இதயத்துக்கு இதமளிக்கும் இதயம்

இதயத்துக்கு இதமளிக்கும் இதயம் 

நம் இதயம் நன்றாக இருக்கவேண்டுமெனில் ஆட்டு இதயம் சாப்பிடலாம்.

சதைபகுதி மாமிசத்தை விட ஆர்கன் மாமிசத்தில் சத்துக்கள் அதிகம். அப்படி புல்மேய்ந்த ஆட்டு இதயத்தில் உள்ள சத்துக்களை இன்று பார்க்கலாம்.

இதில் கொ என்சைம் கியு 10 (சி.ஓ.கியு 10) எனும் மிக சத்துவாய்ந்த என்சைம் உள்ளது.

ஸ்டாடின் உண்கையில் நம் லிவர் கொலஸ்டிராலை உற்பத்தி செய்வதை சுத்தமாக நிறுத்திவிடுகிறது. ஸ்டாடின்கள் அத்துடன் நம் லிவர் சி.ஓ.கியு 10 உற்பத்தி செய்வதையும் நிறுத்திவிடுகிறது. சி.ஓ.கியு10 இதயத்துக்கு மிக இதமான என்சைம். இது:

நம் இதயசுவர்களில் படிந்துள்ல ஆக்சிசைஸ் ஆன கொழுப்புக்களை அகற்றுகிறது

நம் இதயம் 24 மணிநேரமும் துடித்துகொண்டே இருப்பதால் அதீத அளவில் ஆக்ஸிஜன் உட்புகுகையில் இதயம் பலவீனம் உள்ளவர்களுக்கு அதை தாங்கமுடியாமல் ஸ்டேபிள் ஆஞ்சைனா எனும் இதய வலி வரும். பலரும் இதை மாரடைப்பு என கருதி பயப்படுவார்கள். ஆனால் இது அது அல்ல. அவர்கள் உடலால் உடல்பயிர்சியை தாங்கும் சக்தி இல்லை என்பதையே இது காட்டுகிறது. (ஜாக்கிங் வேண்டாம் என சொல்ல இதுவும் ஒரு காரணம்). சி.ஓ.கியு 10 இதயத்தின் இத்தகைய பலவீனத்தை குறைத்து உடல்பயிர்சியையும், ஆக்ஸிஜனையும் தாங்கும் சக்தியை இதயத்துக்கு அளிக்கிறது

இதயதுடிப்பை சீராக வைக்கிறது

அதுவும் புல்மேய்ந்த ஆட்டு இதயம் முழுக்க நலமளிக்கும் ஒமேகா 3 கொழுப்பு நிரம்பியது. இதில் உள்ல கொழுப்பில் சரிபாதி ஒலிக் அமிலம் (ஆலிவ் ஆயிலில் இருப்பதற்கு ஒப்பான கொழுப்பு). இதில் செலனியம், ஸின்க் முதலான ஆண்டிஆக்சிடன்டு மினரல்கள் ஏராளம் உள்ளன. ஆட்டு இதயமும், ஆட்டுக்கறியும் நம் உடலில் உள்ல ஹோமோசிஸ்டைன் அளவுகளை கட்டுக்குள் வைக்கின்றன. ஹோமோசிஸ்டைன் அளவு அதிகரித்தால் இதய குழாய்கள் டேமேஜ் ஆகி மாரடைப்பு ஏற்படும்.

புதியவர்களுக்கான பேலியோ ப்ரோட்டோகால் / Paleo Protocol

பேலியோ உணவுமுறை ப்ரோட்டோகால்.
புதியதாகக் குழுவில் பேலியோ உணவுமுறைக்காக அறிவுரை பெற்று உணவுமுறை எடுக்கச் சொல்லி எண்கள் கொடுக்கப்பட்ட அன்பர்கள் இதில் அந்த எண்களில் குறிப்பிட்ட/தரப்பட்ட உணவு முறையை  குழப்பிக்கொள்ளாமல், வேறு எதையும் சேர்க்காமல் அப்படியே உண்ணவும்.

பேலியோ பற்றிப் புரியாமல், யாரையோ பார்த்து, எதையோ படித்து இந்த உணவுமுறையை தயவு செய்து முயற்சிக்கவேண்டாம். நமது குழுவில் இதற்கான பல விவரங்கள் இருக்கிறது. பேலியோ உணவுமுறை, எப்படி சமைப்பது, எப்படி இந்த உணவுமுறை வேலை செய்கிறது துவங்கி பல விவரங்கள் குழு புத்தகங்களை வாங்கிப் படித்தாலும் புரியும், இணைய வசதிகள், மொபைல் அல்லது, கம்ப்யூட்டரில் படிக்க சிரமமாக இருப்பவர்கள் புத்தகங்கள் வாங்கிப் படித்து நன்றாக அறிந்துகொன்டு இந்த உணவுமுறையைத் துவங்கவும். 

புத்தகங்கள் இந்தியாவில் ஆன்லைனில் வாங்க -  www.paleocart.com
மின்புத்தகமாக கிண்டிலில் வாங்க : http://paleocart.com/kindle-ebooks/  

எச்சரிக்கை :
பேலியோ உணவு முறை என்றால் என்ன என்று தெரியாதவர்கள் இந்த லிங்கைப் படித்துப் புரிந்துகொண்டு மேற்கொண்டு தொடரவும்.
http://paleogod.blogspot.in/2016/03/blog-post.html

 

இந்த உணவு முறையை  துவங்கும் முன்பாக நீங்கள் கண்டிப்பாக எடுக்கவேண்டிய ரத்தப் பரிசோதனை பற்றிய விவரம்.
http://paleogod.blogspot.in/2016/10/basic-blood-test-details.html

இந்த உணவுமுறைக்கு முன்போ, பின்போ அல்லது இந்த உணவுமுறையை நீங்கள் கைவிட்ட பிறகோ உங்கள் உடலில் ஏற்படும் எந்த சிறிய பிரச்னையாக இருப்பினும் உடனடியாக உங்கள் குடும்ப மருத்துவரைக் கலந்தாலோசித்து சிகிச்சை பெறவும். கொழுப்பு சாப்பிட்டதால் நமக்கு பிரச்னை வந்திருக்குமோ என்று இதுவரை நீங்கள் குற்ற உணர்ச்சியே இல்லாமல் அடித்த சரக்கு, தம், பாக்கு, மருந்துகள் சரியாக எடுக்காமல் விட்டது, பேலியோவில் சகட்டுமேனிக்கு செய்த சீட்டிங்குகள், குடும்ப ஜெனடிக் பிரச்னைகளை எல்லாம் சாய்ஸில் விட்டுவிட்டு கொழுப்புணவுகள் மீது சந்தேகம் கொள்ளுபவராக இருப்பின் நீங்கள் பேலியோவை முயற்சிக்காது இருப்பதே நல்லது.

  
சைவம், அசைவ உணவு முறையை எடுப்பவர்களுக்கான பொதுவான உணவுகள் / குறிப்புகள் :
காலை எழுந்தவுடன், பல் துலக்கிவிட்டு வெதுவெதுப்பான நீர் இரண்டு கப் அருந்தவும். பின்னர் வெது வெதுப்பான நீரில் ஒரு எலுமிச்சையைப் பிழிந்து, தேவையான அளவு உப்புப் போட்டுக் குடிக்கவும். இதை ஒரு நாளில் மூன்று வேளை அருந்தலாம். பால், காபி, டீக்கு சிறந்த மாற்று இது. உடலுக்கும் நல்லது. குறிப்பாக HsCrp எண்கள் அதிகமாக இருப்பவர்கள், இருதயப் பிரச்சனை இருப்பவர்கள் தவறாமல் தினம் அருந்தவும்.

முதல் வாரம் பசி அதிகம் இருப்பது போல இருக்கும், தலை வலிக்கும், உடல் சோர்வு இருக்கும். டயபடிக் இருப்பவர்களுக்கு தடாலடியாக சர்க்கரை அளவுகள் குறையலாம். வீட்டிலேயே சர்க்கரை அளக்கும் கருவி வாங்கி வைத்துக்கொண்டு சாப்பிடும் முன் ரத்த சர்க்கரை அளவு, சாப்பிட்ட பின் இரண்டு மணி நேரம் கழித்து , ரத்த சர்க்கரை அளவுகள் குறித்து வரவும். 30 நாட்களாவது இதை நீங்கள் சரியாகக் குறித்துவந்தால் எந்த உணவு உங்கள் ரத்த சர்க்கரை அளவை அதிகரிக்கிறது என்பது எளிதில் உங்களுக்குப் புரியவரும். குறிப்பாக ருசிக்கு ஆசைப்பட்டு நீங்கள் உண்ணும் ஒரே ஒரு பிஸ்கட் / பஜ்ஜி / பழம் எந்த அளவிற்கு உங்கள் ரத்த சர்க்கரை அளவை ஏற்றுகிறது என்பது உங்களுக்கே புரியவரும். உணவுமுறையுடன்  சுகருக்கான மாத்திரைகள் எடுப்பவராக இருந்தால் உங்களுக்கு லோ சுகர் வரலாம். உங்கள் மருத்துவரைப் பார்த்து மருந்துகள் குறைக்க / நிறுத்தவேண்டும். ஒரு பிபி மெசினும் வீட்டில் வைத்திருந்தால் தினம் பிபி அளவுகள் குறித்துவைத்து அது நார்மலாகும்பொழுது மருத்துவரைப் பார்த்து அந்த மருந்துகளையும் குறைக்க / நிறுத்த வேண்டும். எடை அளக்கும் கருவியில் தினம் குறிப்பிட்ட நேரத்தில்(காலை எழுந்து பல் துலக்கி, காலைக் கடன் முடித்த பிறகு) எடை பார்த்து குறித்து வரவும். 6 மாதம் முதல் 1 வருடம் வரை உணவு முறையை  சரியாக எடுத்தால் மட்டுமே உடலில் உள்ள கெட்ட கொழுப்பு எடை கரையும். ஒழுங்காக சீட்டிங் இல்லாமல் சொல்லப்பட்ட உணவு முறையை எடுக்கும் அன்பர்கள், மூன்று மாதங்களுக்குப் பிறகே ஏன் எடை குறையவில்லை என்பதைப் பற்றிக் கவலைப்படவும். பெண்கள், தைராய்டு பிரச்சனை இருப்பவர்களுக்கு எடை குறைய நேரம் எடுக்கும்.

தைராய்டு மற்றும் வேறு சிக்கல்களுக்கு மருந்துகளை நிறுத்தாமல் எடுக்கவும். மூன்று மாதங்களுக்குப் பிறகு மீண்டும் டெஸ்ட் எடுத்து தைராய்டு அளவுகள் பார்த்து மருந்துகள் அளவு குறைத்துக்கொள்ளலாம்.

மலச்சிக்கல் உள்ளவர்கள் - திரிபலா சூர்ணம் என்று மருந்துக்கடைகளில் விற்க்கப்படும் மருந்தை பொடி அல்லது மாத்திரை வடிவில் வாங்கி தினம் காலை , இரவு உணவிற்குப் பிறகு பொடியாக இருப்பின் ஒரு சிறிய ஸ்பூன், மாத்திரையாக இருப்பின் ஒரு மாத்திரை எடுக்கலாம். தினம் கீரையை உணவில் சேர்ப்பது, இரவில் பழுக்காத கொய்யாவை 1-2 உண்பது, 3.5-4 லிட்டர் நீர் அருந்துவது, உணவில் சரியான அளவு கொழுப்பு சேர்ப்பது போன்றவைகள் மலச்சிக்கலிலிருந்து விடுதலை தரும்.

பட்டர் டீ / பட்டர் காபி என்பதை ஒரு முழு உணவாகக் கொள்ளாமல் பசி எடுத்தால் எடுக்கக் கூடிய ஒரு ஸ்னாக்காக மட்டுமே கருதி எடுக்கலாம்.

ஒரு நாளில் உங்கள் குறைந்தபட்ச உணவு 1200 கலோரிகள் வரும்படி பார்த்துக்கொள்ளவும். குறிப்பாக சைவர்கள் ஒரு வேளை பட்டர் டீ / ஒருவேளை காய்கறி / ஒருவேளை பாதாம் அல்லது பனீர் என்று எடுப்பது தவறு. அசைவர்கள் இருவேளை முட்டை / ஒருவேளை பட்டர் டீ அல்லது காய்கறி போன்று எடுப்பதும் தவறு. பரிந்துரைக்கப்பட்ட உணவு முறையை  மட்டும் குழப்பிக்கொள்ளாமல் எடுக்கவும். 

பால் சிலருக்கு ரத்த சர்க்கரை அளவுகளை ஏற்றினால் பாலை முற்றிலும் நிறுத்துவது நல்லது. பால் பொருட்கள் எடுக்கலாம். உதாரணமாக சீஸ், வெண்ணெய், பனீர், மோர், தயிர் போன்றவைகள்.

ப்ரீ ரேஞ்ச் எனப்படும் புல் மேய்ந்த மாட்டுப் பால், இறைச்சி, நாட்டுக் கோழி, முட்டை, ப்ராசஸ் செய்யப்படாத இறைச்சிகள் போன்றவற்றை மட்டுமே உண்ணச் சொல்கிறோம். ப்ரீ ரேஞ்ச் கிடைக்காதவர்கள் ப்ராய்லர் உண்ணலாம். ப்ராசஸ்ட் இறைச்சிகள் / சோயா / ப்ரிசர்வேட்டிவ் செய்யப்பட்ட உணவுகள் / ரெடி டு குக் போன்ற உணவுகள் தவிர்க்கப்படவேண்டும்.

இனிப்பு அனைத்து வகைகளும் தவிர்க்கவும். பழங்களில் அவகோடா / பழுக்காத கொய்யா / எலுமிச்சை / பெரிய நெல்லிக்காய் போன்றவைகள் உண்ணலாம். மற்ற பழங்கள் துவக்க நிலையில் ரத்த சர்க்கரை அளவுகளை ஏற்றும் என்பதால் தவிர்க்கச் சொல்கிறோம். ஜூஸ் அறவே தவிர்க்கவும்.

பேக்கரி உணவுகள், பொரித்த உணவுகள், வெளி இடங்களில் விற்பனை செய்யப்படும் ஜங்க் புட் எனப்படும் உணவுகள், பாஸ்ட் புட் உணவுகள் அனைத்தும் விலக்கவும்.

காபி / டீ / ஹார்லிக்ஸ் / பூஸ்ட் / சாராயம் / சிகரெட் / பீடி / ப்ரோட்டீன் பவுடர் / ட்ரின்க்ஸ் / சோயா சேர்த்த அனைத்து உணவுகள் விலக்கவும். குறிப்பாக தைராய்ட் உள்ளவர்கள் கோதுமை / சோயாவினை வாழ்க்கையில் மறந்துவிடுவதும் உங்கள் குழந்தைகளுக்கு கொடுக்காமல் இருப்பதும் நல்லது.

வழுக்கையுடனான இளநீர் / நுங்கு போன்றவைகள் எப்பொழுதாவது உண்ணலாம். அடிக்கடி வேண்டாம். அதிக ரத்த சர்க்கரை இருப்பவர்கள் தவிர்க்கவும்.

01.  பேலியோ ஸ்டார்டர் உணவு முறை  / பேலியோ துவக்க நிலை உணவு முறை / வெஜ் & நான் வெஜ்.

சைவம் , அசைவம் உணவு முறை லிஸ்டில் கொடுக்கப்பட்டவைகளை கலந்து சாப்பிடலாம். தவறில்லை. உதாரணம் : ஒருவேளை சைவம், ஒருவேளை அசைவம், முழு நாள் சைவம், முழு நாள் அசைவம்.


சைவ பேலியோஉணவு முறை:

மீல் 1: 100 கிராம் பாதாம் அல்லது பிஸ்தா அல்லது வால்நட்ஸ். பாதாம் விலை அதிகம் எனக் கருதுபவர்கள் 3 மாதங்களுக்காகவது இதை ஒருவேளை உணவாக எடுத்துக்கொள்வது நல்லது. இதிலுள்ள மக்னீசியம் மற்றும் மற்ற விட்டமின்கள் உணவுமுறையில் உடலுக்குத் தேவையான சத்துக்களை அளிக்கிறது. பசி தாங்கும் ஒரு உணவாகவும் இருக்கிறது. இந்த பாதாமை 24 மணி நேரம் தண்ணீரில் ஊறவைத்து அந்தத் தண்ணீரையும் மூன்று நான்கு முறை மாற்றிப் பின்னர் அதை சிறிது நேரம் உலறவைத்து, நெய்யில் தீயாமல் வதக்கி பின்னர் உண்ணவும். அளவு 100 நம்பர்கள் பாதாம் இதன் எடை கூடக் குறைய 100 கிராம் இருக்கும். ஆக, பாதாம் 100 நம்பரா? கிராமா என்று குழம்பவேண்டாம். 100 நம்பர்கள் உண்ண முடியவில்லை என்றால் வயிறு நிரம்ப உண்ணவும். அது 75 நம்பர் பாதாமாக இருந்தாலும் பரவாயில்லை. பாதாம் உண்ணும் முன்னும், உண்ட பின்பும் 2 மணி நேரங்கள் தண்ணீர் தவிர வேறு உணவுகள் உண்ணவேண்டாம். அதன் சத்துக்களை பாதாம் சேரவிடாது என்பதாலேயே இதைச் சொல்கிறோம். பாதாம் பச்சையாக சாப்பிட்டால் அல்லது நல்ல க்வாலிட்டியாக இல்லாமல் இருந்தால் வயிற்று வலி / பேதி போன்றவைகள் வரலாம். வேறு பாதாம் வாங்கி முயற்சிக்கலாம்.


