புதியவர்கள் அதிகம் செய்யும் தவறுகள் என்ன?

01. அடிக்கடி சீட்டிங் என்று கண்ட சத்தில்லாத ருசி சார்ந்த உணவுகளை உண்பது.

02. குறைந்த நடைப்பயிற்சி செய்யாமல் தேமே என்று கொழுப்பு சாப்பிட்டு உட்கார்ந்து தெய்வமகள் அண்ணியாரைப் பார்த்து உணர்ச்சிவசப்படுவது.

03. சரியான அளவு நீர் அருந்தாதது.

04. விட்டமின் டிக்காக வெயிலில் நிற்காமல் நிறத்தைக் காக்க ஏசியிலேயே அமர்ந்திருப்பது. அல்லது நிழலிலேயே இருப்பது.

05. சரியான அளவுகளில் உண்ணாமல் குறைந்த கலொரி உணவுகளை எடுப்பது. குறிப்பாக சைவர்கள் காலை பட்டர் டீ, மதியம் பொரியல், இரவு கூட்டு என்று எடையைக் குறைக்கிறோம் என்று மஸிலை கரைத்துக்கொண்டிருப்பது.

06. சரியான அளவுகளில் ப்ரோட்டீன் எடுக்காமல் இந்தியன் தாத்தா கமலைப் போல ஆகிவிடுவது.

07. சைலண்ட்டாக சரக்கு, தம் என்று அடித்துக் கலக்கி ஹார்ட் அட்டாக் வந்து பேலியோ மீது பழி போடத் தயாராக இருப்பது.

08. பக்கம் பக்கமாக எழுதினாலும்.. சார் கொழுப்பு கூடிடுச்சின்னு ரிப்போர்ட் சொல்லுது உடனடியாக அதைக் குறைக்க வழி சொல்லுன்கள் என்று டர்ரியலாவது. கொழுப்பு சாப்பிட்டால் ஏன் கொழுப்பு கூடுகிறது என்பதை பேலியோ டயட் புத்தகத்தில் தேடிப் படிக்கவும்.

09. குறைந்த பட்ச கலோரி அளவான 1200 கலோரி உணவை பரிந்துரைத்தபடி எடுக்காது, குறைவாக எடுத்து அவதிப்படுவது.

10. காய்கறி, கீரைகளை முற்றிலும் புறக்கணித்து முக்கியமான காலைக்கடனை முக்கமுடியாது அவதிப்படுவது.

11. எங்களிடம் ஆலோசனை பெற்று, மருத்துவரிடமும் ஆலோசனை பெற்று ஒன்றுவிட்ட சித்தப்பா பையனிடமும் அதைக் காட்டி பிறகு இரண்டு இட்லி பாதாம் சட்னியுடன் பேலியோ துவங்கினேன் வயிறு வலிக்கிறது சீனியர்களே உதவுங்கள் என்று எங்களை அலறவைப்பது.

12. உண்பதோ சைவம், அதிலும் ஏகப்பட்ட உடல் உபாதைகளுடன் இருக்கும் குறைந்தபட்ச தேர்வில் அது டேஸ்ட் புடிக்காது இது ஸ்மெல் புடிக்காது என்று 10ல் 9 உணவுகளை விலக்கிவிட்டு பேலியோ அல்லாத பேலியோ என்ற ஒன்றைப் பரிந்துரைக்கக் கேட்பது.

Shankar Ji

பேலியோவுக்கு எதிரான கருத்துகளுக்கு ஒரு அறிவியல் விளக்கம்

Dr. Arun Kumar  MBBS , MD - Paediatrics

இணையத்தில் சில நாட்களாக பேலியோவுக்கு எதிராக சிலர் எழுதி வருகின்றனர் என்று அனைவருக்கும் தெரியும்.

அதில், நேற்று ஒருவர் விலாவரியாக பேலியோவுக்கு எதிராக ஒரு கட்டுரையை வெளியிட்டார்.

அதில் நிறைய தவறுகளும் அபத்தங்களும் இருந்ததால், அவருடைய சுட்டியின் கீழ், விளக்க பதிவு கொடுத்துள்ளேன்.

அந்த விளக்க பதிவை உங்களிடம் பகிர்கிறேன்.

எதற்காக?

இது போன்ற கேள்விகள் "திரும்ப திரும்ப பேசுற நீ" என்ற ரேஞ்சுக்கு மறுபடி மறுபடி கேட்கப்படுவதை தவிர்க்க.

நீங்கள் இவற்றை புரிந்து கொண்டால், வேறு யாரவது இப்படி பேலியோ பற்றி தெரியாமல் கேள்வி எழுப்பினால், சட்டையை பிடித்து கேள்வி கேட்பது போல், ஆதாரங்களுடன் அறிவியல் ரீதியுடன் பதில் பேசலாம்.

ஆனால், தயவுசெய்து அவரின் பதிவில் சென்று அவரை கமெண்ட் செய்வதோ, கிண்டல் செய்வதோ, திட்டுவதோ வேண்டாம் என்று பணிவன்புடன் கேட்டுக்கொள்கிறேன். அது நமது வேலையும் இல்லை.

Discussion, உங்கள் பார்வைக்கு,,,
( // // குறியீட்டுக்குள் இருக்கும் வாசகங்கள் அவர் கட்டுரையில் உள்ளவை)

நல்ல முயற்சி !

ஆனால் அடிப்படை உயிர் வேதியியல் தெரியாமல் அவசரம் அவசரமாக ஒரு கட்டுரை எழுதினால் இப்படி தான் சொதப்பும்.

//உங்கள் சக்திக்கு உங்களுடைய உடலின் கார்ப்ஸுக்கு பதில் உங்களுடைய புரதத்தினை எரிப்பொருளாக பயன்படுத்த ஆரம்பிப்பீர்கள்.//

தவறு. கொழுப்பு முக்கிய எரிபொருளாக பயன்படுகிறது.
க்ளுகோஸ் மட்டும் உபயோகபடுத்தும் மூளை போன்ற உறுப்புகளுக்கு சக்தி தர புரதம் க்ளுகோசாக மாற்றபடுகிறது. இதை தான் gluconeogenesis என்பர்.

//கார்ப்ஸுக்குப் பதிலாக, உங்களுடைய புரதம் எரிப்பொருளாகும் போது எடை குறைய ஆரம்பிக்கும். இதை Ketosis என்கிறார்கள்.//

தவறு. கொழுப்பு 2 வழிகளில் எரிபொருளாக மாறும்.
1. beta oxidation.
2. ketosis.
புரதம் எரிபொருளாக மாறுவதற்கு பெயர் gluconeogenesis.

//புரதமோ (Protein) கொழுப்போ (Fat) அவ்வளவு எளிதில் ஜீரணமாகக் கூடியவை அல்ல.//

தவறு.
இருப்பதிலேயே குறைந்த கழிவுகளுடன் ஜீரணம் ஆக கூடியது கொழுப்பு மட்டுமே, its called the cleanest fuel.

//புரதமினால் உருவாக்கப்படும் ‘சக்தி’ (குளுக்கோஸ்) மூளைக்குப் போகாது. மூளைக்கான சக்திக்கு உங்களுக்கு கார்ப்ஸ் தேவை. //

glucose தான் பாஸ் கார்பஸ். இரண்டும் வேறு வேறு அல்ல.

//காய்கறி, பழங்கள் இன்னபிற நார்சத்துகளைத் தருபவற்றை இந்த டயட் நிராகரிப்பதால்//

பேலியோ உணவுமுறை பற்றி நீங்கள் புரிந்து கொண்டது அவ்வளவு தான். இருப்பதிலேயே அதிகம் காய்கறி உண்பது இப்போது தான். தினமும் ஒவ்வொருவரும் அரை கிலோ காய்கறிகள் உண்கிறோம்.

//மூளை பட்டினிக் கிடந்து, அபாயகரமான நிலையிலிருந்தால் கீடோன்களை சக்தியாய் மாற்ற ஆரம்பிக்கும்.//

அறிவியல் புரியாததால் கட்டுக்கதை சொல்ல ஆரம்பித்து விட்டீர்கள்.
மூளை இப்போது gluconeogenesis மூலம் பெரும் க்ளுகொசையும் , ketosis மூலம் பெரும் கேடோன்கள் நம்பியும் செயல்படுகிறது.
முன்பை விட மிக திறனுடன் செயல்படுகிறது.
Ketogenic is neuroprotective (மூளைக்கு பாதுகாப்பு ) என்று ஏன் போற்றப்படுகிறது?

https://www.ncbi.nlm.nih.gov/pmc/articles/PMC2367001/

//அமெரிக்காவில் இந்த டயட் முற்றிய வலிப்பு நோய் காரர்களுக்கு மட்டுமே, குறைந்த கால இடைவெளியில் stop gap arrangement ஆக மட்டுமே வழங்கப்படுகிறது.//

வலிப்பு நோய் உள்ள குழந்தைகள் இதை 5 முதல் பத்து வருடங்கள் வரை எந்த பிரச்னையும் இல்லாமல் இந்த உணவுமுறையை பின்பற்றுகின்றனர். மூளை தொடர்பான பல நோய்கள் ketogenic டயட் மூலம் சரியாகின்றன.

வலிப்பு நோய்க்கு மட்டும் இல்லை.
பல பல நோய்களுக்கு ketogenic டயட் அற்புதம் நிகழ்த்தும் என உலகின் மிக உயரிய மருத்துவ ஆராய்ச்சி நூலான nature ejcn சமீபத்தில் வெளியிட்ட கட்டுரை.
புதிய விஷயங்களை கற்று கொள்ளுங்கள்.
http://www.nature.com/…/journ…/v67/n8/full/ejcn2013116a.html
படிக்கவும்.

//மூளையின் குளுக்கோஸ் தேவைகளை புரதம் உருவாக்க முடியாது. அதை கார்ப்ஸ் தான் உருவாக்க வேண்டும். //

ஏற்கனவே பதில் சொல்லியாச்சு. மேலே பார்க்கவும். விடை : gluconeogenesis.

//அதிக புரதம் எடுத்துக் கொள்ளுதல் சிறுநீரக சிக்கல்களை உருவாக்கலாம் என்பது தான்//
என்னுடைய கட்டுரையை படியுங்கள்.
தனி கமெண்டில் போடுகிறேன்.
இப்போதைக்கு,
Comparative effects of low-carbohydrate high-protein versus low-fat diets on the kidney by Friedman AN, Ogden LG, Foster GD, Klein S, Stein R, Miller B, Hill JO, Brill C, Bailer B, Rosenbaum DR, Wyatt HRin Clin J Am Soc Nephrol. 2012 Jul;7(7):1103-11. doi: 10.2215/CJN.11741111. Epub 2012 May 31. who conclude that In healthy obese individuals, a low-carbohydrate high-protein weight-loss diet over 2 years was not associated with noticeably harmful effects on GFR, albuminuria, or fluid and electrolyte balance compared with a low-fat diet.

//டயட் மாறுபாடுகளால் irritable bowel syndrome-மையும் உருவாக்கும்//

இந்த நோய்க்கு காரணமே கார்ப் தான் பாஸ். இதற்கு வைத்தியத்திற்கு low fodmap டயட் இரைப்பை மற்றும் குடல் சிகிச்சை நிபுணர்(gastro enterologist) பரிந்துரைப்பார். அப்படி என்றால் என்ன என்று கூகுளில் தேடவும்.
http://www.med.monash.edu/cecs/gastro/fodmap/
irritable bowel syndrome நோய்க்கு வைத்தியமே பல வகை கார்ப் உணவுகளை தவிர்ப்பது தான்.

