796095528/

Paleo success stories

https://www.facebook.com/groups/tamilhealth/permalink/378436602346825/

Paleo diet book in English

https://docs.google.com/…/1Oykw7HE-Yxx7STOvKX3lg54ioK…/edit…

பேலியோ உணவுமுறைக்கு முன்பாக ரத்தப் பரிசோதனை ஏன் அவசியம்? Blood Test Before Paleo Diet

ப்ளட் டெஸ்ட் கண்டிப்பா எடுக்கனுமா? நான் நல்லாத்தான் இருக்கேன் என்று பலர் கேட்கிறீர்கள் அல்லவா?  நமது குழுவின் புதிய மெம்பர் ஒருவரின் ரிபோர்ட்டை உதாரணத்திற்கு எடுத்துக்கொள்வோம்.

Cholesterol 417
TGL 200
HDL 49
LDL 328
Weight 89 / Age 30 / Non veg

அவருடைய ரிசல்ட். 30 வயதில் 89 கிலோ எடை என்பது பெரிய விஷயமே அல்ல. 25 வயதில் 100+ எல்லாம் குழுவில் இருக்கிறார்கள். இங்கே நாம் முக்கியமாகக் கவனிக்கவேண்டியது அவருடைய கொழுப்பின் அளவுகள்.

இவரிடம் சில கேள்விகள் கேட்டேன். இதற்கு முன்பு எப்பொழுதாவது ரத்தப் பரிசோதனை செய்திருக்கிறாரா?
இல்லை.

ஏதேனும் உடல் பிரச்சனைகள் இருக்கிறதா?
இல்லை.

மருந்து மாத்திரை எடுக்கிறாரா?
இல்லை.


சரி, இப்பொழுது இவரைப் போல ஒருவர், நாம் கூறியபடி ரத்தப் பரிசோதனை எதுவும் எடுக்காமல் பேலியோ எடுத்து ஒரு மாதம் அல்லது ஒருவாரம் கழித்து, இவ்வளவு கொழுப்பு சாப்பிடுகிறோமே என்ற எண்ணத்திலோ, எடை குறைந்ததாலோ பயந்து போய், ஒரு டெஸ்ட் எடுத்துவிடலாம் என்று நினைத்து டெஸ்ட் எடுக்கிறார். பேலியோவால் 0% நன்மை என்றே வைத்துக்கொள்வோம். இப்பொழுது மேலே உள்ள ரிசல்ட்கள் அவருக்கு வருகிறது.

Cholesterol 417
TGL 200
HDL 49
LDL 328

இந்த ரிசல்ட்டை வைத்துக்கொண்டு டாக்டரிடம் செல்கிறார்.

டாக்டர்: என்ன சாப்பிட்டீர்கள்?


15 நாட்களாக டெய்லி 5 முட்டை, 1/2கிலோ சிக்கன், நெய்ல வறுத்த பாதாம், பனீர் 200 கிராம், அவகோடா, சீஸ், வெண்ணெய் டாக்டர் இதுதான் சாப்பிட்டேன்.

டாக்டருக்கு லேசாக மயக்கம் வருகிறது, மெதுவாகக் கீழே கால் இருக்கிறதா என்று பார்த்து வந்தது ஆவி இல்லை மனிதன்தான் என்று கன்பர்ம் செய்துகொள்கிறார்.

இவ்ளோ கொழுப்பு சாப்பிட்டா என்னாங்க ஆகறது? ஏன் இப்படிச் சாப்பிட்டீங்க? தற்கொலைக்கு முயற்சி பண்றீங்களா?

இல்லைங்க டாக்டர் பேலியோன்னு ஒரு டயட், பேஸ்புக்ல...

வாட் நான்சன்ஸ்? நீங்க எல்லாம் படிச்சவங்கதானே? பேஸ்புக்காம் டயட்டாம், உடனே அட்மிட் ஆகுங்க, வீட்டுக்கு தகவல் சொல்லிடுங்க.

பைபாஸ் பண்ணப்போறீங்களா டாக்டர்?





 அவர் வீட்டுக்குத் தகவல் பறக்கிறது. பேலியோ சாப்பிட்டால் நன்றாக இருந்த மனிதரின் கொழுப்பு 400ஆக மாறி உயிர்பிழைத்ததே அதிசயம் என்ற செய்தி பரவுகிறது.