மீல் 2: காளிபிளவர் அரிசி வித் காய்கறி. காளிபிளவரை மிக சின்ன அரிசி சைஸ் துண்டுகளால்க நறுக்கி இட்டிலி பாத்திரத்தில் ஸ்டீம் செய்து எடுத்து அரிசி போல் பாவித்து பருப்பில்லாத குழம்பில் ஊற்றி உண்ணவும் அல்லது காய்கறி சூப் ஏராளமாக பருகவும். உடன் சிறிது தேங்காய். வாரம் 1 நாள் 40 கிராம் கைகுத்தல்/குதிரைவாலி அரிசி எடுத்து சமைத்து உண்ணலாம். அதற்கு மேல் வேண்டாம். ஒவ்வொருமுறை காய்கறி உணவாக எடுக்கும்பொழுது 30-40 கிராம் வெண்ணெய் அதனுடன் சேர்த்து உண்ணவும். கொழுப்பு என்பது ஒவ்வொரு உணவிற்கும் தேவை என்பதாலேயே இது சொல்லப்படுகிறது. சைவர்களுக்கு கொழுப்பு உணவு மூலம் கிடைக்கும் வழிகள் குறைவு என்பதால் சொல்லப்படும் விஷயங்களை கவனமாகப் பின்பற்றவும்.

மீல் 3:   பனீர் டிக்கா. 200 கிராம் பனீரை நெய்யில் வதக்கி டிக்கா அல்லது உங்கள் விருப்பம் போல வீட்டில் தயாரித்த மசாலா கொண்டு சமைத்து உண்னவும்.

ஸ்னாக்: 1 கப் முழு கொழுப்பு உள்ள பால்/தயிர். தினம் 100 கிராம் கீரை (எல்லா வகைக் கீரைகளும் உண்ணலாம்) சேர்த்துகொள்ளவும்.

சமையல் எண்ணெய் நெய்/பட்டர்/செக்கில் ஆட்டிய தேங்காய் எண்ணெய்/செக்கில் ஆட்டிய நல்லெண்ணெய் / வசதி இருந்தால் ஆலிவ் ஆயில் மட்டுமே. எண்ணெயை கொதிக்க வைக்கக் கூடாது, உயர் வெப்பத்தில் காய்ச்சக் கூடாது, எந்த உணவையும் பொரித்து உண்ணக்கூடாது. இனிப்பு எந்த வடிவிலும் (தேன், கருப்பட்டி, சுகர்ப்ரீ, வெள்ளை சர்க்கரை, நாட்டு சர்க்கரை, வெல்லம், ஸ்டீவியா, இன்னபிற கூடாது.)

முதல் வாரம் உடல் சோர்வு, தலைவலி,


முட்டை சேர்த்த சைவ டயட் உங்கள் விருப்பமாக இருந்தால் மேலே சொன்னவற்றில் ஒரு உணவாக 4-5 முட்டைகள் சேர்த்துக்கொள்ளவும்.

02. அசைவ பேலியோ டயட்:

மீல் 1:

3 முட்டை ஆம்லட். முழு முட்டை. வெள்ளைக்கரு அல்ல. மஞ்சள் கருவும் சேர்த்து. தேவைப்பட்டால் 4 முட்டை ஆம்லட் கூட உண்ணலாம். பிரச்சனை இல்லை. பசி அடங்குவது முக்கியம். சமையல் எண்ணெய் நெய். நாட்டுகோழி முட்டை மிக சிறப்பு. முட்டையை ஸ்க்ராம்பிள், ஆஃப்பாயில், புல்பாயில் என எப்படியும் உண்ணலாம்.

மீல் 2:
பேலியோ காய்கறிகள் பொரியல் அல்லது சாலட் செய்து அதனுடன் 30கி வெண்ணெய் அல்லது சீஸ் சேர்த்து உண்ணவும். கண்டிப்பாக ஒருவேளை காய்கறிகளை உணவாக உட்கொள்ளவேண்டும். கீரை ஒரு கப் தனியாக உண்ணவேண்டும். காய்கறிகள், கீரை தவிர்த்த இரண்டு வேளை முட்டை, மூன்று வேளை இறைச்சி உணவுகள் பிரச்னைகளைத் தரும், கண்டிப்பாக அது இங்கே பரிந்துரைக்கப்படுவதில்லை. 



மீல் 3:

பாயில் / க்ரில் செய்த சிக்கன்/மட்டன்/ மீன். அளவு கட்டுபாடு இல்லை. வாணலியில் வறுத்தால் சமையல் எண்னெயாக நெய் பயன்படுத்தவும்.

ஸ்னாக்: தினம் 1 கப் முழு கொழுப்பு உள்ள பால் அல்லது 50 கிராம் முழு கொழுப்பு உள்ள சீஸ்

அசைவ டயட் எடுப்பவர்கள் லீன் கட் எனப்படும் கொழுப்பு நீக்கப்பட்ட இறைச்சிகளைத் தவிர்க்கவும், மூன்று வேளை அல்லது இரண்டு வேளை அல்லது 5க்குமேல் ஒர் நாளில் முட்டை உண்பதையும் தவிர்க்கவும். கொழுப்புள்ள இறைச்சி பாகங்களே உணவில் பிரதானமாக இடம்பெறவேண்டும்.

03. HsCrP Herbs / ஹெச் எஸ் சி ஆர்பி மூலிகைகள். (இருதயப் பிரச்சனை உள்ளவர்கள் / அல்லாதவர்கள் அனைவரும் உண்ணலாம்.)

இரண்டு பற்கள் பூண்டு, இரண்டு துளசி இலைகள் (கர்பம் தரிக்க முயற்சிப்பவர்கள் துளசியைத் தவிர்க்கவும்) , இரண்டு மிளகு, பசு மஞ்சள் அரை அங்குலம் அளவு / பசு மஞ்சள் கிடைக்காதவர்கள் மஞ்சள் தூள் மூன்று ஸ்பூன் அளவு மூன்று வேளை நீங்கள் உண்ணும் உணவின் மேலே பச்சையாகத் தூவி உண்ணவும். போன்றவற்றை அப்படியே இடித்து சமைக்காமல் காலை உணவிற்குப் பின் உண்டு வரவும். இது HsCrP அளவைக் குறைக்க உதவும்.

04. சன் செஷன் / விட்டமின் டி சப்ளிமென்ட்:

 

Dminder App ஆன்ட்ராய்ட் / ஆப்பிள் போன்களில் டவுன்லோடு செய்து அந்த ஆப்பில் உங்கள் விவரங்களை உள்ளீடு செய்து தினம் 11.30 மணி முதல் 12.30 மணி வரை உள்ள வெயிலில் உடலில் அதிக இடங்களில் தோலில் நேரடியாக வெயில் படுமாறு நிற்கவும். தோலில் எண்ணெய் / க்ரீம் / லோஷன் போன்றவைகள் தடவக் கூடாது. தலைக்கு தொப்பி அல்லது கனமான துணி அணிந்து பாதுகாத்துக்கொள்ளவும், கண்களுக்கு கூலர்ஸ் அணிந்துகொள்ளவும். வெயிலில் இந்த நேரத்தில் நிற்பது மட்டுமே இயற்கையாக விட்டமின் டி உடலுக்குக் கிடைக்க உதவும். வெயிலில் நிற்பதற்கு முன்பும் பின்பும் நீர் அல்லது உப்பிட்ட லெமன் ஜூஸ் அருந்தலாம். வெயில் தோலில் பட்டால் அலர்ஜி / ரேஷஸ் வருபவர்கள் சிறிது சிறிதாக உடலை வெயிலுக்குப் பழக்கவும். ஒரு வாரத்தில் உடல் வெயிலுக்குப் பழகிவிட்டால் இந்தப் பிரச்சனைகள் வராது. குறைந்தது 10 முதல் 15 நிமிடங்கள் வெயிலில் நிற்கவும்.

வெயில் இல்லாத ஊரில் வசிப்பவர்கள் / வெயிலில் நிற்க முடியாதவர்கள் விட்டமின் டி3 கேப்ஸூல் உங்கள் மருத்துவரைக் கலந்தாலோசித்து எடுக்கவும். விட்டமின் டி அளவு 10க்கும் கீழ் உள்ளவர்கள் 60000 IU என்ற அளவில் உள்ள கேப்சூலை வாரம் ஒன்று என்ற அளவில் 3 மாதங்கள் எடுக்கலாம் உங்கள் மருத்துவரைக் கலந்தோலோசித்து மட்டும் சப்ளிமென்ட்கள் உண்ணவும். நல்ல பிராண்டு எது என்று ஆராய்ந்து அது விட்டமின் டி3 கேப்ஸூல்தானா என்று உறுதிசெய்து வாங்கி எடுக்கவும். டயபடிக் உள்ளவர்கள் கண்டிப்பாக விட்டமின் டி அளவை ஏற்றுவது சுகர் அளவுகள் குறைய உதவும்.

05. தினம் குடிக்கவேண்டிய தண்ணீர் அளவுகள்:

பேலியோவில் உடலில் உள்ள நீர் எடைதான் முதலில் குறையும். தானியங்கள் உண்பது நிறுத்தப்படும்பொழுது உடல் நீர் இழப்பு ஏற்படும், ஆக தினம் 3.5 லிட்டர் முதல் 4 லிட்டர் சாதாரண அறை வெப்ப நீர் அல்லது வெதுவெதுப்பான நீர் மட்டும் அருந்தவும், ஐஸ் வாட்டர் தவிர்க்கவும். கண்டிப்பாக இந்த நீர் அளவை தினம் அருந்தவும்.

06. நடைப் பயிற்சி / உடற்பயிற்சி/தூக்கம்:

தினம் குறைந்தபட்சம் நடக்கவேண்டிய அளவு 3000 ஸ்டெப்ஸ். இதை சிறிது சிறிதாக அதிகரித்து ஒரு நாளில் 10000 ஸ்டெப்ஸ் நடக்க முடிந்தால் நீங்கள் ஆரோக்கியப் பாதைக்குள் அடி எடுத்து வைத்துவிட்டீர்கள் என்று அர்த்தம். மெது நடை போதும். சாப்பிட்டு இரண்டு மணி நேரம் கழித்து அல்லது இரண்டு மணி நேரம் முன்பாக நடக்கலாம். காலை / மாலை என்று உங்கள் விருப்பப்படி நடக்கவும். தினம் 7 மணி நேரம் குறைந்த பட்ச உறக்கம் அவசியம். குறிப்பாக
HsCrP எண்கள் அதிகம் இருப்பவர்களுக்கு நல்ல தூக்கம் அவசியம். உடற்பயிற்சி / ஜிம் போன்றவைகள் அறிந்தவர்கள் அதையும் முயற்சிக்கலாம். எடைப் பயிற்சிகள் உடல் எடை குறைப்புக்கு உதவும். மேலதிக உடற்பயிற்சி விவரங்களுக்கு இந்த லிங்கில் உள்ள வீடியோக்களைப் பார்க்கவும்.

07. இரும்பு சத்து குறைபாடு / ஹீமோக்ளோபின் எண்கள் குறைவானவர்கள் மற்றும் அனைவருக்கும் :

இரும்பு சட்டி வாங்கி அதில் முடிந்த அளவு எல்லா சமையல்களையும் செய்யவும். முருங்கைக் கீரை, காய் உணவில் அதிகம் சேர்க்கவும். பெரிய நெல்லிக்காய் பச்சையாக தினம் இரண்டு உண்ணவும்.

அசைவர்கள் வாரம் ஒருமுறை உள்ளுறுப்பு உணவுகளை எடுக்கவும் குறிப்பாக ஈரல். (ப்ராய்லர் கோழி / செம்மறி ஆட்டு ஈரல்கள் தவிர்க்கவும்)

ரத்தப் பொரியல் போன்றவைகளும் எடுக்கலாம். வேறு வழியே இல்லாதவர்கள் மருத்துவரைக் கலந்தாலோசித்து நல்ல அயர்ன் சப்ளிமென்ட்கள் எடுக்கலாம்.

08. மூட்டுகளில் வலி உள்ளவர்கள் மற்றும் தேவைப்படும் அனைவருக்கும்:

இஞ்சி வாங்கி அதில் டீ செய்து அடிக்கடி எடுக்கவும். இஞ்சியை துவையல், சட்டினி போன்று செய்து தினம் உணவில் சேர்க்கவும். இஞ்சி ஒரு இயற்கையான வலி நிவாரணி மற்றும் உடலுக்கு நன்மை செய்யும் ஒரு மூலிகை. இதை சமைக்காமல் பச்சையாக உணவில் உங்கள் விருப்பப்படி சேர்க்கவும்.

எப்சம் சால்ட் ஸ்ப்ரே:

எப்சம் உப்பு Epsom Salt என்று மருந்துக் கடைகளில் கிடைக்கும் அதை வாங்கி ஒரு சிறிய கப் அளவு எடுத்து அதே அளவு நீர் விட்டுக் கரைத்து அதனை ஒரு ஸ்ப்ரேயரில் விட்டு வலி உள்ள இடங்களில் ஸ்ப்ரே செய்யவும். அல்லது ஒரு டப்பில் வெதுவெதுப்பான நீர் விட்டு அதில் இரண்டு கப் எப்சம் சால்ட் போட்டு கரைத்து அதில் 10-15 நிமிடங்கள் கால்கள் அல்லது கைகளை வைத்து எடுக்கவும். எப்சம் பாத் சால்ட் என்று சரியாகத் தேடி விசாரித்து வாங்கிப் பயன்படுத்தவும்.

டயட் துவங்கி 100 நாட்களுக்குப் பிறகு அல்லது குறிப்பாகப் பரிந்துரைக்கப்பட்டாலொழிய வாரியர் / விரதங்களை முயற்சிக்கவேண்டாம்.

குழுமத்தின் புதியவர்களுக்கான பொது எச்சரிக்கைகள் அனைத்தும் இதைப் படிக்கும் உங்களுக்குப் பொருந்தும்.

-@-

ஃபேட்டி லிவர் - Fatty Liver

 ஃபேட்டி லிவர் - Fatty Liver - By Neander Selvan.


ஃபேட்டி லிவர் வர காரணம் அதீத அளவில் லிவரில் குளுகோஸ்..குறிப்பா பழ சர்க்கரையான ப்ருக்டோஸ் சேர்வது. இதை லிவர் கொழுப்பா மாற்றியே ஆகணும். ஆனால் அதை சரியா செய்யமுடியாமல் கொழுப்பு வயிற்றில் தேங்கிவிடுகிறது.

இத்துடன் இன்ஃப்ளேமேக்சனும் சேர்ந்தால் நிலை இன்னும் மோசமாகிறது. இன்ஃப்ளமேஷன் வர காரணம் தானியங்களில் உள்ள ஒமேகா 6. பொதுவா உணவின் மூலம் எதையும் வராமல் தடுக்கலாம். வந்தபின் குணபடுத்துவது என்பது அந்த சிக்கல் நமக்கு எந்த அளவு தீவிரமா இருக்கு, உடல் எப்படி ரியாக்ட் செய்யுது என்பதை பொறுத்தது.

ஃபேட்டி லிவர் வர முக்கிய காரணம் கோலின் பற்றாகுறை. கோலின் அதிகமா கானப்படுவது நாட்டுகோழி முட்டைகளில் தான். ஒரு நாட்டுகோழி முட்டையில் 28% கோலின் இருக்கு. கோலின் நம் செல்களை சுத்தபடுத்தும் ஆற்றல் கொண்டது. இந்த செல்களில் தான் கொழுப்பு அடைத்து பிரச்சனை செய்யும்.
முட்டைக்கு அடுத்து அதிக அளவில் கோலின் காணப்படுவது நாட்டுகோழியில். சைவ உணவுகளில் கோலின் கிடைப்பது மிக சிரமம். ஒரு நாளுக்கு தேவையான கோலின் கிடைக்க 1 முழு காலிபிளவர் அல்லது

பிராக்களியை சாப்பிடணும். நடக்கும் விஷயமா?

ஃபேட்டி லிவர் குணமாக பின் வரும் டயட்டை பின்பற்றலாம்.

காலை உணவு: வேக வைத்த நாட்டுகோழி முட்டை 4. முழு முட்டையும் சாப்பிடணும்..மஞ்சள் கருவில் தான் கோலின் இருக்கு. மஞ்சள் கருவை தூக்கி வீசிட்விட்டு எக் ஒயிட்டை சபபிடுபவர்கள் கோலின் பற்ராகுறையை வலிந்து தேடிகொள்கிறார்கள்.

இந்த காலை உணவிலேயே ஒரு நாளுக்கு தேவையான கோலின் 100% கிடைத்துவிடும். அதனால் எக்காரணம் கொண்டும் நாட்டுகோழி முட்டை சாப்பிடாமல் இருக்கவேண்டாம்.

மதியம்: 1 கப் கொழுப்பு எடுக்காத பால்/தயிர்/பனீர்

மதியம்: க்ரில் சிக்கன்/ வறுத்த சிக்கன். வெண்ணெய் சமையல் ஆயிலா பயன்படுத்துங்க. வேறு எந்த எண்னெயும் வேண்டாம். சிக்கன் தோலுடன் சாப்பிடுங்க. சூப்பும் வைத்து குடிக்கலாம். சைடா கீரை, காய்கறி குறிப்பா காலிபிளவர், பிராக்களி சபபிடலாம். வேர் காய்கறிகள் முற்றிலும் தவிர்க்கவும்

ஸ்னாக்: சீஸ்/பால்/பனீர்/தயிர் வித் காய்கறி

டின்னர்: மீன்டும் சிக்கன் அல்லது மீன் அல்லது வெஜிட்டபிள் சூப்/ சாலட்/தேங்காய். ஏராளமா கீரை (கோலின் அதிகம் உள்ளது), காய்கறி

மீல்களை ஆல்டர்நேட் செய்துகொள்ளலாம்.

சுத்தமாக தொடக்கூடாத பொருட்கள்:

நட்ஸ்
பழங்கள்..பழங்களில் உள்ள புரொக்டோஸ் தான் லிவரில் கொழுப்பாக மாறுகிறது.
இனிப்புகள்
தானியம்
பீன்ஸ்
பருப்பு
சர்க்கரை

---

மொடாகுடியர்களுக்கு வரும் ஃபேட்டி லிவர் வியாதி குழந்தைகளுக்கும் வருவதன் காரணத்தை ஒரு ஆய்வு கண்டுபிடித்துள்ளது.

லிவர் முழுக்க கொழுப்பு அடைத்துகொள்ளும். நார்மலாக துருவேறிய இரும்பு நிறத்தில் இருக்கும் லிவர் முழுக்க கொலஸ்டிரால் அடைத்துகொள்வதால் அது மஞ்சள் கலரில் மாறி ஊதி, உப்பி வீங்கிவிடும். வழக்கமாக இது மொடா குடிமக்களுக்கு மட்டுமே தான் வரும். ஆனால் இப்போது இது குழந்தைகளுக்கும் வருகிறது. சுமார் 10% அமெரிக்க குழந்தைகளுக்கு இந்த வியாதி உள்ளது.
காரணம்?