//நீங்கள் உண்ணும் LCHF டயட்டே ஒரு காலக்கட்டத்துக்கு பிறகு உங்கள் எடையை கூட்ட ஆரம்பிக்கலாம் என்று இன்னொரு தரவு சொல்கிறது//

பொய்.
பல வகை டயட் முறைகளை கம்பேர் செய்து பார்த்ததில், lchf உணவு முறையில் மட்டுமே அதிக வருடங்கள் எடை திரும்ப ஏறாமல் இருகிறது என்று மிக உயரி மருத்துவ ஆராய்ச்சி நூலான new england journal of medicine இல் வெளிவந்த கட்டுரை.
www.nejm.org/doi/full/10.1056/NEJMoa0708681

///A low-carbohydrate diet based on animal sources was associated with higher all-cause mortality in both men and women, whereas a vegetable-based low-carbohydrate diet was associated with lower all-cause and cardiovascular disease mortality rates.//
https://www.ncbi.nlm.nih.gov/pmc/articles/PMC2989112/
இந்த ஆராய்ச்சியில் லோ கார்ப் என்று கூறபடுவது லோ கார்பே அல்ல. கண்ட பொறித்த மாமிசத்துடன் பர்கர், புகை, மது சேர்ந்து நாற்பது முதல் ஐம்பது சதவீதம் கார்ப் எடுத்தது இந்த ஆராய்ச்சியில் லோ கார்ப் என்று குறிபிடப்பட்டுள்ளது.
பரோட்டாவுடன் மட்டன் பிரியாணி சாப்பிட்டு புகை பிடித்து மது அருந்தியவர்களை வைத்து ஒரு ஆராய்ச்சி நடத்தி, இறைச்சி கேட்டது என்று முடிவுக்கு வந்த ஆராய்ச்சி இது.

பேலியோவில் வலியுறுத்த படுவது, இது இல்லை. 
இதற்கு தான் வெளியில் இருந்து பேலியோவை பார்த்தால் இப்படி தான் தெரியும்.

//இந்திய மருத்துவ ஆய்வுகளை விட நான் அமெரிக்க டயாபடீஸ் அசோசியேஷனையும், ஜான் ஹாப்ப்கின்ஸ் மருத்துவப் பள்ளியையும், ஹார்வேர்ட் மருத்துவப் பள்ளியையும் நம்புவேன்.//

கீழே வருகிறது ஆராய்ச்சி தரவுகள்.

//பேலியோ/LCHFனை பின்பற்றுபவர்களின் பற்றுறுதி (Faith, Allegiance) மதப் போதக/convertsகளின் பற்றுறுதியைப் போன்றது. அவற்றை தர்க்கம், நியாயம், அறிவியல், மருத்துவ ஆதாரங்களால் உடைக்க முடியாது. //

//பேலியோவோ, கீட்டோவோ, அட்கின்ஸோ, சவுத் பீச்சோ இன்னபிற LCHF வகையறா டயட்கள் முன்வைப்பது பெரும்பாலும் pseudo, fake & non-verifiable claims. It can't stand the test of scrutiny before hard-nosed science.//

lchf வேலை செய்வது மாரியாத்தா effect இல்லை.
அறிவியல் பூர்வமானது.
நீங்கள் கூறிய மிக உயர்ந்த பல்கலைகழகங்களில் நிரூபணம் ஆகிய ஆராய்ச்சி முடிவுகள்.
lchf உணவு முறைகள் எப்படி பயனளிக்கும் என்று nature, oxfordjournals, new england journal of medicine, plosone போன்ற மிக உயர்ந்த ஆராய்ச்சி தரவுகளில் நிரூபணமான உண்மைகள்.

http://annals.org/article.aspx?articleid=1900694
http://aje.oxfordjournals.org/content/176/suppl_7/S44.full
http://annals.org/article.aspx…
http://www.nejm.org/doi/pdf/10.1056/NEJMoa022637
http://www.nature.com/ejcn/journal/…/n8/full/ejcn20094a.html
http://www.ncbi.nlm.nih.gov/pubmed/17583796
http://www.ncbi.nlm.nih.gov/pubmed/15579777
http://www.ncbi.nlm.nih.gov/pubmed/16556307
http://www.ncbi.nlm.nih.gov/pubmed/16790045
http://www.ncbi.nlm.nih.gov/pmc/articles/PMC2359752/
http://www.ncbi.nlm.nih.gov/pubmed/12097663
http://www.ncbi.nlm.nih.gov/pmc/articles/PMC3402009/
http://www.ncbi.nlm.nih.gov/pubmed/18046594

and why the traditional diet heart hypothesis suggesting replacing saturated fats with pufas and mufas failed

http://www.bmj.com/content/353/bmj.i1246
http://www.bmj.com/content/346/bmj.e8707…
http://atvb.ahajournals.org/content/9/1/129…
http://www.bmj.com/content/353/bmj.i1512.full
http://ajcn.nutrition.org/content/91/3/535.full
http://ajcn.nutrition.org/content/91/3/502.full

2 வருடம் வரை பின்பற்றியவர்களுக்கு எந்த தீங்கும் இல்லை. மிகவும் பயனளிக்க கூடியது என்று ஏற்கனவே நிரூபணம் செய்ய பட்டுள்ளது.
5 வருடம், பத்து வருடம், நீண்ட கால முடிவுகள் வந்தால் தான் நாங்கள் பின்பற்றுவோம் என்றால் வெயிட் செய்ய விரும்புவர்கள் அதுவரை தாராளமாக வெயிட் செய்யலாம்.

அதற்குள் சர்க்கரை நோய் மூலம் கிட்னி கெட்டு போனாலோ, கண் பார்வை போனாலோ, உடல் பருமன் மூலம் fatty liver வந்தாலோ, மாரடைப்பு வந்தாலோ, pcod மூலம் குழந்தை பேறின்மை இருந்தாலோ, உங்களை தான் நீங்கள் நொந்து தான் கொள்ள வேண்டும்.

கொலஸ்டிராலை கெடுத்து மாரடைப்பை வரவழைப்பது எப்படி?

Dr. V. Hariharan, MBBS, MD (Biochemistry), Coimbatore

LDL கொலஸ்டிரால் உடம்பில் உள்ள முப்பது டிரில்லியன் செல்களுக்கும் சில விட்டமின்களை கொண்டு சேர்ப்பதுடன், அந்த செல்களின் சுவர் பலப்பட கொலஸ்ட்ராலை தருகிறது. மற்றும் பல ஹார்மோன்கள் உருவாக, கொலஸ்டிராலையும் கொண்டு சேர்க்கிறது.

இந்த கொலஸ்டிராலை கெடுத்தால் (ஆக்சிடைஸ்) செய்தால் அது Oxidized LDL (Ox LDL) ஆகி விடும். இந்த ox LDL நேராக இதய ரத்தக் குழாய்களில் படிந்து மாரடைப்பை உருவாக்கும்.

உடலுக்கு அதிக நன்மை செய்யும் LDLலை, OxLDL எனப்படும் விஷமாக மாற்றுவது எப்படி?

1. பிராசஸ் செய்யப்பட்டு கொழுப்பை குறைத்த பாக்கெட் பால் (Low fat milk-4%, 2%, etc.,) மற்றும் பால் பவுடர் சாப்பிடுவதன் மூலம் Ox LDL உடலில் அதிகமாகிறது.
2. எந்த எண்ணையை பொரிக்க பயன்படுத்தினாலும் அந்த உணவுகளை சாப்பிடுவதன் மூலம் அதிக Ox LDL கிடைக்கிறது (பொரிப்பது-பூரி, போண்டா போல் எண்ணையில் போட்டு எடுக்கும் அனைத்தும்)
3. அளவிற்கு அதிகமான சூட்டில் சமையல் செய்தல் Ox LDL அளவை அதிகப்படுத்தும்
4. முறையான உணவை சாப்பிட்டாலும் உடலில் இன்பலமேஷன் எனப்படும் உள்காயம் இருந்தால் LDLஐ Ox LDL ஆக மாற்றும்.

பின் குறிப்பு: ஸ்டாடின் (Atorvastatin, Rosuvastatin) மருந்துகளால் Ox LDL எனப்படும் உயிர்கொல்லி கொலஸ்டிராலை குறைக்க முடியாது. நல்லது செய்யும் சாதா LDLஐ மட்டுமே குறைக்க முடியும்.

பேலியோவில் கொழுப்பு சாப்பிட்டும் டிரைகிளிசிரைட் குறைவது எப்படி?

 


Dr. V. Hariharan, MBBS, MD (Biochemistry), Coimbatore
கொழுப்பு சாப்பிடால் கொலஸ்டிரால் வரும் என 1970களில் பயமுறுத்தியதில் கொழுப்பை நீக்கி, அதிக மாவுச்சத்து உணவுகளான இட்லி, தோசை, சாதம், சப்பாத்திக்கு மாறினோம். எல்லோருக்கும் ரத்த கொழுப்பளவு குறைந்திருக்கிறதா? அல்லது கூடியிருக்கிறதா? உடனே செக் செய்து பாருங்கள். கூடியிருக்கலாம்.

ஆனால் அதிக கொழுப்பு நிரம்பிய பேலியோ எடுக்கும் போது டிரைகிளிசிரைட் குறைகிறது. எப்படி இந்த ஆச்சரியம் நிகழ்கிறது? நாம் மாவுச்சத்து அதிகம் உண்ணும் போது இன்சுலின் அதிகம் சுரக்கிறது. இன்சுலின் உணவில் உள்ள தேவைக்கதிகமான கார்புகளை டிரைகிளிசிரைட் எனும் கொழுப்பாக மாற்ற தூண்டுகிறது. டிரைகிளிசிரைட் அளவுகள் அதிகரிக்கின்றன. நாமும் தினமும் மூன்று வேளை கார்புகள் எடுத்து, கொழுப்பை அதிகரித்த வண்ணம் உள்ளோம்.

அதுவே கார்புகள் கம்மியாக (பேலியோ) எடுக்கும் போது க்ளுக்ககான் மற்றும் அட்னிரலின் அதிகரிக்கின்றன. இன்சுலின் சுரப்பு குறைகிறது. இதனால் கொழுப்பு செல்களில் கொழுப்பை உடைய வைக்கும் லைப்பேஸ் எனும் என்சைம் தூண்டப்பட்டு, சேர்ந்திருக்கும் கொழுப்பு கரைந்து சக்திக்காக எரிக்கப்படுகிறது. இன்சுலின் கம்மியாக சுரப்பதால் புதிதாக டிரைகிளிசிரைட் உறப்த்தியாகாது. டிரைகிளிசிரைட் உறபத்தி கம்மி மற்றும் அதன் எரிப்பு அதிகமென்பதால் இதன் அளவு கம்மியாகிறது. நாமும் இளைக்கிறோம்.

பேலியோவில் உணவில் எடுக்கும் அதிக டிரைகிளிசிரைட் என்னாகிறது? அவை நேராக ஈரலுக்கு செல்லாமல் கொழுப்பு செல்களுக்கு சென்று ஸ்டோர் செய்யப்படுகிறது. அதிக கொழுப்பு எடுத்தவுடன் பார்த்தால் டிரைகிளிசிரைட் அதிகமாக இருக்கும். ஆனால் அன்றே அவை எரிக்கப்பட்டு, ஸ்டோரில் உள்ள பழைய கொழுப்பும் எரிக்கப்பட்டு காலை உணவிற்கு முன் டெஸ்ட் எடுத்துப் பார்த்தால் கம்மியாக இருக்கும்.
இது தான் கொழுப்பை கொழுப்பால் எரிப்பது.