அதைவிட முக்கியமாக வறண்ட சப்பாத்தியும், மஞ்சள் கரு இல்லாத முட்டையும், ஓட்ஸ் கஞ்சியும், பொன்னி அரிசி சாப்பாடும், கொழுப்பில்லாத பாலும் தவிர்த்து ஸ்டாட்டின் மட்டுமே சாப்பிடவேண்டும் என்று தீர்ப்பு வருகிறது .

டேய் சீனியர்களே எங்கடா இருக்கீங்க, என்று வன்மத்தோடு ஒரு போஸ்டும் அவர் மனதில் டைப்பிக்கொண்டிருப்பார். சொந்த பந்தங்கள் டேய் சம்முவம் எட்றா அந்த வீச்சறிவாள என்று டாட்டா சுமோவில் கரும்புகை கக்கக் கிளம்பும்.

இது தேவையா?

இதில் எங்கள் தவறு என்ன?

இதையே, மேலே நண்பரைப் போல சரியாக சொன்னதைக் கேட்டு, பரிந்துரைக்கப்பட்ட ப்ளட் டெஸ்ட் எடுத்தால் , அவருக்கு சரியான உணவு முறையை , மருத்துவரைப் பார்க்கவேண்டி இருப்பின் அந்த அறிவுரையோ கிடைக்கும்தானே?

அவர் விருப்பப்படும் நாளில் மீண்டும் டெஸ்ட் எடுத்துப் பார்க்கும்பொழுது மேலே சொன்னதை விட அளவுகள் குறைந்தால் அவருக்கு நமது டயட்டின் மீது நம்பிக்கை வரும்தானே? வராவிட்டால் இது வேலைக்காவாது என்று வேறு வழியைப் பார்க்கச் சென்றுவிடுவார்தானே?

யோசியுங்கள் மக்களே..

உணவுமுறை முதற்கொண்டு பொழுதுபோகாமல் எதையும் இந்தக் குழு பரிந்துரைப்பதில்லை. அதில் இருப்பதை சரியாகப் பின்பற்றினாலே போதும்.

போலவே, அந்த டெஸ்ட் ரிசல்ட்டை எல்லாம் நீங்கள் உங்கள் மருத்துவரிடம் காண்பித்து சரியான ஆலோசனைகள் பெற்றுக்கொள்ளவேண்டும். நாங்கள் அதில் சில விசயங்கள் தவிர்த்து மற்றவற்றை அலசி ஆராய்வதில்லை. ஏனென்றால் அதெல்லாமே நீங்கள் ஒரு மருத்துவரை நேரடியாகக் கலந்து பேசி புரிந்துகொள்ளவேண்டியவை.

உணவுமுறை முன்பாக ரத்தப் பரிசோதனை அவசியம், அலட்சியப்படுத்துபவர்களுக்கு ஆலோசனை கிடைக்காது. அதனால் வரும் பாதிப்புகளுக்கு குழு பொறுப்பல்ல.

மகளிருக்கு பேலியோ உணவுமுறையில் கிடைத்த நன்மைகள் விவரம். ( Effect of Paleo Diet in Women's Health)

சமீபத்தில் (2016) மகளிர் தினத்தன்று எங்கள்  பேலியோ உணவுமுறையில் பலனடைந்த மகளிரிடம்  அடைந்த பலன்களைப் பற்றிக் கேட்டபோது டாக்டர் ஹரிஹரன் , அந்த மெம்பர்கள் அளித்த பதிலை வைத்து, அவர்களுக் என்னென்ன பிரச்சனைகள் இந்த டயட் மூலம் தீர்வு கிடைத்திருக்கிறது என்று மருத்துவ மொழியில் அவர்கள் தொகுத்த விவரங்கள் கீழே: 