சர்க்கரை. குறிப்பாக ப்ருக்டோஸ்

இது குண்டாக இருக்கும் குழந்தைகளுக்கு அதிகம் வந்தாலும் நார்மலாக இருக்கும் குழந்தைகளுக்கும் அதிக அளவில் வருகிறது. குடிக்காத குழந்தைகளுக்கு இது ஏன் வருகிறது என புரியாமல் இதற்கு "நான் ஆல்கஹாலிக் பேட்டிலிவர் வியாதி" என பெயர் வைத்து ஆராய்ந்ததில் தெரிய வந்த தகவல் என்னவெனில் கார்ன் சிரப்பிலும், ஜூஸ்களிலும், இனிப்புகளிலும் இருக்கும் ப்ருக்டோஸ் இதற்கு முக்கிய காரணம் என தெரிய வந்துள்ளது,.
 

சர்க்கரை என்பது போதை அளிக்காத சாராயத்துக்கு சமம் என்கிறார் மருத்துவர் ராபர்ட் லஸ்டிக். அதனால் மொடாகுடியர்களுக்கு வரும் வியாதி பிள்ளைகளுக்கும் வருவதுதான் சோகம்
http://www.wsj.com/articles/SB10001424127887324549004579064903051692782

பேலியோவில் ஏன் எடை மேலும் குறைவதில்லை? Weightloss stages in Paleo.

பேலியோ டயட் துவங்கி முதலில் ஏற்படும் எடை இழப்பு மிகவும் ஆச்சரியகரமாகவும், ஆர்வத்தை தூண்டுவதாகவும் இருக்கும். ஒரே வாரத்தில் எனக்கு 5கிலோ குறைந்திருக்கிறது. பலருக்கும் இப்படியே.

இதற்கான காரணம் தானிய உணவு எடுப்பதால் உடலில் சேர்க்கப்படும் அதிகப்படியான நீர் (எடை), தானியத்தை நிப்பாட்டிய உடன் நீர் உடலில் தேங்குவதில்லை. அந்த நீர் எடைதான் முதலில் நம் உடலிலிருந்து வெளியேறும் எடை. அது ஒவ்வொருவரின் உடல் வாகுக்கு ஏற்ப கூடவோ, குறையவோ இருக்கும். ஆக, கொழுப்பு உடலிலிருந்து குறையத் துவங்கிவிட்டது என்று ஆனந்தமடையக்கூடாது.

ஏனென்றால் அடுத்த வாரங்களில் உடல் எடை குறைவது மிகவும் மெதுவாக நடக்கும். ஒரு மாதம் கழித்து 100கிராம் குறைக்கவே படாத பாடு படுவோம். சரியாக இந்த காலகட்டத்தில்தான் 3கிலோ மீட்டருக்கும் மேலான நடை, உடற்பயிற்சிகள், 100% பேலியோ டயட் என்று எல்லாம் சரியான முறையில் கடைபிடித்துக்கொண்டிருப்போம்.

பலர் கவலைப்படுவதும், டயட்டை விட்டு விலகுவதும், சீட்டிங் அதிகம் செய்ய முனைவதும் இந்த காலகட்டத்தில்தான்.

பொறுமையும், நம் உடல் எப்படி எடை குறைப்பிற்கு ஒத்துழைக்கிறது என்ற ஆர்வம் இருப்பவர்கள் மட்டுமே அடுத்த கட்டமான கொழுப்பு எரிப்பு என்ற நிலைக்குச் செல்கிறார்கள். கரைக்க முடியாத எடையயும் கரைக்கிறார்கள்.

--

ஆக எடைகுறைவது பல கட்டங்களாக நிகழும்.

முதல் நிலை:

உடலில் அதிகப்படியாக தானியங்கள் சேர்க்கும் நீர் எடை. இது டயட்டின் முதல் நாளிலிருந்து, பத்து நாட்களுக்குள்ளாகவே நிகழும். இந்த எடைகுறைவே பல நல்ல மாற்றங்களை உடலில் ஏற்படுத்தும்.

இரண்டாம் நிலை:

குறைவாகச் சாப்பிடுவது, கலோரி குறைவாக எடுப்பது, உண்ணும் கலோரிகளை விட அதிகமாகச் செலவழிப்பது போன்றவைகளால் நிகழும் எடை குறைவு. இதில் பெரும்பாலும் தசைகள் இழப்பால் ஏற்படும் எடை குறைவு இருக்கலாம்.

சரியாக டயட் எடுத்து குறிப்பாக ப்ரோட்டீன் அளவுகள், கொழுப்பு, கார்ப் அளவுகள் விகிதம் சரியாக அமையும்போது கொழுப்பு மிக மெதுவாக செலவழிக்க உடல் தயாராகும். உடற்பயிற்சி, மெது நடை, நீச்சல், சைக்கிளிங் போன்றவையும் சேரும்போது எடை இழப்பு தொடர்ச்சியாகவும், மெதூவாகவும் நிகழும். (டயட் சார்ட் படி உண்ணுங்கள், சுவைக்கேற்ப உண்ணாதீர்கள் என்று கூறுவது இதற்குத்தான்)

மூன்றாம் நிலை:

சரியாக டயட் எடுத்தாலும் ஒருகட்டத்தில் எடை இழப்பு அப்படியே நின்றுவிடும். என்ன செய்தாலும் அசைந்துகொடுக்காது.

இங்கே எந்தப் பொது விதிகளும் உதவுவதில்லை. இது ஒவ்வொருவரின் தனிப்பட்ட உடல் நிலை சார்ந்தது.
இந்த கட்டத்தில் நிகழும் எடை இழப்பே உங்கள் இலக்கு நோக்கி பயணிக்க வைக்கும். அதற்கு முழுமையான ஆராய்ச்சி செய்யவேண்டியது ஒவ்வொருவரின் தனிப்பட்ட கடமையாகும்.

இந்தக் கட்டத்தை அடைந்தவுடன் நீங்கள் முதலில் செய்யவேண்டியது.

பொறுமையாக இருப்பதுதான். டயட்டை சரியாகக் கடைபிடித்து ஒரு மாதம் கூட காத்திருக்கலாம். சில நேரம் ஏதோ பயங்கரமான பஞ்சம் போல, சரி சேர்த்து வைத்திருக்கும் கொழுப்பை எரிப்போம் என்று உடல் அநிச்சையாக முடிவெடுக்க ஒரு அவகாசம் தேவைப்படுகிறது. அதற்கு தேவையான காலகட்டம் வரும் வரை பொறுமையாக இருப்பது அவசியம்.

கிட்டத்தட்ட, அந்தப் பஞ்சம் வந்துவிட்டது, இந்த உடலைக் காப்பாற்ற சேமித்த கொழுப்பை எரிப்பது தவிர வேறு வழியில்லை என்று அந்தப் பஞ்ச சமிக்ஞையை நமக்கு நாமே ஏமாற்றும் திட்டத்தில் செயல்படுத்துவதுதான் வாட்டர் பாஸ்டிங், சதுர்த்தி/பிரதோஷ விரதங்கள், வாரியர் இன்னபிற மிகக்குறைந்த உணவு விரத முறைகள்.

சிலருக்கு வாரியர் உதவும், சிலருக்கு தொடர் நடை உதவும், சிலருக்கு பளு தூக்கும் உடற்பயிற்சிகள் உதவும், சிலருக்கு கீட்டோ, சிலருக்கு ஒருவேளை முழுக்கொழுப்பு சிகப்பிறைச்சி 23.5 மணி நேர பாஸ்டிங். இப்படி. இதில் எது உங்களுக்கான வழி என்று நீங்கள் அதைக் கண்டுபிடிக்க இருக்கும் ஒரே வழி, உங்கள் உடல் எதற்கு சரியாக ஒத்துப் போகிறது என்று ஆராய்ந்து அதை நீங்களே கண்டுபிடிப்பதுதான்.

அதை நீங்கள்தான் செய்யவேண்டும். அனைத்து வழிமுறைகளும் குழுமத்தில் விவாதிக்கப்பட்டு வருகிறது. உங்கள் உடலை தொடர்ந்து கவனிப்பதும், எந்த வழிமுறையில் உங்கள் உடல் கொழுப்பை எரிக்க உத்தரவிடுகிறது என்ற சூத்திரம் அறிந்துகொண்டால் அதைப் பயன்படுத்தி உங்கள் இலக்கு எடையை அடைவது சுலபமாக இருக்கும்.

தேவை, பொறுமை மட்டுமே.

Paleo Diet Tips. பேலியோ டயட் டிப்ஸ்! By- Gokul Kumaran.

டிப்ஸ் நம்பர் 1:
கொழுப்பு எப்படி சேர்கிறது?

 மது அருந்த ஆரம்பிக்கும் ஒருவனுக்கு ஆரம்பத்தில் இரண்டு பெக் போட்டாலே போதை ஏறிவிடுகிறது. அதுவே சில வருடங்கள் கழிந்த பிறகு அதே போதையை அந்த இரண்டு பெக் தருமா? நிச்சயம் தராது. இரண்டு குவார்ட்டர் ஆகும், குவார்ட்டர் ஹால்ஃப் ஆகும். ஏன்? அவனது உடம்பின் செல்கள் ஆல்கஹாலுக்கு எதிர்ப்பு தெரிவிக்கின்றன.

அதே நிலைமை தான் கார்போஹைட்ரேட்டுக்கும். நாம் கார்போஹைட்ரேட் உட்கொள்ள அது க்ளூகோஸாக மாறுகிறது. க்ளூகோஸை பார்த்தவுடன் கணையம் இன்சுலினைச் சுரக்கிறது. இன்சுலின் எல்லா க்ளூகோஸையும் எனர்ஜியாக எடுத்துக்கொள் என்று செல்களுக்கு கட்டளை இடுகிறது. செல்களும் அதை எடுத்துக்கொள்கின்றன. நமக்கு எனர்ஜி கிடைக்கிறது. நாம் ஃபிட்டாக இருக்கிறோம்.

இது சிறு வயதில் ஓகே. நன்றாக ஆடி ஓடி விளையாடினோம். ஆனால் வயது ஆக ஆக நமது உடலுழைப்பு குறைகிறது. ஆனால் உட்கொள்ளும் கார்போஹைட்ரேட்டின் அளவு குறைவதில்லை. இதனால் செல்கள் இன்சுலின் பேச்சைக் கேட்பதில்லை. இந்த நிலைமைக்குப் பெயர் இன்சுலின் ரெஸிஸ்டன்ஸ். கொஞ்சம் க்ளுகோஸ் எனர்ஜியாக கன்வெர்ட் ஆகிறது. மீதி அப்படியே ரத்தத்தில் இருக்கிறது. இப்பொழுது கணையம் இன்னும் அதிகம் இன்சுலினை அனுப்புகிறது. இப்பொழுது எனர்ஜியாக கன்வெர்ட் ஆகாத க்ளுகோஸை எல்லாம் கொழுப்பாக மாற்றி உடலில் சேமிக்க வைத்து விடுகிறது இன்சுலின்.

ஆக, நமக்குப் பிரச்சினை கார்போஹைட்ரேட். இதை நாம் கட்டுப்படுத்தினால் உடலில் கொழுப்பு சேர்வதைக் கட்டுப்படுத்தலாம்.

oo0oo

டிப்ஸ் நம்பர் 2:

கார்போஹைட்ரேட்டைக் கட்டுப்படுத்த வேண்டுமென்றால் முதலில் என்ன செய்ய வேண்டும்?

 முதலில் சர்க்கரை, சீனி, கருப்பட்டி, வெல்லம், பனங்கற்கண்டு, தேன், கூல் ட்ரிங்க்ஸ், பழங்கள், இனிப்பு சுவை உள்ள எல்லா பண்டங்கள், ஜங்க் உணவு என்று சொல்லக்கூடிய பீட்ஸா, பர்கர், ஐஸ் க்ரீம், கே எஃப் சி போன்ற எல்லாவற்றையும் நிறுத்த வேண்டும்.

oo0oo

டிப்ஸ் நம்பர் 3:
மற்ற எது எதெல்லாம் கார்போஹைட்ரேட்?

நாம் சாப்பிடும் தானியங்களான அரிசி, கோதுமை, பருப்பு, பயறு, சுண்டல், பட்டாணி, மைதா, ரவை, கம்பு, கேழ்வரகு, சோளம் இவை எல்லாமே கார்போஹைட்ரேட்கள். இவை எல்லாவற்றையும் நிறுத்த வேண்டும்.

oo0oo

டிப்ஸ் நம்பர் 4:
தானியங்கள், பழங்கள் இவை எல்லாம் நல்லது என்று தானே இது வரை கேள்விப்பட்டோம்?

பழங்கள் சாப்பிட்டால் இன்சுலின் ஸ்பைக் ஆகும். அதாவது நிறைய இன்சுலின் ஒரே நேரத்தில் வந்து விடும். அப்படி வந்தால், உடம்பு ஃபேட் பர்னிங் மோடுக்கு போகவே போகாது. ஆகவே, நம்முடைய டார்கெட் எடை வரும் வரை பழங்கள் சாப்பிடக்கூடாது. டார்கெட் எடை வந்த பின் மெயிண்ட்டனஸ் டயட்டில் பழங்கள் சேர்த்துக்கொள்ளலாம்.

தானியங்களைத் தானே இதுவரை சாப்பிட்டு வந்தீர்கள். அவைகள் உடம்புக்கு நல்லது எடை கூட்டாது என்றால் இதை ஏன் நீங்கள் படித்துக்கொண்டிருக்கிறீர்கள். உங்கள் உடம்புக்கும் தானியத்துக்கும் ஒத்து வரவில்லை. உங்கள் உடம்புக்கு தானியம் அலர்ஜி. தானியம் ஒரு கார்ப் கிட்டங்கி. இரண்டாவதாக அதன் அவுட்டர் மோஸ்ட் லேயரில் இருக்கும் ஃபைட்டிக் ஆசிட் உங்கள் உணவில் இருக்கும் மற்ற நல்ல சத்துகளை உடம்பில் சேர விடாது. தானியங்களிலிருந்து கிடைக்கும் புரதங்கள் நல்ல புரதங்கள் இல்லை. தானியங்கள் உங்கள் குடலுக்கு நிச்சயம் நல்லது அல்ல. சாப்பாடு சாப்பிட்ட பின் வயிறு தொம் என்று டைட்டாக அடைத்துக்கொண்டிருப்பது போல் இருப்பதற்கும், சிலருக்கு acid refulx என்று சொல்லக்கூடிய உணவுக்குழாய் வழியே பித்த நீர் மேலேறி தொண்டை வரை வந்து நிற்பதும் தானியங்களால் தான். இதை நிப்பாட்டினால் உடம்பு நன்றாக இருக்கும்.

oo0oo

டிப்ஸ் நம்பர் 5:
அப்போ கார்போஹைட்ரேட் சுத்தமா சாப்பிடவே கூடாதா?

ஒரு நாளில் உட்கொள்ளும் கார்போஹைட்ரேட்டின் அளவு 50 கிராமுக்குள் இருக்க வேண்டும். அந்த 50 கிராமும் முன்பு சொன்ன தானியங்களிலிருந்து வராமல் Glysemic Index கம்மியாக உள்ள நல்ல கார்பிலிருந்து வரணும். அந்த நல்ல கார்போஹைட்ரேட்களின் சோர்ஸ் என்ன? கீரை, காலி ஃப்ளவர், மஷ்ரூம், கத்தரிக்காய், வெண்டைக்காய், பாகற்காய், புடலங்காய், பீர்க்கங்காய், முள்ளங்கி, வெங்காயம், வெள்ளரி, பூசணிக்காய், காரட், பீட்ரூட், சுரைக்காய், சவ்சவ் போன்ற காய்கறிகள். பீன்ஸ், அவரைக்காய் legumes வகைகளில் வருவதால் அவை பேலியோவில் சேர்ப்பு அல்ல.

oo0oo

டிப்ஸ் நம்பர் 6:
வெறும் 50 கிராம் கார்ப் எடுத்தால் பசிக்காதா?

நாம் ஒரு நாள் உட்கொள்ளும் கார்பின் அளவு 50 கிராமுக்கும் குறைவாக இருக்கும் பட்சத்தில் உடம்பு நாம் உட்கொள்ளும் கொழுப்பு மற்றும் ப்ரோட்டீனிலிருந்து க்ளூகோஸைத் தயார் செய்து கொள்ளும். இந்த டயட்டில் நாம் 50 கிராம் கார்போடு சேர்த்து ப்ரோட்டீன் மற்றும் நல்ல கொழுப்பு வகை உணவுகளை எடுக்கப்போகிறோம். கொழுப்பு + புரோட்டீன் உள்ளே போகும்பொழுது வயிறு நிறைவாக இருக்கும். கார்ப் சாப்பிட்ட போது இருப்பது போல் பசிக்காது.

oo0oo

டிப்ஸ் நம்பர் 7:
நல்ல கொழுப்பு என்றால் எவை எவை?

 நல்ல கொழுப்பு முதலில் எண்ணெயிலிருந்து ஆரம்பிக்க வேண்டும். நாம் உபயோகிக்கும் வெஜிடபிள் ரீஃபைண்ட் எண்ணெய்கள் எல்லாமே உடல்நலத்திற்குக் கேடானவை. அவைகளை அதிக வெப்பத்துக்கு சூடு பண்ணி ஹைட்ரோஜெனரேட் செய்யும்பொழுது ட்ரான்ஸ்ஃபேட் உள்ளே நுழைகிறது. அது நமது உடம்புக்கு நல்லது அல்ல.