நம் முன்னோர்களில் நாம் சிம்பன்சிக்கு மிக நெருக்க சொந்தமாவோம். மற்ற அனைத்து வகை குரங்குகளும் சுத்த சைவம் அல்லது சிலது பூச்சிகளை உண்ணும். ஆனால் சிம்பன்சியின் உணவில் 5% மாமிசம் இருந்துள்ளது. தன் எல்லைக்குள் வேறு வகை குரங்கு வந்துவிட்டால், கூட்டமாக சிம்பன்சிகள் அந்தக் குரங்கை அடித்து சாப்பிட்டு விடும். மற்ற நேரங்களில் பழம் கொட்டைகள், இலைகள் என்று நாள் முழுக்க சாப்பிட்டுக் கொண்டே இருக்கும்.
இதன் வாரிசான Australopithecus africanus குரங்கு, சிம்பன்சியை விட நான்வெஜ் கொஞ்சம் அதிகம் சாப்பிட்டது.

அதன் பின் வந்த homo erectus மனிதன் கல்லால் செய்யப்பட்ட ஆயுதங்களை வைத்து மாமிசத்தை கிழித்து சாப்பிட ஆரம்பித்தான். அதன் பிறகு வந்த நியண்டர்தால் மனிதன் மிக சிறந்த வேட்டையன் ஆவான். மிக அதிக அளவில் மாமிசம் தின்றான். சிறிய அளவில் காய்கறிகள், கொட்டைகள் மற்றும் பழங்கள் தின்றான்.

அதன் பிறகு வந்த நாம் homo sapiens, நியண்டர்தால் மனிதனின் அதே உணவை உண்டோம். ஆனால் நியண்டர்தாலை விட கொஞ்சம் அதிகம் கார்ப் உணவுகள் உண்டோம். அதனால் நம் உடல் அதிக கொழுப்பு, மித அளவு புரதம், கம்மி கார்ப் என்ற நிலைக்கு செட்டானது.

சூழ்நிலை 1: அதிக கொழுப்பு, மிக கம்மி கார்புகள்: மனிதன் வேட்டைக்கு சென்று மாமிசம் கிடைத்த நாளில் அதிகம் அவற்றை உண்டான். அதில் உள்ள கொழுப்பு அவனுக்கு சக்தியளித்தது. மாமிசம் மட்டும் சாப்பிடும் போது மனித உடல், அதை சேமிக்காது. கொழுப்பை கீட்டோன் எனப்படும் சிறிய வகை கொழுப்பாக மாற்றி உடலின் பல செல்களுக்கும் அனுப்பி அவற்றை எரித்து விடும். இதனால் டிரைகிளிசிரிட் எனப்படும் ரத்த கொழுப்பின் அளவு குறையும். இப்படி எரிக்கும் போது கொழுப்பிலிருந்து கம்மி சக்தியே மனிதனுக்கு கிடைக்கும். அதனால் அவன் தினசரி வேலைகளுக்காக அதிக கொழுப்பு எரிகிறது. (மிருகங்கள் அதிகம் கிடைக்கும் நாளில்-->மாமிசம் மட்டும் உண்ணுதல்-->அதிக கலோரிகள் கிடைத்தாலும் உடம்பு அதை சேர்க்காமல் எரித்து விடுதல்).

சூழ்நிலை 1ன் வேதியியல்: அவன் கார்ப் கம்மியாக உண்பதால் கார்பிலிருந்து oxaloacetate கிடைக்காது(சாப்பிடும் கார்புகள் ரத்த செல்களுக்கும் மூளைக்கும் சக்தியளிக்க ஒதுக்கப்பட்டு விடும்). oxaloacetate இருந்தால் தான் கொழுப்பு அதிக சக்தி தரும் TCA cycle க்குள் செல்ல முடியும். oxaloacetate இல்லாததால், கொழுப்பு சக்தி கம்மியாக தரும் கீட்டோன்களாக மாறுகிறது. அதிகமான கொழுப்பு இப்படி செலவிடப்படுகிறது

சூழ்நிலை 2: அதுவே மாமிசம் கிடைக்காத பொழுது காய்கறிகள், பழங்கள் மற்றும் கொட்டைகள் உண்ணும் போது அவை சக்திக்காக எரிகின்றது. அதிகமாக உண்டால் அவை கொழுப்பாக மாறுகிறது. கம்மியாக உண்டால், உடலில் உள்ள கொழுப்பு எரியும். ஆனால் அதிகம் எரியாது.

சூழ்நிலை 2ன் வேதியியல்: கம்மியாக கார்ப் உண்ணும் போது உடலில் உள்ள கொழுப்பு எரிந்து சக்தி தரும். ஆனால் கம்மியான கார்பிலும் oxaloacetate கிடைத்து விடுவதால், கொழுப்பு TCA cycle வழியாக எரியும். கீட்டோன்களாக அல்ல. அதனால் கொஞ்சம் கொழுப்பிலிருந்தே அதிக சக்தி கிடைக்கும். உடல் பெரிதாக இளைக்காது.

சூழ்நிலை 3: சாப்பிடாமலேயே இருந்தால்:கொழுப்புகள் கீட்டோன்களாக கரையும். ஏனென்றால் oxaloacetate இல்லை. உடல் இளைக்கும்

சூழ்நிலை 4: தினமும் கார்புகள் மட்டுமே எடுத்தல்: முந்தைய போஸ்டில் சொன்னது போல, கார்புகள் மட்டுமே எடுத்தால் அவை லைட்டாக எரியும், மற்ற கார்புகள் கொழுப்பாக மாற்றப்படும், உடலில் உள்ள கொழுப்பு எரியவே எரியாது. காரணம்-அதிக இன்சுலின் அளவு.

மனிதன் மாமிசம் அதிகம் சாப்பிட்டான். கிடைக்காத நாளில் காய்கறிகள் பழங்கள் கொட்டைகள் சாப்பிட்டான். அதனால் அவன் உணவுமுறை அதிக கொழுப்பு, கம்மி கார்புகள் என்று பழகியது. அதுவே பேலியோ டயட். கொழுப்பை வேகமாக கீட்டோன் முறையில் எரிப்பதால் டிரைகிளிசிரைட் எனும் கொழுப்பு அளவு குறைகிறது

உணவியல் முரண்பாடுகள் - கொழுப்பு கெட்டதா, நல்லதா?

Dr. V. Hariharan, MBBS, MD (Biochemsitry), Coimbatore

ஒரு செயலை செய்தால் அதற்கு தக்க வினை இருக்கும். ஆனால் நாம் எதிர்பார்ப்பதற்கும், அறிவியிலால் சொல்லப்படுவதற்கும் எதிராக அந்தச்செயலுக்கு வினை நடந்தால், அது paradox எனப்படும். மருத்துவ உலகின் சில paradox களை பார்ப்போம்.

1. French paradox(பிரஞ்சு முரண்பாடு): 

அதிகம் சாட்சுரேட்டட் கொழுப்பு (நெய், முட்டை, இறைச்சி)எடுத்தால் மாரடைப்பு வரும் என மருத்துவ அறிவியல் சொல்கிறது. ஆனால் இவற்றை அதிகம் எடுக்கும் பிரஞ்சு மக்களுக்கு இதய வியாதி மிகக் குறைவான அளவில் இருக்கிறது. இதற்கு பல காரணங்கள் யோசிக்கப்பட்டது (விட்டமின் k2 அவர்கள் உணவில் அதிகம், ஸ்டிரஸ் கம்மி, உணவில் ஆண்ட்டி ஆக்சிடண்டுகள் அதிகம் என). கடைசியில் சாட்சுரேட்டட் கொழுப்பு நல்லது, அதனால் தான் இதய வியாதி கம்மியாக வருகிறது என்ற முடிவுக்கு வந்தார்கள்.

2. Israeli Paradox : 

டாக்டர்கள் அறிவுறுத்தும் சன்பிளவர் ஆயில், சோயா ஆயில், சோள எண்ணெய்களை பயன்படுத்தி, டாக்டர்கள் எதிர்க்கும் சாட்சுரேட்டட் கொழுப்புகளை கம்மியாக எடுக்கும் இஸ்ரேலியர்களுக்கு மிக அதிக அளவில் மாரடைப்பு வந்தது. இன்று இந்த கமர்சியல் எண்ணெய்களில் அதிகம் உள்ள ஒமேகா 6 எனும் அமிலம் இதய வியாதியை கொண்டு வருவதாக கண்டுப்பிடித்துள்ளனர்.

3.Spanish Paradox: 

1976ல் திடீரென இதய வியாதி வருதல் குறைந்தது. என்ன காரணம் என்று ஆராய்ந்ததில் அந்த வருடம் தேசிய அளவில் இறைச்சி, பால் பொருட்கள், மீன் ஆகியவை முன்னெப்போதும் இல்லாத அளவில் அதிகம் உணவில் சேர்த்துக் கொள்ளப்பட்டிருந்தது தெரிய வந்தது. மற்றும் கார்புகள் குறைவாக எடுக்கப்பட்டிருந்ததும் தெரிய வந்தது.

4. Japanese Paradox:
ஜப்பானியர்களுக்கு இதய வியாதி மற்ற நாட்டினரை விட குறைவு. ஆனால் கொலஸ்டிரால், பிரஷர், சர்க்கரை வியாதிகள் மற்ற நாட்டு அளவுகள் போல் இருக்கிறது. ஆராய்ந்து பார்த்ததில் அவர் அதிக கடலுணவு எடுப்பதே காரணம் என அறிந்தார்கள். இதயத்தை புண்ணாக்கும் ஒமேகா 6 (சூரியகாந்தி, ஆமணக்கு, சோள, தவிட்டு எண்ணெய்கள்) அமிலத்திலின் கெடுதலை, கடல்மீனில் இருக்கும் ஒமேகா 3 அமிலம் தடுக்க வல்லது.

5. masai paradox: 
கென்யா நாட்டின் மசாய் பழங்குடிகள் தினமும் பால் பொருட்கள், இறைச்சி என 3000கலோரிகள் உண்டும் அவர்கள் ஒல்லியாகவும், இருதயத்தில் அடைப்பு சுத்தமாக இல்லாமலும் இருந்திருக்கிறார்கள். கொலஸ்டிராலும் அவர்கள் ஒரு நாளைக்கு 600-2000Mg அளவு எடுக்கிறார்கள். ரெகுலர் உணவுகளில் இவ்வளவு கலோரிகள் எடுத்தால் உடற்பருமன், சுகர், பிரஷர், இதய வியாதி வந்துவிடும். ஆனால் கலோரிகள் எவ்வளவு என்பது முக்கியமல்ல, எதில் இருந்து கிடைக்கிறது என்பது தான் முக்கியம் என இவர்கள் உணர வைத்தார்கள்.

பேலியோ பலருக்கு முரணாக தோன்றலாம். ஆனால் பல வியாதிகளை இல்லாமல் ஆக்குகிறது.

பேலியோ உணவுமுறையால் சிறுநீரக பாதிப்பு வருமா?