1. Hypothyroidism improved 

2. Knee Osteoarthritis disappeared 

3. PCOD disappeared 

4. obesity reduced 

5. Tiredness absent 

6. stress relieved 

7. body pain associated with periods gone 

8. gas problem gone 

9. Hyper uricemia (gout) relieved 

10. Diabetes Mellitus disappeared 

11. Diabetic associated nail weakening and breaking disappeared 

12. Body feeling lightened 

13. No sleep during afternoon 

14. Energetic and no body pain while waking up in morning 

15. Hot flushes disappeared 

16. Migraine disappeared 

17. Irregular periods improved 

18. Improved spinal cord pain by losing weight 

19. Improved Lipid Profile 

20. Rheumatoid Arthritis disappeared 

21. Anemia cured 

22. Vit D deficiency improved 

23. Ulcer cured 24. Sinusitis cured 

25. Hypertension reduced 

26. Improved Exercise tolerance 

27. Relief from Lethargy 

28. Relieved from Gluten/Non Gluten sensitivity/food intolerance 

29. Anger, Tension reduced 

30. Eczema Disappeared 

31. Irritability reduced 

32. Breathessness on exertion (? Heart failure) 

33. Tolerance to hunger/disappearance of hunger pangs 

34. Heel pain disappeared 

35. Endometriosis 

36. Improved sleep 

37. Not afraid to eat or eat more (phobia over harmfullness of food) 

38. Improved chances of conception in females 

39. Reduced Hip/Waist circumference 

40. Sneezing got relieved 

41. Aversion over carbs increased

42. Frequent dental problem reduced.

பேலியோவுக்குப் புதியவர்களுக்கான அறிமுகக் குறிப்புகள்.

யார்மூலமாகவோ, எதையோ படித்து, யாரோ எடை குறைத்த போட்டோக்களைப் பார்த்து எப்படியோ இந்தக் குழுவுக்குள் வந்த அன்பருக்கு வணக்கம்.

உங்கள் வரவு நல்வரவாகுக.

===================================================

தயவு செய்து குழுவில் புதியவராகக் கேள்வி கேட்பதற்கு முன்பாக இங்கே கொடுக்கப்பட்ட அனைத்து விவரங்களையும் முழுவதுமாக நேரம் எடுத்து ஒரு லேப்டாப்பிலோ, டெஸ்க்டாப்பிலோ படிக்கவும். அனைத்தையும் படித்துப் புரிந்தபின் கேள்விகள் கேட்கவும்.


===================================================

இந்தக் பேஸ்புக் க்ரூப்பிற்குள் வந்துவிட்டீர்களே தவிர, இங்கே என்ன பேசுகிறார்கள்? இது என்ன டயட்? பேலியோ என்றால் என்ன? அதை வேகவைத்து சாப்பிடவேண்டுமா? காலை தேன் கலந்து சுடுநீரில் கலந்து சாப்பிடவேண்டுமா? சப்பாத்தியின் உள்ளே வைத்து சாப்பிடவேண்டுமா என்றெல்லாம் புரியாமல் , சரி, இது ஏதோ வேலை வெட்டி இல்லாத க்ரூப் போல இருக்கிறது, ஒரு காலை வணக்கம் இல்லை, 8 தலை நாகம் ஒரு குழந்தையைப் பெற்றெடுக்கும் அதிசிய வீடியோக்கள் இல்லை, பெரிய கேக் படத்தைப் போட்டு இனிய பிறந்த நாள் வாழ்த்துகள் இல்லை, இந்தியா கிரிக்கெட்டில் வெற்றிபெற்றும் ஒரு பாரதமாதாகி ஜே என்ற போஸ்ட் கூட இல்லை என்று குழம்பி நீங்கள் தவிக்கிறது புரிகிறது.

நிற்க.

இது ஒரு பேலியோ உணவுமுறை க்ரூப். இங்கே 40000 க்கும் மேற்பட்ட மெம்பர்கள் இருக்கிறார்கள். இங்கே நாங்கள் பரிந்துரைப்பது அதிக கொழுப்புள்ள உணவுகளும், குறைந்த மாவுச்சத்துள்ள உணவுகளும் சாப்பிடும் ஒரு  வாழ்வு முறை.

