புதியவர்களுக்கான பேலியோ விளக்கம். By Gokul Kumaran.

இன்று புது உறுப்பினர் ஒருவருக்கு டயட் பற்றி விளக்கினேன். விளக்கி முடிஞ்சதும், இதை க்ரூப்பில் போட்டால் புதிதாய் சேரும் பலருக்கு உதவுமே என்று நினைத்தேன். ஆகவே அதை எடிட் செய்து, பெயரை நீக்கி, இங்கே இடுகிறேன். யாராவது ஒரு சிலருக்காவது உபயோகமாய் இருந்தால் மகிழ்ச்சியே. கொஞ்சம் நீளமா இருக்கும். பொறுமையா வாசிங்க. புது உறுப்பினர்களுக்கு அதுவும் குறிப்பாக முட்டை கூட சாப்பிடாத வெஜிடேரியன்களுக்கு உபயோகமாக இருக்கலாம்.

I am New Joiner. My weight is 68 kg. height is 156 CM. I just want to reduce my weight. I am Vegetarian. please suggest me diet.

வெஜிடேரியனா முட்டை கூட சாப்பிட மாட்டீங்களா

S sir

ஓகே. ஸ்டெப் நம்பர் 1. எல்லா தானியங்களையும் நிப்பாட்டணும். அரிசி, கோதுமை, மைதா, ரவை, பருப்பு, பயறு, பட்டாணி, சுண்டல், கம்பு, கேழ்வரகு, சோளம், மக்காச்சோளம் மற்றும் எல்லா சிறு தானியங்களும்

Ok. I am already using kuthiraivalli for my lunch substitute for rice

அதையும் நிப்பாட்டுங்க

Ok sir

ஸ்டெப் நம்பர் 2: இனிப்பு என்னும் வார்த்தையைவே மறக்கணும். சீனி, சர்க்கரை, பனங்கற்கண்டு, தேன், கருப்பட்டி, வெல்லம், சுகர் ஃப்ரீ இப்படி எல்லாம். நம்ம டயட் லோ கார்ப் ஹை ஃபேட் டயட். சரிங்களா, அதனால நல்ல கொழுப்பு எடுக்கணும். கொழுப்பு ரொம்ப நல்லது. அதனால கொழுப்பு எடுக்க பயப்படக்கூடாது

Romba kastam sir. I like coffee more. Let me try

கார்பை நிப்பாட்டுறோம். கார்ப் அப்படீன்னா கார்போஹைட்ரேட். அதன் மூலமா கிடைக்கும் க்ளூகோஸ் தான் உடம்புக்கு எனர்ஜியா இது வரை இருந்தது. ஆனா, அப்படி கிடைக்கும் க்ளூகோஸ் எனர்ஜியை உங்க உடம்பிலுள்ள செல்கள் முழுவதுமா ஏத்துக்கிடலை. முக்கால்வாசிய ஏத்துக்கிட்டு மீதியை அப்படியே கொழுப்பா மாத்தி சேமிச்சு வைக்குது. புரியுதுங்களா

I understand sir

அதனால நாம செய்யிற வேலை என்னன்னா உடம்புக்கு க்ளூகோஸை ரொம்ப கம்மியா குடுக்கப்போறோம். அதுவும் காய்கறிகள் போன்ற நல்ல சோர்ஸிலிருந்து மட்டும். பிரதான எனர்ஜியா கொழுப்பையும் ப்ரோட்டீனையும் கொடுக்கப் போறோம். இதை உடம்பில் உள்ள செல்கள் முழுசா ஏத்துக்கிடும். உங்களுக்கு அடிப்படை சைன்ஸை விளக்கினால் தான் டயட் புரியும். அதனால தான் இம்புட்டு எக்ஸ்ப்ளனேஷன் குடுக்கிறேன். புரிஞ்சதுன்னா ஓகே சொல்லுங்க. அடுத்து சொல்றேன்

I understand sir.

ஓகே. இப்போ கொழுப்பு + ப்ரோட்டீனை அதிகமா எடுத்து கார்பை கொஞ்சமே கொஞ்சூண்டு எடுக்கப்போறோம். அதனால என்னாகுதுன்னு கேட்டீங்கன்னா, கணையம் இன்சுலினை ரொம்ப கம்மியா சுரக்குது. ஆனா அதே நேரம் உடம்புக்கு தேவையான எனர்ஜி கிடைச்சிருது

Really interesting sir.

ஆனா நம்ம உடம்பின் சிஸ்டம் எப்படி இருக்குன்னா, ரத்தத்தில் இன்சுலின் அளவு கம்மியா இருந்தா, நம்ம உடம்பில் ஏற்கெனவே நிறைய இருக்கும் கொழுப்பிலிருந்து எனர்ஜி ரிலீஸ் ஆகும். அப்படித்தான் நம்ம எடை குறையப் போகுது. ஏன்னா இன்சுலின் தான் செல்களுக்கு க்ளூகோஸ் எனர்ஜியை எடுத்துக்கோ அப்படீன்னு கட்டளை போடுறவர். செல்கள் இன்சுலின் பேச்சைக் கேட்டுக் கேட்டு மரத்துப் போய் நாளடைவில் அது சொல்றதைக் கேக்கிறதில்லை. அந்த நிலைக்குப் பெயர் இன்சுலின் ரெஸிஸ்டன்ஸ்.

Sir you are more informative. Follow up this diet is difficult I think.

இப்படிப்பட்ட நிலையில் செல்கள் ஏத்துக்கிடாத க்ளூகோஸையெல்லாம், இன்னும் கொஞ்சம் அதிகமா இன்சுலினை கணையம் சுரக்க வைத்து, அந்த எக்ஸ்ட்ரா எனர்ஜி எல்லாத்தையும் ட்ரைகிளிஸரைட்ஸ் என்னும் கொழுப்பா மாற்றி சேகரிச்சு வச்சிடுது. அப்படி ஒன்னும் கஷ்டம் இல்லை. நம்ம கொழுப்பு + ப்ரோட்டீன் டயட்ல க்ளூகோஸ் ஒரே சீரா கொஞ்சம் கொஞ்சமா ரிலீஸ் ஆகும். முன்பு கார்ப் உணவு எடுத்தது போல் ஒரே நேரத்தில் எக்கச்சக்கமா ரிலீஸ் ஆகாது. அதனால அதிகம் பசிக்காது. ஏற்கெனவே சேர்த்து வைத்திருக்கும் கொழுப்பும் கரையும். சரி வெஜிடேரியன்ல நீங்க என்ன சாப்பிடலாம்னு பார்க்கலாம்.
முதல்ல சமையல் எண்ணெய். சமையலுக்கு வெஜிடபிள் ரீஃபைண்டு எண்ணெய்களையே பயன்படுத்தக்கூடாது. வெண்ணெய், நெய், செக்குல ஆட்டின தேங்காய் எண்ணெய், செக்குல ஆட்டின நல்லெண்ணெய் இதைத்தான் உபயோகப்படுத்தணும். சரியா

Butter, ghee ok. Oil where we will get in Dubai

ஓகே. இங்கே பர்துபாய் பேங்க் ஸ்ட்ரீட்ல அப்சரா சூப்பர் மார்க்கெட்ல நிர்மல் என்னும் ப்ராண்ட்ல வர்ஜின் கோகோநட் ஆயில் கிடைக்குது. வெள்ளைக்கலரில் இருக்கும். லுல்லுல கேட்டுப்பாருங்க. இல்லை கேரிஃபோரிலும் கிடைக்குதான்னு பாருங்க. 400 எம் எல் 20 திர்ஹாம். 100% கோகோநட் ஆயில்னு போட்டிருக்கிறது வாங்கக்கூடாது. அப்புறமா பட்டருக்கு

KerryGold unsalted butter வாங்குங்க Kerrygold இல்லைன்னா President இல்லைன்னா Anchor கெர்ரிகோல்ட், ப்ரெஸிடெண்ட், ஆங்கர் இதெல்லாம் புல் தின்னு வளர்ந்த மாடுகளில் இருந்து கிடைக்கும் பட்டர். ரொம்ப நல்லது. லூர்பாக் லாஸ்ட் சாய்ஸ்
Okay. லோகல் பட்டரான அல் ரவாபி, அல் மராய், நம்மூரு அமுல் இதெல்லாம் வேண்டாம். ஒரு நேரம் உணவு உங்களுக்கு பாதாம்

Which means breakfast

100 எண்ணிக்கை பாதாம். 100 முடியலைன்னா எவ்வளவு மேக்ஸிமம் முடியுதோ அவ்வளவு.
Okay

பாதாமை சாப்பிடும் முன் பின் இரண்டு மணி நேரம் வேறு எதுவும் சாப்பிடக்கூடாது. தனியா சாப்பிடணும். பாதாமை மினிமம் 8 மணி நேரம் சால்டட் வாட்டர்ல ஊற வைக்கணும். அதன் பின் அந்தத் தண்ணியைக் கொட்டிட்டு நல்ல தண்ணீரில் நல்லா கழுவிட்டு சாப்பிடணும்.

So overnight soaking morning breakfast aa badam

ஊற வைக்க சோம்பேறித்தனம்னா நல்லா இரண்டு முறை கழுவிட்டு, உலர்த்திட்டு, வாணலில நெய் விட்டு, பொன்னிறமா வறுத்து, உப்பு பெப்பர் போட்டு கடைசில லெமனை பிழிஞ்சி விட்டு சாப்பிடலாம் சுவையா இருக்கும். ம்ம் ப்ரேக்ஃபாஸ்ட்டா இல்லைன்னா லஞ்ச்சா எதுனாலும் ஓகே. தோலோடு சாப்பிடணும்.

Mmm.

ஊற வச்சு, பின் இது போல் ரோஸ்ட் பண்ணியும் சாப்பிடலாம்.ஒரு நேர உணவு 300 கிராம் காய்கறிகள். பேலியோல அனுமதிக்கப்பட்ட காய்கறிகள் + பனீர் + கீரை

Afternoon

எல்லா வகை கீரைகளும் சாப்பிடலாம். காய்கறி சாப்பிட்டீங்கன்னா நிச்சயமா பனீரும் சேர்க்கணும்.

Just boiling of vegetables or can I do it like poriyal

ஏன்னா காய்கறில நல்ல கார்ப் மட்டும் தான் இருக்கு. பனீரில் தான் கொழுப்பும், ப்ரோட்டீனும் இருக்கும்.

Just fry panner with ghee is enough va sir

அவிச்சோ, இல்லை அவிச்சிட்டு வாணலில தாளிச்சுக்கொட்டி மசாலா மணம் போக அப்படியே கிளறி வேக விட்டோ, இல்லை பருப்பில்லாம கூட்டு வச்சோ எப்படியோ. ஆமா பனீரை நெய்ல ரோஸ்ட் பண்ணி காய்கறிகளோடு சேர்த்து சாப்பிடலாம்.

Okay

ஸ்நேக்ஸா என்னென்ன சாப்பிடலாம். ஒரு கப் முழுக்கொழுப்பு பால், இல்லை முழுக்கொழுப்பு தயிர். இல்லை 50 கிராம் சீஸ். இல்லை தேங்காய் கால் மூடி இல்லை அதிலும் கொஞ்சம் கம்மியா. தேங்காயை அப்படியே. வெஜிடபிள் சூப்

Yogurt Any brand is ok sir

ஆக, ஸ்நேக்ஸா பால், காபி, டீ, தயிர், சீஸ், சூப் இப்படி பல ஆப்ஷன் இருக்கு. ஆமா, யோகார்ட் ஓகே ஆனா ஃபுல் க்ரீம், அல்லது ஃபுல் ஃபேட் யோகார்ட்

Night veg soup

எங்கே என்ன வாங்கினாலும் லோ ஃபேட் என்பதை வாங்கவே கூடாது ஸ்கிம்டு அப்படீங்கிற வார்த்தையே இருக்கக்கூடாது. மதியம் பாதாம் எடுங்க. இரவில் காய்கறி + பனீர் + கீரை எடுங்க. காலைக்கு ஒரு ஐட்டம் சொல்றேன் இண்டெரெஸ்ட்டிங்கா இருக்கும். காலை 8 மணிக்கு அதை எடுங்க

Superb sir. Let me try.