பேலியோ உணவுமுறை என்றதுமே, கிட்னி சட்னி ஆகும், சிறுநீரகம் சின்னாபின்னமாகும் போன்ற விமர்சனங்கள் மருத்துவர்களிடமும் சில பொது மக்களிடமும் எழுவது சகஜமாகிவிட்டது. ஊடகங்களும் இது போன்ற ஆதரமில்லாத தவறான ஆனால் சுவாரசியமான பரபரப்பு மிக்க செய்திகளை வெளியிடுவதில் அதிக கவனம் செலுத்துகின்றன.

இதன் பின்னணி என்ன?

பேலியோ உணவுமுறை என்றதும் அனைவருக்கும் நினைவுக்கு வருவது கறியும் கோழியும் முட்டையும். இறைச்சி வகைகளில் புரதம்(protein) அதிகம் இருப்பதால் சில வருடங்களில் சிறுநீரக பாதிப்பு உண்டாகும் எனும் தவறான கருத்து நிலவுகிறது.

புரதம் என்றால் என்ன?

நம் உடலின் கட்டுமானத்திற்கு உதவும் building blocks தான் புரதம்.
Cytoskeleton எனப்படும் நமது செல்களின் அஸ்திவாரம் புரதம்.
actin, myosin எனப்படும் புரதங்கள் தான் நம் தசைகளின் முதுகெலும்பு.
நாம் உண்ணும் உணவை செரிமானம் ஆக்க உதவும் அனைத்து என்சைம்களும் புரதம் தான்.
இன்சுலின், பிட்யூட்டரி போன்ற அதிமுக்கிய ஹார்மோன்கள் புரதம் தான்.
நோய் எதிர்ப்பு சக்தி என்று கூறுகிறோமே, அந்த இம்யூனோக்ளோபுளின் புரதம் தான்.
இது மட்டுமில்லாமல் உடலில் நடைபெறும் பல்லாயிரக்கணக்கான உயிர்வேதியியல் செயல்பாடுகளுக்கும் உதவும் பெரும்பாலான என்சைம்கள் புரதம் தான்.
சுருக்கமாகச் சொன்னால் புரதம் தான் நம் உடலின் உயிர்நாடி.

எவ்வளவு புரதம் ஒருநாளைக்கு தேவை?

ஒரு சராசரி மனிதனுக்கு அவனது உடல் எடையை போல 0.7 மடங்கு கிராம் புரதம் தேவை. அதாவது அவனது உடல் எடை 80 கிலோ இருந்தால், அவனுக்கு 56 கிராம் புரதம் தினசரி தேவை. பிரசவமாக இருக்கும் பெண்கள், தாய்ப்பால் ஊட்டும் பெண்கள், குழந்தைகளுக்கு(கிலோவுக்கு 1.5 கிராம் வரை) புரதம் இன்னும் அதிகம் தேவைப்படும். இதில் குறிப்பாக, இந்தியாவில் உள்ளது போன்று, பெரும்பாலும் சைவ உணவுகளில் இருந்து புரதம் எடுத்தால், அதன் குறைந்த தரம் காரணமாக இன்னும் அதிக புரதம்(ஒரு கிலோ எடைக்கு 1 கிராம்) தேவை.
இங்கு குறிப்பிடப்பட்டுள்ள அளவு குறைந்தபட்ச அளவு மட்டுமே. இதற்கு குறைந்து புரதம் எடுத்தால் தளர்வு, தசை இழப்பு, உடல் சோர்வு மற்றும் பல கோளாறுகள் உடலில் ஏற்படும்.

மிருகங்களின் புரதம் உடலுக்கு கெடுதலா?

இது தான் மிகப்பெரிய காமெடி.
புரதங்களின் மூலக்கூறுகள் அமினோ ஆசிட் எனப்படும். 20 வகை அமினோ ஆசிட்கள் மூலம் பல்லாயிரக்கணக்கான புரதங்கள் உடலில் தயார் செய்ய படுகின்றன. இதில் 9 வகை அமினோ ஆசிட்கள் உணவில் இருந்து மட்டும் தான் உடலுக்கு கிடைக்க செய்ய வேண்டும். இவை essential amino acids என்றழைக்கப்படும். இவை அனைத்தும் ஒரு சேர கிடைப்பது முட்டை மற்றும் மிருக புரதங்களில் மட்டும் தான். அரிசியிலோ பருப்பிலோ சுண்டலிலோ அனைத்து essential அமினோ ஆசிட்கள் கிட்டுவதில்லை. எனவே தான் பருப்பு சுண்டல் வகைகளை உணவியல் நிபுணர்கள் poor man's meat (ஏழையின் இறைச்சி) என்றழைப்பர். முட்டை புரதத்தை reference protein என்றழைப்பர். அதாவது மற்ற எல்லா உணவு வகைகளிலும் எவ்வளவு புரதம் இருக்கிறது, அதன் தரம் என்ன என்பதை முட்டையுடன் ஒப்பிட்டுத் தான் விளக்குவார்கள். நாம் பள்ளி செல்லும்போது எல்லா பாடத்திலும் ஒருவன் முதல் ரேங்க் வாங்குவானே, எல்லாரும் அவனை மாதிரி படிக்க வேண்டும் என்பார்களே, அவனைப் போல.

பேலியோ அதிக புரதம் எடுக்கும் உணவுமுறையா?

இது பொதுவாக மக்களிடமும் மருத்துவர்களிடமும் நிலவும் தவறான கருத்து.
பேலியோ என்பது
- குறைந்த மாவுச்சத்து (carbohydrate)
- அதிக கொழுப்பு (fat)
- தேவையான அளவு புரதம் (protein)
எடுக்கும் உணவுமுறை.
பொதுவாக இந்தியர்கள் உண்ணும் உணவில் இருப்பது 30-40 கிராம் புரதங்களே. அதுவும் தரம் குறைந்த தானிய புரதங்கள்.
பேலியோ உணவில் கிட்டத்தட்ட 80 முதல் 100 கிராம் வரை உயரிய மிருக புரதங்கள் கிடைக்கும். அனைத்து essential அமினோ ஆசிட்களும் கிட்டும். உடல் தேவையான அளவு புரதங்களைப் பெற்று செழிப்புடன் விளங்கும்.

புரதம் நல்லது சரி, அதிகபட்சம் தினம் எவ்வளவு எடுக்கலாம்?

ஒரு சராசரி மனிதன் ஒரு கிலோவுக்கு 2.5 கிராம் என்கிற அளவு வரை புரதங்கள் எடுக்கலாம். எந்த பிரச்னையும் இல்லை. அதாவது ஒரு 80 கிலோ எடையுள்ள மனிதன் தினசரி 200 கிராம் வரை எடுக்கலாம். எந்த பாதிப்பும் ஏற்படாது. இது ஆராய்ச்சிபூர்வமாக நிரூபிக்கப்பட்ட தகவல். ஆனால் நம் உடலால் அதிகபட்சம் ஜீரணம் செய்யக்கூடியது கிட்டத்தட்ட 375 கிராம் புரதம். (Theoretical maximum)

கவனிக்கவும்: பேலியோவில் பரிந்துரைப்பது 80-100 கிராம் புரதங்களே.

சரி, 56 கிராம் குறைந்தபட்ச தேவை எனும்போது, 150 கிராம் எடுத்தால் என்ன ஆகும்?
1. பாடி பில்டிங்கில், விளையாட்டு துறையில் உள்ளோர், அதிக புரதம் எடுக்கும்போது அந்த புரதங்கள் actin மற்றும் myosin ஆக மாறி, தசைகளை மெருகேற்றும்.
2. குறைந்த கார்போஹைட்ரேட் உணவுமுறையை பின்பற்றும் ஒரு சராசரி மனிதர் அதிக புரதங்கள் எடுத்தால், மிச்ச புரதங்கள், gluconeogenesis எனும் செயல் மூலம், உடலில் குளுக்கோஸ் ஆக மாறி, மூளை, சிவப்பு அணுக்கள், சிறுநீரகம் போன்ற உறுப்புகளுக்கு சக்தி தரும்.
3. மிச்சக் கழிவுகள் யூரியாவாக மாறி, சிறுநீரகத்தால் வெளியேற்றப்படும்.

இந்த கடைசி பாயிண்டை தான் மக்கள் பிடித்துக்கொண்டு பேலியோவைத் தூற்றிய வண்ணம் உள்ளனர்.

உண்மையில் அதிக புரதம் எடுத்தால் சிறுநீரகம் பாதிக்கப்படுமா?

- ஆராய்ச்சிகளில், ஏற்கனவே சிறுநீரக செயலிழப்பு (renal failure) உள்ள மக்களுக்கு அளவுக்கு மீறிய புரதம் கொடுத்தால், தொந்தரவு அதிகமாகும் என்று நிரூபிக்கப்பட்டுள்ளது. எனவே தான், சிறுநீரக கோளாறு ஏற்கனவே இருப்பவர்களுக்கு, 55 கிராமுக்கு கீழ் புரதம் எடுக்க வேண்டும் என்று நம் குழுவில் பரிந்துரைக்கப்படுகிறது.
(கவனிக்கவும்: renal failure உள்ளவர்களுக்கும் கூட 55 கிராம் புரதம் குறைந்தபட்சம் வேண்டும். ஜீரோ புரதம் பரிந்துரைப்பது இல்லை. உடலில் அத்துனை முக்கிய வேலை உள்ளது புரதத்திற்கு.)

- ஆனால், எந்த தொந்தரவும் இல்லாத, சிறுநீரகம் நன்றாக செயல்படும் மக்களுக்கு அதிக புரதம் கொடுத்தால் அவர்களுக்கு சிறுநீரக தொந்தரவு வரும் என்று கூறுவது முட்டாள்தனம். அதற்கு எந்த ஒரு ஆராய்ச்சி அடிப்படையும் இல்லை.

- சிறுநீரகத்தின் முக்கிய வேலைகளுள் ஒன்று புரதம் ஜீரணமாகும்போது உருவாகும் nitrogenous கழிவுகளை வெளியேற்றுவதுதான். அதனால் தான் இந்த சந்தேகங்கள் வருகின்றன.

- உடலில் புரதங்களை ஜீரணம் செய்ய ஒரு எல்லை இருக்கிறது. பல ஆராய்ச்சிகளின் மூலம், அது மொத்த உணவின் 35 சதவீதம் என்று கண்டுபிடிக்கப்பட்டுள்ளது. ஆனால், அத்தனை புரதம் உண்பது சாத்தியம் அல்ல. அதனைக் கட்டுப்படுத்த மூளையில் பல்வேறு செயல்பாடுகள் உள்ளன.

https://www.ncbi.nlm.nih.gov/pubmed/22319049

- அளவுக்கு விஞ்சிய புரதங்கள் எடுக்கும்போது சிறுநீரகத்தில் சில மாற்றங்கள் நிகழ்வது சில ஆராய்ச்சிகளில் கண்டுபிடிக்கப்பட்டுள்ளது.

http://www.sciencedirect.com/science/article/pii/B9780123919342000138

https://www.ncbi.nlm.nih.gov/pubmed/10578207

https://www.ncbi.nlm.nih.gov/pmc/articles/PMC3602135/

- இந்த மாற்றங்கள் யாதெனில்

*glomerular filtration rate (GFR) எனப்படும் சிறுநீரகத்தின் வடிகட்டும் வேகம் அதிகம் ஆகிறது.
*glomeruli எனப்படும் சிறுநீரகத்தின் அடிப்படை யூனிட்கள் அளவில் பெரியதாகின்றன.
- இந்த மாற்றங்களை hyperfiltration என்பார்கள். இவற்றை, ஆரோக்கியமான சிறுநீரகத்தின் adaptive changes (தேவைக்கேற்றார் போல் செயல்திறனை மாற்றி அமைத்து கொள்ளும் தன்மை) என்பார்கள்.

https://www.ncbi.nlm.nih.gov/pmc/articles/PMC1262767/


அதாவது, மரம் வெட்டுபவனை விட ஓவியனுக்கு கை நேர்த்தி அதிகம் உள்ளதே, அது போல.