செக்கில் ஆட்டிய தேங்காய் எண்ணெய், செக்கில் ஆட்டிய நல்லெண்ணெய், வெண்ணெய், நெய் - இதெல்லாம் உடம்புக்கு மிகவும் நல்லது. உங்கள் சமையல் இதில் ஏதாவது ஒன்றில் செய்யப்பட வேண்டும். 100% தேங்காய் எண்ணெய் என்று கடைகளில் விற்கும். அதுவும் நல்லது அல்ல. வர்ஜின் தேங்காய் எண்ணெய் அல்லது எக்ஸ்ட்ரா வர்ஜின் தேங்காய் எண்ணெய் தான் நல்லது. வேறு வழியே இல்லை என்றால் செக்கில் ஆட்டிய கடலை எண்ணெய் ஓகே, அதையும் தவிர்ப்பது நல்லது. எக்ஸ்ட்ரா வர்ஜின் ஆலிவ் ஆயிலின் ஸ்மோக் பாயிண்ட் மிகவும் கம்மி என்பதால் அது சமையலுக்கு உகந்தது அல்ல. சலாடின் மேல் கோல்ட் ட்ரெஸ்ஸிங்கிற்காக உபயோகித்துக்கொள்ளலாம்

முட்டை மிகவும் நல்லது. அதுவும் நாட்டுக்கோழி முட்டை என்றால் மிக மிக நல்லது. முட்டையை முழு முட்டையாக மஞ்சள் கருவோடு சேர்ந்து சாப்பிட வேண்டும். ஒரு நாளுக்கு மூன்று அல்லது நான்கு முட்டைகள் சாப்பிடலாம்.

ஆடு, மாடு, கோழி, மீன் மிகவும் நல்லது. அதுவும் புல் தின்று வளர்ந்த ஆடு, மாடு மிக மிக நல்லது. நாட்டுக்கோழி மிகவும் நல்லது. பண்ணையில் வளர்க்கப்படாத, ஆற்றில், கடலில் பிடிக்கப்பட்ட மீன்கள் மிகவும் நல்லது. ஆடு மாடுகளின் உள்ளுறுப்புகளான இதயம், மூளை, லிவர், போன்றவைகள் மிகவும் நல்லது.
தேங்காயை அப்படியே சாப்பிடலாம். அதில் இருப்பது நல்ல உறைகொழுப்பு. பனீர் சாப்பிடலாம். முழுக்கொழுப்புள்ள சீஸ் சாப்பிடலாம்.

பாதாம், பிஸ்தா, வால்நட், மகடாமியா நட்ஸ், பிரேசில் நட்ஸ், முந்திரிப்பருப்பு போன்ற நட்ஸ்களைச் சாப்பிடலாம். முந்திரிப்பருப்பில் கார்ப் கொஞ்சம் அதிகம் என்பதால் கொஞ்சம் கம்மியாகச் சாப்பிடலாம். பாதாம், முந்திரி இவைகளை நெய்யில் வறுத்தும் சாப்பிடலாம். இது போன்ற நட்ஸ்கள் சாப்பிடும்பொழுது நட்ஸ்களை மட்டும் தனியாகச் சாப்பிட வேண்டும். வேறு எதையும் இதனுடன் சேர்த்து சாப்பிடக்கூடாது. சாப்பிடுவதற்கு முன்னும் பின்னும் இரண்டு மணி நேரம் இடைவெளி இருப்பது மிகவும் நல்லது. பாதாமை குறைந்த பட்சம் 8 மணி நேரம் ஊற வைத்து சாப்பிடுவது அதனில் இருக்கும் ஃபைட்டிக் அமிலத்தின் தீவிரத்தைக் குறைக்கும்.

வெஜிடேரியன்கள் ஃப்ளாக்ஸ் ஸீட் வாங்கி அதை பவுடராக்கி, ஒரு டீஸ்பூன் அளவு தினமும் சமையலில் தூவி சாப்பிடலாம்.

அவகேடா, ஆலிவ் பழங்கள் சாப்பிடலாம்.

oo0oo

டிப்ஸ் நம்பர் 8:
கொழுப்பு சாப்பிடலாம் என்கிறீர்களே, கொலஸ்ட்ரால் கூடாதா, இதயத்திற்கு ஆபத்து இல்லையா?

 ஆக்சுவலா பாத்தீங்கன்னா கொலஸ்ட்ரால் ஒரு பிரச்சினையே இல்லை. பிரச்சினை inflammation. இது எதனால் ஏற்படுது? சுகர், கார்ப், ஒமேகா 6 வெஜிடபிள் ஆயில்களான சன்ஃப்ளவர் ஆயில், சோயாபீன் ஆயில், கார்ன் ஆயில் இவைகளால் தான். Inflammation எப்படி இருக்கும்னா ரத்த நாளங்களின் உள்பகுதியில் சேண்ட்பேப்பரை வச்சு உரசினா என்ன மாதிரி உள்காயங்கள் வரும் அது தான் Inflammation. இதைச் சரி பண்ண கொலஸ்ட்ரால் போய் அதன் மேல் படியுது. Inflammation இல்லை என்றால் கொலஸ்ட்ரால் சுதந்திரமா போய்க்கிட்டு வரும்.

பேலியோ லைஃப்ஸ்டைலினால் இந்த உள்காயங்கள் ஏற்படுவதில்லை. அடுத்து ட்ரைக்ளிஸரைட்ஸ் 100 க்கு கீழே வந்திரும். எல் டி எல் கொலஸ்ட்ரால் இருக்கும். ஆனால் அவை அளவில் பெரிய fluffy ஆக இருக்கும். அதனால் இதயத்திற்கு ஆபத்தில்லை.

நான்கு முட்டைகள் வரை சாப்பிடுகிறோம். அவ்வாறு முட்டைகள் நாம் சாப்பிடாவிட்டால் உடம்பே கொலஸ்ட்ராலை உற்பத்தி பண்ணிக்கொள்ளும். நாம் முட்டைகள் சாப்பிடுவதால் அது கொலஸ்ட்ரால் உண்டாக்குவதை குறைத்துக்கொள்கிறது.

இந்த சுட்டிகளை வாசிச்சீங்கன்னா கொலஸ்ட்ராலைப் பற்றி ஒரு புரிதல் வரும்.
http://www.sott.net/…/242516-Heart-surgeon-speaks-out-on-wh…
http://authoritynutrition.com/how-many-eggs-should-you-eat/

oo0oo

டிப்ஸ் நம்பர் 9:
இதுவரை சோறு சப்பாத்தி என்று ஃபுல் கட்டு கட்டி சாப்பிட்டோமோ, இப்போ அதையெல்லாம் நிறுத்தப்போகிறோமே, பசிக்காதா?

 நாம சாப்பிடுகிற உணவிலிருந்து உருவாகும் க்ளுகோஸ் எனர்ஜியாக மாறியது போக மீதம் இருக்கும் க்ளுகோஸ் லிவர்ல க்ளைகோஜனாக சேமிக்கப்படுகிறது. எப்பொழுதாவது நாம் விரதம் இருக்கும்பொழுது உடம்பில் க்ளுகோஸ் இல்லாமல் போகும். அந்நேரம் இந்த க்ளைகோஜன் க்ளூகோஸாக மாறி ஆற்றல் கொடுக்கும். நீங்கள் பேலியோவிற்கு மாறி கார்ப் 50 கிராமுக்கு கம்மியாக எடுக்கும்பொழுது இது தான் ஆரம்பத்தில் நடக்கும். க்ளூகோஸ் உடம்பில் இல்லாமல் போகும். கார்ப் சாப்பிட்டு பழக்கப்பட்டு விட்ட உடம்பு எனக்கு கார்ப் கொடு என்று கேட்டு அழும். அதை எப்படித் தெரிவிக்கும்? தலைவலி மூலமாக. அதை நீங்கள் கொஞ்சம் நட்ஸ் சாப்பிட்டோ தண்ணீர் குடித்தோ, இல்லை ஒரு காபி டீ குடித்தோ கட்டுப்படுத்தி விட்டால் க்ளைகோஜனிலிருந்து ஸ்டாக் ரிலீஸாகும், உடம்புக்கு எனர்ஜி கிடைத்து விடும். ஆக, டயட் ஆரம்பத்தில் நாலைந்து நாட்களுக்கு அதாவது கொழுப்பு + புரத உணவுக்கு உங்கள் உடம்பு பழக்கப்படும் வரை அவ்வப்பொழுது தலைவலி வரலாம். அதைத் தாண்டி வந்து விட்டால், அப்புறம் பசி இருக்காது. காலையில் 100 பாதாம் சாப்பிட்டாலே மதியம் வரை பசிக்காது. கார்ப் உணவு எடுப்பது போல் சீக்கிரம் பசி எடுக்காது. வயிறும் தொம்மென்று இருக்காமல், லேசாக இருக்கும். பசியும் இருக்காது.
ஆக, முதலில் இந்த க்ளைகோஜன் ஸ்டாக் காலியாகும். அப்புறம் Between meals நேரங்களில் உடம்புக்கு எனர்ஜி தேவைப்படும் அல்லவா அது உங்கள் கொழுப்பு ஸ்டாக்கிலிருந்து கொடுக்கப்படும். இப்படித்தான் உங்களுக்கு எடை குறையப் போகிறது.

க்ளைகோஜன் சேமிக்கப்படும்பொழுது அதன் எடைக்கு பல மடங்கு நிகரான நீர் எடையும் உடம்பில் சேமித்து வைக்கப்படுகிறது. க்ளைகோஜன் காலியாக ஆக, அந்த நீரும் காலியாகும். ஆரம்ப காலத்தில் மூன்றிலிருந்து நான்கு கிலோ வரை சீக்கிரமாக எடை இழப்பு நேரும். அது நீர் எடை தான். அதன் பின் நீங்கள் இழக்கும் எடை தான் உண்மையான கொழுப்பு கரைந்து இழக்கப்போகும் எடை

oo0oo

டிப்ஸ் நம்பர் 10:
பேலியோ ஆரம்பித்து ஒரு மாதம் கழித்து எனக்கு பழைய உணவு ஒரு முறை சாப்பிடவேண்டும் போல் ஆசை வருகிறது. “சீட்” செய்ய வேண்டும் என்று நினைக்கிறேன். அப்பொழுது என்ன ஆகும்?

 டயட் ஆரம்பித்து நன்றாகச் சென்று கொண்டிருக்கும்போது ஒரு நாள் ஒரு அன்லிமிடெட் மீல்ஸ் ஒரு தட்டு சாம்பார் சாதம், இன்னொரு தட்டு ரசம் சாதம், அடுத்த தட்டு வத்தக்குழம்பு சாதம் அடுத்த தட்டு தயிர்சாதம் கடைசியில் பாயாசம் (எழுதும்போதே எப்படியோ இருக்கிறது இப்படியா சாப்பிட்டுக்கொண்டிருந்தோம்) என்று ஃபுல் கட்டு கட்டுகிறோம் என்று வைத்துக்கொள்ளுங்கள். என்ன ஆகும்? இன்சுலின் ஸ்பைக் ஆகும். உடம்பு என்ன செய்யும்? ஆகா, இதுவரை கார்ப் கிடைக்காத ஏதோ பஞ்சத்தில் அடிபட்ட ஊரில் இருந்திருக்கிறான் போல, இன்று மீண்டும் நல்ல இடத்திற்கு வந்து விட்டான், இன்று உடனடியாக கொழுப்பைச் சேமிக்க வேண்டும் இல்லையேல் இவனுக்கு தேவைப்படும் நேரத்தில் நாம் எப்படி கொழுப்பு சப்ளை பண்ண முடியும் என்று நினைத்து அன்று உடனடியாக ஃபேட் ஸ்டோரிங் மோடிற்கு வந்து எவ்வளவு சேமிக்க முடியுமோ அவ்வளவும் சேமித்து விடும். பெரும்பாலும் அது க்ளைகோஜனாகத்தான் இருக்கும்.
ஒரு நேரம் அல்லது மேக்ஸிமம் இரு நேரங்கள் சீட் செய்து விட்டு மறுபடியும் டயட்டிற்கு திரும்ப வந்தால் முதலில் ஆரம்பத்தில் கூறியது போல் க்ளைகோஜன் ஸ்டாக்கை காலி செய்த பின் தான் மறுபடியும் ஃபேட் பர்னிங் மோடிற்கு உடம்பு வரும். இதற்கு நான்கைந்து நாட்கள் ஆகலாம்.
ஆகவே வாரத்திற்கு ஒருமுறை வார இறுதியில் ஞாயிற்றுக்கிழமை மதியம் மட்டும் சீட் செய்து கொள்கிறேன் என்பதெல்லாம் கதைக்காகாது. ஒரு மாதமாவது தொடர்ந்து சீட் செய்யாமல் டயட்டில் தொடர்ந்து இருக்க வேண்டும்.

oo0oo

டிப்ஸ் நம்பர் 11:
என்னுடைய டார்கெட் வெயிட் வந்து விட்டால் இந்த டயட்டிலிருந்து விலகி நார்மல் உணவை சாப்பிட ஆரம்பிக்கலாமா?

எது நார்மல் உணவு? உங்களுக்கு இன்சுலின் ரெஸிஸ்டன்ஸ் தந்து, இன்ஃப்ளமேஷன் தந்து, சர்க்கரை நோய் தந்து, அல்சர் தந்து, acid reflux தந்து, சுமக்கவே முடியாத தொப்பையையும் கொடுத்த அந்த உணவா நார்மல் உணவு?

என் நண்பன் தினமும் நன்றாக சோறு சப்பாத்தி சாப்பிடுகிறானே அவனுக்கு ஒன்றும் ஆகவில்லையே? அவர் உடம்பு வேற உங்க உடம்பு வேற அவருக்கு மெட்டாபாலிஸம் சரியாக இருந்தால் மகராஜனாக சாப்பிடட்டும் நன்றாக இருக்கட்டும், உங்களுக்கு கார்ப் அலர்ஜி, தானியம் அலர்ஜி, உங்களுக்கும் தானிய வகை சாப்பாடுகளுக்கும் ஒத்துக்கொள்ளவில்லை அதனால் தான் இந்தப் பக்கம் வந்திருக்கிறீர்கள் ஆகவே நீங்கள் தொடர்ந்து இந்த லைஃப் ஸ்டைலில் இருங்கள். ஆறு மாதங்கள் இருந்தாலே எது நார்மல் உணவு எது உங்கள் ancestors சாப்பிட்டு ஆரோக்கியத்துடன் இருந்த உணவு என்பது உங்களுக்கே தெரிய வரும்.
உங்கள் எடை குறைந்திருக்கலாம். ஆனால் இன்சுலின் ரெஸிஸ்டன்ஸ் அவ்வளவு எளிதில் ரிவர்ஸ் ஆகாது. ஆகவே அதே சைன்ஸ் தான் இப்பொழுதும். 125 கிலோவிலிருந்து 85 கிலோவிற்கு உடம்பின் எடையைக் குறைத்திருந்தாலும் மறுபடியும் நீங்கள் கார்ப் லோடிங் செய்தால் இன்சுலின் ஸ்பைக் ஆகும், உடம்பு ஃபேட் பர்னிங் மோடிலிருந்து ஃபேட் ஸ்டோரிங் மோடிற்கு செல்லும், கொழுப்பு சேரும்.

டார்கெட் எடை வந்த பின் மெயிண்ட்டனஸ் டயட்டாக சிலவற்றை தளர்த்தலாம். நல்ல கார்ப் சோர்ஸ்களான ஆப்பிள் போன்ற பழங்களைச் சேர்க்கலாம்.

ஆகவே ஒரு பெர்மனெண்ட் லைஃப் ஸ்டைலில் மாற்றம் வேண்டும் எனக்கு ஆரோக்கியமான உடம்பு வேண்டும் என்றால் இந்தப் பக்கம் வாங்கள். குறுகிய கால ரிசல்ட் கிடைத்த பின் கட்சி மாறுவது இங்கே சாத்தியமில்லை.

By- Gokul Kumaran.

Repeated Questions about Paleo Diet - பேலியோவில் திரும்பத் திரும்ப கேட்க்கப்படும் கேள்விகள்.

பாதாம் எண்ணிக்கை 100 கிராமா? 100 நம்பரா?

பாதாம் 100 கிராம் என்பது ஒரு வேளை உணவாகப் பரிந்துரைக்கப்படுகிறது. 100 கிராம் என்று போட்டாலும் எண்ணிக்கையிலும் அது கிட்டத்தட்ட 100 பாதாம்களே வரும். அதாவது ஒரு கிராம் = ஒரு பாதாம். கூடக் குறைய இருக்கலாம் தவறில்லை.

டயட்டுக்கு முன்பாக கண்டிப்பாக உடல் பரிசோதனை, ப்ளட் டெஸ்ட் செய்யவேண்டுமா?

கண்டிப்பாக செய்துகொள்வது நல்லது, அப்பொழுதுதான் உங்கள் உடலில் ஏற்கனவே ஏதேனும் பிரச்சனைகள் இருந்தால் அது தெரியவரும், அதற்கேற்ப சில பொருட்களை விலக்கியும் சேர்த்தும் டயட் எடுக்க முடியும். டயட்டிற்கு பின்பும் இந்த டெஸ்ட்களை மீண்டும் எடுப்பதன் மூலம் டயட்டால் விளைந்த நன்மைகள் உங்களுக்கு அறிவியல் பூர்வமாகவே தெரியவரும்.

கடைகளில் விற்கப்படும் பேலியோ பிரியாணி ரைஸ், பேலியோ பரோட்டா, பேலியோ ப்ரோட்டீன் பார், பேலியோ சர்க்கரை, பேலியோ சுகர்லெஸ் கரும்பு ஜூஸ், பேலியோ சப்பாத்தி, பேலியோ எண்ணெய் போன்றவற்றை வாங்கி உண்ணலாமா? 

கூடாது. பேலியோவில் உங்கள் உணவை நீங்களே சமைத்து உண்ணுவதே சிறப்பு. ரெடிமேடாகக் கிடைக்கும் உணவுகள், பேலியோ என்ற அடைமொழியுடன் கடைகளில் விற்கப்படுபவனவற்றை வாங்கி காசை வீணாக்காதீர்கள். தேவையான பொருட்களை வாங்கி, உங்களுக்குப் பிடித்தது போல சமைத்து ஆரோக்கியமாக டயட் துவங்குங்கள். எந்தப் பொருளை வாங்கினாலும் அதில் என்ன பொருட்கள் கலந்திருக்கிறது என்று பாருங்கள், செயற்கை நிறங்கள், செயற்கை இனிப்பு, ப்ரிசர்வேட்டிவ்கள் போன்றவைகள் இருந்தால் எடுத்த இடத்திலேயே வைத்துவிடுவது உத்தமம்.