அதன் பேரு புல்லட் ப்ரூஃப் காபி, அல்லது காபி பிடிக்கலைன்னா பட்டர் டீ. எது பிடிக்கும் காபியா இல்லை டீயா

Coffee sir.In all these my only difficulty is coffee

ஓகே. வித்தியாசமான காபி சொல்லப்போறேன். பவர் ஹேண்ட் ப்ளெண்டர் வச்சிருக்கிறீங்களா

No sir

போய் வாங்குங்க 99 திர்ஹாம் தான். ஜாரோடு கிடைக்கும். மோலிநெக்ஸ் ப்ராண்ட்ல

Okay

இல்லைன்னா பரவாயில்லை மிக்ஸில பெரிய ஜூஸர் ஜார் இருக்கே

I have big jar

25 கிராம் அல்லது ஒரு டேபிள் ஸ்பூன் அன்சால்டட் பட்டர் எடுத்துக்கோங்க. அதோடு இரண்டு டீஸ்பூன் வர்ஜின் தேங்காய் எண்ணெய் விடுங்க. அதோடு ஒரு ஃபுல் டீஸ்பூன் இன்ஸ்டண்ட் காஃபி பவ்டர். டேவிட் ஆஃப் ப்ராண்ட்ல அருமையா கிடைக்குது காபி பவுடர் ஃபைன் அரோமா ரிச் அரோமா ரெண்டுமே ஓகே. இதோடு 250 எம் எல் சூடு தண்ணீர்

Coffee powder with coconut oil and butter a

இது எல்லாத்தையும் ப்ளெண்டரிலோ இல்லை மிக்ஸி ஜூஸ் ஜாரிலோ போட்டு 30 செகண்ட்ஸ் ப்ளெண்ட் பண்ணுங்க. அது தான் புல்லட் ப்ரூஃப் காபி. ஆமா. குடிச்சுப் பாருங்க. அமிர்தமா இருக்கும். ஆரம்பத்தில் அரை டீஸ்பூன் தேங்காய் எண்ணெய் விடுங்க. கொஞ்சம் கொஞ்சமா கூட்டுங்க. ஆரம்பத்தில் தேங்காய் எண்ணெய் சுவை பிடிக்காமல் போகலாம். ஆனா நீங்க ஒரு காபி ரசிகர்னா உங்களுக்கு நிச்சயம் பிடிக்கும். முக்கியம் பட்டர் உப்பில்லாத பட்டர். நான் சொன்ன ப்ராண்ட். 30 செகண்ட் ப்ளெண்ட் பண்ணினா காபி மாதிரியே இருக்கும். பாலுக்குப் பதில் பட்டர் அவ்வளவு தான். தேங்காய் எண்ணெயில் இருக்கும் கொழுப்பு மூளைக்கு அவ்வளவு நல்லது. இது மூனு மணி நேரம் பசி தாங்கும். ஓகேவா

Oh okay.

இது பிடிக்கலைன்னா, ஒரு கப்ல பாதி பால், மீதி தண்ணீர், இதை ஒரு டீ போடும் பாத்திரத்தில் விட்டு, இதோடு ஒரு டேபிள் ஸ்பூன் பட்டர் அல்லது 20 கிராம் பட்டர் விட்டு, கொதிக்க விடுங்க

Mmm

சரி அதோடு ஒரு டீஸ்பூன் டீயும் சேர்த்து கொதிக்க விடுங்க. கொதிச்சதும் எப்பவும் போல ஃபில்டர் பண்ணி குடிங்க. நோட். ரெண்டிலும் சுகர் அறவே கிடையாது. இதுக்குப் பேர் பட்டர் டீ. இதுவும் பசி தாங்கும். ரெண்டரை அல்லது மூனு மணி நேரம் கழிச்சு தேங்காய்ச்சில் ரெண்டு அல்லது மூனு அல்லது வெஜிடபிள் சூப் இப்படி எதுனாச்சும் சாப்பிடுங்க ஆக, ப்ரேக்ஃபாஸ்ட் = புல்லட் ப்ரூஃப் காபி அல்லது பட்டர் டீ, அப்புறம் தேங்காய் பச்சையா இல்லை வெஜிடபிள் சூப், லஞ்ச் = 100 பாதாம், ஸ்நேக்ஸ் = ஒரு கப் பால், தயிர், சீஸ் ஏதாவது, டின்னர் = 300 கிராம் பேலியோ காய்கறிகள் + பனீர் + கீரை, இது தான் உங்க டயட்டு

Good. Thank you sir. Huge note.

இடையில் உப்புப்போட்ட லெமன் ஜூஸ் எப்பவாச்சும் எடுத்துக்கோங்க. லெமன் போரடிச்சா நெல்லிக்காயை ஜூஸ் போட்டு இல்லை அப்படியே சாப்பிடுங்க. இது வைட்டமின் சிக்கு. இன்னும் முக்கியமான ஒன்னு இருக்கு மதியம் 11 மணியிலிருந்து இரண்டு மணி வரை இருக்கும் வெயிலில் தினமும் ஸ்கின்னை எக்ஸ்போஸ் பண்ணி அரை மணி நேரம் இருக்கணும். ஹால்ஃப் ஸ்லீவ் டாப்ஸ், முடிஞ்சா முக்கால் வாசி பாட்டம். தலையை தொப்பி போட்டு கவர் பண்ணிக்கோங்க. இது வைட்டமின் டிக்கு. இது ரொம்ப அவசியம். ஓகேவா? ஆரம்பத்தில் நாலைஞ்சு நாட்களுக்கு தலைவலி இருக்கும். அந்நேரம் நல்லா தண்ணீர் குடிங்க

Lemon juice and Amla juice i am already taking i

உங்க சமையலில் உப்பு ரெஸ்ட்ரிக்ட் பண்ண வேண்டாம். லெமன் அண்ட் நெல்லிக்காய் ஜுஸில் உப்பு தாராளமா போட்டு குடிங்க

I am using rock salt now

நிறைய தண்ணீர் குடிக்கணும். ஓகே ராக் சால்ட் இஸ் ஓகே. அவ்வளவு தான். இனிமே க்ரூப்ல உள்ள பிண்டு போஸ்ட் படிங்க. எல்லாம் நல்லா புரியும். சங்கர் ஜியின் ப்ளாக் வாசிச்சீங்களா

No sir

நான் லிங்க் தரேன்.

I think paleo diet blog a sir.

அதை வாசிக்கும் முன், இப்போ நான் சொன்னதை எல்லாம் மீண்டும் ஒரு முறை முழுசா திருப்பி வாசிங்க. அப்புறமா அதை வாசிங்க. இதில் சொல்ல விடுபட்டது எல்லாம் அதில் கிடைச்சிடும்.
http://paleogod.blogspot.in/…/repeated-questions-about-pale…
இந்த லிங்க்ல உள்ளதை நல்லா வாசிங்க. அப்புறம் க்ரூப்ல உள்ள போஸ்ட்டையெல்லாம் கவனமா வாசிங்க.

 Will start my diet after eid holidays.

ஓகே. டயட்டை ஆரம்பிச்சுட்டு நாலைஞ்சு கிலோ எடை குறைச்சிட்டு அப்புறமா தெம்பா வாங்க. இடையில் சந்தேகம்னா கேளுங்க. தெரிஞ்சதைச் சொல்றேன். க்ரூப்ல கேட்டாலும் சரி.

Will update u later. Once again thank u. Spending your time to explaning me

பேலியோவில் ஏன் எடை மேலும் குறைவதில்லை? Weightloss stages in Paleo.

பேலியோ டயட் துவங்கி முதலில் ஏற்படும் எடை இழப்பு மிகவும் ஆச்சரியகரமாகவும், ஆர்வத்தை தூண்டுவதாகவும் இருக்கும். ஒரே வாரத்தில் எனக்கு 5கிலோ குறைந்திருக்கிறது. பலருக்கும் இப்படியே.

இதற்கான காரணம் தானிய உணவு எடுப்பதால் உடலில் சேர்க்கப்படும் அதிகப்படியான நீர் (எடை), தானியத்தை நிப்பாட்டிய உடன் நீர் உடலில் தேங்குவதில்லை. அந்த நீர் எடைதான் முதலில் நம் உடலிலிருந்து வெளியேறும் எடை. அது ஒவ்வொருவரின் உடல் வாகுக்கு ஏற்ப கூடவோ, குறையவோ இருக்கும். ஆக, கொழுப்பு உடலிலிருந்து குறையத் துவங்கிவிட்டது என்று ஆனந்தமடையக்கூடாது.

ஏனென்றால் அடுத்த வாரங்களில் உடல் எடை குறைவது மிகவும் மெதுவாக நடக்கும். ஒரு மாதம் கழித்து 100கிராம் குறைக்கவே படாத பாடு படுவோம். சரியாக இந்த காலகட்டத்தில்தான் 3கிலோ மீட்டருக்கும் மேலான நடை, உடற்பயிற்சிகள், 100% பேலியோ டயட் என்று எல்லாம் சரியான முறையில் கடைபிடித்துக்கொண்டிருப்போம்.

பலர் கவலைப்படுவதும், டயட்டை விட்டு விலகுவதும், சீட்டிங் அதிகம் செய்ய முனைவதும் இந்த காலகட்டத்தில்தான்.

பொறுமையும், நம் உடல் எப்படி எடை குறைப்பிற்கு ஒத்துழைக்கிறது என்ற ஆர்வம் இருப்பவர்கள் மட்டுமே அடுத்த கட்டமான கொழுப்பு எரிப்பு என்ற நிலைக்குச் செல்கிறார்கள். கரைக்க முடியாத எடையயும் கரைக்கிறார்கள்.

--

ஆக எடைகுறைவது பல கட்டங்களாக நிகழும்.

முதல் நிலை:

உடலில் அதிகப்படியாக தானியங்கள் சேர்க்கும் நீர் எடை. இது டயட்டின் முதல் நாளிலிருந்து, பத்து நாட்களுக்குள்ளாகவே நிகழும். இந்த எடைகுறைவே பல நல்ல மாற்றங்களை உடலில் ஏற்படுத்தும்.

இரண்டாம் நிலை:

குறைவாகச் சாப்பிடுவது, கலோரி குறைவாக எடுப்பது, உண்ணும் கலோரிகளை விட அதிகமாகச் செலவழிப்பது போன்றவைகளால் நிகழும் எடை குறைவு. இதில் பெரும்பாலும் தசைகள் இழப்பால் ஏற்படும் எடை குறைவு இருக்கலாம்.

சரியாக டயட் எடுத்து குறிப்பாக ப்ரோட்டீன் அளவுகள், கொழுப்பு, கார்ப் அளவுகள் விகிதம் சரியாக அமையும்போது கொழுப்பு மிக மெதுவாக செலவழிக்க உடல் தயாராகும். உடற்பயிற்சி, மெது நடை, நீச்சல், சைக்கிளிங் போன்றவையும் சேரும்போது எடை இழப்பு தொடர்ச்சியாகவும், மெதூவாகவும் நிகழும். (டயட் சார்ட் படி உண்ணுங்கள், சுவைக்கேற்ப உண்ணாதீர்கள் என்று கூறுவது இதற்குத்தான்)

மூன்றாம் நிலை:

சரியாக டயட் எடுத்தாலும் ஒருகட்டத்தில் எடை இழப்பு அப்படியே நின்றுவிடும். என்ன செய்தாலும் அசைந்துகொடுக்காது.

இங்கே எந்தப் பொது விதிகளும் உதவுவதில்லை. இது ஒவ்வொருவரின் தனிப்பட்ட உடல் நிலை சார்ந்தது.
இந்த கட்டத்தில் நிகழும் எடை இழப்பே உங்கள் இலக்கு நோக்கி பயணிக்க வைக்கும். அதற்கு முழுமையான ஆராய்ச்சி செய்யவேண்டியது ஒவ்வொருவரின் தனிப்பட்ட கடமையாகும்.

இந்தக் கட்டத்தை அடைந்தவுடன் நீங்கள் முதலில் செய்யவேண்டியது.

பொறுமையாக இருப்பதுதான். டயட்டை சரியாகக் கடைபிடித்து ஒரு மாதம் கூட காத்திருக்கலாம். சில நேரம் ஏதோ பயங்கரமான பஞ்சம் போல, சரி சேர்த்து வைத்திருக்கும் கொழுப்பை எரிப்போம் என்று உடல் அநிச்சையாக முடிவெடுக்க ஒரு அவகாசம் தேவைப்படுகிறது. அதற்கு தேவையான காலகட்டம் வரும் வரை பொறுமையாக இருப்பது அவசியம்.

கிட்டத்தட்ட, அந்தப் பஞ்சம் வந்துவிட்டது, இந்த உடலைக் காப்பாற்ற சேமித்த கொழுப்பை எரிப்பது தவிர வேறு வழியில்லை என்று அந்தப் பஞ்ச சமிக்ஞையை நமக்கு நாமே ஏமாற்றும் திட்டத்தில் செயல்படுத்துவதுதான் வாட்டர் பாஸ்டிங், சதுர்த்தி/பிரதோஷ விரதங்கள், வாரியர் இன்னபிற மிகக்குறைந்த உணவு விரத முறைகள்.