- இத்தகைய adaptive changes பிரசவமாக இருப்பவர்க்கும், ஒரு சிறுநீரகத்தை தானம் செய்தவருக்கும் சாதாரணமாக நடப்பதுண்டு. உதாரணத்திற்கு, ஒரு சிறுநீரகத்தை தானம் செய்தவருக்கு, இன்னொரு சிறுநீரகம் கொஞ்சம் அதிக வேலை செய்யும். GFR அதிகமாக இருக்கும். பிரசவமாக இருப்பவர்க்கு 50% கூடுதல் வேலைப்பளு சிறுநீரகத்திற்கு இருக்கும். ஆனால், ஒரு போதும் அது பாதிப்படையாது.

http://journals.plos.org/plosone/article?id=10.1371%2Fjournal.pone.0097656

இந்த மிக உயரிய systematic review ஆராய்ச்சியில், அதிக புரதம் எடுப்பது gfr, urea, uric acid போன்றவற்றை சிறிது அதிகம் அடையச் செய்தாலும், அது சிறுநீரகத்தின் தேவைக்கேற்றார் போல் செயல்திறனை மாற்றி அமைத்து கொள்ளும் தன்மை தான். இதற்கு மருத்துவ ரீதியில் எந்த முக்கியத்துவமும் கொடுக்கத் தேவையில்லை என்று முடிவுரை கூறியுள்ளார்கள்.

https://www.ncbi.nlm.nih.gov/pmc/articles/PMC3386674/

இந்த ஆராய்ச்சியில் அத்தகைய சிறு மாற்றங்களும் அதிக புரதம் எடுக்கும் யாருக்கும் நிகழவில்லை என்று கண்டுபிடித்துள்ளார்கள்.

http://www.sciencedirect.com/science/article/pii/B9780123919342000138

இந்த ஆராய்ச்சிக்கட்டுரையில், அதிக புரதம் எடுப்பது பற்றிய எல்லா ஆராய்ச்சிகளையும் ஒப்பீடு செய்து இறுதியாக ஒரு முடிவை எட்டியுள்ளார்கள். அதாவது, மேலே குறிப்பிட்டுள்ளது போல சிறு சிறு மாற்றங்கள் புரதம் அதிகம் எடுக்கும்போது நடந்தாலும், அவை சாதாரண adaptive மாற்றங்களே. அது பற்றி எந்த ஒரு தயக்கமும் தேவை இல்லை. ஆனால், நாம் பொதுவாக எடுக்கும் அதிக மாவுச்சத்து உணவுகளே, நீரிழிவு நோய் போன்ற கொடிய நோய்களை வரவழைத்து, diabetic nephropathy எனும் நீரிழிவினால் ஏற்படும் சிறுநீரக செயழிலப்பை அதிகப்படுத்தி, வருடம் ஒன்றிற்கு பல்லாயிரக்கணக்கான மரணங்களை நிகழ்த்துகின்றன என்கிறார்கள்.

இது மட்டும் இல்லாமல், பேலியோ போன்றதொரு குறைந்த மாவுச்சத்து, அதிக கொழுப்பு, தேவையான அளவு நல்ல புரதம் எடுக்கும் உணவுமுறையில், diabetic nephropathy எனும் நீரிழிவினால் ஏற்படும் சிறுநீரக செயலிழப்பு நோய் ஆரம்ப கட்டத்தில் இருந்தால், அது பூர்த்தி குணமடையவும் நிறைய வாய்ப்புகள் இருப்பதாக சில ஆராய்ச்சி முடிவுகள் தெரிவிக்கின்றன. சிலருக்கு கீட்டோஜெனிக் பேலியோ டயட் மூலம், ஆரம்பக்கட்ட diabetic nephropathy சரியாகி பழைய நல்ல நிலைமைக்கு சிறுநீரகம் திரும்பிவிட்டது என்றும் case ரிப்போர்ட்கள் உள்ளன.

http://journals.plos.org/plosone/article?id=10.1371%2Fjournal.pone.0018604

http://nutritionandmetabolism.biomedcentral.com/articles/10.1186/1743-7075-3-23

கவனிக்கவும்: சிறுநீரக கோளாறுகளுக்கு டயாலிசிஸ் மற்றும் சிறுநீரக மாற்று அறுவை சிகிச்சை தேவைப்படும் நபர்களில் கிட்டத்தட்ட 60 முதல் 70 சதவீதத்திற்கு மூல காரணம் diabetes(நீரிழிவு நோய்) மற்றும் hypertension(உயர் இரத்த அழுத்தம்). இவற்றை குணமாக்கவோ, ஏற்கனவே ஏற்பட்ட சிறுநீரக கோளாறை சரி செய்யவோ, தற்போது எந்த ஒரு மருத்துவமோ மருந்துகளோ இல்லை என்பதை நினைவில் கொள்ளவும். டயாலிஸிஸ் அல்லது சிறுநீரக மாற்று அறுவை சிகிச்சை தான் ஒரே வழி.

மறுபடியும் முதல் கேள்விக்கே வருவோம்.

பேலியோ உணவுமுறையால் சிறுநீரக பாதிப்பு வருமா?

1. பேலியோ உணவு முறையால் சிறுநீரக பாதிப்பு வரும் என்று நினைப்பது அரை வேற்காட்டுத்தனமான ஆதாரம் அடிப்படைகளற்ற குற்றச்சாட்டு.

2. வேண்டுமானால், பேலியோ உணவுமுறை உங்களைப் பல எதிர்கால சிறுநீரக பாதிப்புகளில் இருந்து காப்பாற்றும். உங்களுக்கு நீரிழிவு நோய் மற்றும் உயர் அழுத்தத்தில் இருந்து விடுதலை அளிப்பதன் மூலம் உங்கள் சிறுநீரகங்களை செயலிழப்பில் இருந்தும், உங்களை டயாலிசிஸில் இருந்தும், மாற்று சிறுநீரகங்களுக்குக் காத்துக் கிடக்கும் கொடிய நிலைமையில் இருந்தும் காப்பாற்றும்.

எனவே, இல்லாத ஒரு பிரச்சனைக்கு பயந்து மாவுச்சத்து உணவு உண்டு, உங்களின் சிறுநீரகங்களை நீரிழிவு நோய்க்கும் உயர் இரத்த அழுத்தத்திற்கும் பலி கொடுக்க வேண்டுமா?
அல்லது பேலியோ உணவு முறை பின்பற்றி, உங்கள் சிறுநீரகங்களை பொன் போல பாதுகாத்துக்கொள்ள வேண்டுமா?
நீங்களே முடிவு செய்து கொள்ளுங்கள்!!

- Dr. Arunkumar, MBBS, MD(Pediatrics),  Erode.

குழந்தைகளுக்கு வரும் காக்கைவலிப்பு: தீர்வு என்ன?

காக்கைவலிப்பு என பொதுவாக அழைக்கபட்டாலும் இதில் பல வகைகள் உண்டு. வலிப்பு ஏன் வருகிறது என நமக்கு சில ஆண்டுகளுக்கு முன்பு வரை தெரியாது. ஆனால் இதற்கான தீர்வு பண்டைய கிரேக்கர், ரோமானியர் காலத்திலேயே ஓரளவுக்கு கண்டுபிடிக்கப்பட்டிருந்தாலும் 1920ல் தான் இதற்கு தீர்வு கண்டுபிடிக்கப்பட்டது. தீர்வு கண்டுபிடிக்கபட்டிருந்தாலும், மருத்துவர்களுக்கு தெரிந்திருந்தாலும் அதன்பின் ஏனோ அது மக்களை சென்று சேரவே இல்லை. இப்புதிரான வரலாற்றை சற்று ஆராய்வோம்.

காக்கை வலிப்பு உள்ளவர்கள் விரதம் இருந்த காலகட்டத்தில் அவர்களுக்கு வலிப்பு வருவதில்லை என்பதை பண்டைய கிரேக்கர்கள் கண்டுபிடித்தார்கள்...எத்தனை நாள் சாப்பிடாமல் இருக்கிறார்களோ, அத்தனை நாளும் அவர்களுக்கு வலிப்பு வருவதில்லை. சாப்பிட ஆரம்பித்ததும் வலிப்பு மீண்டும் வர துவங்கியது. அதனால் உணவில் உள்ள ஏதோ ஒன்றுதான் இதை உருவாக்கவேண்டும் என்பதை அன்றைய மக்கள் அறிந்திருந்தார்கள்.

நிற்க:::அக்காலத்தில் பெப்ஸி,கோக், மெக்டானல்ட்ஸ், எதுவுமே இல்லை....முழுக்க கைகுத்தல் அரிசி, கோதுமை, ஆர்கானிக் காய்களையே அன்று உண்டார்கள்...ஆனால் இதை எல்லாம் உண்ண ஆரம்பித்ததும் மீண்டும் வலிப்பு வந்தது. நிறுத்தினால் வரவில்லை

பைபிளில் வலிப்பு உள்ள ஒருவனை ஏசுவின் முன்னால் கொண்டுவருகிறார்கள்..ஏசு அவனுக்கு பரிந்துரைப்பது உபவாசத்தை!!!!!

இந்த புதிர் விடுபட்டது 1920களில்...அன்று தான் தற்செயலாக காக்கை வலிப்பு உள்ளவர்களுக்கு "லாங் செயின் டிரைகிளிசரைடு டயட்டில்" (long chain triglyceride diet) போட்டால் அவர்களுக்கு வலிப்பு பெருமளவில் நின்றுவிடுவதாக கண்டறிந்தார்கள்..10- 15% பேருக்கு இதனால் முழுமையாக வலிப்பு நின்றே விட்டது. மீதி பேருக்கு 50 முதல் 75% வரை வலிப்பு வரும் விகிதம் குறைந்தது

லாங் செயின் டிரைகிளிசரைடு டயட் என்றால் என்ன?