கோழி முட்டை நாட்டுக் கோழி முட்டையா? ப்ராய்லர் கோழிமுட்டையா? எது சாப்பிடுவது?

பேலியோவைப் பொறுத்தவரை தானாகவே இரை தேடி உண்ணும் மிருகங்களின் மாமிசம் மட்டுமே முதல் தேர்வு. முட்டையைப் பொறுத்தவரை நாட்டுக் கோழி முட்டை கிடைத்தால் உன்னதம். கிடைக்காவிட்டால் ப்ராய்லர் கோழி முட்டைகளை சாப்பிடலாம். கவனம் நாட்டுக் கோழி முட்டை என்பது பண்ணைகளில் ஹைப்ரிட் நாட்டுக்கோழிகள் வளர்க்கப்பட்டு, அந்தக் கோழிகள் இயற்கையாக உண்ணாத பொருட்களை தீவனமாகக் கொடுத்து உற்பத்தி செய்யப்படும் முட்டைகளும், கோழிகளும் விற்பனையாகிறது. இதை அதிக விலை கொடுத்து வாங்குவதை விட ப்ராய்லர்கோழியே வாங்கி உண்ணுவது உத்தமம்.

உங்களால் அருகாமை கிராமங்களில் சுதந்திரமாக வளர்க்கப்படும் கோழிகளை, முட்டைகளை வாங்க முடியுமென்றால் உங்கள் உடல் நலத்திற்கென வாரம் ஒரு நாள் பயணம் செய்து அப்படி வளர்ப்பவர்களிடம் வாங்கிப் பயனடையலாம். உங்கள் முயற்சியையும், நேரத்தையும் பொறுத்தது அது. இதற்கெல்லாம் வாய்ப்பே இல்லாதவர்கள், ப்ராய்லர் வாங்கி டயட்டை முன்னெடுங்கள்.

டேட்ஸ் சாப்பிடலாமா? ஓட்ஸ் சாப்பிடலாமா? பழங்கள் ஏன் தவிர்க்கவேண்டும்?வேர்க்கடலை, பருப்பு ஏன் தவிர்க்கவேண்டும்? பீன்ஸ் ஏன் சாப்பிடக்கூடாது? ஏன் பழங்களை ஜூஸ் செய்து குடிக்கக்கூடாது?

டேட்ஸ் என்பது ஒரு இனிப்பு உணவுதான், அதைச் சாப்பிட்டு இரும்புச் சத்து உடலில் சேரவேண்டுமானால் ஒவ்வொரு வேளையும் 1.5கிலோ அளவுக்குச் சாப்பிடவேண்டும், அதில் சேரும் இரும்புச் சத்தைவிட உங்களின் உடலில் சேரும் சர்க்கரை அளவுகள் அதிகம்.

பழங்களிலும் இயற்கையாகவே சர்க்கரை உள்ளது, டயபடிஸ் இருப்பவர்கள் பழம் சாப்பிட்டால் உடனே சர்க்கரை அளவுகள் ரத்தத்தில் ஏறும். போலவே உடல் எடை குறைக்க டயட் எடுப்பவர்கள் முதல் 30 
நாட்கள் பழங்கள் தவிர்ப்பது நல்லது, இது இன்சுலினை ஏற்றும், உடல் எடை கூடும், ஏன் எடை குறையவில்லை என்று குழப்பமே மிஞ்சும்.

பருப்பு, லெகூம் வகைகளில் வரும் பீன்ஸ் வகைகளும் இயற்கையாகவே பைட்டிக் அமிலம் (Pytic Acid) என்ற தற்காப்பு விஷயத்தை தன்னகத்தே கொண்டுள்ளன. இந்த இயற்கை தற்காப்பு விஷயம் பருப்பு, பீன்ஸ் வகைகளை நாம் சமைத்து உண்ணும்போதும் அழியாமல் உடலில் சேர்ந்து பல உபாதைகளையும், அதனுடன் நாம் உண்ணும் பிற உணவுகளின் சத்துக்களை நம் உடலில் சேரவிடாமலும் செய்கின்றன. அதனாலேயே பாலியோவில் அவற்றுக்குத் தடை.

பேலியோவில் குதித்துவிட்டேன், நான் எப்படி சாப்பிடவேண்டும், கொடுக்கப்பட்ட டயட் சார்ட்டில் இருப்பவைகளுடன் கூடவே கோதுமை தோசை, தேன் தினைமாவு, ஹெர்பாலைப் பவுடர், கொள்ளு ரசம், ஓட்ஸ் அல்வா, அப்பளம், எண்ணெயில் நன்றாகப் பொரித்த சிக்கன், வெல்லம் போட்ட கடலைமிட்டாய், இன்னபிறவற்றையும் கூட சேர்த்து சாப்பிடலாமா?

கூடாது, கொடுக்கப்பட்ட டயட் சார்ட்டை மட்டும் முதல் 30 நாட்கள் கடுமையாகக் கடைபிடிக்கவும். மேலே சொன்ன உணவுகள் யாவும் பேலியோவில் விலக்கப்பட்டவை.

நீங்கள் கொடுத்த டயட் சார்ட்டினை நானே சிறிது மாற்றி, காலையில் ஒரு காபியுடன் 5 பட்டர் பிஸ்கெட் (பட்டர் பாதாம்தானே?) அல்லது மேரி பிஸ்கெட், 100 பாதாமுக்குப் பதில் 15 பாதாம், இரண்டு இட்லி, மஞ்சள் கரு இல்லாத முட்டை, இதயத்துக்கு நலமளிக்கும் சன்ப்ளவர் ஆயிலில் செய்த மெதுவடை 1, மதியம் 1 ப்ளேட் சோறு, பீன்ஸ் பொரியல், அவரைக்காய் கூட்டு, நிறைய சன்ப்ளவர் எண்ணெய் விட்டு வதக்கிய உருளைக்கிழங்கு பொரியல், இரவு சப்பாத்தி 4, பனீர் டிக்கா, சிக்கன் 65 போன்றவைகளை சாப்பிடுகிறேன். குறைவாகச் சாப்பிட்டால் விரைவில் எடை குறையும் என்பதற்காக நானே சொந்தமாக ஜிந்திச்சி இப்படி டயட் சார்ட் எடுத்துக்கொண்டேன், இது சரியான டயட்தானா?

 வேலை மெனெக்கெட்டு டயட் சார்ட் கொடுப்பது அதை அப்படியே கடைபிடிக்கவேண்டும் என்பதற்காகத்தான், மேலே உள்ள உணவுகளில் சூரியகாந்தி எண்ணெய், பொரித்த உணவுகள், பிஸ்கெட், சோறு, சப்பாத்தி போன்றவைகளால் உங்கள் எடை கூடும், எண்ணெயில் பொரித்த சிக்கன் 65 போன்றவைகளால் உங்கள் உடலில் கெட்ட கொழுப்புகளின் அளவுகள் கூடும் எனவே தயவுசெய்து உங்கள் ஜிந்தனைகளை ஓரம்கட்டிவிட்டு கொடுத்துள்ள டயட் சார்ட்டின்படி வயிறு நிரம்ப சாப்பிடுங்கள். குறைவாகச் சாப்பிடுவது, கலோரி கணக்குகள் இங்கே உதவாது. பசியுடன் இருக்கவைக்கும் எந்த டயட்டும் நல்ல டயட் இல்லை.

என் எடை 105 கிலோ, எனக்கு சர்க்கரை குறைபாடு, பிபி, தைராய்ட் எல்லாம் உண்டு, நான் பேலியோவை கடுமையாக கடைபிடித்துவிட்டு என் எடையை 75 கிலோவுக்குக் குறைத்துவிட்டு, சர்க்கரை, பிபி எல்லாம் நார்மலாக்கிவிட்டு பிறகு சாதாரணமாக நான் சாப்பிடலாமா?

தாராளமாகச் சாப்பிடலாம், ஆனால் அப்படிச் சாப்பிட ஆரம்பித்த உடன் உங்கள் எடை ஏறும், சர்க்கரை, பிபி அளவுகள் கூடும், பழைய படி எடையில் செஞ்சுரி அடித்து மேல் மூச்சு வாங்க மீண்டும் பேலியோவுக்குத்தான் ஓடிவருவீர்கள்.

அப்படி என்றால் காலம் பூராவும் நான் பேலியோவைத்தான் உண்ணவேண்டுமா?

கிட்டத்தட்ட ஆமாம். காலம்பூரவும் அரிசி, கோதுமை, சுத்திகரிக்கப்பட்ட எண்ணெய், சர்க்கரை, இனிப்புகள், குப்பை உணவுகள் மானாவாரியாக உள்ளே தள்ளி உடல் நிலை கெட்டபோது வராத இந்தக் கேள்வி ஏன் பேலியோவுக்கு மட்டும் வருகிறது என்பதை யோசியுங்கள். உங்களின் சாதாரண உணவுகள் உங்கள் உடலுக்கு உபாதைகள் தருகின்றன, பேலியோ உங்களுக்கு ஆரோக்கியத்தையும், ஆயுளையும் கூட்டுகிறது என்றால் எதை நீங்கள் வாழ்நாள் முழுவதும் உண்பீர்கள் என்பதற்கான விடையை நீங்கள்தான் தேர்ந்தெடுக்கவேன்டும்.

ஏன் காபி குடிக்கக்கூடாது? என்னால் காபி குடிக்கமுடியவில்லை என்றால் நான் இறந்தேவிடுவேன்.

இல்லை நீங்கள் இறக்கமாட்டீர்கள். காபி என்பது ஒரு போதைதான், இருதயத்துக்கு பலமான அதிர்ச்சி கொடுக்கும் இந்தப் பானம்தான் உங்களின் ரத்த அழுத்தத்திற்கான முழு முதல் காரணி. நீங்கள் 50 வருடம் தினம் 10 லோட்டா காபி குடிப்பவர்களாகக் கூட இருங்கள், 1 வாரம் காபி குடிக்காமல் இருந்துவிட்டால் அதன்பிறகு இப்படி ஒரு பானத்திற்காகவா உயிர்விடத் துணிந்தோம் என்று நீங்களே உங்களைப் பார்த்து கேட்கும் நிலை வரும். ஆம், காபி குடிப்பதை விட்டால் முதல் 3-4 நாட்களுக்கு தலை வலிக்கும், நன்றாக நெற்றியில் சுக்கை பாலில் அரைத்து பற்றுப் போட்டுவிட்டு கம்மென்று படுத்து விடுங்கள், 5-ம் நாள் காபி எனும் போதை உங்கள் வாழ்விலிருந்து ஒழிந்துவிடும். இது நரசுஸ் மீது ஆணை. கேவலம் ஒரு காபியைக் கூட உணவிலிருந்து ஒழிக்கமுடியாவிட்டால் நம்மால் எந்த டயட்டையும் எடுத்து உடல் நலம் பேண முடியாது.

வேறு வழியே இல்லை என்றால்..

காபிக்கு மாற்றாக புல்லட் ப்ரூப் காபி, பட்டர் டீ, க்ரீன் டீ போன்றவைகள் எடுக்கலாம்.

புல்லட் ப்ரூப் காபி செய்முறை - இங்கே.

பட்டர் டீ செய்முறை - இங்கே

பேலியோ டயட் ஆரம்பித்த உடன் எனக்கு மலச்சிக்கல் வருகிறது. வயிறு வலிக்கிறது, பேதி ஆகிறது, தலை வலிக்கிறது, சோர்வாக உணர்கிறேன்.

ஆரம்பகட்டத்தில் உடல் கார்போஹைட்ரேட் மூலம் சக்தி கிடைப்பதிலிருந்து கொழுப்பு மூலம் உடலுக்குத் தேவையான சக்தி கிடைக்கும் வழி மாறுவதற்கான அறிகுறிகள்தான் மேலுள்ளவை. பெரும்பாலும் ஒரு வாரத்திறகுள் இவை சரியாகி புத்துணர்ச்சி பெறுவீர்கள். டயட் சார்ட்படி டயட் எடுத்தாம் மட்டுமே இது பொருந்தும், உங்கள் இஷ்டத்திற்கு சாப்பிடுவதாலும் மேலுள்ள பிரச்சனைகள் வரலாம். தண்ணீர் சரியான அளவு குடிக்காமல் விட்டாலும் மேலுள்ள பிரச்சனைகள் வரலாம்.

மலச்சிக்கல் நீங்க பேலியோ காய்கறிகள், தினம் ஒரு கீரை, காலை எழுந்த உடன் வெதுவெதுப்பான நீர், போன்றவை உதவும். அதிக காய்கறிகள், சரியான நீர் மலச்சிக்கலிலிருந்து நிவாரணம் தரும்.

பேலியோ எடுத்தது முதல் தாகம் அதிகமாக இருக்கிறது, வாய் உலர்ந்து போகிறது, கண் எரிச்சலாக இருக்கிறது.

தண்ணீர் அதிகம் குடிக்கவேண்டும், கொழுப்பு சார்ந்து தானியம் தவிர்த்து டயட் எடுக்கும்பொழுது உடலில் முதலில் ஏற்படும் எடை இழப்பு என்பது தானியம் சாப்பிட்டதால் உடல் தேக்கி வைத்திருக்கும் நீர் எடையே. இந்த உடல் நீர் வற்றும்பொழுது தாகம் எடுக்கும், எனவே பேலியோவில் தண்ணீர் அதிகம் குடிக்கவேண்டும். 3-4லிட்டர் தண்ணீராவது குடிப்பது அவசியம். வாய் உலர்ந்து போகுதல், கண் எரிச்சல் போன்றவை உடலில் கொழுப்பு எரிவதாலும் நிகழலாம் அல்லது நீங்கள் அளவு குறைவாக சாப்பிடுவதாலும் நிகழலாம்.  

பேலியோவில் சைவம் சாப்பிடுபவர்களுக்கு டயட் இல்லையா? நான் முட்டை கூட சாப்பிடமாட்டேன், எனக்கு பேலியோ டயட் கடைபிடிக்க முடியுமா?

முடியும். தெளிவாக இந்தத் தளத்தில் குறிப்பிடப்பட்டுள்ளது. உங்களுக்குத் தேவையான டயட்டில் மட்டுமே கவனம் செலுத்தவும். எல்லாவகை உணவுப் பழக்கவழக்கம் உடையவர்களுக்கும் டயட் சார்ட் தேவைப்படுவதால், விருப்பு, வெறுப்பு, மதம், கடவுள், ஜாதி இன்னபிறவற்றை உடல்நலம் காக்கும் உணவுக்குறிப்புகளுடன் சேர்த்து குழப்பிக்கொள்ளவேண்டாம்.

மேலே தெளிவாக டயட் சார்ட் கொடுக்கப்பட்டும் எனக்கு எழும் சந்தேகங்கள் பின்வருமாறு:
டேட்ஸ், ஓட்ஸ், சிறு தானியங்கள், வேர்க்கடலை, முந்திரி, தேன், வெல்லம், கருப்பட்டி, ஸ்டீவியா, சுகர் ப்ரீ மாத்திரைகள், காபி, டீ, பூஸ்ட், ஹார்லிக்ஸ், வெந்தய தோசை, மசாலாதோசை, கேஎப்சி/மெக்டொனால்ட் சிக்கன், போன்ற நீங்கள் டயட் சார்ட்டில் குறிப்பிடாத உணவுகளைச் சாப்பிடலாமா?

கூடாது.

தெள்ளத் தெளிவாக இந்த பேலியோவின் அடிப்படையிலான டயட் சார்ட் என்பது ஒருவருக்குத் தேவையான ஊட்டச்சத்து மற்றும் கொழுப்பு சார்ந்த அடிப்படையைக் கொண்டு அளிக்கப்பட்டிருக்கிறது. டயட் சார்ட்டில் குறிப்பிட்டதைவிட குறைவாகச் சாப்பிடுவது, மற்ற உணவுகளைக் கலந்து சாப்பிடுவது. ஹெர்பாலைப், கொள்ளு பவுடர், மூலிகைகள், சிட்டுக்குருவி லேகியம் போன்றவைகளை சேர்த்து உண்பது என்பது கூடாது.

பேலியோ டயட் எடுக்கும்பொழூது சரக்கடிக்கலாமா?
பேலியோ டயட் என்று இல்லை, ஆரோக்கியமான வாழ்க்கைக்கு சாராயமும் சிகரெட்டும் கூடவே கூடாது. ஆண்டுக்கணக்கில் சிகரெட்டும், சரக்குமாக இருந்த நண்பர்கள் பேலியோ டயட் எடுத்தபிறகு அதிலிருந்து முற்றிலும் வெளியே வந்து இருக்கிறார்கள். உண்மையிலேயே உங்களுக்கு இந்தப் பழக்கங்களிலிருந்து வெளியேற விருப்பம் இருந்தால் இந்த டயட் அதற்கு உதவும். சரக்கடிக்க பேலியோ டயட்டை சைட் டிஷ்ஷாக உபயோகப்படுத்தினால் நிச்சயம் குடிப்பதால் உடலுக்கு ஏற்படும் பிரச்சனைகளை நீங்கள் எதிர்கொண்டுதான் ஆகவேண்டும்.

கூகுள் தளத்தில் பேலியோ என்று தேடினால் வரும் ரிசல்டுகளில் சொல்லப்படுபம் விஷயங்களுக்கும், இந்தக் குழுவில் சொல்லப்படும் விஷயங்களுக்கும் சில வேறுபாடுகள் இருக்கிறதே?

ஆம். ஆரோக்கியம் நல்வாழ்வுக் குழுவில் நமது மக்களுக்கு ஏற்றவாறு பல மாற்றங்களை பேலியோ டயட்டில் செய்திருக்கிறோம். உலகின் முழு முதல் முட்டை கூட இல்லாத சைவ பேலியோ டயட்டும் இந்தக் குழுவில்தான் தயாரிக்கப்பட்டுள்ளது. மிருகங்களின் மூலம் பெறப்படும் கொழுப்புணவுதான் அதிக நன்மைகளைத் தரும் என்றாலும், பிறப்பிலிருந்தே சைவ உணவுப் பழக்கத்தை வழக்கமாகக் கொண்டு பல காரணிகளால் அசைவம் சாப்பிட முடியாதவர்களுக்காக உடலுத் தேவையான பல ஊட்டச்சத்துக்களைக் கருத்தில் கொண்டு இந்த சைவ டயட் தயாரிக்கப் பட்டுள்ளது.