சிலருக்கு வாரியர் உதவும், சிலருக்கு தொடர் நடை உதவும், சிலருக்கு பளு தூக்கும் உடற்பயிற்சிகள் உதவும், சிலருக்கு கீட்டோ, சிலருக்கு ஒருவேளை முழுக்கொழுப்பு சிகப்பிறைச்சி 23.5 மணி நேர பாஸ்டிங். இப்படி. இதில் எது உங்களுக்கான வழி என்று நீங்கள் அதைக் கண்டுபிடிக்க இருக்கும் ஒரே வழி, உங்கள் உடல் எதற்கு சரியாக ஒத்துப் போகிறது என்று ஆராய்ந்து அதை நீங்களே கண்டுபிடிப்பதுதான்.

அதை நீங்கள்தான் செய்யவேண்டும். அனைத்து வழிமுறைகளும் குழுமத்தில் விவாதிக்கப்பட்டு வருகிறது. உங்கள் உடலை தொடர்ந்து கவனிப்பதும், எந்த வழிமுறையில் உங்கள் உடல் கொழுப்பை எரிக்க உத்தரவிடுகிறது என்ற சூத்திரம் அறிந்துகொண்டால் அதைப் பயன்படுத்தி உங்கள் இலக்கு எடையை அடைவது சுலபமாக இருக்கும்.

தேவை, பொறுமை மட்டுமே.

Kefir / கெபிர் / கபிர் - Probiotic Kefir

Kefir / கெபிர் / கபிர் 

-by neander Selvan


கெபிர் க்ரெய்ன் (க்ரெய்ன் என இருப்பதால் தானியம் என நினைத்துவிட வேண்டாம்  

ப்ரொபயாடிக் பாக்டிரியா நிரம்பிய கெபிர் பாலை தயாரிக்க கெபிர் கிரெய்னை வாங்க வேண்டும். வாங்கி சுத்தமான கண்னாடி பாட்டிலில் வைத்து, 2 கப் பாலை மேலே ஊற்றி 24 மணிநேரம் அறைவெப்பத்தில் வைக்கவேண்டும்

24 மணிநேரம் கழித்து பில்டரில் வடிகட்டி கபிர் கிரெய்னை எடுத்துவிட்டு தயிராக மாறிய ப்ரொபயாடிக் பாலை பருகலாம்.

மீண்டும் அந்த கபிர் கிரெய்னை வைத்து கபிர் தயிர் தயாரிக்கலாம். நாள்பட, நாள்பட கபிர் கிரெய்ன் வளர்ந்து கொண்டே போகும். அதை நண்பர்களுக்கும் கொடுக்கலாம்.
இது பாலில் உள்ள லாக்டோசை பெருமளவில் அகற்றிவிடுவதால் பால் அலர்ஜி உள்ளவர்களும் அருந்தலாம். ஜீரண கோளாறு, வயிற்றுவலி உள்ளவர்களும் கெபிரை அருந்தலாம். உங்கள் வயிற்றுவலிக்கு காரணம் உடலில் ப்ரொபயாடிக் பாக்டிரியா குறைபாடு எனில் அதை இது நிவர்த்தி செய்யும்.

-------------
மாடுகளுக்கும், கோழிகளுக்கும் தம் இயற்கைக்கு மாறான தானிய உணவை கொடுக்கையில் அவற்றின் உடல்நலம் அடிக்கடி குன்றிவிடும். அதனால் ஆண்டி பயாடிக்குகளை அடிக்கடி கொடுத்து அவற்றை உயிர்பிழைக்க வைப்பார்கள். ஆண்டிபயாடிக்குகள் வைரஸ், பாக்டிரியாக்களை கொல்லும் சக்தி வாய்ந்தவை. நம் உடலில் நோயெதிர்ப்பு சக்தி அதிகமாக இருந்தால் அதுவே நம் உடலை தாக்கும் பாக்டிரியா, வைரசை அழித்துவிடும். ஆனால் நோயெதிர்ப்பு சக்தி வலுவாக இருக்க உடலுக்கு வலுவான வைட்டமின், மினரல் சத்துக்கள் நிரம்பிய உணவை அளிக்க வேண்டும். அது நிகழாத பட்சத்தில் நோயெதிர்ப்பு சக்தி குன்றி ஆண்டி பயாடிக்குகளை நம்பி இருக்கும் சூழலுக்கு ஆளாகிறோம்.

அதனால் என்ன? உடலில் பாக்டிரியா வைரஸ் மூலம் வியாதி வருகிறது. ஆண்டிபயாடிக்குகள் அவற்றை அழித்துவிடுகிறது. மேட்டர் ஓவர் என்கிறீர்களா?
இல்லை. கதை அத்துடன் முடியவில்லை. துவங்குகிறது.

மனிதன் உடலில் சிறுகுடல், பெருங்குடல் இரு வகைகள் உள்ளது. சிறுகுடலில் புரதமும், கொழுப்பும் ஜீரணம் செய்யப்படும். சிறுகுடலால் ஜீரணம் செய்யபட இயலாத நார்சத்து உள்ள உணவுகள் பெரும்குடலுக்கு நகர்கின்றன. ஆக மாமிசம், முட்டை முதலான உணவுகளை உண்டால் அவை முழுக்க முழுக்க சிறுகுடலில் ஜீரணம் செய்யபடும். அரிசி, கோதுமை, கீரை, காய்கறி, பழம் முதலானவை சிறுகுடலில் ஜீரணம் ஆகாமல் பெரும்குடலுக்கு நகர்கின்றன.

பெரும்குடலில் ப்ரொபயாடிக்ஸ் எனப்படும் நலனளிக்கும் பலகோடிகணக்கான பாக்டிரியாக்கள் வசிக்கின்றன. இவை தாவர உணவுகளை ஜீரணம் செய்ய உடலுக்கு உதவுகின்றன. சொல்லபோனால் மனித உடலில் உள்ள செல்களின் எண்ணிக்கையை விட 10 மடங்கு அதிக பாக்டிரியாக்கள் நம் பெரும்குடலில் உள்ளன. தாவர உணவுகளை ஜீரணிக்க இவை உதவுகின்றன.

காய்ச்சலுக்கு நாம் சாப்பிடும் ஆண்டிபயாடிக்குகள் நல்ல பாக்டிரியா, கெட்ட பாக்டிரியா என பேதம் பார்ப்பது இல்லை. உடலில் சூறாவளி புகுந்தது போல் புகுந்து நல்லது, கெட்டது என பார்க்காமல் அனைத்து பாக்டிரியாக்களையும் அழித்துவிடுகின்றன. ஒருதரம் ஆண்டிபயாடிக்குகளை சாப்பிட்டால் அது நம் பெருகுடலில் உள்ள ப்ரொபயாடிக் பாக்டிரியாக்கள் மேல் அணுகுண்டு போட்டதற்கு சமமான விளைவுகளை உருவாக்குகிறது. காய்ச்சல் குணமாகிறது என மகிழ்ச்சி அடைகிறோம். அதே சமயம் அது நம் பெரும்குடலுக்கு தாங்க இயலாத தீமைகளை உருவாக்குகிறது.

பெண்கள் உட்கொள்ளும் கர்ப்பதடை மாத்திரைகளும் ப்ரொபயாடிக் பாக்டிரியாக்களை அழிக்கும் சக்தி வாய்ந்தது. கர்ப்பதடை மாத்திரையால் பாதிப்பு துளீயும் இல்லை என சொல்லி இவை விற்கபடுவது குறிப்பிடதக்கது. இதனால் ப்ரொபயாடிக் பாக்டிரியா பாதிப்பால் பெண்களுக்கு சிறுநீர் பாதையில் இன்ஃபெக்ஷன், மறைவிடத்தில் இன்ஃபெக்ஷன் முதலானவை தோன்றுகின்றன.

ப்ரொபயாடிக் பாக்டிரியா குறைபாடால் இரிட்டபிள் பவுல் சிண்ட்ரோம் எனப்படும் வியாதி தோன்றுகிறது. ஜீரண சக்தி குறைந்து அடிக்கடி வயிற்றில் போவது நிகழ்கிறது. காரணம் சொல்ல இயலாத வயிற்றுவலிகளுக்கு இதுதான் மூலகாரணம்.

ப்ரொபயாடிக் பாக்டிரியா நலன் தான் ஒட்டுமொத்த உடல்நலனையும் தீர்மானிக்கும் விஷயம். இது பாதிக்கபட்டால் பல வகை அலர்ஜிகள் உடலில் உருவாகும், பாலை ஜீரணம் செய்ய முடியாமல் போகும். சிறுநீர்பாதை கோளாறுகள் வரும்.

இதனால் ஆண்டிபயாடிக்குகளை சாப்பிட கூடாது என பொருள் இல்லை. தவறான உணவுபழக்கம் மூலம் வியாதிகளை வரவழைத்துகொள்கிறோம். இதனால் மிக மோசமான பாக்டிரியாக்கள் உடலில் சேரும். அதனால் அவற்றை கொல்ல நேர்கையில் நல்ல பாக்டிரியாக்களும் அழிகின்றன. ஆக தவறான உணவால் வரும் வியாதியை போக்க ஆண்டிபயடிக், ஆண்டிபயாடிக் விளைவால் வரும் வியாதியை போக்க இன்னொரு மருந்து என மீள இயலாத சுழலில் சிக்கிவிடுகிறோம். கடைசியில் ப்ரிஸ்க்ரிப்ஷன் மாத்திரைகளை நம்பி மட்டுமே உயிர்வாழும் சூழலில் சிக்கிவிடுகிறோம்.

ப்ரொபயாடிக் பாக்டிரியாக்களின் எண்ணிக்கையை அதிகரிக்க கஃபிர் எனும் வகை தயிரை உட்கொள்லலாம். இதில் மில்லியன் கணக்கில் நல்ல பாக்டிரியாக்கள் உள்ளன. இவை பெரும்குடலில் உள்ள நல்ல பாக்டிரியாக்களின் எண்ணிக்கையை அதிகரிக்கிறது. கபிர் தயிரை உண்கையில் சர்க்கரை, கெமிக்கல் இல்லாத தயிரை உட்கொள்ளவேண்டும். வீட்டிலும் கெபிர் தயிரை தயாரிக்கலாம். ஆனால் அதற்கு கபிர் கல்ச்சர்ஸ் எனும் வகை ஸ்டார்ட்டர் கிட் தேவைப்படும்.
 ----------

ப்ரோபயாடிக்ஸ் சாப்பிடுவது மூளை வளர்ச்சிக்கு நல்லது என இந்த கலிபோர்னியா பல்கலைகழக ஆய்வு கூறுகிறது. பொதுவாக இது கெபிர் எனும் வகை தயிரில் காணப்படும். ஏராளமான செயற்கை சர்க்கரைகளை சேர்த்து தயிர்பாயசம் என இந்த கெபிரை கூறலாம்.

இது எப்படி மூளை வளர்ச்சிக்கு நல்லது என இந்த ஆய்வு சொல்கிறது என குழம்பி முழுக்க படித்து பார்த்தேன். கடைசி பத்தியில் உண்மை வெளிவருது. இந்த ஆய்வை முழுக்க ஸ்பான்சர் செய்தது டானோன் எனும் கம்பனி. உலகின் நம்பர் ஒன் தயிர் உற்பத்தியாளர் டானோன். அதுபோக இந்த ஆய்வை நடத்தியவர்களில் மூவர் டாடோன் கம்பனியின் பணியாளர்கள்!!!

இம்மாதிரி ஆய்வுகளை வைத்து இனி மெடிக்கல் காலேஜ் சிலபஸ்களில் புரொபயாடிக் யோகர்ட் உடலுக்கு நல்லது என சொல்லிகொடுப்பார்கள். மருத்துவர்கள் அதை பரிந்துரைப்பார்கள். அப்புறம் இப்படி ஆரோக்கியமா சாப்பிட்டும் டயட்பைஸ் ஏன் வருது, ஹார்ட் அட்டாக் ஏன் வருது என புரியாமல் மக்கள் குழம்புவார்கள்.http://newsroom.ucla.edu/portal/ucla/changing-gut-bacteria-through-245617.aspx

 

https://www.facebook.com/groups/tamilhealth/permalink/195363630654124/
 
https://www.facebook.com/groups/tamilhealth/permalink/197775787079575/
 
https://www.facebook.com/groups/tamilhealth/permalink/160163927507428/


http://newsroom.ucla.edu/releases/changing-gut-bacteria-through-245617


 by Abdul Farooq

https://www.facebook.com/photo.php?fbid=737289496281403&set=gm.203078166549337&type=1


Kefir is superior than probiotic capsules

If you’re looking for a good probiotic supplement go for the best, Kefir. Many manufacturers of probiotics claim that their pills contain 15 billion bacteria at the time of processing. And that it would take tubs of yogurt or gallons of kefir to receive the same amount of friendly bacteria.