லாங் செயின் டிரைகிளிசரைடு என்பது ஒரு வகை ஸ்பெஷல் உறைகொழுப்பு...இது உள்ள உணவுகள் ஆடு, மாடு, பன்றி போன்ற சிகப்பிறைச்சிகள்...தேங்காயில் உள்ளது மீடியம் செயின் டிரைகிளிசரைடு. பட்டரில் உள்ளது ஷார்ட் செயின் டிரைகிளிசரைஅடு

ஆக வெறும் இறைச்சியை மட்டும் உண்டு வருகையில் காக்கை வலிப்பு நின்றது கண்டறியபட்டது...இதனால் உலகபுகழ் பெற்ற ஜான் ஹாப்கின்ஸ் மருத்துவமனையில் காக்கை வலிப்பு வார்டில் ஸ்Pஎஷலாக கெடொஜெனிக் டயட் வார்டு ஒன்றை துவக்கினார்கள். எந்த மருந்தாலும் நிற்காத வலிப்பு நோய் உள்ள குழந்தைகளை இந்த வார்டில் போடுவார்கள். மிக, மிக ஸ்ட்ரிக்டாக குழந்தைக்கு இறைச்சி மட்டுமே வழங்கபடும்..இறைச்சியை உண்ன பற்கள் இல்லாத குழந்தைகளுக்கு பார்முலா வடிவில் இறைச்சி வழங்கபட்டது. பச்சை குழந்தைகளும் கெடொசிஸ்ல் போனபின் அவர்களுக்கு வலிப்பு நின்றது

இன்றுவரை கெடொசிசுக்கு ஒப்பான காக்கைவலிப்பு மருந்து எதுவும் கிடையாது. எந்த மருந்தாலும் நிற்காத வலிப்பு இதனால் நிற்கும் என மருத்துவர்களுக்கு தெரியும். ஆனால் டயட்டின் கடுமை, குழந்தைகள் அதை பின்பற்ற கடினமாக இருப்பது போன்ற காரணத்தால் இந்த தீர்வை மெதுவாக விட்டுவிட்டு வேறு மருந்துகள், மாத்திரைகளுக்கு மாறிவிட்டார்கள். மக்களும் மருந்து சபபிடுகிறோமே என சொல்லி குழந்தைகளுக்கு வேறு எந்த கட்டுபாடும் விதிக்கவில்லை...ஆக வலிப்புக்கு நிவாரணமே இல்லாமல் இருக்கிறது

2012ல் தான் வலிப்புக்கான காரணத்தை விளக்கும் முக்கிய ஆய்வறிக்கை ஒன்று ஹார்வர்டு மெடிக்கல் பல்கலைகழகத்தில் பதிப்பிக்கபட்டது. இதன்படி வலிப்பு வருவதற்கான காரணமும், கெடொஜெனிக் டயட் அதை எப்படி தீர்க்கிறது என்பதையும் நம்மால் அறிந்துகொள்ள முடிகிறது

காக்கை வலிப்பு என்பது ஒரு மூளை நரம்பியல் பிரச்சனை.நம் மூளை நரம்பில் பிசிஎல் 2 என்ற வகை புரதம் ஒன்று உண்டு. இதுதான் மூளைக்கு செல்லும் க்ளுகோஸ் அளவுகளை கட்டுக்குள் வைக்கும் புரதம். இது பாதிப்படைகையில் அல்லது சரியாக வேலை செய்யாமல் போகையில் மூளை நியூரான்களில் எலெக்ட்ரிக் ஷாக் கொடுத்தது போன்ற அதிர்ச்சி உருவாகிறது. மயக்கம், மூளை உறுப்புகள் மேல் கட்டுபாட்டை இழத்தல் எல்லாமே உருவாகி வலிப்பு ஏற்படுகிறது

க்ளுகோஸை கட்டுபடுத்தும் இந்த நியூரானுக்கு அந்த வேலையை கொடுக்காமல் விட்டால், அதாவது உடலின் எரிபொருளை சுகரிலிருந்து கொழுப்பாக மாற்றினால் மூளை க்ளுகோஸுக்கு பதில் கிடோனில் இயங்க துவங்கும். கிடோனில் மூளை இயங்குகையில் இந்த நியுரான் மிக அழகாக வேலை செய்கிறது. வலிப்புகள் பெருமளவு நின்றுவிடுகின்றன , பலருக்கு சுத்தமாக வருவதே இல்லை

குழந்தைகளுக்கு 90:10 என்ற விகிதத்தில் காலரிகளில் கொழுப்பும், புரதமும் இருக்கவேண்டும் என்ற விகிதத்தில் லாங் செயின் டிரைகிளிசரைடு ஆசிட் கெடொஜெனிக் டயட் வழங்கபடுகிறது. இந்த 90:10 விகிதம் பொதுவான 75:25 விகிதத்தை விட மிக கடுமையானது..75:25ல் மீன், கோழி எல்லாம் கூட சற்று சேர்க்கலாம். 90:10ல் முழுக்க போர்க் மற்றும் பீஃப் தான்.

கவனிக்க:::இது குழந்தைகளுக்கு.

இத்தனை கடுமையான டயட்டை நாம் பின்பற்ற முடியுமா?

முடியாது..அதனால் தான் மருத்துவமனையில் ஸ்பெஷல் வார்டு அமைத்து குழந்தைகளை அட்மிட் செய்து பின்பற்ற வைக்கிறார்கள்.

ஆக வலிப்பு உள்ள குழந்தைகளுக்கு முதற்கண் குப்பை உணவுக்ள், கோதுமை, நிலக்கடலை, ஐஸ்க்ரீம் முதலியவற்றை நிறுத்தவேண்டும். அதன்பின் மெதுவாக தானியங்கள், ஐஸ்க்ரீம், கேக் எல்லாவற்றையும் நிறுத்தவெண்டும் அல்லது குறைக்கவேண்டும். மெதுவாக காலை உணவாக முட்டை, மதியமும் மாலையும் அதிக கொழுப்புள்ல சிகப்பு இறைச்சியும் பிராக்களி, முட்டைகோஸ் முதலிய வெகுசில காய்கறிகளுமே வழக்ஙபடவேண்டும். குழந்தைகளை டயட்டில் கட்டுபடுத்துவது மிக கடினம்..ஆனால் முடிந்தவரை அவர்களுக்கு சுகர், கார்ப் இல்லாத உணவை கொடுத்து வந்தால் வலிப்பின் தீவிரம் குறையும். அவர்கள் சற்று வளர்ந்தபின் முழுமையாக கெடொசிஸில் இறக்கினால் 2 வருடங்களில் வலிப்பு குணமாகிவிடும். ஏன் எனில் வலிப்பு இருப்பவர்களுக்கு 2 வருட காலகட்டமே கெடொசிஸ் பரிந்துரைக்கபடுகிறது. அதன்பின் சற்று கார்ப் சேர்த்துகொள்லலாம். ஆனால் தானியம் பக்கம் போககூடாது.

துவக்கநிலை சாம்பிள் காக்கை வலிப்பு டயட்:

காலை: 3 முட்டை ஆம்லட்..நெய்யில்

மதியம்: சிக்கன் லெக் பீஸ்...100 கிராம் பிராக்களி, லெட்டுஸுடன் அல்லது சிக்கன் சாலட்.

மாலை: 1 துண்டு சீஸ். 30 கிராம்

மாலை: சிகப்பிறைச்சி (ஆடு, பீஃப், போர்க்).

உடனே இதை துவக்கவேண்டும் என இல்லை...

முதல்படியில் குப்பை உணவுகளை நிறுத்தவேண்டும்...

மெதுவாக காலை உணவாக முட்டையை அறிமுகபடுத்தவேண்டும். சீரியல், ஓட்மீல்,மாகி நூடில்ஸ் குப்பைகளை தொலைத்து தலைமுழுகவேண்டும்

மதியம் சிக்கன் வைத்து கொடுக்கவேண்டும்...அரிசி கொஞ்சமாக கொடுக்கலாம்...கோதுமை வேண்டாம். சோயா, மக்கா சோளம் பக்கம் போகவேண்டாம்.

இரவு மீன் கொடுத்து கொஞ்சமாக சோறு கொடுக்கலாம். இப்படி படிப்படியாக இந்த டயட்டுக்கு கொண்டுவரவேண்டும். துவக்கத்தில் காய்கறிகளை கொடுத்து குப்பை உணவுகளை மறகடியுங்கள். முக்கியமாக பெரியவர்கள் குப்பை உணவுகளை சபபிடுவதை நிறுத்துங்கள். கோதுமை, சோயா வேண்டவே வேண்டாம். சமையல் எண்ணெயாக நெய் மட்டும் பயன்படுத்தவும்.

Neander Selvan

வைட்டமின் கே 2

வைட்டமின் கே பற்றி அறிவோம். ஆனால் வைட்டமின் கே வில் இருவகை உண்டு என்பதும் அதிகம் அறியப்படாத கே 2 உடல்நலனுக்கு மிக முக்கியம் எனவும் தெரிந்து வருகிறது. இன்னும் கே2வுக்கு ஆர்,டி.ஏ நிர்ணயிக்கப்டவில்லை. வைட்டமின் மாத்திரைகள் கூட வெளீயாகவில்லை.

இந்த இடத்தில் ஒரு சிறுகுறிப்பு: எந்த வைட்டமினையும் மாத்திரை மூலம் அடைவது பலனற்றது. வைட்டமின்கள் ஒரு காம்போவாக தான் இயங்கும். உதாரணமாக பாலில் உள்ள வைட்டமின் ஏ, டீ, கால்ஷியம் முதலனாவற்றை எடுத்துக்கொள்வோம். ஏவும், டியும் கொழுப்பில் கரையும் வைட்டமின்கள். இவைகளை நம் உடல் கிரகிக்க பால் கொழுப்பு அவசியம். பாலில் உள்ள கால்ஷியத்தை உடல் கிரகிக்க வைட்டமின் டி அவசியம். பாலில் உள்ள கால்ஷியம் எலும்புகளுக்கு சென்று சேர, கிட்னி, இதயம் முதலிய இடங்களில் டிபாசிட் ஆகாமல் இருக்க வைட்டமின் கே 2 அவசியம்.

ஆக பால் மூலம் இந்த மூலபொருட்களை அடைந்தால் நம் உடல் இந்த வைட்டமின், மினரல்களை சிறப்பான முறையில் கிரகிக்கும். வைட்டமின் மாத்திரை மூலம் சாப்பிட்டால் எந்த பலனும் இல்லை. மேலும் நம் உடல் கால்ஷியம் மாத்திரைகளில் உள்ள கால்ஷியத்தை சுத்தமாக பயன்படுத்திக்கொள்வது இல்லை. காரணம் கால்ஷியம் மாத்திரைகள் கல் சுண்ணாம்பால் தயாரிக்கபடுபவை. உடல் இவற்றை ஏற்றுகொள்வது இல்லை. அதனால் வைட்டமின் மாத்திரை சாப்பிட்டு கே 2 அடையலாம் என நினைப்பது தவறு.

கே 2 என்பது என்ன?

வைட்டமின் கே நம் ரத்தம் கட்டியாகாமல் தடுக்கும் மூலப்பொருள். கே 2 என்பது

1) நம் உடலில் கால்ஷியம் சரியான இடத்துக்கு சென்று சேர்வதை உறுதி செய்யும்

2) தவறான இடத்தில் கால்ஷியம் படிவதை தடுக்கும்.

உதாரணமா வைட்டமின் கே2 குறைபாடு உள்ளவர் அருந்தும் பால், தயிரில் உள்ள கால்ஷியம் எலும்புகளில் சென்று சேராமல் இதயகுழாய், கிட்னி ஆகிய இடங்களில் படிந்தால் கிட்னி கல், கிட்னி பழுது, மாரடைப்பு ஆகியவை நேரிடும். அத்துடன் கால்ஷியம் எலும்புகள், பற்களுக்கு சென்று சேராமல் அவை பலனீமமடையும்.இதயகுழாய் சுவர்களில் கால்ஷியம் படிவது மிக ஆபத்தானது. கே 2 குறைபாடால் இது நேர்கிறது. கே 2 எவ்வளவுக்கு எவ்வளவு உணவின் மூலம் கிடைக்கிறதோ அவ்வளவுகு அவ்வளவு நமக்கு நல்லது. அதுபோக மனித மூளையின்செயல்பாட்டுக்கு கே 2 அவசியம் தேவை. சொல்லபோனால் நம் உடலில் வைட்டமின் கே2 வை சேமிக்கும் இடமே மனித மூளைதான். கிட்டத்தட்ட 93% வைட்டமின் கே2 மூளையின் செல்களில் தான் சேமிக்கபடுகிறது

கே 2 எந்த உணவுகளின் மூலம் கிடைக்கிறது? தினம் எத்தனை மைக்ரோகிராம் அளவு தேவை?