இந்த பேலியோ உணவுமுறையை  புரிந்துகொள்ள முதலில் ஒரு கிலோ சர்ப் வாங்கி இதுவரை எது நல்ல உணவு, எது தீய உணவு என்று உங்களுக்குச் சொல்லப்பட்டிருக்கிறதோ அந்தக் கறைகளை எல்லாம் நன்றாக ஊறவைத்து அலசி வெளியே போட்டுவிட்டு வெண்மையான மனதுடன் படியுங்கள். ஏனென்றால் நீங்கள் குறிப்பிட்ட உணவுமுறை என்றாலே அவசியமாக இருக்கவேண்டிய எதுவுமே இந்த பேலியோ உணவுமுறையில்  இருக்காது. எனவே அனாவசியமான குழப்பங்கள், கேள்விகள் தவிர்க்க ஏதுவாக இருக்கும்.

இந்த பேலியோ உணவுமுறையின்  அதிர்ச்சிகள்:

இங்கே எதுவெல்லாம் உண்ணத் தடை.

அரிசி. (பொன்னி, கைக்குத்தல், பாஸ்மதி, சுகர் ப்ரீ டயா ப்ரீ அரிசி, பாரம்பரிய அரிசி, ஆர்கானிக் அரிசி)

கோதுமை. (குட்டை கோதுமை, நெட்டை கோதுமை, டயாப்ரீ கோதுமை, சப்பாத்தி, ப்ரெட்)

மைதா. (கேக்குகள், பரோட்டாக்கள்)

பேக்கரி பொருட்கள்.(பேக்கரிகளில் விற்கப்படும் அனைத்தும்)

பழங்கள் / ஜூஸ்.

அனைத்துவகை இனிப்புகள் (நெய்யில் செய்யப்பட்டதுமுதல், டால்டாவில் செய்யப்பட்டது வரை)

தேன், நாட்டு சர்க்கரை, வெள்ளை சர்க்கரை, சுகர் ப்ரீ மாத்திரைகள், ஹீலர் ஜாங்கிரிகள், கேக், அல்வா, இறைவனே கொண்டு வந்து கொடுக்கும் அமிர்தம்.

ஓட்ஸ், மேகி, ஹெர்பாலைப், லேகியங்கள், உடல் எடை குறைப்பு மாத்திரைகள், மருந்துகள், சித்தா, ஆயுர்வேதா, யுனானி, இன்னபிற)

பாக்கெட்டில் அடைக்கப்பட்டு விற்கப்படும் ரெடி டு குக் உணவுகள் அனைத்தும்.

ரிபைன்ட் என்ற வார்த்தையுடன் விற்கப்படும் சன்ப்ளவர், தேங்காய், நல்ல, கடலை , கடுகு , கனோலா, ரைஸ்பார்ன், டால்டா, பாமாயில் எண்ணெய்கள்.

ஜங்க் புட் எனப்படும், குப்பை உணவுகள் அனைத்தும்.

அனைத்துவகை பீன்ஸ், கிழங்கு வகைக் காய்கறிகள், அனைத்துவகை கடலைகள், (வேர்க்கடலை முதற்கொண்டு),

அனைத்து வகை பருப்புகள், புளி.

அனைத்துவகை சோயா பொருட்கள்.

காபி, டீ, அனைத்துவகை கூல் டிரிங்க்ஸ், எனர்ஜி ட்ரிங்க்ஸ், சிட்டுக்குருவி லேகியங்கள்.

போங்க சார், அப்புறம் என்னத்தான் சாப்பிடறது? இது என்ன ஏதும் உணவுமுறை சம்பத்தப்பட்ட க்ரூப்பா? இல்ல மோட்சத்துக்கு ஆளெடுக்கிறீங்களா? என்று நீங்கள் கதறிக் கடுப்பாகி மயக்கம் போட்டு விழப்போவதற்கு முன்பாக மேலேயும், கீழேயும் படியுங்கள்.

மேலே முதலில் என்ன சொன்னோம்?

||||||||| இது ஒரு பேலியோ உணவுமுறை க்ரூப். இங்கே 40000 க்கும் மேற்பட்ட மெம்பர்கள் இருக்கிறார்கள். இங்கே நாங்கள் பரிந்துரைப்பது அதிக கொழுப்புள்ள உணவுகளும், குறைந்த மாவுச்சத்துள்ள உணவுகளும் சாப்பிடும் ஒரு உணவுமுறை அல்லது வாழ்வு முறை.