First of all, lets not forget that these companies acquire their products directly from these whole food fermented-milk products. They pull nutrients out of whole foods and turn around and sell them right back to you.

So for a fraction of the cost, you can have a more superior product. I paid only a few dollars for my kefir grains, and if you take care of them properly they will multiply and last forever!

Numbers don’t lie· One capsule of man-made probiotics normally contains about 15 billion bacteria.

· One small bowl of fresh yogurt (500 ml), contains about 1.5 trillion beneficial organisms. – 100 times more than a 15 billion capsule.

· And one small bowl of fresh kefir (500 ml), contains as many as 5 trillion beneficial organisms. Almost 400 times more than a capsule.

Kefir and other fermented milk products contain buffering agents that nourish and protect the lactobacillus from bile acids in the stomach. This way they can make it into the intestines where they produce Vit. B-12 and help to breakdown and package food for excretion. Milk products are such strong buffering agents that even poison control centers recommend drinking milk when confronted with a poison situation.

Bacteria in pill form are in a dormant cycle and the bacteria in kefir and yogurt are alive and well, making them much more fit to adapt to sudden changes in environment as they enter the body.

These fermented milk products are considered functional foods because they function as health promoting foods. Probiotic pill supplements only offer one thing, bacteria. Fermented Milk offers much more; minerals, vitamins, amino acids, L-carnitine, good fats, antimicrobial agents and more.

Scientist tested the kefir in the Caucasus Mountains for any type of harmful bacteria. But much to their surprise, they found nothing. Deep in the mountains where sanitary conditions are much worse than ours, the scientist refused to believe there was no harmful bacteria to be found. Creating a possible scenario that a piece of animal fecal matter would fall into the milk, they injected the E. Coli bacteria into the kefir. Within 24 hours the E. Coli was destroyed by Kefir’s benificial bacteria. Kefir has also demonstrated the ability to kill H. pylori infections when bacteria alone could not. In addition, the complex microflora of kefir has also shown a keen ability to stimulate our immune system, ward off infections from salmonella, and in some cases even fight cancer.

Fermented foods such as kefir, yogurt, and sauerkraut are once again superior to pills in a bottle.

30 Days Paleo Challenge / 30 நாட்கள் பேலியோ சாலஞ்ச்!

முப்பது நாள் பேலியோ சாலஞ்ச்.
பேலியோ துவங்குவதின் முதல் பிரச்சனையே என்ன சாப்பிடுவது? எப்பொழுது சாப்பிடுவது? எவ்வளவு செலவாகும்? என்பதுதான்.

இந்த டயட் முறை ஒத்து வருமா?

இதனால் என்ன பயன்?

இது உடலுக்கு நல்லதா கெடுதலா?

முப்பது நாள் ஒழுங்காக பேலியோவைக் கடைபிடிப்பதன் மூலம் இதன் பலன் உங்களுக்குத் தெரியவரும். அல்லது இந்த முறை ஒத்து வராது என்று நீங்கள் தலை முழுகிவிடலாம். அல்லது குறைந்தபட்சம் இனிப்பு, குப்பை உணவுகள், கண்டதைத் தின்பது என்ற தினப்படி தவறான உணவுப்பழக்கத்திலிருந்து நீங்கள் விடுபடலாம்.

உதாரணத்திற்கு ஒரு மாதத்திற்கு நபருக்கு தோராயமாக ரூ.6000/- செலவாகும் என்று முடிவு செய்து இந்த முப்பது நாள் பேலியோ சவாலை முயற்சிக்கலாம். ஒரே கண்டிஷன் என்னவென்றால் இங்கே சொல்லப்படும் பல கண்டிஷன்களையும் கண்டிப்பாக பின்பற்றவேண்டும் என்பதுதான்.

முதலில் செய்யவேண்டியது:

ஒரு ரத்தப் பரிசோதனை (எ) முழு உடல் பரிசோதனை.
இதில் லிபிட் ப்ரொபைல் டெஸ்ட், HbA1C, சாப்பிடுவதற்கு முன்-பின் சர்க்கரை அளவு, எடை, இடுப்பு அளவு, HDL, LDL, போன்ற முக்கியமான அளவுகள் உங்களுக்குக் கிடைக்கும். அதை அப்படியே வைத்துக்கொள்ளுங்கள், முப்பது நாட்கள் கழிந்து மீண்டும் இதே பரிசோதனையை நீங்கள் செய்யும்போது, இந்த டயட்டால் ஏற்பட்டுள்ள மாற்றங்கள் உங்களுக்குத் தெரியவரும்.

டெஸ்ட் பற்றிய மேலதிக விவரங்கள் இங்கே


சாலஞ்சுக்கு தேவையான பொருட்கள்.
01. செக்கில் ஆட்டிய தேங்காய் எண்ணெய். 1 லிட்டர்.
02. செக்கில் ஆட்டிய நல்லெண்ணெய். 2 லிட்டர்.
03. வெண்ணெய் வாங்கி உருக்கிய நெய் 2 லிட்டர்.
04. தேங்காய். 05
05. தயிர். 04 லிட்டர்
06. சீஸ். 500 கிராம்.
07. கீரை (அனைத்து வகைகளும்). 30 கட்டுகள்
08. காலி ப்ளவர் / ப்ராக்களி. 10 பூக்கள்
09. பாதாம். 01 கிலோ
10. பிஸ்தா. 500 கிராம்.
12. அவகோடா. 10
13. பழுக்காத கொய்யா. 45
14. பூண்டு. 500 கிராம்.
15. ஒமேகா 3 மீன் மாத்திரை 1000எம்ஜி. 60 கேப்ஸூல்
16. Flax seed powder. 100 கிராம் பாக்கெட். (சைவர்களுக்கு மட்டும் ஒமேகா 3க்காக)
17. ஆர்கானிக் மஞ்சள்தூள் - 500 கிராம்.

அசைவம் சாப்பிடுபவர்களுக்கு
18. நாட்டுக் கோழி முட்டை 120
19. க்ரில்டு சிக்கன் 10
20. மீன் / கடலுணவுகள்.

பொதுவான பானங்கள்:

க்ரீன் டீ ( சர்க்கரை இல்லாமல் ). 60 டீ பாக்

ப்யூர் கொக்கோ பாக்கெட் (சர்க்கரை இல்லாமல்). 100 கிராம்

மோர்

தண்ணீர் 30*4= 120 லிட்டர்.


மேலே உள்ள பொருட்கள் தோராயமாக ஒரு மாதத்திற்கு ஒரு நபருக்குத் தேவையானவை, கொஞ்சம் கூடக் குறைய இருக்கலாம். எதுவும் வீணாகப்போவதில்லை. முழுவதும் ஒரேயடியாக வாங்கவேண்டும் என்பதில்லை, எவ்வளவு செலவாகும் என்பதற்கான ஒரு கணக்கு. இவற்றை மட்டும் ஒரு மாதத்திற்கு நீங்கள் உண்ணும்பட்சத்தில், நிச்சயம் முழு மாடிபைடு பேலியோ டயட்டை பின்பற்றுபவராவீர்கள். அதனால் வரும் நன்மைகள் ஒரு மாத முடிவில் உங்களுக்குத் தெரியவரும்.

இதைத் தவிர்த்து என்ன சாப்பிடலாம்.

எதையும் சாப்பிடக்கூடாது. பொறந்த நாள் என்று கேக் தருவார்கள், சாக்லெட் தருவார்கள், திடீரென்று லேஸ் சிப்ஸ், பஜ்ஜி, போண்டா, பர்கர், பீட்ஸா சாப்பிட அழைப்பு வரும் கண்டிப்பாகத் தவிர்க்க வேண்டும். வெளியில் சாப்பிடக்கூடாது. பாண்ட் பாக்கெட்டில் 100 கிராம் பிஸ்தா, பாதாம் இருந்தால் ஒரு வேளை உணவு பசி அடங்கிவிடும். அல்லது ஆப்பிள், தயிர், சீஸ் சாப்பிடலாம்.

காபி, டீ கூடவே கூடாது. புல் மேய்ந்த மாட்டின் கறந்த பால் கிடைத்தால் தாராளமாக தண்ணீர் ஊற்றாமல் (அப்கோர்ஸ் சர்க்கரை போடாமல்தான்) குடிக்கலாம். இந்தப் பாலும் டயபடிக் உள்ளவர்களூக்கு ரத்த சர்க்கரை அளவை ஏற்றினால் தவிர்க்கவேண்டும். நல்ல பால் கிடைக்காமல் வெறும் பாக்கெட் பால்தான் கிடைக்கிறது என்றால் பாலைத் தவிர்ப்பதே உத்தமம்.

எந்த வகைப் பழங்களும், ஜூஸும் பாக்கெட்டில் அடைத்தது, நீங்களே பிழிந்தது கூடாது.

எந்த வகையிலும் இனிப்பு கூடாது, வெள்ளை சர்க்கரை, தேன், நாட்டு சர்க்கரை, அச்சு வெல்லம், உருண்டை வெல்லம், பனை வெல்லம், கருப்பட்டி, கரும்பு ஜூஸ், சுகர் ப்ரீ மாத்திரைகள், பிஸ்கெட், கேக், பேக்கரி ஐட்டம், பரோட்டா, ரொட்டி, ப்ரெட், சப்பாத்தி, கிழங்கு வகைகள், பழங்கள் கூடாது.

அடிக்கடி உடலுக்குத் தேவையான அளவு தண்ணீர் குடிக்க வேண்டும். வெது வெதுப்பான நீராக இருப்பின் மிக நல்லது.

தினசரி மித வேக அல்லது சாதாரண நடைப் பயிற்சி முக்கியம். 3000 முதல் 10000 ஸ்டெப்ஸ்.

முதலில் ஒரு கிலோ மீட்டர் நடை தூரம் ஆரம்பித்து, பின்னர் எவ்வளவு முடியுமோ அவ்வளவு தூரம் நடக்கவும். பேலியோ துவங்கும்போது ஓத்துழைக்க மறுக்கும் உடல் பின்னர் எப்படி இலகுவாகிறது என்பதை கவனிக்கவும். தினம் குறைந்தது 3 கிலோ மீட்டர் முதல் 5 கிலோ மீட்டர் வரை நடந்தால் உத்தமமான ரிசல்ட் கிடைக்கும்.
முடிந்தால் தினம் 20 நிமிடங்களாவது 11 மணி முதல் 2 மணிக்குள் உடலில் பெரும்பாலான இடங்களில் வெயில் படுமாறு நிற்கவும். (அப்கோர்ஸ் தலையில் துண்டு போட்டுக்கொண்டுதான்.) Dminder என்ற App உங்கள் ஸ்மார்ட் போனில் டவுன்லோடு செய்து அதில் நீங்கள் வசிக்கும் இடத்தில் சோலார் நூன் நேரம் என்ன என்று பார்த்து அந்த நேரத்தில் சூரிய வெளிச்சம் உடலில் படுமாறு நின்றால் விட்டமின் டி அளவு அதிகரிக்கும்.

பச்சையாக ஒரு பல் பூண்டு சிறிய மாத்திரை வடிவில் துண்டுகளாக்கி, மாத்திரை போல வாயில் போட்டு முழுங்கிவிடவும். காலை வெறும் வயிற்றில் என்றால் உத்தமம். கடிக்காமல் துண்டுகளாக்கி முழுங்கி அதன் பின் காலை உணவு எடுத்துக்கொள்வதால் பூண்டு வாசனை வாயில் வராது.

பீடி, சிகரெட், கஞ்சா, சுறுட்டு, அனைத்து வகை சாராயம் போன்றவை டயட்டின் போது கூடவே கூடாது. டயட்டுக்குப் பின்னரும் அதை விட்டுவிட இந்தக் கால கட்டம் உதவும்.

மருத்துவர் கொடுத்துள்ள மருந்து மாத்திரைகளை அவரின் அனுமதியின்றி நிப்பாட்ட வேண்டாம். சர்க்கரை அளவு குறைவது போல இருந்தால் வீட்டிலேயே அளக்கும் கருவி கொண்டு சரிபார்த்துக்கொள்ளுங்கள். 30 நாளும், ப்ளட் ப்ரஷர், எடை, சர்க்கரை அளவு எடுக்க்க முடிந்தால், அதை குறித்து வந்தால் உத்தமம்.