சைவ பேலியோ, அசைவ பேலியோ எது சிறந்தது?

பேலியோ என்றாலே அசைவம்தான், மனிதன் நெருப்பே கண்டுபிடிக்காத காலத்தில் சைவத்தை விட அசைவமே அவனுக்குத் தெரிந்த பிரதான உணவாக இருந்தது. ஆக அசைவ பேலியோவே சிறந்தது, உடல் எடை குறைப்புக்கு மட்டும் என்றால் சைவ பேலியோவும், நடை பயிற்சியுமே போதுமானது. உடல் பிரச்சனைகளோடு டயட் கேட்பவர்கள் குறைந்தபட்சம் முட்டையாவது சாப்பிடத் தயார் என்றால் அவர்களுக்கு பலனலளிக்கக் கூடிய டயட் பேலியோவில் கிடைக்கும். நீங்கள் பால் குடிப்பீர்கள் என்றால் முட்டையும் அதைப் போலத்தான் என்று நினைத்துக்கொள்ளவும். முடியவே முடியாத மனத்தடை என்றால் வேண்டியதில்லை, மனத்தடையோடு எந்த புதிய முயற்சியும் நன்மை தராது. 


பேலியோ பற்றி தமிழில் ஏதேனும் புத்தகம் வந்துள்ளதா?

நமது குழுமம் சார்பிலேயே நியாண்டர் செல்வன் அவர்களின் முக்கிய பதிவுகள் தொகுக்கப்பட்டு பிடிஎஃப் வடிவில் இலவச புத்தகமாக வெளியிடப்பட்டுள்ளது. குழுமத்தில் இருப்பவர்கள் கீழே உள்ள இணைப்பைச் சொடுக்கவும்.

http://paleogod.blogspot.in/2015/08/munnor-unavu-pdf-first-tamil-paleo-guide.html

என்னால் தடாலடியாக பேலியோவுக்கு மாறமுடியாது, ஆனாலும் நான் பேலியோவுக்கு மாற விரும்புகிறேன், சிறிது சிறிதாக பேலியோவுக்கு மாற வழிமுறை உள்ளதா?

உள்ளது. திரு.கோகுல் குமரன் அவர்களின் படிப்படியாக பேலியோ உணவுமுறைக்கு மாறும் இந்த கையேடு உங்களுக்கு உதவும்.

https://www.facebook.com/groups/tamilhealth/262831150574038/

பேலியோ டயட் பற்றிய சுலபமான புரிதலுக்காக டிப்ஸ் எதாவது? 

உணவு என்றாலே டிப்ஸ் இல்லாமலா? கோகுல் குமரன் அவர்கள் தொகுத்த பேலியோ டிப்ஸ் உங்களுக்காக.

இங்கே

http://paleogod.blogspot.in/2015/08/paleo-diet-tips.html

http://paleogod.blogspot.in/2015/08/paleo-diet-for-dummies.html

தைராய்டு பற்றி அறிய விரும்புகிறேன் விவரங்கள் தரவும்.

http://paleogod.blogspot.in/2015/08/thyroid-diet.html


http://paleogod.blogspot.in/2015/08/cholesterol-gout-hyperuricemia.html

HbA1C டெஸ்ட் என்றால் என்ன? டயபடிஸ் பரிசோதனைக்கு ஏன் இந்த டெஸ்ட் எடுக்கவேண்டும்?

http://paleogod.blogspot.in/2015/08/what-is-hba1c-test-hba1c-by-muthuraman.html




நான் 30 நாட்கள் பேலியோ முயற்சிக்கலாம் என்று இருக்கிறேன், எனக்கு எவ்வளவு செலவாகும்? நான் என்னென்ன வாங்கவேண்டும்?

இணைப்பைப் பார்க்கவும் 30 நாட்கள் பேலியோ சாலஞ்ச்.

http://paleogod.blogspot.in/2015/08/30-days-paleo-challenge-30.html


கெஃபிர் என்றால் என்ன? What is Kefir?

http://paleogod.blogspot.in/2015/09/kefir-probiotc-kefir.html 


பேலியோவில் என் எடை திடீரென்று குறையாமல் அப்படியே நின்றுவிட்டது, காரணம் என்ன?

http://paleogod.blogspot.in/2015/09/weightloss-stages-in-paleo.html

கர்பமாக இருக்கும் சமயம் பேலியோ டயட் எடுக்கலாமா? 

http://paleogod.blogspot.in/2015/10/pregnency-paleo-diet.html


(புதிய கேள்விகளும் அதற்கான பதில்களும் தொடர்ந்து இந்தத் தளத்தில் அப்டேட் செய்யப்படும்..)

பேலியோ டயட் எடுப்பதற்கு முன்னால் செய்யவேண்டிய பரிசோதனைகள் Tests before starting Paleo Diet.

முழு உடல் பரிசோதனை. இது இங்கே அடிக்கடி கேட்கப்படும் கேள்வி. பேலியோ ஆரம்பிக்குமுன் எந்த மாதிரியான உடல் பரிசோதனை செய்யவேண்டும் என்பது எல்லோருக்கும் எழும் சந்தேகம். கீழே உள்ள பரிசோதனைகளை அருகில் இருக்கும் நல்ல லேபில் காலை வெறும் வயிற்றுடன் சென்று எடுத்து அந்த ரிப்போர்ட்டில் உள்ள பிரச்சனைகளை அறிந்துகொண்டு அதற்கேற்ப டயட் துவங்க வேண்டும். 
 

டயட் எடுத்த பிறகு, தேவையான எடை குறைப்பு அடைந்தபிறகு மீண்டும் மேல் கூறிய டெஸ்ட்களை எடுக்கும்பொழுது டயட்டால் உங்களுக்குக் கிடைத்த பலன் என்ன என்பது தெரியவரும். 

--



இந்த டெஸ்ட் எல்லாம் சகாய விலையில் உங்கள் அருகாமையில் உள்ள ரத்தப் பரிசோதனை நிலையங்களில் எடுத்துக்கொள்ளவும். மீண்டும் டயட்டிற்குப் பின்னான டெஸ்ட்டையும் அதே லேபில் பரிசோதிக்கவும்.


நாட்பட்ட டயபடிஸ், க்ரியெட்டின் அளவுகள் அதிகம் போன்றவை இருந்தால் eGFR & Microalbumin Urea போன்ற கிட்னியின் செயல்திறன் அறியும் டெஸ்ட்களையும் சேர்த்து எடுத்துக்கொள்ளவும், இந்தப் பரிசோதனைகளை வருடம் ஒருமுறை செய்து கிட்னியின் ஆரோக்கியத்தை அறிந்துகொள்ளவும்.
  

பேலியோ டயட் எடுப்பதற்கு முன்னால் செய்யவேண்டிய பரிசோதனைகள் Tests before starting Paleo Diet.

முழு உடல் பரிசோதனை. இது இங்கே அடிக்கடி கேட்கப்படும் கேள்வி. பேலியோ ஆரம்பிக்குமுன் எந்த மாதிரியான உடல் பரிசோதனை செய்யவேண்டும் என்பது எல்லோருக்கும் எழும் சந்தேகம். கீழே உள்ள பரிசோதனைகளை அருகில் இருக்கும் நல்ல லேபில் காலை வெறும் வயிற்றுடன் சென்று எடுத்து அந்த ரிப்போர்ட்டில் உள்ள பிரச்சனைகளை அறிந்துகொண்டு அதற்கேற்ப டயட் துவங்க வேண்டும். 
 

டயட் எடுத்த பிறகு, தேவையான எடை குறைப்பு அடைந்தபிறகு மீண்டும் மேல் கூறிய டெஸ்ட்களை எடுக்கும்பொழுது டயட்டால் உங்களுக்குக் கிடைத்த பலன் என்ன என்பது தெரியவரும். 

--



இந்த டெஸ்ட் எல்லாம் சகாய விலையில் உங்கள் அருகாமையில் உள்ள ரத்தப் பரிசோதனை நிலையங்களில் எடுத்துக்கொள்ளவும். மீண்டும் டயட்டிற்குப் பின்னான டெஸ்ட்டையும் அதே லேபில் பரிசோதிக்கவும்.


நாட்பட்ட டயபடிஸ், க்ரியெட்டின் அளவுகள் அதிகம் போன்றவை இருந்தால் eGFR & Microalbumin Urea போன்ற கிட்னியின் செயல்திறன் அறியும் டெஸ்ட்களையும் சேர்த்து எடுத்துக்கொள்ளவும், இந்தப் பரிசோதனைகளை வருடம் ஒருமுறை செய்து கிட்னியின் ஆரோக்கியத்தை அறிந்துகொள்ளவும்.
  

ரியாக்டிவ் ஹைப்போகிளைசீமியா

ரியாக்டிவ் ஹைப்போகிளைசெமியா

உணவுக்கு பின் சர்க்கரை அளவு மிக குறைந்துவிடுவது தான் ரியாக்டிவ் ஹைப்ப்போகிளைசெமியா
இதற்கு காரணம் உணவில் இருக்கும் உயர் சர்க்கரையே. வருடகணக்கில் ஒவ்வொருவேளையும் 200, 250 கிராம் சர்க்கரை உடலில் சேர்வதை நினைத்துகொள்ளுங்கள். ஒரு பருக்கை உணவு உள்ளே போனதும் உடல் உடனடியாக பர,பர என இன்சுலின் உற்பத்தியை துவக்கிவிடும். துவக்கி தேவைக்கு அதிகமான இன்சுலினை உற்பத்தி செய்துவிடும். உண்டபின் இன்சுலின் சுரப்பு அதிகம் ஆகி தலைசுற்றல், மயக்கம் எல்லாம் வரும்.
லோ கார்ப் டயட்டால் இது குணம் ஆகுமா? ஆகும். ஆனால் உடனடியாக ஆகாது. இத்தனை வருட உணவுபழக்கத்தில் நீங்கள் ஏராளமான கொழுப்பை உண்டாலும், உடல் ஆட்டோபைலட்டில் இன்சுலினை உற்பத்தி செய்யும். உங்கள் உணவில் சர்க்கரை இல்லை என்பதை உடல் உணர சிலகாலம் ஆகலாம்.
அதனால் ரியாக்டிவ் ஹைப்போகிளைசெமியா உள்ளவர்கள் லோ கார்ப் செல்லுமுன் பின்வரும் உத்திகளை பயன்படுத்தலாம்.

கொஞ்சம், கொஞ்சமாக உணவில் கொழுப்பின் சதவிகிதத்தை அதிகபடுத்தி வருவது.
கொழுப்பு அதிகம் உள்ள தேங்காய் மாதிரி உணவை உட்கொள்வது

கொழுப்பு நிரம்பிய உணவை உண்டபின் க்ளுகோஸ் மாத்திரைகளை எச்சரிக்கையுடன் கையில் வைத்திருப்பது.
கைப்போகிளைசெமியா தாக்குவது போல் தெரிந்தால் உடனடியாக அதை உட்கொள்வது
சிலருக்கு 2 - 3 மணிநேரத்துக்கு ஒரு முறை உண்ண சொல்லி மருத்துவர்கள் பரிந்துரைப்பார்கள். சிலர் ஐந்து - ஆறுமணிநேரத்துக்கு ஒருமுறை உண்பது பலனளிக்கும். இதை ட்ரயல் அன்ட் எர்ரர் முறை மூலமே கண்டறிய முடியும்.

துவக்கத்தில் கொழுப்பும், சிறிது கார்பும் சேர்த்து கொள்ளலாம். மெதுவாக கொழுப்பின் சதவிகிதத்தை அதிகரித்து வாருங்கள். உதா: தோசை 3 உண்பதற்கு பதில் 2 முட்டை+ 1 தோசை என சேர்த்து நாள்போக்கில் மூன்று முட்டைக்கு மாறலாம். கார்பை முழுக்க துவக்கத்தில் இதுக்கவேண்டாம். புரதமும் அதிக அளவில் வேண்டாம். ஐம்பது அறுபது கிரமுடன் நிறுத்திவிட்டு கொழுப்பையும், நார்சத்தையும் சேர்க்கவும். தேங்காய், நட்ஸ், வெண்ணெய் எல்லாம் இதற்கு சரியான உணவுகள்.

லோ கார்புக்கு மாறுகையில் அடுத்த 1- 2 மணிநேரம் உடன் யாராவது இருக்குமாறு பார்த்துகொள்ளவும். க்ளுகோஸ் மாத்திரை கையில் வைத்திருக்கவும். உடல் லோ கார்ப் டயட்டுக்கு பழகியபின் இன்சுலினின் ஆட்டம் தானே குறைந்துவிடும்.

துவக்க நிலை பேலியோ டயட் சார்ட் - Paleo diet for beginners (Veg & Non Veg)

Paleo diet for beginners

பேலியோ துவக்கநிலை டயட்

முன் எச்சரிக்கை:

இந்த டயட் மருத்துவரால்/ டயட்டிசியனால் எழுதபட்டது கிடையாது. சராசரி குடிமகனால் சொந்த அனுபவம், படித்து தெரிந்துகொண்டது ஆகியவற்றின் பேரில் எழுதபட்டது. டயட்டை துவக்குமுன் மருத்துவர் அறிவுரையை கேட்டுகொன்டு பின்பற்றூவது நலம்

இந்த டயட்டில் கொலஸ்டிரால் & எல்டிஎல் ஏறும். சுகர் இறங்கும். பிளட் பிரஷர் கட்டுபாட்டில் வரும். இதயத்துக்கு எந்த ஆபத்தும் கிடையாது.

இந்த டயட்டில் சுகர் இறங்குவதால் அதற்கு தகுந்தபடி சுகர் மாத்திரை அளவை மருத்துவர் அறிவுரையின் பேரில் குறைத்துகொள்வதும், சுகர் லெவலை அடிக்கடி மானிட்டர் செய்து லோ சுகர் ஆகாமல் பார்த்துகொள்வதும் அவசியம்.

இது பொதுவாக சுகருக்கும், எடைகுறைப்புக்கும் எழுதபட்டது. அத்துடன் வேறு எதாவது சிக்கல்கள், வியாதிகள் (உதா: கிட்னி பிரச்சனை) இருந்தால் அம்மாதிரி பிரச்சனைகளை மனதில் வைத்து இது எழுதபடவில்லை. அம்மாதிரி சூழலில் இதை மருத்துவ ஆலொசனை இன்றி பின்பற்றவேண்டாம்.

——-

இந்த டயட்டில் தானியத்தை எந்த அளவு தவிர்க்கிறீர்களோ அந்த அளவு நல்லது. காலரி கணக்கு பார்க்கவேண்டியது இல்லை. பசி அடங்கும் வரை உண்ணலாம்.

விதிகள்:

மூன்று வேளையும் வீட்டில் சமைத்த உணவு மட்டுமே
சர்க்கரை, தேன், இனிப்புகள், கோக்/பெப்சி உணவகத்தில் சமைத்தது, பேக்கரி பொருட்கள், இனிப்பு, காரம் அனைத்தும் தவிர்க்கணும்

அசைவ டயட்:

மீல் 1:

3 முட்டை ஆம்லட். முழு முட்டை. வெள்ளைக்கரு அல்ல. மஞ்சள் கருவும் சேர்த்து. தேவைப்பட்டால் 4 முட்டை ஆம்லட் கூட உண்ணலாம். பிரச்சனை இல்லை. பசி அடங்குவது முக்கியம். சமையல் எண்ணெய் நெய். நாட்டுகோழி முட்டை மிக சிறப்பு. முட்டையை ஸ்க்ராம்பிள், ஆஃப்பாயில், புல்பாயில் என எப்படியும் உண்ணலாம்.

மீல் 2:

100 கிராம் பாதாம் அல்லது பிஸ்தா அல்லது வால்நட்ஸ், மாகடமியா நட்ஸ்.நெய்யில் வணக்கி உண்ணலாம், ஊறவைத்தும் உண்ணலாம்.

OR

நட்ஸ் விலை அதிகம் என கருதுபவர்கள் காளிபிளவர் ரைஸ், சிக்கன்/மட்டன் சூப் சேர்க்கலாம்

OR

பாதாம் விலை அதிகம் எனக் கருதுபவர்கள் காலை உணவாக ‘திபெத்திய பட்டர் டீ’ உட்கொள்ளலாம். (அதன் செய்முறை விளக்கம் கொடுக்கப்பட்டுள்ளது.)

மீல் 3:

பாயில் / க்ரில் செய்த சிக்கன்/மட்டன்/ மீன். அளவு கட்டுபாடு இல்லை. வாணலியில் வறுத்தால் சமையல் எண்னெயாக நெய் பயன்படுத்தவும்
ஸ்னாக்: தினம் 1 கப் முழு கொழுப்பு உள்ள பால் அல்லது 50 கிராம் முழு கொழுப்பு உள்ள சீஸ்

சைவ டயட்:

மீல் 1: 100 கிராம் பாதாம் அல்லது பிஸ்தா அல்லது வால்நட்ஸ் அல்லது முந்திரி.பாதாம் விலை அதிகம் எனக் கருதுபவர்கள் காலை உணவாக ‘திபெத்திய பட்டர் டீ’ உட்கொள்ளலாம்

மீல் 2: காளிபிளவர் அரிசி வித் காய்கறி. காளிபிளவரை மிக சின்ன அரிசி சைஸ் துண்டுகளால்க நறுக்கி இட்டிலி பாத்திரத்தில் ஸ்டீம் செய்து எடுத்து அரிசி போல் பாவித்து குழம்பில் ஊற்றி உண்ணவும்
அல்லது காய்கறி சூப் ஏராளமாக பருகவும். உடன் சிறிது தேங்காய். வாரம் 1 நாள் 40 கிராம் கைகுத்தல்/குதிரைவாலி அரிசி எடுத்து சமைத்து உண்ணலாம். அதற்கு மேல் வேண்டாம்.