இந்த உணவுமுறை புரிந்துகொள்ள முதலில் ஒரு கிலோ சர்ப் வாங்கி இதுவரை எது நல்ல உணவு, எது தீய உணவு என்று உங்களுக்குச் சொல்லப்பட்டிருக்கிறதோ அந்தக் கறைகளை எல்லாம் நன்றாக ஊறவைத்து அலசி வெளியே போட்டுவிட்டு வெண்மையான மனதுடன் படியுங்கள். ஏனென்றால் நீங்கள் டயட் என்றாலே அவசியமாக இருக்கவேண்டிய எதுவுமே இந்த டயட்டில் இருக்காது. எனவே அனாவசியமான குழப்பங்கள், கேள்விகள் தவிர்க்க ஏதுவாக இருக்கும். ||||||||||||

ஓக்கே, இப்பொழுது ஏன் சர்ப் வாங்கி அலசி காயவைத்து திறந்த மனதுடன் இந்த உணவுமுறையை  அணுகுங்கள் என்று சொன்ன காரணம் புரிந்திருக்கும். அது புரிந்தால்தான், எடை குறைப்பு என்றாலே, வெந்நீரில் தேன் கலந்து சாப்பிடவேண்டும், கொள்ளு வேகவைத்து சாப்பிடவேண்டும், சிறுதானியங்களை ஊறவைத்து சாப்பிடவேண்டும், குறைவாகச் சாப்பிடவேண்டும், கை கால் வீசி நடந்து, களைத்துப் போய் 4 பட்டர் பிஸ்கெட்டும், டீயும் குடித்துவிட்டு, ஆழ ஒரு தம் அடித்துவிட்டு இருப்பதே ஆரோக்கிம், ஹெர்பாலைபை குடித்துவிட்டு 5 ப்ளேட் ப்ரியாணையை அசால்ட்டாகத் தின்றால் எடை குறைந்துவிடும், 50 கிலோ மீட்டர் ஓடினால், நடந்தால், சைக்கிள் ஓட்டினால், ட்ரெட்மில்லில் ஓடினால் எல்லாம் சரியாகிவிடும் என்று முட்டிவலியோடு நீங்கள் நம்புவதிலிருந்து விடுதலை கிடைக்கும்.

சர்ப் போட்டு நீங்கள் சரியாக அலசாததால், சைடில் லேசாக (அப்ப அருகம்புல்லும், கற்றாழையும் போட்டு கம்மங்கூழ் குடிக்கச் சொல்றாங்களோ) என்று ஒரு கறை இருப்பதால், மீண்டும் ஒருமுறை நினைவுபடுத்திக்கொள்ளலாம்.

||||||||| இது ஒரு பேலியோ உணவுமுறை க்ரூப். இங்கே 40000 க்கும் மேற்பட்ட மெம்பர்கள் இருக்கிறார்கள். இங்கே நாங்கள் பரிந்துரைப்பது அதிக கொழுப்புள்ள உணவுகளும், குறைந்த மாவுச்சத்துள்ள உணவுகளும் சாப்பிடும் ஒரு உணவுமுறை அல்லது வாழ்வு முறை.||||||

போதும்யா, போதும் அந்தக் கீரிப்புள்ளையையும், பாம்புபையும் அவுத்துவிட்டு சண்டை போடவைங்க என்று நீங்கள் நினைத்தால் ஓரளவு இந்த பேலியோ உணவுமுறை பற்றி அறிய நீங்கள் தயாராகிவிட்டீர்கள் என்று அர்த்தம். யெஸ், இதற்கு மேல் வரும் செய்திகளைப் படிக்காமல் போனால் உங்களுக்கு, டயபடிக், ஹார்ட் அட்டாக், உடல்பருமன் போன்ற பலவியாதிகள் வரும்.

ரைட், இனி இந்த உணவுமுறை பற்றி சில அதிர்ச்சிகரமான உண்மைகள்:

இங்கே பரிந்துரைக்கப்படும் உணவுகள் கீழ்வருமாறு:

கிழங்குகளில்லாத, பீன்ஸ் இல்லாத, பருப்புகள் இல்லாத காய்கறிகள்.

பாதாம், பிஸ்தா, மகடாமியா, வால்நட்ஸ்.

மஞ்சள் கருவுடன் முட்டைகள்.