கிட்னி கற்கள் இருப்பவர்கள், இன்னும் பேலியோ என்றால் என்னவென்று புரியாதவர்கள், கடுமையான உடல் உபாதைகள் இருப்பவர்கள், கொழுப்பு சாப்பிட்டால் மாரடைப்பு வரும் என்று நம்பிக்கையோடு சன்ப்ளவர் ஆயிலில் பஜ்ஜி சாப்பிடுபவர்கள் ப்ளீஸ் இது வரை படித்ததை எச்சி தொட்டு அழித்துவிடுங்கள் இந்த டயட் உங்களுக்கு ஒத்து வராது.

வேறு சந்தேகங்கள், இந்தப் பதிவில் உள்ள பிழைகள், மேலே சொல்லப்பட்ட உணவுப் பொருட்கள் சார்ந்த பேலியோ ரெசிபிக்கள், கூடுதலாக சேர்க்கவேண்டிய உணவுப் பொருட்கள், ரெசிப்பிக்கள் ஏதேனும் இருப்பின் குழும சீனியர்கள் கமெண்டில் தந்து உதவினால், ஒரு இபுக்காக மாற்றி முப்பது நாட்கள் முயற்சி செய்ய விரும்புபவர்களுக்கு உதவியாக இருக்கும்.

ஒரு பேலியோ நாள் என்பது....

தினமும் காலை சீக்கிரமாக எழுந்தவுடன் வெறும் வயிற்றில் பல் துலக்குவதற்கு முன்பாக நல்லெண்ணெய் இரண்டு ஸ்பூன் வாயில் விட்டு நன்றாகக் (5நிமிடமாவது) கொப்புள்ளித்துப் பின் அதை உமிழ்ந்துவிடவும். வாயும் தாடையும் ஆரம்பத்தில் கொஞ்சம் வலிக்கும், ஆனால் பற்களுக்கும், ஈறுகளுக்கும், மலச்சிக்கலுக்கும் நல்ல பலன் இதனால் கிடைக்கிறது. தேங்காய் எண்ணெயும் பயன்படுத்தலாம்.

அதன்பின் சுடுநீரில் வாய் கொப்புளித்து, மூலிகை பற்பொடி இருந்தால் அதில் பல் துலக்கிவிட்டு, மீண்டும் இரண்டு டம்ப்ளர் நல்ல காபி குடிக்கும் சூடில் மீண்டும் வெந்நீர் குடிக்கலாம், அப்படியே ஒரு பல் பூண்டை சிறிய துண்டுகளாக நறுக்கி முழுங்கி மீதமுள்ள வெந்நீரை ரசித்து சிறிது சிறிதாக சிப் பண்ணிக் குடித்தால் நலம். காபி அல்லது டீ குடிக்கும் பழக்கத்தை மாற்ற இம்முறை உதவும். சூடான நீர் உள்ளே சென்றவுடன் காலைக்கடன் சுலபமாக வெளிவரும்.

தினமும் எடை பார்க்க உகந்த நேரம் இது. எடை பார்த்து குறித்துக் கொள்ளவும். நூறு கிராம் , ஐம்பது கிராம் எடை இழப்புக்கெல்லாம் கவலைப் படக்கூடாது.

மூச்சுப் பயிற்சி, யோகா, நடைப் பயிற்சி போன்றவற்றை ஒரு சூடான சர்க்கரை இல்லாத க்ரீன் டீயோடு துவங்கலாம். அல்லது கொக்கோ பானம்.

நன்றாக பச்சைத் தண்ணீரில் தலைக்குக் குளித்துவிட்டு, (குளிரும் என்று நினைப்பவர்கள் மோட்டார் போட்டு டைரக்டாக பூமியிலிருந்து வரும் நீர், அல்லது கிணற்றில் இறைக்கும் நீரைப் பயன்படுத்தினால் வெது வெதுப்பாக இருக்கும். ) காலை முதல் பேலியோ உணவாக, அவித்ததாகவோ, ஆம்லெட்டாகவோ நாலு முட்டையை உள்ளே தள்ளலாம். அல்லது 100 கிராம் பாதாம்/பிஸ்தா பொறுமையாக நன்கு கடித்து மென்று உமிழ்நீர் சேர சாப்பிடுங்கள்.

மதிய சாப்பாடு வரை இந்த காலை உணவு படி எடுக்காமல் காக்கும். தேவைப்பட்டால், மீண்டும் ஒரு க்ரீன் டீ, ஒரு கொய்யா நடுவே சாப்பிடலாம்.

மதிய உணவாக, க்ரில்ட் சிக்கன் அல்லது ஒரு காலிப்ளவர் ப்ரோக்கோலியை மசாலா போட்டு வேகவைத்து உண்ணலாம். இரண்டு மணி நேரம் கழித்து ஒரு கப் தயிர் அல்லது பெரிய டம்ப்ளரில் மோர். ஒரு 40 கிராம் அளவுக்குள்ளாக ஒரு கார்போஹைடிரேட் உணவு எடுத்துக்கொள்ளுங்கள்,  திடீரென்று டயட்டுக்கு மாறும்பொழுது உடல் ஏற்றுக்கொள்ள இது உதவும். கண்டிப்பாக 40கிராம் கார்ப் மட்டுமே சேர்க்கவேண்டும் என்பதில் கவனமாக இருக்கவும். இதுபின்னர் இன்னும் குறையும்.

மாலை ஒரு க்ரீன் டீ அல்லது கொழுப்பு நீக்காத பால், சில தேங்காய் துண்டுகள், பச்சையாகவோ, நெய்யில் வறுத்ததோ. (பசித்தால் மட்டும், பசிக்கவில்லை என்றால் எதுவும் உண்ணத் தேவையில்லை, பசிக்கும் க்ரேவிங் எனப்படும் எதையாவது தின்னவேண்டும் என்ற ஆவலுக்கும் உள்ள வித்தியாசம் புரிந்துகொள்ளுங்கள். அதன்படி சாப்பிடுங்கள்.

காலையோ, மாலையோ 2 கிலோ மீட்டர் நடைப்பயிற்சி.

இரவு, வீடு வந்ததும் மீண்டும் ஒரு குளியல். பனீர் டிக்கா, ஏதாவது ஒரு கீரை. இரவு கீரை சாப்பிடுவதில் தயக்கம் உள்ளவர்கள் மதியம் எடுத்துக்கொள்ளுங்கள். ஒரு உணவோடு இல்லாமல், ஒரு உணவிற்குப் பிறகு ஒரு மணி நேர இடைவெளி விட்டு கீரையை தனியாக ஒரு பவுலில் வைத்து சாப்பிடுங்கள் அதன் முழு பலன் உடலில் சேருவதற்காகவே இப்படிச் சொல்லப்படுகிறது.

இந்த உணவுற்குப் பிறகு தேவைப்பட்டால் இரண்டு மணி நேரம் கழித்து ஒரு பால் குடியுங்கள். இரண்டு ஒமேகா 3 மாத்திரைகளை முழுங்கிவிட்டு..

பின்னர் நல்லெண்ணெய் அல்லது தேங்காய் எண்ணெயில் வாய் கொப்பளித்து உறங்கச் செல்லுங்கள்.

மேலே சொல்லப்பட்ட ஒரு நாளையும் தற்பொழுது நீங்கள் கழிக்கும் ஒரு நாளையும் ஒப்பிட்டால் உங்களுக்கு தெரிய வரும் வித்தியாசத்தைப் பாருங்கள். தேவையில்லாத டீ, காபி, குப்பை உணவுகள் தின்றும் பசி ஆறாமல், நெஞ்சு கரித்து, கேஸோடு வயிறு பாடாகப் படுத்தி நடக்க முடியாமல், சோம்பேரித்தனமாக இருந்த நாள் இந்த உணவுக்குப் பிறகு எப்படி சுறுசுறுப்பாக, பசி குறைந்து, ஆசிட் தொல்லை, நெஞ்சரிச்சல், கேஸ் தொல்லை இல்லாமல் இலகுவாக மாறுகிறது என்பதைப் பாருங்கள்.

மேலே சொன்னது ஒரு உதாரண நாள். இதில் தேவைக்கேற்ப உணவுகளை மேலே வாங்கிய பொருட்களோடு மாற்றி மாற்றி சமைத்து உண்ணும்போது போரடிக்காது.

கண்டிப்பாக, தினம் ஒரு கீரை, மற்றும் உணவில் வெங்காயம், பூண்டு, மஞ்சள் தூள் இவைகளைச் சேர்த்து வரவும்.

வழக்கமான டிஸ்கி.

இது குறைவான கார்போ ஹைடிரேட், அதிக நல்ல கொழுப்பு சார்ந்த டயட் முறை, அதிக கெட்ட கொழுப்பு, அதிக ப்ரோட்டீன் சார்ந்த உணவு வகைகள், அதிக கார்போ ஹைடிரேட் போன்றவைகளை தவறாக எடுத்தால் விளைவுகள் வேறு மாதிரி இருக்கும்.

நீங்கள் சாப்பிடும் உணவுகளுக்கும், அது சார்ந்த டயட்டுக்கும் நீங்களே முழு முதல் பொறுப்பு, இங்கே நானோ, மற்ற யாருமோ அங்கீகரிக்கப்பட்ட, படித்த டயட்டிசியன்கள் இல்லை, ஆனால் இந்த உணவு முறை எங்களால் சோதித்துப் பார்க்கப்பட்டு பலன் கிடைக்கப்பட்ட ஒரு முறை, அதை ஒரு தகவலாக இங்கே பகிர்கிறோம். எந்த பாதிப்புக்கும் இந்தக் குழுமமோ, இதில் இணைந்திருப்பவர்களோ எந்த விதத்திலும் பொறுப்பேற்க மாட்டார்கள்.

புரிந்துகொண்டு இந்த டயட்டை எடுத்து ஓரிரண்டு நாட்கள் அப்படி இப்படி இருந்து, இனிப்பு சாப்பிட்டு, காபி குடித்து, பிட்ஸா சாப்பிட்டேன் என்பவர்களும் குற்றம் செய்தவராகிறீர்கள். :) ஆக, உங்கள் டயட்டுக்கு நீங்களே சாட்சி, நீங்களே நீதிபதி, நன்மை கிடைத்தால் எங்களுக்கு மகிழ்ச்சியே.

ஏன் காபி குடிக்கக்கூடாது, ஏன் செக்கில் ஆட்டிய தேங்காய் எண்ணெய், ஏன் புல் சாப்பிட்ட மாட்டின் பால், ஆமா, இந்த Paleo அப்படின்னா என்ன? என்றெல்லாம் எதுவும் புரியாமல் கேள்வி கேட்பதற்கு முன் இந்தக் குழுமத்தின் பழைய பதிவுகள், முன்னோர் உணவு எனும் பிடிஎஃப் போன்றவைகளை படித்துவிட்டு கேள்விகளுக்கான பதிலை அங்கே பெற்றுக்கொள்ளவும்.
நன்றி!

Kidney stones and Muscle cramps (By Neander Selvan) கிட்னி கற்கள்

Kidney stones and Muscle cramps (By selvan)

க்ராம்ப்ஸ் என்பது ஸ்போர்ட்ஸ்மேன்களுக்கு வரலாம். மற்றவர்களுக்கு  கிராம்ப்ஸ் வர காரணம் கீழ்காணும் மும்மூர்த்திகளின் பற்றாகுறையே:மக்னிசியம்: எலும்புக்கு நல்லது கால்ஷியம் என கேள்விபட்டிருப்போம். ஆனால் எலும்பின் பெரும்பகுதி மக்னிசியமே. மக்னிசியம் எத்தனை முக்கியமான மூலசத்து என நாம் சரியாக உனர்வதில்லை. 400 விதமான உடலியல் இயக்கங்கள் மக்னிசியத்தை நம்பி உள்ளன.கால்ஷியம்: தினம் 3 கப் பால் குடிக்கிறேன். எனக்கு எப்படி கால்ஷியம் பற்றாகுறை என கேட்கலாம். கால்ஷியம் உணவில் உண்டாலும் அதை சரியாக எலும்புகளுக்கு கொண்டுபோய் சேர்க்க மக்னிசியமும், வைட்டமின் டியும் அவசியம். 

கால்ஷியம் நீர், எலும்பு பூச்செடி என்றால் மக்னிசியமும், வைட்டமின் டியும் பாத்திகள். நீரை செடிக்கு கொன்டுபோய் சேர்க்க பாத்தி அவசியம்.அதன்பின் வைடமின் டி. வைட்டமின் டியின் முக்கியத்துவம் அளவற்றது. பொதுவாக பெண்கள் சூரிய ஒளியை தவிர்ப்பார்கள். அதனால் வைட்டமின் டி பற்றாகுறை உருவாகும் வாய்ப்பு அதிகம்.இதுபோக பொட்டாசியம் பற்றகுறையாலும் க்ராம்ப்ஸ் வரலாம்.