மீல் 3:   4 முட்டை ஆம்லட். அல்லது பனீர் டிக்கா. 200 கிராம் பனீர்
ஸ்னாக்: 1 கப் முழு கொழுப்பு உள்ள பால்/தயிர். தினம் 100 கிராம் கீரை சேர்த்துகொள்ளவும்
சமையல் எண்ணெய் நெய்/பட்டர்/செக்கில் ஆட்டிய தேங்காய் எண்ணெய்/செக்கில் ஆட்டிய நல்லெண்ணெய் மட்டுமே.

தவிர்க்கவேன்டியவை

பழங்கள் (அவகாடோ, தேங்காய் தவிர்த்து மற்ற எல்லா பழங்களும் தவிர்க்கவேண்டும்)
அரிசி, கோதுமை, சிறுதானியம், ராகி, கம்பு, குதிரைவாலி, பாஸ்மதி, கைகுத்தல் அரிசி, தினை அனைத்தும்
பருப்பு, க்ரீன் பீன்ஸ், மாவு, சோயா, பேபிகார்ன், க்ரீன் பீன்ஸ், பலாக்காய், வாழைக்காய், பச்சை மாங்காய், முளைகட்டின பயறுவகைகள், கொண்டைகடலை, இன்ன பிற கடலை வகைகள், கிழங்கு வகைகள் அனைத்தும், அவரைக்காய், நிலகடலை, எடமாமி, டோஃபு தவிர்க்கவும்.

பேக்கரியில் கிடைக்கும் பொருட்கள் அனைத்தும் தவிர்க்கவும், இனிப்பு, காரம், பேகேஜ் உணவுகள், பிஸ்கட் இன்னபிற கொரிக்கும் உணவுகள்.

கொழுப்பு அகற்றிய பால், 2% பால், 1% பால் அனைத்தும் தவிர்க்கவும்,. முழுகொழுப்பு பாலே உட்கொள்ளவேண்டும்.

அளவு கட்டுபாடு இன்றி உண்ணகூடியவை

மாமிசம், மீன், முட்டை, பனீர் அல்லது சீஸ் ,காய்கறிகள்,கீரைகள் (உருளை, கேரட், கிழங்குவகைகள் தவிர்த்து)

தவிர்க்கவேண்டிய இறைச்சி:

சாஸேஜ், ஸ்பாம் முதலான புராசஸ் செய்யபட்ட இறைச்சி தவிர்க்கவேண்டும்
கொழுப்பு அகற்றப்பட்ட லீன் கட்ஸ் வகை இறைச்சி, தோல் இல்லாத கோழி
கருவாடு (மிதமான அளவுகளில் உண்னலாம். தினமும் வேண்டாம்)
முட்டையின் வெள்ளைகரு மட்டும் உண்பது தவிர்க்கபடவேண்டும். முழு முட்டை உண்னவேண்டும்
எண்ணெயில் டீஃப் ப்ரை செய்த இறைச்சி

———————————————————————————————————————————————————

இது முகநூலில் இயங்கும் ஆரோக்கி யம்& நல்வாழ்வு எனும் குழுமத்திற்கான டயட். இதில் மேலும் கேள்விகள் இருந்தால் இக்குழுவில் இணையவும். இக்குழுவின் பதிவுகளை முன்னோர் உணவு எனும் முகநூல் பக்கத்திலும் படிக்கலாம்.

பேலியோ டயட் என்றால் என்ன? What is Paleo Diet?

பேலியோ டயட் என்றால் என்ன?

பேலியோ டயட் என்றால் என்ன?

பெலியோலிதிக் காலம் என்பது சுமார் 10,000 ஆண்டுகளுக்கு முந்தைய, விவசாய காலகட்டத்துக்கு முந்தைய கற்காலத்தை குறிக்கும். கற்காலத்தில் அரிசி, பருப்பு, காபி, பீன்ஸ், உருளைகிழங்கு, சோயா, சோளம், கோதுமை, சிறுதானியங்கள், எண்ணெயில் பொறித்த உணவுகள் இல்லை. மக்களின் உணவு சுட்ட இறைச்சியும் சில காய்கறிகளுமே.

தானியம், சர்க்கரை அற்ற இந்த உணவை உண்ட வரை மக்களுக்கு டயபடிஸ், பிளட்பிரஷர், மாரடைப்பு, சைனஸ், ஆஸ்துமா, -ஹைப்போதய்ராய்டிசம், காக்கை வலிப்பு, சொரியாசிஸ், விடில்கோ (வெண்திட்டுக்கள்), கான்சர் முதலான நகர்ப்புற மனிதனின் வியாதிகள் இல்லை. தானிய உணவை உண்டபின்னரே இவ்வியாதிகள் மனிதரை சூழந்தன‌

பேலியோ டயட்டில் என்ன சாப்பிடலாம்?
முட்டை
இறைச்சி, மீன்
பேலியோ காய்கறிகள்
மூலிகைகள்
தண்ணீர்
பாதாம், வால்நட் முதலான கொட்டைகள் (நிலகடலை அல்ல)
சிறிதளவு பால், தயிர் சுவைக்கும் கால்சியத்துக்கும் சேர்க்கிறோம்

இவற்றை எந்த அளவுகளில் சாப்பிடலாம்?
அளவுகணக்கு எதுவும் இல்லை. முட்டை, இறைச்சி ஆகியவற்றை வயிறு நிரம்பும்வரை உண்ணலாம். பசி
அடங்கியபின் சாப்பிடுவதை நிறுத்திவிடலாம்.

எம்மாதிரி முட்டை, இறைச்சி சாப்பிடவேண்டும்?
முழு முட்டையும் சபபிடவேண்டும். இறைச்சிகளில் கொழுப்பு நிரம்பிய இறைச்சியே நல்லது. கொழுப்பு குறைவான கருவாடு, சிக்கன் பிரெஸ்ட் போன்றவற்றை குறைவாக அல்லது அளவாக சாப்பிடுங்கள். எக் ஒயிட்ஸ் மட்டும் சபபிடுவது, ஸ்கிம் மில்க் சபபிடுவது போன்றவற்றை தவிர்க்கவேண்டும். பேலியோவில் கொழுப்பே உங்கள் எரிபொருள், சர்க்கரை அல்ல என்பதால் கொழுப்பு நிரம்பிய இறைச்சியாக உண்ணலாம்

எவ்வகை சமையல் முறையை பின்பற்றவேண்டும்?
குக்கரில் வேகவைப்பது, அவன், வாணலியில் சமைப்பது, க்ரில் செய்வது, பேக் செய்வது ஆகியன
செய்யலாம். எண்ணெயில் பொறிப்பதை தவிர்க்கவும்

எவ்வகை சமையல் எண்ணெய் பயன்படுத்தலாம்?
-ஹைட்ரஜனேட் செய்யாத இயற்கை மிருக கொழுப்புகள்: லார்ட் (பன்றிகொழுப்பு), பேகன் க்ரீஸ் (பன்றிக்கொழுப்பு), பீஃப் டாலோ (மாட்டுகொழுப்பு), நெய், வெண்ணெய்
-ஹைட்ரஜன்நேட் செய்யாத கொட்டை எண்ணெய்கள்: தேங்காய் எண்ணெய்
மூன்றாமிடம்: எக்ஸ்ட்ரா வர்ஜின் ஆலிவ் ஆயில், நல்லெண்ணெய்
தவிர்க்கவேண்டியவை: கடலை எண்ணெய், சஃபோலா, சனோலா, சூரியகாந்தி, ரைஸ் ப்ரான் ஆயில், கடுகு எண்ணெய், காட்டசீட் ஆயில், வானஸ்பதி, டால்டா
டயபடிஸ் இருப்பவர்கள் பேலியோ எடுககலமா?
கட்டாயமாக எடுக்கலாம். ஆனால் பேலியோவில் உங்கள் சுகர் அளவுகள் ஏறவே ஏறாது என்பதால் வழக்கமான தானிய உணவுக்கு போடும் அளவு இன்சுலின் ஊசி, மாத்திரை போட்டால் லோ சுகர் அபாயம் வரும்…ஆக பேலியோ எடுக்கும் முதல் நாளே இன்சுலின் ஊசி அளவை குறைக்கும் நிலை அல்லது சுத்தமாக நிறுத்தும் இனிய பிரச்சனையை நீங்கள் சந்திப்பீர்கள். சுகர் அளவுகளை தொடர்ந்து மானிட்டர் செய்து, இன்சுலின் ஊசி அளவை குறைத்து வரவும்

பேலியோ டயட்டின் பின்விளைவுகள் என்ன?
முதல் சில நாட்கள் தலைவலி, களைப்பு போன்றவை இருக்கும். நீர் அதிகமாக பருகி வரவும். முதல் சிலநாட்கள் உடல்பயிற்சி வேண்டாம்.அதன்பின் மறைந்துவிடும்

பேலியோவில் துவக்கநிலை தவறுகள் எவை?
பட்டினி கிடத்தல்…இது வேண்டாம். வயிறு நிரம்ப சாப்பிடவும்
குறைந்த காலரி உண்ணுதல்…இதுவும் வேண்டாம்.
கொழுப்பை சாப்பிட பயபடுதல்…..இதுவும் தவறு, முட்டையின் மஞ்சள் கரு, சிகப்பிறைச்சி ஆகியவையே உங்கள் எரிபொருள். இதை பயமின்றி உண்ணவும்

எத்தனை நாளுக்கு ஒருமுறை பிரேக் எடுக்கலாம்?
துவக்கத்தில் மாதம் ஒரு நாள் மட்டுமே பிரேக் எடுக்கலாம். அன்றும் குப்பை உணவுகள், எண்ணெயில் பொறித்த உணவுகள், ஐஸ்க்ரீம் எலலம் சாப்பிடவேண்டாம். பேலியோவில் 1 மாதம் இருந்து குப்பை உணவை ஒரே ஒரு நாள் உண்டாலும் வயிறு கடுமையான ரியாக்சன் காட்டும். விரும்பினால் அன்று அரிசி, இட்டிலி, பழங்கள் முதலையவற்றை உண்டு சீட் செய்யவும். இனிப்பு, துரித உணவகம், நூடில்ஸ் குப்பைகள் பக்கமே போகவேண்டாம்

எம்மாதிரி உடல்பயிற்சி செய்யவேண்டும்?
30- 45 நிமிட மெதுநடை, ஜிம்முக்கு சென்று பளுதூக்குவது, சைக்கிளிங் , கிரிக்கட் மாதிரி விளையாட்டுக்கள் ஆகியவற்றை செய்யலாம். ஓடுதல், ஜாகிங், கடும் பயிற்சிகள் ஆகியவை அவசியமில்லை என்பதுடன் ஆபத்தும் கூட.

எனக்கு சொரொயாசிஸ், -ஹைப்போதையாரிடிசம், பிகாட் மாதிரி ஸ்பெசலான சில வியாதிகள் உள்ளன. நான் பேலியோ பின்பற்றலாமா?
கட்டாயமாக செய்யலாம். இதற்கான தனி டயட்டுகள் உள்ளன. ஆரோக்கியம், நல்வாழ்வு குழுமத்தில் பதிவு செய்து டயட் கேளுங்கள்.

நான் சைவம்..பேலியோவில் எம்மாதிரி தேர்வுகள் எனக்கு உள்ளன?
பேலியோவில் குறைந்தது முட்டையாவது தினம் சாப்பிட தயாராக வேண்டும்.. 90% வியாதிகளை முட்டையை அடிப்படையாக கொண்ட எஜிட்டேரியன் டயட்டால் துரத்த முடியும். முட்டையும் சாப்பிடவில்லை எனில் எடைகுறைப்பு, பிரசர், சுகர் முதலானவற்றை சற்று சிரமபட்டு குறைக்க முடியும். -ஹார்மோன் சிக்கல், ஆண்மைகுறைவு, ஆட்டோஇம்யூன் வியாதிகள், சொரஇயாசிஸ் போன்ற சிக்கலான பிரச்சனைகளை ஒன்று அதனால் தீர்க்க இயலாது. அல்லது யோகி நிலைக்கு சென்று கடும் பத்தியம் இருக்கும் நிலைக்கு தள்ளப்படுவீர்கள்.

நான் பால் கூட குடிக்காத வீகன்…
ராங் நம்பர்….நீங்கள் அழைத்த எண்ணை சரிபார்க்கவும் :-)
கட்டாயம் தினம் 100 பாதாம் சாபிடணுமா?

முடியாதெனில் வேறு தேர்வுகள் உள்ளன. ஆரோக்கியம் நல்வாழ்வு குழுவில் கேளுங்கள்
நான் பேலியோ ஆரம்பித்து ஆகி விட்டது..அடுத்து என்ன செய்யவேண்டும்?
பயணத்தை அனுபவியுங்கள்…எடை இறங்கும்வரை இறங்கட்டும். எடை இறங்குவது நின்றால் வாரியர், கெடொசிஸ் போன்ற அடுத்த கட்டங்களுக்கு செல்லலாம்..ஆரோக்கியம் நல்வாழ்வு குழுவில் அடுத்த கட்ட நடவடிக்கைகள் குறித்து கேள்விகள் கேளுங்கள்.

எண்டோமெட்ரியோசிஸ்: (endometriosis) / Psoriasis சொரியாஸிஸ் தோல்குறைபாடுகளும் பேலியோவும்.

எண்டோமெட்ரியோசிஸ்: (endometriosis)

இது ஒரு வகை ஆட்டோஇம்யூன் வியாதி. பால் பொருட்கள், தானியம், நட்ஸ், பருப்பு வகைகள் இவற்றை தவிர்க்கவேண்டும். அதாவது உடலில் உள்ள நோயெதிர்ப்பு சக்தி மேலே சொன்ன உணவுகளில் உள்ள சர்க்கரை மற்றும் அலர்ஜின்களால் தூண்டபட்டு உடல் பாகங்களை கண்டமேனிக்கு தாக்குகிறது. நம் வீட்டில் வேலைக்கு இருக்கும் வாட்ச்மேன் மாடியில் டிவியில் வரும் சத்தத்தை ஆபத்து என நினைத்து வீட்டுக்குள் சுடுவதை போன்றது.

நம் நோயெதிர்ப்பு சக்தி கர்ப்பபையில் தாக்குதல் நிகழ்த்துவதால் கர்ப்பபை லைனிங் பாதிப்படைந்து வளர்ச்சி குன்றி என்டோமெட்ரியோசிஸ் வருகிறது. இதே போன்ற பாதிப்பின் ஒரு வகையே சொரியோசிஸ்.

இதற்கான டயட்

காலை: தேங்காய் அரை மூடி அல்லது 3 முட்டை
மதியம்: செக்கில் ஆட்டிய தேங்காய் எண்ணெயில் வணக்கிய காய்கறிகள்
மாலை: கால் கிலோ இறைச்சி

சொரியாசிஸ் புண் ஆக வரும். புண்ணை ஆற்றுவது எளிது. தாக்குதல் நின்றால் புண் ஆறிவிடும். கர்ப்பபை லைனிங் பாதிப்பு மற்றும் ஃபெர்ட்டிலிட்டி என்பது புண்ணை ஆற்றுவதை விட கடினமான விஷயம். எண்டோமெட்ரியோசிஸ் உள்ள சைவர்கள் மருந்து மாதிரி நினைத்து மாமிசம் சாப்பிடுவதாக இருந்தால் மேலே சொன்னதை பின்பற்றலாம். முடியவே முடியாது என்றால் மேலே சொன்ன டயட்டில் காலையில் தேங்காய்/இளநீர் சாப்பிட்டு மாலை 3- 4 முட்டை ஸ்க்ராம்பிள் உண்ணவும். மதியம் காய்கறி உண்ணவும். ஆனால் உடல்நலம் என்பது வியாதிகள் வராமல் தடுப்பது மட்டும் அல்ல..போதுமான ஊட்டசத்துக்களை உடலுக்கு வழங்குவதுமே ஆகும். எலும்பு சூப், கடல் மீன், ஈரல் மாதிரியானவற்றை உண்டால் கர்ப்பபை விரைவில் பலமடையும். அதில் உள்ல ஒமேகா 3 மற்றும் இன்னபிற வைட்டமின், மினரல்கள் எந்த தாவர உணவிலும் இல்லை.

டயட் என்பது நம்மால் முடிந்த முயற்ஸிகளை செய்து உடலுக்கு தன்னை குணபடுத்திகொள்ள நாம் அளிக்கும் தேர்வே. நம் உடலுக்கு நாம் சைவமா, அசைவமா என்பதைபற்று அக்கறை இல்லை. அதற்கு தேவை போதுமான ஊட்டசத்துக்கள் மட்டுமே.

By- Neander Selvan.

இன்சுலினைப் பற்றி அறிந்துகொள்வோம்.- 1. Understanding Insulin - 1

ஒரு பெரிய கோடீஸ்வரன் இருந்தான். அவனிடம் இருக்கும் சொத்துக்கு கணக்கு வழக்கில்லை. ஆனால் தினமும் கோயிலில் பிச்சை எடுத்து உண்டு வந்தான். காரணம் அவன் பணம் எல்லாம் ஒரு வங்கியில் இருந்தது. வங்கியில் பணம் எடுக்கலாம் என போனால் வாட்ச்மேன் அவனை பணத்தை எடுக்கவிடாமல் துரத்திவிடுகிறார்.

யார் அந்த பரிதாபத்துகுரிய கோடீஸ்வரன்?

நாம் தான்.

சுமார் 70 கிலோ எடையுள்ள ஒருவரை எடுத்துக்கொள்வோம். இது ஒன்றும் அதிக எடை அல்ல, பர்பெக்ட் எடை என கூட சொல்லலாம்.

இவரது உடலில் 1500 கலோரி கிளைகோஜெனாக தேங்கியுள்ளது. உடலுக்கு இந்த 1500 கலோரி கிளைகோஜெனை தொட விருப்பமே இருப்பதில்லை. காரணம் அது எமெர்ஜென்சிக்கு என சேமித்து வைத்துள்ள பணம்.