கொழுப்புடன் கூடிய தோல் நீக்காத இறைச்சி வகைகள்.

அனைத்துவகை கடல் உணவுகள்.

நெய், வெண்ணெய், சீஸ், பனீர், முழுக்கொழுப்பு பால், தயிர், மோர்.

செக்கில் ஆட்டிய தேங்காய் எண்ணெய், நல்லெண்ணெய்.

அனைத்துவகை கீரைகள்.

யெஸ், கொழுப்பு, கொழுப்பு, மேலும் கொழுப்பு:

இதெல்லாம் சாப்பிட்டால் மாரடைப்பு வராதா?

டயபடிக் இருப்பவர்களுக்கு சுகர் ஏறாதா? 

உயிருக்குப் பிரச்சனை இல்லையா?  

எல்லாம் போகட்டும், 

இவ்வளவு கொழுப்பு சாப்பிட்டால் எப்படி உடல் எடை குறையும்? 

தமிழனின் பாரம்பரிய உணவுகளான அரிசி, கோதுமை, மேகி, பட்டர்பிஸ்கட், பிரியாணி, பரோட்டா எல்லாம் சாப்பிடக்கூடாது என்கிறீர்களே? நீங்கள் சொல்வது டயட்டா? என்ற கேள்விக்கெல்லாம் விடையை நாங்கள் ஒரு சிறிய குழந்தைக்கும் புரிவதுபோல விளக்கமாக எழுதி இருக்கிறோம். பொறுமையாக கீழே உள்ள லிங்க்குகளை வாசிக்கவும்.

பேலியோ உணவுமுறை என்றால் என்ன?

http://paleogod.blogspot.in/2015/08/paleo-diet-for-dummies.html

பேலியோ உணவுமுறை பற்றி தமிழில் படிக்க புத்தகம் இருக்கிறதா?

இருக்கிறது, அதை ஆன்லைனில் வாங்க:

 அனைத்து ஆரோக்கியம் நல்வாழ்வு புத்தகங்கள் கிடைக்கும்.


                           www.paleocart.com 



புதிய காம்போ புத்தகங்கள்:

அமேசான் கிண்டிலில் மின் புத்தகமாக வாங்க:

பேலியோ சமையல் சைவம்      :              https://goo.gl/QzqHe1

பேலியோ சமையல் அசைவம் :              https://goo.gl/TJqqsq

PIN Post படிக்கவும் என்று அடிக்கடி கமென்ட்டில் சொல்கிறார்களே அது என்ன ? :

http://paleogod.blogspot.in/2016/04/pinned-post.html 

https://web.facebook.com/groups/tamilhealth/permalink/415538808636604/

பேலியோ உணவுமுறையில்  திரும்பத் திரும்பக் கேட்கப்படும் கேள்விகள் என்ன?

http://paleogod.blogspot.in/2015/08/repeated-questions-about-paleo-diet.html

பேலியோ உணவுமுறை பற்றிப் புரிந்து முயற்சிக்க விரும்பும் மக்கள் டிஸ்கவுன்ட் விலையில் முதலில் எடுக்கவேண்டிய டெஸ்ட் விவரம் : 

http://paleogod.blogspot.in/…/thyrocare-test-details-and-co…

Paleo Cheat Sheets:

http://paleogod.blogspot.in/2016/04/paleo-lifestyle-cheat-sheets.html

இந்த பேலியோ உணவுமுறை பற்றிய சிறிய அறிமுக வீடியோ பதிவு:

https://www.youtube.com/watch?v=s9x7oqdsKdI 

மகளிருக்கு இந்த உணவுமுறையால்  கிடைத்த நன்மைகளின் பட்டியல் :

http://paleogod.blogspot.in/2016/03/effect-of-paleo-diet-in-womens-health.html

இந்த பேலியோ உணவுமுறையை எடுப்பதற்கு முன்பு ஏன் ரத்தப் பரிசோதனை கட்டாயம் செய்யச் சொல்கிறீர்கள்?

ஏனென்றால், உங்களுக்கு உடலில் என்ன பிரச்சனைகள் இருக்கிறது என்பது எங்களுக்குத் தெரியாது, இந்த உணவுமுறையால்  உங்களுக்கு கிடைத்த நன்மைகளை நீங்கள் தெளிவாக அறிந்துகொள்ள இந்த பரிசோதனைகள் உதவும்.