தினம் 200 மைக்ரோகிராம் அளவு கே2 கிடைப்பது உத்தமம். குறைந்தது நூறு மைக்ரோகிராம் அளவாவது கிடைக்கவேண்டும். கே 2 வுக்கு உயர் எல்லை எதுவும் இல்லை.

100 கிராம் அளவு கீழ்க்கண்ட உணவுகளை உண்பதால் கிடைக்கும் கே 2 அளவுகள்:

நாட்டோ 1130 மைகி (ஜப்பானில் கிடைக்கும் ஃபெர்மெண்ட்டட் சோயாபீன்ஸ். ஒரு வித பாக்டிரியாவில் இது ஃபெர்மெண்ட் செய்யபடுவதால் ஏராளமான கே2 கிடைக்கிறது. டோஃபு, மீல்மேக்கரில் இது துளியும் இல்லை)

வாத்து ஈரல் 369

சீஸ்: 56 முதல் 76 வரை

நாட்டுக்கோழி முட்டை 32.

பண்ணைகோழி முட்டை 15.5

வெண்ணெய் 15

சிக்கன் லிவர் 14.1 (நாட்டுகோழி லிவரில் இன்னும் அதிகம்)

சிக்கன் 8.5

சவர்கிராட் எனும் புளீத்த கேபேஜ் 4.8

முழு பால் 1.0

கொழுப்பு எடுத்த பால்: பூஜ்யம்

கொழுப்பு எடுத்த லீன் சிக்கன், லீன் மாமிசம்: பூஜ்யம்

எக் ஒயிட்: 0.4

ஆக புல்மேயும் மாட்டு வெண்ணெய், சீஸ், சிக்கன், முட்டை முதலானவற்றை தினம் உண்பதால் இது உணவில் சேர்கிறது. சைவர்கள் அன்றாடம் வெண்ணெய் மற்றும் சீஸ் உணவில் சேர்த்துக்கொள்வது அவசியம். பனீரில் இருக்கா என தெரியவில்லை. நம் ஊர் பொருள் என்பதால் ஆய்வு நடத்தப்டவில்லை போல.

REF

Neander Selvan

கொலஸ்டிரால் உடல்நலனுக்கு மட்டுமல்ல மனநலனுக்கும் உகந்தது என ஆய்வுகள் கூறுகின்றன

ஜர்னல் ஆஃப் அபெக்டிவ் டிஸார்டரில் 2006ல் பதிப்பிக்கபட்ட ஆய்வு ரத்தத்தில் கொலஸ்டிரால் அளவு குறைவாக இருக்கும் ஆண்களுக்கு மனநிலை கோளாறுகள் வரும் வாய்ப்பு அதிகம் என்று கண்டறிந்தது

கொலஸ்டிரால் அளவு குறைவாக இருப்பவர்கள் மத்தியில் அதிக அளவு தற்கொலைகள் நடப்பதாக ஜர்னல் ஆஃப் சைகோமெட்ரிக் ரிசர்ச்சில் 1995ல் பதிப்பிக்கபட்ட இன்னொரு ஆய்வு கூறுகிறது. இதற்கான காரணமாக இந்த ஆய்வு கூறுவது கொலஸ்டிராலுக்கும் நம் மூடுக்கும் தொடர்பு உள்ளது என்பதே. கொலஸ்டிராலுக்கும் மூடுக்கும் உள்ள தொடர்பால் குறைந்த கொலஸ்டிரால் அளவுகள் இருந்தால் விபத்துக்களும் அவர்களுக்கு அதிகம் நடப்பதாக இவ்வாய்வு கூறுகிறது. மூடு சரியில்லாத நேரத்தில் தான் தண்ணி அடித்துவிட்டு வண்டிஓட்டுவோம். சீட்பெல்ட் போடாமல் கார் ஓட்டுவோம்

ஜர்னல் ஆஃப் சைக்கிரியாடிக் ரிசர்ச்சில் 2000ம் ஆண்டு பதிப்பிக்கபட்ட இன்னொரு ஆய்வு கொலஸ்டிரால் அளவுக்கும் குற்றங்களுக்கும் இடையே உள்ள தொடர்பை ஆராய்ந்தது. ஸ்வீடனில் குற்றம் இழைத்து ஜெயிலில் இருந்த 80,000 கைதிகளிடையே இந்த ஆய்வு நடத்தபட்டது. இதில் கொலஸ்டிரால் அளவு எந்த அளவு குறைவாக இருக்கிறதோ அந்த அளவு அக்குற்றவாளிகள் வன்முறைக்குற்றங்களில் ஈடுபட்டிருந்தது தெரியவந்தது. பாலினம், மது அருந்துதல், கஞ்சா அடித்தல்..என எதுவுமே வன்முறையுடன் தொடர்பிருப்பதாக ஆய்வு கூறவில்லை. அதாவது மது அருந்தினால் வன்முறையில் ஈடுபடுவார்கள் என்பது போல கூட கூறமுடியவில்லை. ஆனால் கொலஸ்டிரால் அளவு குறைந்தால் அவர்கள் வன்முறையில் ஈடுபட்டிருப்பார்கள் என உறுதியாக தெரியவந்தது. அதாவது வன்முறையில் ஈடுபட்டு ஜெயிலில் இருந்த அனைவர் கொலச்டிரால் அளவும் குறைவாக இருந்தது

கொலஸ்டிரால் கட்டுபாட்டு மருந்தான ஸ்டாடினுக்கும் வன்முறைக்கும் இடையே உள்ள உறவை ஆராய்ந்த ஆய்வு ஒன்று ஸ்டாடின் உண்ணும் பெண்கள் வன்முறையில் அதிகம் ஈடுபடுவதாக கூறுகிறது

போர்முனையில் இருந்து திரும்பிய போர்வீரர்கள் மன அழுத்தம், தற்கொலை, வன்முறை, குடி, கஞ்சா போன்ரவற்றால் பாதிக்காப்டுவார்கள். இதை பிடிஎஸ்டி என அழைபபர்கள். இவர்களை வைத்து நிகழ்த்தபட்ட ஆய்வு ஒன்று எத்தனைகெத்தனை ரத்தத்தில் கொலஸ்டிரால் அளவு அதிகமாக இருக்கிறதோ அத்தனைஅத்தனை இவ்வீரர்களுக்கு மன அழுத்தம், வன்முறை உணர்வு ஆகியவை குறைந்து இருப்பதாக கூறுகிறது

இப்படி கணக்குவழக்கற்ற ஆய்வுகள் நம் ரத்தத்தில் உள்ள கொலச்டிராலுக்கும் மனநலனுக்கும் இடையே உள்ள உறவை சுட்டுகின்றன. இதற்கான காரணங்கள் பின்வருமாறு:

பாலூட்டிகளின் நரம்பு மண்டலம் முழுக்க ஏகபட்ட கொலச்டிரால் உள்ளது

மனித உறுப்புகளில் மிக அதிக அளவு கொலஸ்டிராலை கொண்ட ஒரே உறுப்பு மூளையே. பிற எந்த உறுப்புக்களிலும் இருப்பதை விட பத்து மடங்கு அதிக கொலஸ்டிரால் மூளையில் உள்ளது

இத்தனை கொலஸ்டிராலை மூளை தேக்கி வைத்திருப்பதால் நம் நரம்புமண்டலத்தின் தோற்றம், மூளையுடனான அதன் உறவு அனைத்திலும் கொலஸ்டிரால் மிக முக்கிய பங்காற்றீருப்பதாக விஞ்ஞானிகள் கருதுகிறார்கள். நம் மூளை உடலின் பிற உறுப்புக்களுடன் தொடர்பு கொள்வதே நரம்புகள் மூலம் தான் என்பதை நினைவில் கொள்வோம்

உடலில் அனைத்து உறுப்புக்களிலும் உள்ள கொலஸ்டிரால் அவ்வுறுப்புக்களை விட்டு நீங்கி, புதிதாக அங்கே கொலஸ்டிரால் உடலால் அனுப்பபடும். ஆனால் மூளையில் உள்ள கொலஸ்டிராலை மட்டும் மூளை மிக, மிக மெதுவாகவே இழக்கும். அதாவது பிற உறுப்புக்களை விட 300% குறைந்த வேகத்திலேயே மூளையில் உள்ள கொலஸ்டிரால் நீங்கும்.

மூளையில் உள்ளதில் 70% கொலஸ்டிரால் மயீலின் வடிவில் உள்ளது. மயீலின் என்பது முழுக்க கொழுப்பால் ஆன ஒரு மெய்க்காப்பாளன். மூளையின் மிக, மிக சென்சிடிவ் ஆன நரம்புகளை சுற்றி மயீலின் படலம் போல் படர்ந்து அவற்றில் அதிர்ச்சி ஏற்படாது பாதுகாக்கிறது. அந்த நரம்புகளில் சேதம் ஏற்பட்டால் கம்ப்யூட்டரின் சர்க்கியூட் போர்டில் சேதம் ஏற்பட்டது போல தான். ஆக அதை பாதுகாக்கும் அதிமுக்கிய பொறுப்பு கொலஸ்டிராலிடமே ஒப்படைக்காப்ட்டுள்ளது

மீதமுள்ல 30% கொலஸ்டிரால் மூளையின் நியூரான்களுக்கும், கிளியல் செல்களுக்கும் பயன்படுகிறது. மூளை உடலுறுப்புக்களுடன் தொடர்புகொள்ல நியூரான் சிக்னல்களையே பயன்படுத்துகிறது. அதாவது நெருப்பில் கைவைத்து சூடுபட்டால் "கையை எடு" என்ற சிக்னலை மூளை நீயூரான் மூலமாக்வே அனுப்பும். நியூரான் காலி என்றால் மூளைக்கும் பிற உறுப்புக்களுக்குமான தொடர்பு சுத்தமாக அறுந்தது எனப்பொருள். அதனால் இத்தனை முக்கியமான நியூரான்களுக்கு மூளையில் இருப்பதில் 10% கொலஸ்டிரால் சப்ளை செய்யபடுகிறது

எலிகளை வைத்து நடந்த ஆய்வு ஒன்றில் நியூரான்களுக்கு மத்தியில் செயற்கையாக கொலஸ்டிராலை சேர்த்தபோது நியூரான்களின் தொடர்சங்கிலிகள் அதிகரிப்பது தெரியவந்தது. அதாவது கொலஸ்டிரால் மூளையை வளர்த்து, அதன் இணைப்புச் சங்கிலியை அதிகரிக்கிறது

ஆய்வு முடிவுகளுக்கான ஆய்வுக் கட்டுரைகளை முதல் பின்னூட்டத்தில் காணலாம்

ரத்தத்தில் கொலஸ்டிரால் அளவு இத்தனை முக்கியமென்றால் ஏன் அதை குறைக்கவேண்டும் என இப்படிப்பட்ட பிரச்சாரம் நடந்து, கொலஸ்டிராலை கண்டு மக்கள் பீதியடைந்து ஓடுகிறார்கள் என கேட்கிறீர்களா?

எனக்கு தெரியலை..உங்களுக்கு தெரிஞ்சால் சொல்லுங்க 

Neander Selvan

பேலியோ உணவுக்கு வருபவர்களுக்கு

1. ஆரம்பத்தில் ஒரு மெடிக்கல் டெஸ்ட் எடுத்திருங்க.