அதனால்:மக்னிசியத்துக்கு தினம் கைப்பிடி முந்திரியை லேசாக நெய்யில் வறுத்து மகளுக்கு கொடுக்கவும், அல்லது பாதாம் உண்டாலும் போதும்தினம் 1 வாழை, 1 சர்க்கரை வள்ளிகிழங்கு தோலுடன். இது பொட்டாசியம் பற்ராகுறையை நீக்கும்கால்ஷியத்துக்கு வழக்காமக அருந்தும் 2 கப் பால். அருந்துவதில்லை என்றால் அருந்த கொடுக்கவும்வைடமின் டி: மதிய வெயிலில் அட்லீஸ்ட் கை, காலையாவது வெயிலில் 10- 20 நிமிடம் காட்டவேண்டும். அதுபோக தினமும் நிறைய நீர் பருகவேண்டும். டிஹைட்ரேஷனாலும் க்ராம்ப்ஸ் வரும்.இதை செய்தால் விரைவில் க்ராம்ப்ஸ் விலகிவிடும்..

கிட்னி கற்கள்

கிட்னி கற்கள் மூன்றுவகைப்படும். கால்சியம் கற்கள், யூரிக் அமில கற்கள், பாஸ்பரஸ் கற்கள் என

இக்கற்கள் ஏன் உடலில் சேர்கின்றன? ஒரு சில காரணிகளை ஆராய்வோம்

பைட்டிக் அமிலம்: தானியம், நட்ஸ், விதைகளில் பைட்டிக் அமிலம் உள்ளது. முழுகோதுமை சப்பாத்தியும் தயிரும் உண்கிறீரக்ள் என வைத்துகொள்வோம். தயிரில் உள்ள கால்ஷியம் உடலில் சேரவிடாமல் கோதுமையில் உள்ள பைட்டிக் அமிலம் தடுக்கிறது. இப்போது அந்த உடலில் சேர இயலாத கால்ஷியம் சிறுநீரில் வெளியேற்ரபடுகிறது. ஆனால் நீர் போதுமான அளவு குடிக்காதபோது கால்ஷியம் சிறிது கிட்னியில் தங்குகிறது,. இது தினமும் நடக்கையில் அந்த கால்ஷியம் சின்ன கட்டிகளாக மாறி கிட்னியில் தேங்கிவிடுகிறது. இது கல்சேரும் ஒரு வழிமுறை. பைட்டிக் அமிலமும், கால்ஷியமும் ஒன்றாக உண்ணகூடாது என்பதால் முழு தானியங்கள் குறிப்பாக கம்பு, கைகுத்தல் அரிசியுடன் தயிர், பால், மோர், கீரை , எள் முதலானவற்றை உண்பது கிட்னியில் கற்கள் சேர காரணம் ஆகிறது. நட்ஸுடன் பாலை உன்டாலும் இதுதான் நிலை. நட்ஸிலும் பைட்டிக் அமிலம் உண்டு. அதனால் தான் நட்ஸ் உண்டு 2 மணிநேரம் எதையும் உண்ணவேண்டாம் என கூறூவது.

தானியங்களில் ஏராளமான பாஸ்பரஸ் சத்து உள்ளது. ஆனால் தானியங்களில் உள்ள பைட்டிக் அமிலம் பாஸ்பரஸுடன் ஒட்டிகொள்வதால் பாஸ்பரஸ் கற்கள் தோன்றுகின்றன. பெருமளவு தானிய உணவை உண்பவர்களுக்கு கிட்னி கற்கள் தோன்றுவதுடன், எலும்புகள் வீக் ஆகவும், மாரடைப்பு வரவும், ஆஸ்டிரொயிபோஸிஸ் வரவும் சாத்தியகூறுகள் அதிகம். இதற்கு ஒரு காரணம் உடலில் மினரல்கள் சரியாக் சேராமல் இருப்பதன் அடையாளமே கிட்னிகற்கள். உடலில் மக்னிசியம், வைட்டமின் டி அளவு குறைகையில் கால்ஷியம் முறைபடுத்தபடாமல் இதயகுழாய்கள், கிட்னி எங்கும் தேங்கும். அதனால் கிட்னியில் கல் வந்தால் உங்கள் உணவில் பைட்டிக் அமிலம் அதிக அளவில் இருக்கலாம் என்பதையும், அக்கால்ஷியம் முதலான மினரல்கள் இதயகுழாயில் டெபாஸிட் ஆகலாம் என்பதையும் சுட்டிகாட்டும் அறிகுறையாக இருக்கலாம். இதயத்தில் கால்ஸிபிகேஷன் டெஸ்ட் என ஒரு டெஸ்ட்டை எடுத்துபார்த்தால் இதயத்தின் சுவர்களில் கால்ஷியம் படிந்துள்ளதா என்பதை அறியலாம்.

ஆக்சலேட்டுகள்: பைட்டிக் அமிலம் போல் ஆக்சலேட் என இன்னொன்றும் உண்டு. ஆக்சலேட்டுகளும் கால்ஷியத்தில் ஒட்டிகொண்டு உடலில் சேரவிடாமல் தடுக்கும். இது காணபாடும் பொருட்கள் டீ, பீட்ரூட், ருபார்ப், நட்ஸ், ஸ்ட்ராபெர்ரி, சாக்லட், கோதுமை மற்றூம் அனைத்துவகை பீன்ஸ்களும் ஆகும். கிட்னியில் கல் இருப்பவர்கள் மேலே சொன்ன அனைத்தையும் தவிர்க்கவேண்டும். க்ரீன் டீ கூட பருக கூடாது. கோக், பெப்ஸி மாதிரி குப்பை உணவுகளை தவிர்க்கவேண்டும் என்பது சொல்லவேண்டியது இல்லை.

மைதா, வெள்ளை அரிசியை பதப்படுத்துகையில் அதில் உள்ள பைட்டிக் அமிலம் முழுக்க அகற்றபட்டுவிடுகிறது. (மினரல்களும், வைடமின்கலும் கூடதான்). அதனால் சொல்லபோனால் முழு தானியம் உண்பவர்களை விட வெள்லை அரிசியும், மைதாவும் உண்பவர்களுக்கு கிட்னி கற்கள் வரும் வாய்ப்பு குறைவு. சிரிச்சு முடிச்சாச்சா? குட் தானியங்களின் சிக்கலில் இதுவும் ஒன்று.

நட்ஸ்: பாதாம், முந்திரி எல்லாம் ஆரோக்கியமானவை. ஆனால் அவற்றின் பைட்டிக் அமில அளவால் அவற்றை வேறு எதனுடனுன் உண்ணகூடாது. பாதாம் பருப்பை 18 மணிநேரம் நீரில் ஊறவிட்டு, வாணலியில் லேசாக ரோஸ்ட் செய்து உண்பது அவற்றின் பைட்டிக் அமில அளவை பெருமளவு குறைத்துவிடுகிறது

பீன்ஸ்: சோயா, டோபு, சென்னா தால், ராஜ்மா முதலான பீண்ஸ்கள் எல்லாமே பைட்டிக் அமிலம் ஏராளம் நிரம்பியவை. சப்பாத்தி, ராஜ்மா பீன்ஸ், தயிருடன் உணவு உண்ணுவது வடநாட்டு வ்ழக்கம். சாலட்களில் எல்லாம் பீன்ஸை போடுவார்கள். இது கிட்னிகற்களின் கற்பகவிருச்க்கம். பீன்ஸை அதிக அளவு உண்ணும் தென்னமெரிக்க குடிகள் அனைவரும் பீன்ஸை முளைகட்டவிட்டு பெர்மென்ட் செய்யாமல் உண்பதில்லை. ஜப்பானில் குறிப்பாக சோயாவை அதிகம் உண்பார்கள் எனினும் சோயாவை அவர்கள் பல மாதங்கள் பெர்மென்ட் செய்வார்கள். இதனால் அதில் உள்ள பைட்டிக் அமிலம் முழுக்க அகன்று அதில் ஏராளமான பாக்டிரியா சேர்ந்து நாட்டோ எனும் ஜப்பானிய சோயாபீன் உணவு உலகிலேயே வைட்டமின் கே2 அதிகம் நிரம்ப்ய உணவாக உள்ளது. ஆனால் சோயாவை நாம் இப்படி பெர்மென்ட் எதுவும் செய்யாமல் டோஃபு, பிரியாணி என போட்டு உண்பதால் பைட்டிக் அமிலம் நம்மை பாதிக்கிறது

கிட்னிகற்களை தடுக்கும் வைட்டமின்கள்:

வைட்டமின் ஏ: வைட்டமின் டி உடலுக்கு நல்லது எனினும் வைட்டமின் ஏ போதுமான அளவில் உடலில் இல்லையெனில் கிட்னிகற்களுக்கு அதுவே காரணம் ஆகிறது. வைட்டமின் ஏ உணவில் கிடைக்க தினம் 4 முட்டை உணவில் சேர்க்கவேண்டும். சிக்கன், பட்டர் முதலானவற்றிலும் வைட்டமின் ஏ உள்ளது. சைவர்கள் காரட்டை நெய்யில் வணக்கி உண்பதும் வைட்டமின் ஏ கிடைக்க உதவும்.

கே2 வைட்டமினும் கிட்னிகற்களை கட்டுபடுத்த உதவும்,. கே2 இருக்கும் உணவுகள் ஈரல், சிக்கன் ப்ரெஸ்ட், முட்டை மற்றும் புல்லுணவு பால், நெய், பட்டர், சீஸ் முதலானவை,.
சரி..இப்ப கிட்னி கல் டயட்டுக்கு போகலாமா?

காலை: 4 நாட்டுகோழி முட்டையை பட்டரில் போட்டு செய்த ஆம்லட். கூட காய்கறிகள். கீரை மற்றும் மேலே குறிப்பிட்ட காய்கறிகளை தவிர்க்கவேண்டும். மற்ற காய்களை உண்ணலாம்.

ஸ்னாக்: 1 கப் பால் அல்லது சீஸ்

மதியம்: முழுதேங்காய் ஒன்று மற்றும் 1 கொய்யா/ நெல்லிகனி/லெமென் ஜூஸ். இளநீர் என்றால் 2 - 3 பருகலாம். இளநீரில் உள்ள மக்னிசியம் கால்ஷியம் கட்டுபாட்டுக்கு உதவும். இளநீர் தேங்காய் வழுக்கையை தவறாமல் உண்ணவும். முழு தேங்காய் எனில் தேங்காயில் உள்ல பிரவுன் பகுதியை சுரண்டி எடுக்கவும். அதை நெய்யில் வணக்கி உண்ணவும். உடன் பால் அருந்தவேண்டாம். நட்ஸ் உண்பதில்லை என்பதால் தேங்காய் உண்பது மக்னிசியம் கிடைக்க உதவும்.

தேங்காய் கிடைக்கவில்லை எனில் அரைகிலோ உருளைகிழங்கு. தோலுடன் வாணலியில் நெய் விட்டு வறுத்தது. நன்றாக ஆறவிட்டு குளிரந்ததும் உண்ணவும். இது உருளையில் உள்ள ஸ்டார்ச் அளவை குறைக்கும். அரை கிலோ உருளையில் 65 கிராம் கார்ப் உள்ளது. நட்ஸ் உணவில் இல்லை என்பதால் இதில் உள்ள 50% மக்னிசியம் கால்ஷியம் ஜீரணத்துக்கு உதவும். டயபடிஸ் இருந்தால் வேண்டாம்

மாலை: 1 கப் முழுகொழுப்பு பால்

டின்னர்: சிக்கன் ப்ரெஸ்ட் நெய்யில் வணக்கியது. அளவு 1. சைவர்கள் 40 கிராம் வெள்ளை அரிசி மற்றும் காய்கறி சேர்க்கலாம். பருப்பு தவிர்க்கவும்.

அத்துடன் தினம் 2 லிட்டர் சிறுநீர் கழியும் அளவு நீர் பருகுவது அவசியம்.

இந்த டயட் கிட்னியில் புதிதாக கற்கள் படிவதை தடுக்கும். நீர் பருகுவது ஏற்கனவே உள்ல சிறிய கற்களை அடித்து செல்ல உதவும். பெரிய அளவில் கற்கள் இருந்தால் அதை சர்ஜரி/லேப்ராஸ்கோபி மூலம் அகற்றமுடியும். இது ஆபத்து அற்ற சர்ஜரி என்பதால் அச்சப்படவேண்டியது இல்லை.

Cholesterol, Gout/ Hyperuricemia, Hypothyroidism / கொலஸ்டிரால், ஹைப்பெர்யுரிசெமியா, தைராய்ட் குறைபாடுகளுக்கான டயட்.