இந்த உணவுமுறையை எடுத்து ஒரு மாதம் கழித்து அல்லது ஒரு வாரம் கழித்து டெஸ்ட் எடுத்தால் என்ன தவறு?

பேலியோ உணவுமுறை எடுத்தபிறகு நீங்கள் டெஸ்ட் எடுக்கிறீர்கள். சரி, அதற்கு முன்பாக எப்பொழுது டெஸ்ட் எடுத்திருப்பீர்கள்? தெரியாது. சரி, உங்கள் உடலில் என்ன பிரச்சனைகள் இருக்கிறது? நான் நல்லாத்தான் சார் இருக்கேன், என்ன வெயிட் கொஞ்சம் அதிகம், அவ்ளோதான், அதுக்கு ஏன் டெஸ்ட்? இப்படித்தான் உங்கள் எண்ணங்கள் இருக்கும். ஆனால் இந்த டெஸ்ட் எடுத்து ஒரு மாதம் கழித்து உங்கள் ரிசல்ட்டில் உங்களுக்கு டயபடிக் இருக்கிறது, தைராய்ட் இருக்கிறது, விட்டமின் டி குறைவு, ஹீமோக்ளோபின் குறைவு, இரும்பு சத்துகுறைவு, பி12 குறைவு, HscRP அதிகம், க்ரியேட்டினின் அதிகம், HbA1C அதிகம் என்று வந்தால் நீங்களும் உங்கள் குடும்பத்தினரும், உங்கள் நலம் விரும்பும் நண்பர்களும் என்ன சொல்வார்கள்?

ஏன்யா நான்தான் அப்பவே சொன்னேன்ல, இந்தக் கொழுப்பு சாப்பிட்டா இந்தமாதிரி எல்லாம் பிரச்சனை வரும்னு? பேஸ்புக்ல சொன்னாங்களாம்னு முட்டையும், சிக்கனும், வெண்ணெயும், நெய்யுமா அடிச்சி வீக்கின? புட்டுக்கிச்சா? சோறு தின்னக்கூடாதுன்னு சொன்னப்பவே நீ உசாராகிருக்கவேணாமா? சோறு இல்லாம மனுசன் உயிர் வாழமுடியுமா? சிறுதானியம், தேன், நாட்டு சர்க்கரை, ஜாங்கிரி, பட்டர் பிஸ்கெட், க்ரீம் பன் கூட சாப்பிடக்கூடாதுன்னு சொன்னப்பவே உனக்குத் தெரியவேணாமா? மேகிய விடவா சத்தான சாப்பாடு கிடைக்கும்?

என்று இன்னும் பல கெட்டவார்த்தைகள் போட்டு, நீங்கள் கொஞ்சம் என்னைப் போல அப்பாவியாக இருந்தால் மூக்கில் கொஞ்சம் குத்துகூட கிடைக்கும்.

சரி,

அதுவே நீங்கள் உணவுமுறைக்கு  முன்பாக டெஸ்ட் எடுக்கிறீர்கள். உங்களுக்கு டயபடிக் இருக்கிறது, உடல் பருமன், விட்டமின் டி குறைபாடு, தைராய்டு உள்ள வர்ட்டா என்று கேட்கிறது, சைவர்களாக இருந்தால் பி12 குறைவு, அடிக்கடி சோர்ந்து தூங்குபவராக இருந்தால் ஹீமோக்ளோபின் குறைவு, இருதயப் பிரச்சனைகளை ஓரளவு அறிவிக்கும் HsCRP அளவுகள் அதிகமாக இருக்கிறது.

இந்த ரிசல்ட்டைக் குழுவில்போட்டு பேலியோ  உணவுமுறை கேட்கிறீர்கள். இதேபோன்ற பிரச்சனைகளுடன் வந்து அவைகள் சரியான மெம்பர்களின் போஸ்ட்களைப் படிக்கிறீர்கள். இதுபோன்ற பிரச்சனைகள் ஏன் நீங்கள் தினம் நல்லது என்று சாப்பிட்ட உணவுகள் மூலமாக வருகிறது என்று புரிந்துகொள்கிறீர்கள். பலவிதமான குழப்பங்களுக்கு பதில் கிடைக்கிறது.