அடுத்ததாக நம் உடலின் செல்களுக்குள் எட்டு கிலோ புரதம் (சுமார் 25,000 கலோரி) உள்ளது. இது கிஸான் விகாஸ் பத்ராவில் உள்ல பணம் போல. இதை உடல் எடுக்கவே எடுக்காது. எடுக்க உடல் அனுமதிக்கவும் அனுமதிக்காது. எடுக்க ரொம்ப சிரம்படவேண்டும் என வைத்துக்கொள்ளுங்கள்.
ஆக மீதமிருப்பது கொழுப்பு மட்டுமே....எழுபது கிலோ ஒல்லியான நபர் உடலில் சுமார் 15 கிலோ கொழுப்பு இருக்கும். இது முழுக்க, முழுக்க அன்றாட தேவைகளுக்கு வேண்டும் என்ற நோக்கில் உடலால் கரண்ட் அக்கவுண்டில் போடபப்ட்ட பணமே. இதில் சுமார் 150,000 கலோரிகள் உள்ளன. நமக்கு ஒரு நாளைக்கு தேவை 2000 கலோரி மட்டுமே. கணக்கு போட்டுபாருங்க, அப்ப எத்தனை மாதத்துக்கு தேவையான கலோரியை நாம் வைத்துள்ளோம் என்று

இதில் கவனிக்க வேண்டிய விஷயம் என்னவெனில் இவர் ஒல்லியான 70 கிலோ நபர் என்பதே. இதே குண்டான நபர் என்றால் அவர் உடலில் பல லட்சம் கொழுப்பு கலோரிகள் கரண்ட் அக்கவுண்டில் எடுக்க தயாராக காத்திருக்கும்.

ஆனால் இன்சுலின் எனும் வாட்ச்மேன் அதை எடுக்க விடாமல் தடுத்துவிடுகிறார்.
சர்க்கரை அதிகமுள்ள தானிய உணவுகளை உண்டால் உடல் கொழுப்பு ஸ்டோரேஜ் மோடுக்கு சென்றுவிடும். அதன்பின் செல்கள் தாம் தேக்கி வைத்திருக்கும் கொழுப்பை எரிக்காது. கிளஒகோஜெனையும் தொடாது. புரதத்தையும் எரிக்க முடியாது. வேறு வழி என்ன? பசி, அகோரபசி தான். பசியைத்தூண்டி நம்மை மேலும் உணவை சாப்பிட்டு எனெர்ஜியை அடைய தூண்டி பட்டினியில் இருந்து உடல் தப்புகிறது. ஆனால் அப்படி சபபிடும் உணவும் சர்க்கரை நிரம்பிய உணவாக இருந்தால் இந்த ப்ராசஸ் மீன்டும் ரிபீட் ஆகிறது
ஆக வங்கியில் பல லட்சம் காலரிகள் நமக்காக காத்திருந்தும் அதை எடுக்க முடியாமல் வாட்ச்மேன்
தடுத்துவிடுகிறார்.

இன்சுலினை வெளியே வராமல் தடுத்தால் வங்கிக்குள் எளிதில் செல்லலாம். கேஷியர் நாம் விரும்பும் அளவு பணத்தை கொடுத்துக்கொண்டே இருப்பார். நாம் அடுத்த சில மாதங்கள் லீவு போட்டுவிட்டு, வேலைக்கே போகாமல் ஜாலியாக வங்கியில் இருக்கும் பணத்தை செலவு செய்யலாம்.

நார்வேயில் 175 கிலோ எடை இருந்த நோயாளி ஒருவர் ஒரு வருடம் வரை எதுவுமே உண்ணாமல் இருந்து உடல் இளைத்தார். அவரது இன்சுலினின் ஆட்டம் அடங்கி உடல் கெடொசிஸுக்கு சென்றவுடன் உடல் தான் தேக்கி வைத்த கொழுப்பை ஜாலியாக எரித்துக்கொண்டே இருந்தது. ஒரு வருடம் எரித்து முடித்தபின்னரே அவர் மீண்டும் உணவை உண்டார்.

ஆக இன்சுலினின் ஆட்டத்தால் நாமெல்லாம் மாடிவீட்டு ஏழையாக இருக்கிறோம்.

By- Neander Selvan.

ஆஸ்துமா காரணிகளும் பேலியோ டயட்டும். Controling Asthma with Paleo Diet.

ஆஸ்துமா

ஆஸ்துமா என்பது மூச்சுப்பாதையில் உருவாகும் இன்ஃப்ளமேஷனால் விளைவது. இதனால் மூச்சுகுழாய் சுருங்குகிறது. காற்று தடைப்படுகிறது. ஆஸ்துமா இருப்பவர்களுக்கின் நுரையீரலில் இருக்கும் பிரான்சியல் டியூப்கள் உள்காயத்தால் சிவந்தும், வீங்கியும் காணப்படும்.

ஆஸ்துமா இருப்பவர்கள் விதைகள் மற்றும் அலர்ஜியை ஏற்படுத்தும் உணவுகளை தவிர்க்கவேண்டும். நட்ஸ் வகைகள் விதைகள் தான் எனினும் துவக்கத்தில் நட்ஸில் உள்ள மக்னிசியம், பி6 வைட்டமின்கள் துவக்கநிலை டயட்டில் நட்ஸ் சேர்க்கலாம். கீழ்காணும் டயட்டும் உணவுகளும் ஆஸ்துமாவுக்கு நிவாரணம் அளிக்கும்.

வைட்டமின் சி: வைட்டமின் சி உள்காயத்தை குணமாக்கும் சக்தி வாய்ந்தது. எலுமிச்சை ஜூஸ், நெல்லிக்கனி முதலானவற்றை உணவில் அடிக்கடி சேர்த்து வரவேண்டும். வைட்டமின் சி ஆஸ்துமா அட்டாக்கின் அறிகுறிகளை குறைக்கும் சக்தி வாய்ந்தது

பி6 வைட்டமின்: பிஸ்தா பருப்பு, கீரை முதலானவற்றில் அதிகம் காணபடும் வைட்டமின் இது. இது ஹிஸ்டாமைன் உற்பத்தியை மட்டுப்படுத்தி ஆஸ்துமாவின் தீவிரத்தை குறைக்கும்
மக்னிசியம்: பாதாம், கீரையில் காணப்படும் மக்னிசியம் நம் தசைகளை ரிலாக்ஸ் செய்யும். நுரையீரல் தசைகளையும் இது ரிலாக்ஸ் செய்வதால் மூச்சுகுழாய் பிரச்சனைகளுக்கு நிவாரணம் கிடைக்கும்
மீன்: ஒமேகா 3 நிரம்பிய மீன்களை அடிக்கடி உணவில் சேர்த்து வருவதால் உள்காயம் குணமடையும். மூச்சுகுழாய் காயங்கள் குணமடையும்

இதுபோக உள்காயத்தை குணமாக்கும் சக்தி வாய்ந்த பச்சை பூண்டு (2 துண்டு), மஞ்சள், துளசி இலை போன்றவற்றையும் உணவில் சேர்க்கவேண்டும்

ஆஸ்துமா டயட்:
காலை: 100 வறுத்த பாதாம் அல்லது 100 கிராம் பிஸ்தா
மதியம்: 200 கிராம் கீரை, 4 முட்டை
டின்னர்: கோழி இறைச்சி, மீன்..எலும்புகளை கடித்து முடிந்தவரை உண்ணவும். பால் சற்று அலர்ஜியை ஏற்படுத்தும் என்பதால் அதை தவிர்ப்பது நல்லது. கோழி எலும்பு, மீன் எலும்பில் உள்ள கால்ஷியம் பதிலுக்கு கால்ஷியத்தை அளிக்கும். ஆட்டுக்கால் சூப், கோழி சூப் போன்றவற்றை அடிக்கடி உணவில் சேர்க்கவேண்டும். வாரம் ஒரு முறை ஈரல் உண்ணவேண்டும்.

வாரம் இரு முறையாவது மீன் உண்ணவும். உண்ணகூடிய எலும்புக்ளை மட்டுமே உண்ணவும். முள் சிக்கிகொள்ளா வண்ணம் எச்சரிக்கையாக இருக்கவும்

உணவுடன் 2 துண்டு பச்சைபூண்டு, துளசி இலை, மஞ்சள் கிழங்கு (பெப்பெருடன்) ஆகியவற்றை சேர்க்கவும்.
ஒரு நாளுக்கு 2- 3 டம்ளர் எலுமிச்சை ஜூஸ் உப்புடன் அல்லது உப்பின்றி பருகவும்
1 ஆப்பிள், 1 பச்சை வாழை ஆகியவற்றை டயட்டில் சேர்க்கலாம். வெஜிட்டபிள் சாலட் சேர்க்கலாம்.
வைட்டமின் டி ஆஸ்துமாவுக்கு மிக முக்கியம் என்பதால் மதிய வெயிலில் அரைமணிநேரம் (12 முதல் 12:30 வரை) கால் அல்லது கையை நேரடி சூரிய வெயிலில் காட்டவும்

உள்காயத்தை ஏற்படுத்தும் குப்பை உணவுகள், தானியம் போன்றவற்றை தவிர்ப்பதால் ஆஸ்துமாவுக்கு நல்ல நிவாரணம் கிடைக்கும். எடையை இறக்குவதும் பலனளிக்கும். மேலே சொன்ன டயட் எடையையும் இறக்கவல்லது.

இதனால் முழுநிவாரனம் கிடைக்குமா என்பது நோயின் தீவிரம், எத்தனை நாட்களாக உள்ளது போன்ற காரணிகளை பொறுத்தே உள்ளது. ஆனால் இதனால் ஆஸ்துமா அட்டாக்கின் தீவிரதன்மை குறையும்.

By-Neander Selvan. 

தானியங்களைத் தவிர்த்தால் குணமாகும் மைக்ரேன் (ஒற்றைத் தலைவலி)

எமில் எல்ம்க்வெஸ்ட் எனும் 17 வயது ஸ்வீடிஷ் மாணவன். குண்டாக இருந்ததால் பேலியோ டயட்டை பின்பற்றி 30 கிலோ இளைத்துள்ளார். அதுதவிர நீண்டநாளாக இருந்த மைக்ரேன் எனும் கடும் தலைவலியும் குணமாகி உள்ளது. மைக்ரேன் வர முக்கிய காரணம் கார்போஹைட்ரேட் சென்சிடிவிட்டி.
ஸ்வீடனில் டயபடிஸ் உள்ளவர்களுக்கு பள்ளிகளில் அளிக்கும் மதிய உணவில் தானியங்களை தவிர்க்க அனுமதி உண்டு. ஆனால் எமில் தனக்கும் தானியம் தவிர்த்த உணவு வேண்டும் என பள்ளி நிர்வாகத்திடம் கேட்க, அதை ஆலோசித்த பள்ளி மருத்துவர் அதை மறுத்துவிட்டார். "மைக்ரேன் வந்தால் மாத்திரை போட்டுக்கொள். டயட் மூலம் குணப்படுத்த வேண்டாம் (!!!)" எனவும் அறிவுரை வழங்கி உள்ளார்!!!!

http://dagbladet.se/…/1.6490630-skolan-vagrar-emil-specialk…

டயபடிஸ் ஏன் வருகிறது?

டயபடிஸ் ஏன் வருகிறது என்பதற்கான விளக்கம் எளிமையானது.
நாம் இன்சுலின் ரெசிஸ்டென்ஸ் எனும் நிலையை அடைந்தவுடன் டயபடிஸ் நம்மை வந்தடைகிறது.
நம் உணவில் நாள் தவறாமல் சர்க்கரை சத்து சேர, சேர இன்சுலினின் தேவையும் அதிகமாகிறது. இன்சுலின் நம் உணவில் உள்ள சர்க்கரையை கொழுப்பாக மாற்றி நம் உடலில் சேகரிக்கும்படி செல்களுக்கு கட்டளை பிறப்பிக்கிறது. உடலால் 2 நாள் தேவைக்கு மேலான குளுகோசை சேமிக்க முடியாது. ஆனால் ஏராளமான அளவு கொழுப்பை உடலால் சேர்க்க இயலும். ஆனால் தினமும் இன்சுலின் பிறப்பிக்கும் இந்த உத்தரவுக்கு கட்டுபடும் நம் உடல் ஒரு கட்டத்தில் இன்சுலின் ரெசிஸ்டென்ஸ் எனும் நிலையை அடைகிறது. இந்த சூழலில் இன்சுலினின் கட்டளையை ஏற்று சர்க்கரையை கொழுப்பாக்க உடல் மறுக்கிறது. உடலில் சர்க்கரை அளவு அதிகரிக்கிறது.

உடலை சொல்பேச்சு கேட்க வைக்க நம் பேன்க்ரியாஸ் மேலும் அதிகமான அளவில் இன்சுலினை சுரக்கிறது. ஒரு கட்டத்தில் தன்னால் இயன்ற அளவு அதிகபட்ச இன்சுலினை பென்க்ரியாஸ் சுரக்கிறது. ஆனால் அந்த அளவு அதிக இன்சுலினயும் எதிர்க்கும் ஆற்ரலை உடல் பெறுகிறது. அதனால் நாம் செயற்கையாக ஊசிமூலம் இன்சுலினை ஏற்றும் நிலைக்கு ஆளாகிறோம்.
உணவில் உள்ள சர்க்கரை அளவை குறைத்தால் இன்சுலின் ரெசிஸ்டென்ஸ் மிக குறைந்துவிடும். டயபடிஸ் வரும் வாய்ப்பும் குறையும்.

இது குறித்து நிகழ்த்தபட்ட ஆய்வு ஒன்று கூறுவதாவது

http://www.ncbi.nlm.nih.gov/pubmed/15047685

ஆய்வு நிகழ்த்தபட்டது கனெக்டிகட் பல்கலைகழத்தில்

குண்டாக ஆனால் ஆரோக்கியமாக இருக்கும் 13 பெண்கள் ஆய்வுக்கு தேர்ந்தெடுக்கபட்டனர். இரு பிரிவுகளாக பிரிக்கபட்டனர். ஒரு பிரிவு நம் மருத்துவர்கள் பைந்துரைக்கும் குறைந்த கொழுப்பு உணவை உட்கொண்டது. இன்னொரு பிரிவு குறைந்த சர்க்கரைசத்து நிரம்பிய உணவை உட்கொண்டது. இரு குழுவினரும் ஒரு நாளைக்கு 500 காலரி மாத்திரமே உண்ண பணிக்கபட்டனர். 1 மாதம் முழுக்க இப்படி முக்கால் பட்டினி டயட்டை அவர்கள் மேற்கொண்டனர்.

1 மாதம் கழித்து முடிவுகள் ஒப்பிடப்பட்டன.

உயர்கொழுப்பு உணவை உண்ட பெண்களின் இன்சுலின் ரெசிஸ்டென்ஸ் அளவு குறைந்த கொழுப்பு சத்து நிரம்பிய உனவை உண்ட பெண்களைன் இன்சுலின் ரெசிஸ்டென்ஸ் அளவை விட குறைந்தது கண்டுபிடிக்கபட்டது. அதாவது உயர்கொழுப்பு, குறைந்த சர்க்கரை சத்து நிரம்பிய உணவு 1 மாதத்தில் அதை உண்ட பெண்களின் உடலின் இருந்த இன்சுலின் எதிர்ப்பு தன்மையை குறைத்தது. ஆக வெறும் ஒரே மாதத்தில் இந்த பெண்கள் உண்ணும் உணவில் உள்ள சர்க்கரையை ஜீரணம் செய்ய அவர்களுக்கு குறைந்த இன்சுலினே போதும் என்ற நிலை உருவானது.

இன்னும் பல ஆய்வுகளை எழுதலாம்.

ஆனால் அவற்றின் முடிவுகள் பெரிதும் மாறுபடுவது இல்லை.

சர்க்கரை சத்து உள்ள உணவுகள் கெடுதல். இயற்கையான கொழுப்பு நிரம்பிய உணவுகள் உடலுக்கு நன்மையளிப்பவை.

இதை தான் பெரும்பாலான ஆய்வுகள் கூறுகின்றன. ஆனால் ஏன் இன்னும் டயபடிஸ் பேஷன்டுகளுக்கு சர்க்கரைசத்து நிரம்பிய உணவுகள் மருத்துவர்களால் பரிந்துரைக்கபடுகின்றன?

அமெரிக்க டயபடிஸ் அசோசியேஷன் உண்மையில் சர்க்கரை நோயாளிகளுக்கு சர்க்கரையை குணமாக்க ஆலோசனை கூறுகிறதா அல்லது அவர்களை நிரந்தரமாக சர்க்கரை நோயிலேயே இருக்க வைக்க ஆலோசனை கூறுகிறதா என்பது பலசமயம் பிடிபடுவது இல்லை.

உதாரணமாக அந்த சங்கம் கூறுவது

“உங்கள் உடல் சர்க்கரையை குளுகோசாக எளிதில் மாற்றிவிடும்
உடலில் உள்ல குளுகோஸ் லெவெலை விரைவில் ஏற்றும் சக்தி படைத்தது கார்போஹைட்ரேட் நிரம்பிய உணவுதான்

எத்தனைகெத்தனை அதிகமாக கார்போஹைட்ரேட் சாப்பிடுகிறீர்களோ அத்த்னைக்கு அத்தனை உங்கள் உடலில் சர்க்கரை லெவெல் ஏறும்

நீங்கள் அதிகம் உண்னவேன்டிய உணவுகள் கார்போஹைட்ரேட் நிரம்பிய ரொட்டி, அரிசி, பாஸ்டா போன்ற உணவுகளே..”

'எதாவது புரிகிறதா?

எனக்கும் ஒன்றும் புரியவில்லை.

சர்க்கரை உண்பதால் சர்க்கரை நோய் வரும் என சொல்லிவிட்டு சர்க்கரை நோயாளிகளுக்கு சர்க்கரை நிரம்பிய உணவுகளை பரிந்துரைப்பது ஏன்?

எனக்கு புரியவில்லை

உங்களுக்கு புரிகிறதா?

Author - Neander Selvan

பேலியோ டயட் அல்லது முன்னோர் உணவு என்றால் என்ன?

பேலியோ உணவு என்றால் என்ன?

என்ன சாப்பிடவேண்டும்?

சைவர்களுக்கான, அசைவர்களுக்கான டயட் சார்ட் என்ன?

போன்ற கேள்விகளுக்கான பதில்களைப் பெற கீழுள்ள இணைப்பைச் சொடுக்கவும்.


https://selvan.wordpress.com/2013/10/29/health-benefits-of-cocoanut/