Cholesterol, Gout/ Hyperuricemia, Hypothyroidism

கொலஸ்டிராலை இறக்கும் சைவ டயட்:
காலை உணவு: பிஸ்தா, வால்நட்ஸ், பாதாம்- 100 கிராம் மேக்சிமம்

மதிய உணவு: வெஜிட்டபிள் சூப் அல்லது சாலட்/ அவகாடொ பழம். சமையல் எண்ணெய் எக்ஸ்ட்ரா வர்ஜின் ஆலிவ் ஆயில்

மாலை ஸ்னாக்: ஆப்பிள் வித் 1 டம்ளர் பால்

டின்னர்: பனீர் டிக்கா (அ) ஆம்லட் (அ) டார்க் சாக்லட் (சமையல் எண்னெய் எ.வி.ஆலிவ் ஆயில்.)

2 துண்டு பச்சை பூண்டு.

ஒமேகா 3 மீன் ஆயில்- மாத்திரை. strict சைவர்கள் பிளாக்சீட் பவுடர் உட்கொள்க..அது ஒமேகா 3 மீன்மாத்திரைக்கு ஈடு இல்லை எனினும் its okay.

நடைபயணம்: வாரம் 3 நாள்

விளைவுகள்: ட்ரைகிளிசரிடு தரைமட்டம், எச்டிஎல் உயர்வு, எல்டிஎல், மொத்த கொலஸ்டிரால் குறைவு


URIC ACID DIET:

யூரிக் அமிலம் (uric acid) அதிகரிப்பதால் வரும் சிக்கலை ஹைப்பர்யுரிசெமியா (hyperuricemia) என அழைப்பார்கள். ஹைப்பர்யுரிசெமியா அதிகரித்தால் மூட்டுகளில் வீக்கம் வரும்.

இது முன்பு மன்னர்களுக்கு மட்டும் வந்ததால் "மன்னர்களின் வியாதி" (King's disease) என அழைக்கபட்டது. பின்பு இது பணகாரர்களுக்கும் வந்ததால் "பணகாரர்களின் வியாதி" (Richman's disease) என அழைத்தார்கள். 20ம் நூற்றாண்டுவாக்கில் அதிக அளவில் பொதுமக்களுக்கும் பரவி சாதாரண மனிதர்களின் வியாதி ஆகிவிட்டது.

ஹைப்பர்யுரிசெமியா ஏன் இப்படி மன்னர்கள், பணகாரர்களுக்கு மட்டும் வந்தது? அவர்களால் தான் அன்று பணக்கார உணவுகளை உண்ண முடிந்தது. அதாவது மாமிசம், சர்க்கரை, இனிப்புகள், மது (கொலம்பஸ் காலத்துக்கு முந்தைய ஐரோப்பாவில் சர்க்கரையின் விலை தங்கத்தின் விலைக்கு சமம்). அதன்பின் இவை கொஞ்சம், கொஞ்சமாக விலை இறங்கி அனைவரும் உண்ணகூடிய உணவுகளாக மாறின. ஹைப்பர்யுரிசெமியாவும் பொதுமக்களுக்கு பரவிவிட்டது.

ஹைப்பெர்யுரிசெமியா வர பின்வரும் காரணம் கூறபடுகிறது..

நாம் உண்ணும் அனைத்து உணவுகளிலும் பியூரின்கள் (purines) உள்ளன. பியூரின்கள் தான் நம் ஜீன்களின் கெமிக்கல் ஸ்ட்ரக்சரை உருவாக்குபவை. அதனால் பியூரின் இல்லாத உணவே உலகில் கிடையாது. பியூரின் என்பது செல் ஸ்ட்ரக்சர், ஜீன் என்பதால் அனைத்து உணவுகளிலும் உண்டு. ஆனால் பியூரின் அதிகம் உள்ள உணவுகள் மாமிசம், குறிப்பாக புரதம் அதிகம் உள்ள மாமிசம். உயிர்சத்து, ஜீவசத்து என சொல்லுவோமே? அதுதான் பியூரின் என வைத்துகொள்ளலாம்.

இந்த பியூரின் ஜீரணம் ஆகையில் திரவம் ஆக்கபட்டு யூரிக் அமிலமாக மாற்றபடுகிறது. பியூரின் உடைக்கபட்டு யூரிக் அமிலம் ஆவது மிக ஆரோக்கியமானது. இயற்கையானது. யூரிக் அமிலம் மிக சிறந்த ஆண்டிஆக்சிடண்ட். ரத்தநாளங்கள் ஆக்சிடைசேஷனில் சேதமடையாமல் யூரிக் அமிலம் காக்கிறது.

இந்த யூரிக் அமிலத்தை வெளியே அனுப்பும் பொறுப்பு கிட்னியை சார்ந்தது. கிட்னி அதை செய்ய முடியாமல் போகையில் யூரிக் அமிலத்தின் அளவு அதிகரிக்கிறது. அது மூட்டுக்களில் சேர்க்கபட்டு கடும் வலி உருவாகிறது. இதுதான் ஹைபர்யுரிசெமியா அல்லது கவுட் (gout).
ஆக பியூர்ன் குறைவாக இருக்கும் சைவ உணவுகளை உண்டால் ஹைப்பர்யுரிசெமியா குணமாகும்..சீன் ஓவர் லைட் ஆஃப்....இதுதான் இதற்கான தீர்வு/வழிமுறையாக பரிந்துரைக்கபட்டு வருகிறது.

ஆனால்...

உணவில் பியூரின் அதிகமாக இருப்பதால் தான் ஹைப்பர்யூரிசெமியா வருகிறது என்பது
உணவு உண்பதால் தான் கழிவு உடலில் உருவாகிறது. உணவையே உண்னாமல் இருந்தால் கழிவும் உருவாகாது. மலசிக்கலும் வராது. ஆக மலசிக்கலுக்கு மருந்து பட்டினி என்பது மாதிரியான தீர்வுதான்!!!!!!!!!!


பிரச்சனை யூரிக் அமிலத்தை கிட்னி வெளியே அனுப்பாததுதானே ஒழிய யூரிக் அமிலம் அல்ல!!!!!
யூரிக் அமிலம் வெளியேற்றபடுவதை தடுப்பது எது?

ப்ருக்டோஸ் (பழ சர்க்கரை) மற்றும் மது!!!!!

நம் லிவரில் ப்ருக்டோஸ் சேர்கையில், அது பியூரின் மெடபாலிசத்தை குறைத்து யூரிக் அமில அளவுகளை எகிற வைக்கிறது.

இது நிகழ எந்த அளவு ப்ருக்டோஸை உண்னவேண்டும்?

அமெரிக்கன் ஜர்னல் ஆஃப் க்ளினிக்கல் நியுட்ரிஷனில் வெளியான ஆய்வு ஒன்று இந்த மெக்கானிசம் நிகழ சுமார் 80 கிலோ எடை உள்ளவர் 40 கிராம் ப்ருக்டோஸ் உண்டாலே போதும் என்கிறது. அதாவது சுமார் 4 வாழைப்பழம்!!!!!!!

ப்ருக்டோஸ் உணவில் சேர பழம் சாப்பிடணும் என்றே இல்லை. சர்க்கரை என்பதே கரும்பில் இருந்து கிடைப்பதுதான். ஆக அதில் பாதி ப்ருக்டோஸ்.

ஆக மாமிசம், சர்க்கரை, பழம், மது என பணக்கார உணவுகளை உண்டால் யூரிக் அமில அதிகரிப்பு நிச்சயம்.

சர்க்கரை, மது, ஆகியவற்றை தவிர்த்து மாமிசம், காய்கறி மட்டும் உண்ணும் கேவ்மேன் டயட்டில் யூரிக் அமில பிரச்சனை வராது. உருவாகும் யூரிக் அமிலம் அப்படியே வெளியேறிவிடும்.

20ம் நூற்றாண்டில் ஹைப்பர்யுரிசெமியா அதிகரிக்க காரணம் பெப்சி/கோக்/இனிப்புகள் மற்றும் அதிகரித்த மது நுகர்வு. மாமிசம் உண்னாமல் சைவ உணவு மட்டுமே உண்டு பெப்சி/கோக்/இனிப்பு/ மது அருந்தினாலும் யூரிக் அமில பிரச்சனை வரும். காரணம் நம் உணவுகள் அனைத்திலும் பியூரின்கள் உண்டு. பியூரின் மெக்கானிசம் டிஸ்டர்ப் ஆனால் யூரிக் அமிலம் வெளியேறூவது தடைப்பட்டு ஹைப்பர்யுரிசெமியா வரும்.

ஹைப்பர்யுரிசெமியா பிரச்சனை வந்தால்/ இருந்தால் என்ன மாதிரி டயட் உண்னவேண்டும்?
ஜர்னல் ஆஃப் ருமடாலஜியில் வெளியான ஆய்வு ஒன்று பியூரின் குறைவாக உள்ள உணவுகளை உன்டால் ஹைப்பர் யுரிசெமியா குறையும் என்பதை நிராகரிக்கிறது. பியூரின் அதிகமாக உள்ள உணவுகளை உன்டால் தற்காலிகமாக மட்டுமே யூரிக் அமில அளவு அதிகரித்து பின் குறைந்துவிடும் என்கிறது. பியூரின் குறைவாக உள்ள உணவுகளை உண்டால் வெகு சிறிதளவே யூரிக் அமில அளவுகளில் மாற்றம் ஏற்படும் என்கிறது.

என்ன மாதிரி உணவை உண்னவேண்டும்?

காலரி குறைவான, குறைந்த கார்ப், புரதம் சற்று அதிகம் உள்ள, மோனோசேச்சுரேட்டட் வகை கொழுப்புகள் அதிகமாக உள்ள உணவை உண்னவேண்டும். அதாவது 40% கார்ப், 40% கொழுப்பு, 20% புரதம்.

அதாவது நட்ஸ்,ஆலிவ் ஆயில், மீன் அதிகம் உள்ள உணவுகளை 1600 காலரி எனும் அளவுக்குள் உண்ணவேண்டும். 1600 காலரி அளவுக்குள் உண்னவேண்டும். ஆல்கஹால், சர்க்கரை அறவே தவிர்க்கவேண்டும். உறைகொழுப்பு உள்ள மாமிசம், வெண்ணெய், தேங்காய், முட்டை போன்றவற்றை தவிர்க்கவேண்டும். யூரிக் அமில பிரச்சனை வர இவை காரணம் அல்ல. ஆனால் ப்ருக்டோஸால் வரும் பிரச்சனையால் துரதிர்ஷ்டவசமாக மிக ஆரோக்கியமான இந்த உணவுகளை உண்ண இயலாமல் போகிறது. ஹைப்பர்யுரிசெமியா குணமான பின் இவற்றை மீண்டும் உண்ணலாம்.

40% கார்ப் என கூறபட்டு இருப்பதால் காய்கறி, நட்ஸ் மூலம் கார்ப்களை அடையலாம். பால் பொருட்க்ல நுகர்வை குறைக்கவேண்டும். நட்ஸில் முந்திரி சேர்த்துகொள்லலாம். 100 கிராம் முந்திரியில் 39 கிராம் கார்ப் உண்டு. ஆல்கஹால்/ சர்க்கரை முதலானவற்றை தவிர்க்கவேண்டும். காளிபிளவர், கார்ட்,பூசணி முதலிய காய்களை அதிகம் உண்ணலாம். வைட்டமின் சி சப்ளிமெண்ட் தினமும் எடுக்கலாம், அல்லது தினம் 1 - 2 நெல்லிகனி உண்ணலாம். (கொய்யா வேண்டாம்). நீர் நிறைய அருந்தவேண்டும். வைட்டமின் சி ஹைப்பர்யுரிசெமியா பிரச்சனையை தீர்க்கும்.

காலரி கணக்கை 1600க்குள் அடக்குவதும் முக்கியம்.

பெப்சி.கோக்,மது, சர்க்கரை பக்கமே போக கூடாது.

இன்ஃப்ளமேஷனை குறைக்கும் பச்சை பூன்டு, (பச்சை) மஞ்சள், இஞ்சி, துளசி முதலானவற்றை தினமும் உணவில் சேர்க்கவேண்டும். மஞ்சளை சமைத்தபின் மேலே தூவி உண்ணவேண்டும்
காமன் மேன் டயட்டில் இருப்பவர்கள் அரிசி.உருளைகிழங்கு சேர்த்துகொள்ளலாம். பழுப்பு அரிசியாக சேர்த்து கொள்வது நல்லது. இவற்றில் க்ளுகோஸ் தான் அதிகமே ஒழிய ப்ருக்டோஸ் இல்லை.