ஒழுங்காக சர்ப் போட்டு கழுவிய தூய்மையான அறிவில் பேலியோ உணவுமுறையை  ஏற்றிக்கொண்டு, பரிந்துரைக்கப்படும் உணவுமுறையை சரியாகக் கடைப்பிடிக்கிறீர்கள். ஒரு மாதம்/ 3 மாதம் கழித்து நீங்கள் மீண்டும் டெஸ்ட் எடுத்து உங்கள் பேலியோ உணவுமுறைக்கு முன்பான ரிசல்ட்டுடன் ஒப்பிடுகிறீர்கள். பல விசயங்களில் முன்னேற்றம் இருக்கிறது. இந்த உணவுமுறையை இப்பொழுது உங்கள் குடும்பத்தினரும், நண்பர்களும் நம்புகிறார்கள், உங்கள் மருத்துவரும் ஆச்சரியத்துடன் எப்படி? என்று கேட்கிறார்.

இதுதான் மிக முக்கியமான வித்தியாசம். இதற்காகத்தான் இந்த உணவுமுறைக்கு  முன்பாக டெஸ்ட்கள் அவசியம்.

இவ்வளவு சொல்லியும் டெஸ்ட் எடுக்காமல் சில அதிபுத்திசாலிகள்  பேலியோ உணவுமுறை பிறகு டெஸ்ட் எடுத்து எனக்கு அது கூடிவிட்டது என்று அது கொழுப்பு சாப்பிட்டதால்தான் என்று எங்கள் நாட்டு வைத்தியர் சூடம் அடித்துச் சொல்கிறார், சீனியர்களே நீங்கள் உடனே உங்கள் சொந்த வேலையெல்லாம் தூக்கிக் கடாசிவிட்டு எனக்கு ஒரு நல்ல வழி கூறுங்கள் என்று கேட்பார்கள். அவர்களுக்கு நம்மிடமிருந்து கிடைக்கும் பதில் ஆழ்ந்த பரிதாபம் மட்டுமே. தனது உடல் ஆரோக்கியத்திற்கு அக்கறை காட்டாத எவருக்கும் ஆரோக்கியம் கிடைப்பது கடினம்தான், உங்களுக்காகத்தான் லேகியம், தாயத்து, டானிக், பவுடர் எல்லாம் விற்கிறார்கள், அதில் என்ன இருக்கிறது என்று கூடக் கவலைப்படாமல் அதை உண்டு மகிழ்ச்சியுடன் இருக்கும்படிக் கேட்டுக்கொள்கிறோம். 

ஏன் ப்ளட் டெஸ்ட் அவசியம்? படிக்க..

http://paleogod.blogspot.in/2016/04/blood-test-before-paleo-diet.html

இவ்வளவு சொல்லியும், எங்களின் உழைப்பை அலட்சியப்படுத்தி தேன் ஏன் குடிக்கக்கூடாது? ஏன் மேகி சாப்பிடக்கூடாது? ஏன் கொள்ளு சாப்பிடக்கூடாது என்று கேட்பீர்களேயானால் உங்களுக்கு எந்த விளக்கமும் சரியாகக் கிடைக்காது என்பதை ஆழ்ந்த மகிழ்ச்சியுடன் தெரிவித்துக்கொள்கிறோம்.

உங்கள் நலம் உங்கள் கையில் - வாழ்க கொழுப்புடன். 

https://web.facebook.com/groups/tamilhealth 

எச்சரிக்கை:

இங்கே அனுபவம் சார்ந்த குறிப்புகளே பகிரப்படுகின்றன, அவைகள் மருத்துவ ஆலோசனைகள் அல்ல. இங்கே ஆலோசனை சொல்பவர்கள் மருத்துவர்களோ, டயட்டிசியன்களோ அல்ல. நண்பர்கள் அவற்றை ஆராய்ந்து முடிவு எடுக்கும்படி கேட்டுக்கொள்ளப்படுகிறார்கள். தங்களின் உடல்நலத்திற்கு அவரவர்களே பொறுப்பு.