2. சுகர், இனிப்பு, ஜங்க் உணவு மறக்கப் பழகுங்க

3. தானியங்களை நிப்பாட்டுங்க

4. வெஜிடபிள் ரீஃபைண்ட் ஆயில்களிலிருந்து பேலியோ ஆயில்களுக்கு மாறுங்க

5. பேலியோ உணவை சீட் பண்ணாமல், ஒரு மாசமோ ரெண்டு மாசமோ கொழுப்புணவு உடம்புக்கு சூட் ஆகும் வரை நல்லா வயிறார, பசி அறிந்து, கலோரி ரெஸ்ட்ரிக்ட் பண்ணாமல் சாப்பிடுங்க.

6. தலைவலி வரும். அதை சரி பண்ண, தண்ணீர் நல்லா குடிங்க. உப்பை ரெஸ்ட்ரிக்ட் பண்ணாதீங்க. உப்புப்போட்ட லெமன் ஜூஸ், நெல்லிக்காய் ஜூஸ் மாதிரி ட்ரிங்க்ஸ் குடிங்க.

7. நீரிழிவிற்காக மாத்திரை, இன்சுலின் போட்டுக்கொள்பவரா, அப்படீன்னா லோ சுகர் சிம்ப்டம்ஸ் வரும். அப்படி இரண்டு மூன்று நாள் தொடர்ந்து வந்தா மருத்துவரிடம் கலந்தாலோசித்து மாத்திரை / இன்சுலின் அளவைக் குறைங்க.

8. வைட்டமின் டி-க்காக வெயில்ல நில்லுங்க.

9. கொஞ்சம் நடைப்பயிற்சி, உடல்பயிற்சி ஆரம்பிங்க.

10. கொழுப்புணவுக்கு உடம்பு நன்றாக பழக்கம் ஆனதும், பசி நிச்சயம் குறையும், அப்போ இண்டெர்மிட்டெண்ட் ஃபாஸ்ட்டிங் ஆரம்பிங்க.

11. மூனு மாசம் பேலியோ உணவு முறை முடிஞ்சதும் இன்னொரு மெடிக்கல் டெஸ்ட் எடுத்து பழசுக்கும் புதுசுக்கும் ஒப்பிட்டுப் பாருங்க. முன்னேற்றம் இருந்தா தொடருங்க. இல்லையா பிடிக்கலையா, திரும்பவும் பழைய உணவு முறைக்கு போயிடுங்க.

12. வேண்டிய எடைக்கு வந்ததும், தேவைப்பட்டால், கொஞ்சம் கார்ப் கூட்டி, மெயிண்ட்டனன்ஸ் டயட்க்கு வாங்க.

ஆரோக்கியம் நல்வாழ்வுக் குழு சார்ந்த துணைக்குழுக்களின் முகவரிகள்

ஆரோக்கியம் நல்வாழ்வுக் குழு மக்கள் அனைவருக்கும் வணக்கம்.

நமது குழு சார்ந்த துணைக்குழுக்களின் முகவரிகள் அதன் விவரங்கள் பின்வருமாறு, இதைத் தவிர்த்து பேலியோ என்று பெயருடன் இயங்கி, டயட்னா போரடிக்கிற மாதிரியா சாப்பிடறது, ஒரு பரோட்டா, ஒரு டின் பியர், கால் கிலோ ஜிலேபி இல்லாம அது என்ன பேலியோ டயட்? போன்ற திடீர் குழுக்கள், கார்ன் பவுடர், கண்ட கலப்பட பாக்கெட் மசாலாக்கள், ரவாகிச்சடிகள் தாங்கிய திடீர் பேலியோ ரெசிப்பிக் குழுக்கள் என்று பல குழுக்களில் பேலியோ என்ற வார்த்தையால் ஈர்க்கப்பட்டு மக்கள் அதில் சேர்ந்து, சார், பாதாம் கேசரி பேலியோவா என்று என்னைக் கேட்கிறார்கள்.

என்னடா பேலியோவுக்கு வந்த சோதனை என்று லின்கில் சென்று பார்த்தால் அது இந்தக் குழுவில் சேர்ந்து பேலியோ கற்றுக்கொண்டு தானும் குழம்பி மற்றவர்களையும் குழப்ப சிலர் ஏற்படுத்திய குழுக்கள் என்பது தெரியவந்தது. சுகர்லெஸ் கரும்பு ஜூஸ் என்று வித்தாலும் வாங்கிக் குடிக்கும் மக்கள் இருக்கும் வரையிம் நம் குழு சார்ந்து நம்மால் அங்கீகரிக்கப்பட்ட குழுக்கள் எவை என்பதை நம் குழு மக்களுக்குத் தெளிவுபடுத்த விரும்புகிறேன். கீழுள்ள குழுக்கள் தவிர நமக்கு வேறு எந்தக் குழு பற்றியும் அக்கறை இல்லை, கருத்துக்கள் இல்லை. அங்கே சேர்ந்து பேலியோ பற்றிய அடிப்படைப் புரிதலின்றி மிண்டும் சுவைக்கு அடிமையாகப் போகிறவர்களுக்கு எங்களின் ஆழ்ந்த வாழ்த்துகள்.

நமது அதிகார்வப் பூர்வ குழுமங்கள் அவற்றின் செயல்பாடுகள் பின்வருமாறு.

பேலியோ டயட்டிற்கான ஆங்கிலக் குழுமம். தமிழ் தெரியாத ஆங்கிலம் தெரிந்த மக்களுக்காக மட்டும் இயங்குகிறந்து இந்தக் குழுமம். சகட்டுமேனிக்கு அங்கேயும் நீங்கள் சென்று ரிக்கொஸ்ட் தரவேண்டியதில்லை. உங்களுக்குத் தெரிந்தவர்களுக்கு தமிழ் தெரியாதென்றால் இந்தக் குழுவின் முகவரியைக் கொடுத்துவிடுங்கள். தமிழ் தெரிந்தவர்கள் அங்கே ஆங்கிலத்தில் டயட் கேட்பது போன்றவைகளைச் செய்யவேண்டாம்.

https://www.facebook.com/groups/Paleo.LCHF.Diet.India/

சர்க்கரை இல்லாப் பொங்கல் குழு, டயபடிஸ் அதிக நாட்கள் இருக்கும் மக்கள், கட்டுபாடில்லாத ரத்த சர்க்கரை அளவுகள் இருப்பவர்களுக்கான பிரத்யேகக் குழுமம் இது. ஆரோக்கியம் நல்வாழ்வில் டயட் கேட்பவர்களுக்கு டயபடிஸ் அதிக அளவில் இருந்தால் நாங்களே இந்தக்குழுவிற்கு வரச்சொல்லி வழிகாட்டுவோம்.

https://www.facebook.com/groups/ancestralfoods/

பேலியோ டயட் எடுத்து அதனால் அடைந்த பலன்களைப் பற்றி , அனுபவப் பகிர்வாக அடுத்தவர்களுக்கு உதவ நினைக்கும் அன்பர்களுக்கான குழு இது, பேலியோ சக்ஸஸ் ஸ்டோரீஸ். பேலியோ டயட் எடுத்து நீங்கள் அடைந்த பலனை தயவுசெய்து இங்கே பகிர்ந்து மற்றவர்களுக்கும் ஒரு ஊக்க சக்தியாக / ரோல் மாடலாக இருக்க இந்தக் குழுவைப் பயன்படுத்தவும்.

https://www.facebook.com/groups/PaleochangedmyLife/

பேலியோ பொருட்கள் விற்பனை செய்பவர்கள், வாங்குபவர்களுக்கான பிரத்யேக இலவச சந்தைக் குழுமம் - பேலியோ சந்தை. நீங்கள் பேலியோ சார்ந்த பொருள் விற்பவர்களோ, வாங்குபவர்களோ இந்தக் குழுமத்தைப் பயன்படுத்திக்கொள்ளலாம்.

https://www.facebook.com/groups/paleoshop/

பால் /தேன் போன்ற உணவுகளைக் கூட அசைவம் என்று ஒதுக்கும் நனி சைவர்களுக்கான குழுமம் இது. உடல் எடை மட்டுமே பிரச்சனை வேறு எந்த உடல் நலப் பிரச்சனைகளும் இல்லை என்று தெளிவாகத் தெரிந்தவர்கள், சைவம் மட்டுமே உண்ணும் பழக்கமுடையவர்கள், இந்தக் குழுமத்தில் சேர்ந்து பலனடையலாம். பேலியோவையும் இதையும் போட்டுக் குழப்பிக்கொள்ளாது தெளிவாகப் புரிந்துகொண்டு இந்த டயட்டை முயற்சிக்கவும், குறுகிய காலத்திற்கான டயட் இது.

https://www.facebook.com/groups/919246308138414/

மக்கள் உணவு - பேலியோ முயற்சிக்க விரும்பாத, அல்லது பொருளாதார வசதி இல்லாமல் நல்ல உணவுகளைச் சாப்பிட விரும்பும் மக்களுக்கான எளிய ஆரோக்கிய உணவுமுறை வழிகாட்டிதான் இந்த மக்கள் உணவு. இதையும் பேலியோவையும் போட்டுக் குழப்பிக்கொள்ளவேண்டாம்.

https://www.facebook.com/groups/tamildiet/

பேலியோ ரெசிப்பிக்களின் அதிகார்வபூர்வ குழு - ஆரோக்கிய உணவுகள். இதைத் தவிர்த்து வேறு எங்கும் நமது ரெசிப்பிக்கள் பதிவதில்லை, ஆகவே பேலியோ என்று பெயர் தாங்கிவரும் குழுக்களில் சேர்ந்து குழம்புவதோ, குழம்பு வைப்பதோ உங்கள் பிரச்சனை. எங்களுக்கும் அதற்கும் சம்பந்தமில்லை.

https://www.facebook.com/groups/tamilfoods/

இதுபோக நம் அதிகார்வபூர்வ வலைத்தளங்கள்:

http://paleogod.blogspot.in/2016/03/blog-post.html

https://selvan.wordpress.com/

http://munnorunavu.blogspot.in/

http://tamilpaleorecipes.com/

குழுவின் ஒரே அதிகார்வப்பூர்வ யுடியூப் சானல்.

https://www.youtube.com/channel/UCja36HLxtMEeQrpwms15xTA

குழுவின் அதிகார்வப் பூர்வ டெலிக்ராம் ப்ராட்காஸ்ட் லிங்க் (Telegram - https://play.google.com/store/apps/details…)

@paleogod

குழுவின் அதிகார்வப் பூர்வ டிவிட்டர் முகவரி:

https://twitter.com/Tamil_Paleo

திரு.நியாண்டர் செல்வன் அவர்களின் ட்விட்டர் முகவரி

https://twitter.com/happyselvan

வேறு ஏதேனும் குழுக்கள் / இணையப் பக்கங்கள் எங்களால் துவக்கப்பட்டால் அதற்கான விவரம் குழுவில் பகிரப்படும், மேலே அறிவிக்கப்படாத குழுக்களில் நடக்கும் போஸ்ட்கள், விவாதங்கள், தவறான தகவல்களுக்கு எங்களிடம் விளக்கம் கேட்கவேண்டாம் என்று கேட்டுக்கொள்கிறோம். மேலே குறிப்பிடப்பட்டவை தவிர்த்து வாட்ஸப் துவங்கி வேறு எங்கும் எங்களுக்குக் கிளைகள் இல்லை.