ஆய்வுகள்:

http://www.jrheum.org/content/29/7/1350.full.pdf

http://ajcn.nutrition.org/content/58/5/754S.long

ஹைப்போதய்ராய்டு டயட்:

கழுத்துக்கு அருகே இருக்கும் தய்ராய்டு சுரப்பி தய்ராய்டு ஹார்மோன் சுரப்பை நிறுத்தினால் ஹைப்போதய்ராய்டு பிரச்சனை வரும். உடல் எடை அதிகரித்தல், உடலில் கொழுப்பு தங்குதல் முதலிய பல பிரச்சனைகள் இதனால் வரும்.

திடீர் என பலருக்கும் இந்த பிரச்சனை ஏன் வருகிறது என்பதைப்பற்றி பல தியரிகள் உலா வருகின்றன. அவற்றில் சில:

ஹைப்போ தய்ராய்டு பிரச்சனைக்கு முக்கியகாரணமாக அரசுகள் கூறூவது அயோடின் பற்றாகுறை. இதனால் உப்பில் அயோடின் சேர்க்கசொல்லி கட்டாயபடுத்தி சட்டம் கூட வந்துவிட்டது. ஆனாலும் இந்த சிக்கல் தீர்ந்தபாடு இல்லை.

அயோடின் சேர்த்த உப்பால் தான் தய்ராய்டு பிரச்சனை வருகிறது என இன்னொருதரப்பு கூறீவருகிறது. இப்படி எதிரும், புதிருமாக இருகருத்துக்கள் நிலவுவதும் இதற்கு ஆராய்ச்சிகள் அதிகமாக நடக்காததும் வியப்பு ஊட்டுகிறது.

அரசால் நீரில் கலக்கபடும் ப்ளோரைடு, க்ளோரின் முதலானவை இந்த பிரச்சனைக்கு காரணம் என்பது இன்னொரு தியரி. நம் குடிநீர் முழுக்க புளோரைடு கலக்கப்ப்ட்டு தான் வருகிறது
சளி, காய்ச்சலுக்கு உட்கொள்ளும் மருந்துகள், ப்ரிஸ்கிரிப்ஷன் மருந்துகள் முதலானவை தய்ராய்டு சிக்கலுக்கு காரணம் என்பது இன்னொரு காரணி.

தய்ராய்டு பிரச்சனை வந்தால் தய்ராய்டு ஹார்மோனை மருந்தாக கொடுப்பார்கள். இதற்கு என தனியாக டயட் எதுவும் கிடையாது. அப்படி சில வலைதளங்களில் பரிந்துரைகள் வருவது உண்மை. ஆனால் அவை எதுவும் தய்ராய்டை குணப்படுத்துவதாக தெரியவில்லை.

கேவ்மேன் டயட்டுகள் தய்ராய்டு பிரச்சனையை தீர்க்கும் என எழுத ஆசைதான். ஆனால் பலசமயங்களில் டயட் என்பது வியாதி வராமல் தடுக்க கூடிய ஒன்றாக அமைவதும், சிக்கல் என வந்தபின் அதை குணப்படுத்த டயட்டால் இயலாமல் போவதும் காண்கிறோம். தய்ராய்டுக்கு ஸ்பெஷன் டயட் எதுவும் இல்லை. ஆனால் சில விதிகள் உதவலாம்:

தய்ராய்டு என்பது ஒரு ஹார்மோன். ஹார்மோன்கள் அனைத்தின் மூலப்பொருளும் கொலஸ்டிராலே. அதனால் உயர்கொழுப்பு உணவு தியரட்டிக்கலாக தய்ராய்டு ஹார்மோன் சுரப்புக்கு உதவவேண்டும்.

குப்பை உணவுகள், குறிப்பாக கோதுமை, சர்க்கரையை தவிர்க்கவேண்டும். தய்ராய்டில் முக்கிய பிரச்சனை எடை அதிகரித்தல், டயபடிஸ். அவற்றை இவை விரைவுபடுத்தும்
தய்ராய்டு ஹார்மோன் பிரச்சனை இருப்பவர்கள் கார்ப் சற்று சேர்த்துகொள்வது நலம். இயற்கையான ஆர்கானிக் பழங்கள் (சர்க்கரை குறைவான ஸ்ட்ராபெர்ரி போன்றவை) சேர்த்துகொள்ளலாம்.

உடல் வலி வீக்கம், இன்ஃப்ளமேஷனுக்கு தினம் துளசி, மஞ்சள், பேஸில், பூண்டு, இஞ்சி முதலானவற்றை பச்சையாக்வும் சாறெடுத்தும் சேர்த்து வரலாம்.

ஒமேகா 3 அதிகம் உள்ள சால்மன், பிளாக்சீடு, ஆண்டிஆக்சிடண்டுகள் உள்ள பாதாம் முதலானவற்றை உண்ணலாம்.

முழுக்க கார்ப்பை தவிர்க்கவேண்டாம். அவ்வபோது இயற்கையான ஆர்கானிக் பழங்கள் கிடைத்தால் சற்று உண்ணவும். மிக அதிகமாக உண்ணவும் வேண்டாம்.

சோயாபீன்ஸ் தய்ராய்டு சுரப்பியின் பரமஎதிரி. சோயா பொருட்கள் அனைத்தையும் பாம்பை கண்டால் பயந்து விலகுவது போல் விலக்கவேண்டும்.

தேங்காயும், தேங்காய் எண்ணெயும் தய்ராய்டு சுரப்பியின் நண்பர்கள். தேங்காய் எண்ணெயில் சமையல் செய்வது மிகுந்த நலன் பயக்கும்

காப்பி மற்றும் டீ (ப்ளோரைடு அதிகம்) தவிர்க்கவேண்டும்.

போதுமான அளவில் நீர் அருந்தி ஹைட்ரேட் ஆக இருப்பது தய்ராய்டு சுரப்பிக்கு மிகுந்த நன்மை அளிக்கும்.

நார்சத்து உள்ள அவகாடோ, தேங்காய் முதலானவற்றை தினமும் உணவில் சேர்க்கலாம்
பிராக்களி, கேல், முடைகோஸ், கடுகு,நிலக்கடலை, பாலகீரை, டர்னிப், கம்பு/ராகி,பீச் பழம் முதலான பல வகை காய்கள் தய்ராய்டு சுரப்பியின் செயல்பாட்டை சிக்கலாக்குபவையாக அமையலாம். இவை உடலுக்கு மிகுந்த நன்மையளித்தாலும் தய்ராய்டு ஹார்மோன் சுரப்பியை பெரிதுபடுத்துபவையாக அமைந்து விடுகின்றன. மருத்துவரிடம் கேட்டு இவற்றை உட்கொள்ளவும். எக்காரணம் கொண்டும் பச்சையாக சாப்பிடவேண்டாம்.

சைவர்கள் அரிசி லிமிடட் ஆக உட்கொள்ளலாம்.

மொத்தத்தில் தேங்காய், புல்லுணவு மாமிசம், நட்ஸ், பழம், முட்டை, மூலிகைகள், நீர் அடிப்படையிலான டயட் இதற்கு நன்று

What is HbA1C Test? HbA1C டெஸ்ட் என்றால் என்ன? By - Muthuraman Gurusamy

HBA1C என்பது இரத்தத்தில் குளுக்கோஸ் எவ்வளவு சதவீதம் இருக்கிறது என்பதை தெரிந்துகொள்ள உதவும் ஒரு மாற்று சோதனை.

இதற்கு ஏற்கனவே இரத்தத்தில் குளுக்கோஸ் எவ்வளவு இருக்கிறது என்பதை தெரிந்துகொள்ள Fasting blood sugar, 2-hour postprandial blood sugar, Random blood sugar (RBS), Oral glucose tolerance test என்று பல்வேறு சோதனை முறைகள் உள்ளது.
பின் ஏன் HBA1C பரிந்துரைக்கபடுகிறது.

மேற்சொன்ன சோதனைகள் உங்கள் இரத்தத்தில், குளுக்கோஸின் இப்போதைய நிலைமை என்ன என்பதை மட்டுமே சொல்லும்.

HBA1C கடந்த மூன்று மாதமாக இரத்தத்தில் குளுக்கோஸின் நிலைமை என்ன என்பதின் சராசரியை சொல்லும். அதானால் இது பரிந்துரைக்கபடுகிறது.
பின் என்ன பிரச்னை.

HBA1C சோதனை எடுத்து பார்த்து கடந்த மூன்று மாதமாக இரத்தத்தில் குளுக்கோஸின் சராசரி நிலைமை என்ன என்பதை சரியாக தெரிந்து கொள்ளலாமே.
இங்கு சரியாக என்று சொல்வதில்தான் பிரச்னை.

அதற்க்கு HBA1C சோதனை எவ்வாறு செய்ப்படுகிறது என்பதை புரிந்துகொண்டால்தான் தெரியவரும்.
இரத்தத்தில் உள்ள சிவப்பு இரத்த செல்களில், ஹீமோகுளோபினில் A1A, A1B, A1C என்ற பிரிவுகள் உள்ளது. இதில் A1Cயுடன் குளுக்கோஸ் அதிகமாக ஒட்டிகொள் கிறது. அதை தனியாக பிரித்தெடுத்து அதில் எத்தனை சதவீதம் குளுக்கோஸ் ஒட்டிக்கொண்டிருக்கிறது என்று கண்டுபிடிக்கவேண்டும். இரத்த சிவப்பு செல்களின் வாழ்நாள் சராசரியாக 90 நாட்கள் அதன் பிறகு அது சிதைந்து விடும். இந்த 90 நாட்களில் படிப்படியாக எவ்வளவு குளுக்கோஸ் ஒட்டிக்கொண்டிருக்கிறது என்பதை கண்டுபிடித்து சொல்வதுதான் HBA1C சோதனை முடிவுகள்.

இந்த 90 நாட்கள் என்பது சரியான கணக்கு கிடையாது. ஒவ்வொருத்தருக்கும் வேறுபாடும். நீரழிவு(DIABETIC), அனிமியா (ANEMIA) போன்ற இரத்த குறைபாடு உள்ளவர்களுக்கு சிறிது நாட்களிலேயே சிவப்பு இரத்த செல்களின் வாழ்நாள் முடிந்துவிடும் . ஒரு பிரச்னையும் இல்லாதவர்களுக்கு சிவப்பு இரத்த செல்களின் வாழ்நாள் 187 நாட்கள் வரை கூட இருக்கும்.

சிவப்பு இரத்த செல்களின் வாழ்நாள் குறைவாக இருக்கும்போது அதனுடன் ஒட்டிக்கொள்ளும் குளுக்கோஸ் விகிதம் குறைவாக இருக்கும் HBA1C சோதனை முடிவுகள் குறைவாக இருக்கும்.

சிவப்பு இரத்த செல்களின் வாழ்நாள் அதிகமாக இருக்கும்போது அதனுடன் ஒட்டிக்கொள்ளும் குளுக்கோஸ் விகிதம் அதிகமாக இருக்கும். HBA1C சோதனை முடிவுகள் அதிகமாக இருக்கும்.

ஆக HBA1C சோதனை முடிவுகளை நமது உடலில் உள்ள குளுக்கோசை விட நமது உடலில் உள்ள சிவப்பு இரத்த செல்களின் வாழ்நாள்தான் தீர்மானிக்கிறது.

சிவப்பு இரத்த செல்களின் வாழ்நாள் அதிகமாக இருப்பவர்களுக்கு அவர்களின் உடலுக்கு குளுக்கோசை சாமாளிக்கும் திறமை இருந்தாலும் HBA1C சோதனை முடிவுகள் அதிகமாக இருக்கும்.

இதே மாதிரி நீரழிவு(DIABETIC), அனிமியா (ANEMIA) போன்ற குறைபாடு உள்ளவர்களுக்கு சிவப்பு இரத்த செல்களின் வாழ்நாள் குறைவாக இருக்கும். அவர்களுக்கு HBA1C சோதனை முடிவுகள் குறைவாக காண்பித்து அவர்கள் நல்ல நிலைமையில் இருப்பதாக முடிவுகள் வரக்கூடும்.

மேலும் ஏ1சி சராசரியைத்தான் காட்டும். அதாவது ஒரு நாள் 300 இருந்து மூன்று நாட்கள் 80 இருந்தால் சராசரி 125. ஆனால் ஒரு நாள் 300 போவதில் இருந்து வரும் பாதிப்பை கட்டுப் படுத்த முடியாது
மேலும் இது இரத்தத்தில் குளுக்கோஸ் ஏறும்போது நம் உடல் அதை எப்படி சாமளிக்கிறது என்பதும் தெரியாது.
இதனால்தான் HBA1C சோதனை முடிவுகளை நம்புவதர்க்கு முடியவில்லை.

எனவே HBA1C எடுக்கும்போது Fasting blood sugar, 2-hour postprandial blood sugarவும் எடுத்து பார்த்துவிடுங்கள் என்பது என் சொந்த கருத்து.

By - Muthuraman Gurusamy