HbA1c எனும் மூன்று மாத சர்க்கரை அளவீடு-கவனம்

Dr. V. Hariharan, MBBS, MD (Biochemistry), Coimbatore

சர்க்கரை நோயாளிகள் இந்த டெஸ்டை மூன்று மாதங்களுக்கு ஒரு முறை எடுப்பார்கள். சர்க்கரை வியாதி இருக்கிறதோ இல்லையோ, அமெரிக்க டயாபெடிஸ் அசோசியேஷன், பருவமடைந்த (15வயதிற்கு மேல் அனைவரும்) எல்லோரும் மூன்று வருடங்களுக்கு ஒரு முறை இந்த டெஸ்டை செய்ய சொல்கிறது. பிரிடயாபெடிக் மற்றும் சுகர் உள்ளவர்கள்-மூன்று மாதங்களுக்கு ஒருமுறை-வாழ்நாள் முழுதும்.

இவர்கள் பழைய பார்முலா (28.7 X A1C – 46.7 = eAG) படி Hba1c-6 இருந்தால் ரத்த சர்க்கரை 126 எனவும், 7 இருந்தால் 154 எனவும், 8 இருந்தால் 183 எனக் கொள்ளலாம் என்று கூறினார்கள். அதையே பின்பற்றி நம் லேபுகளும் ஆவரேஜ் சர்க்கரை அளவை ரிப்போர்டில் தருகின்றன.

ஆனால் சர்க்கரை உள்ளவர்கள் தினமும் டெஸ்ட் செய்து பார்த்து ஒரு நோட்டில் எழுதி வைத்து ஆவரேஜ் பார்த்தால் இது தவறு என்று தெரியும். இந்த பழைய பார்முலா தான் முக்கால்வாசி லேபுகளில் செய்யப்படுகிறது. சுகரை கம்மியாக இது காட்டுகிறது. இதனால் பேஷண்டுகள் "நம் சர்க்கரை கரெக்டாக இருக்கிறது" என நம்ப வாய்ப்பு இருக்கிறது.

Nathan formula என்ற இன்னொரு கோளாறு பார்முலாவும் உள்ளது.

Dr. Richard Bernstein மற்றும் Jeff Cyr அவர்களின் தனிப்பட்ட கருத்துப்படி ஒரு புதிய பார்முலா கரெக்டாக சர்க்கரை அளவைக் காட்டுகிறது.

A1CX35.6-77.3=average estimated blood sugar

இதன் படி

If A1Cx35.6-77.3=average blood sugar,
then
If A1C = 4.5, avg = 83
If A1C = 4.6, avg = 87
If A1C = 4.7, avg = 90
If A1C = 4.8, avg = 94
If A1C = 4.9, avg = 97
If A1C = 5, avg = 101
If A1C = 5.1, avg = 105
If A1C = 5.2, avg = 108
If A1C = 5.3, avg = 111
If A1C = 5.4, avg = 115
If A1C = 5.5, avg = 119
If A1C = 5.6, avg = 122
7%A1C actually=an average blood sugar of 172 mg/dl.
8%A1C actually=an average blood sugar of 207 mg/dl.

நாம் இதுவரை Hba1c 5.7-6.4 என்பது பிரி டயாபெடிக் எனவும், 6.4க்கு மேல் இருந்தால் டயாபெடிக் எனவும் நினைத்திருந்தோம்.

அதனால் hba1c 5.7க்கு கீழே இருந்தால் நமக்கு ஒன்றும் இல்லை என நினைத்திருந்தோம். மேலே சொன்ன புதிய பார்முலா படி நம் hba1c அளவை 5 க்கு கீழ் கொண்டு வந்து சர்க்கரை வியாதி எமனை தள்ளியே வைப்போம்.

சப்பாத்தி சர்க்கரை வியாதிக்கு நல்லதா?

Dr. V. Hariharan, MBBS, MD (Biochemistry)

100கிராம் கோதுமை மாவில் 340கலோரிகள் உள்ளன. 100கிராம் சர்க்கரையில் 387 கலோரிகள் உள்ளன.

சர்க்கரைக்கு அடுத்து ரத்தத்தில் சுகரை ஏற்ற வல்லது கோதுமை உணவு தான்.

சுகர் பேஷண்டை சப்பாத்தி சாப்பிட சொல்வது என்பது நெருப்பை அணைக்க பவர் பெட்ரோலுக்கு பதில் சாதா பெட்ரோலை ஊற்றுவது போலாகும்.

சிறுதானிய உணவு? அதுவும் சப்பாத்திக்கு இணையாக ரத்த சர்க்கரையை உயர்த்தும். கலோரிகளும் அதே அளவு.

புழுங்கல் அரிசி ஓரளவிற்கு தேவலாம். ஆனால் இது டீசல் போன்றதே. (கோதுமை, சிறுதாணியம், அரிசி, சர்க்கரை, கருப்பட்டி, தேன், பனைவெல்லம் முதலிய அனைத்தும் ரத்தத்தில் சர்க்கரை அளவை மிகவும் அதிகரிப்பதே)

ரத்த சர்க்கரை அளவு எனும் தீயை அணைக்கும் தண்ணீர், பேலியோ உணவுகளே. ஒரு நாளில் ஒரு வேளை நீங்கள் எடுக்கும் மாவுச்சத்து அளவை பேலியோ டயட்காரர்கள் மூன்று நாட்களுக்கு எடுக்கிறார்கள்.

இப்போது புரிகிறதா, சர்க்கரை வியாதி பேலியோயால் எப்படி குணமாகிறது என்று.

மேலும் விபரம் அறிய glycemic index/glycemic load என கூகிளில் தேடவும்.

பேலியோவில் கொழுப்பு சாப்பிட்டும் டிரைகிளிசிரைட் குறைவது எப்படி?

 


Dr. V. Hariharan, MBBS, MD (Biochemistry), Coimbatore
கொழுப்பு சாப்பிடால் கொலஸ்டிரால் வரும் என 1970களில் பயமுறுத்தியதில் கொழுப்பை நீக்கி, அதிக மாவுச்சத்து உணவுகளான இட்லி, தோசை, சாதம், சப்பாத்திக்கு மாறினோம். எல்லோருக்கும் ரத்த கொழுப்பளவு குறைந்திருக்கிறதா? அல்லது கூடியிருக்கிறதா? உடனே செக் செய்து பாருங்கள். கூடியிருக்கலாம்.

ஆனால் அதிக கொழுப்பு நிரம்பிய பேலியோ எடுக்கும் போது டிரைகிளிசிரைட் குறைகிறது. எப்படி இந்த ஆச்சரியம் நிகழ்கிறது? நாம் மாவுச்சத்து அதிகம் உண்ணும் போது இன்சுலின் அதிகம் சுரக்கிறது. இன்சுலின் உணவில் உள்ள தேவைக்கதிகமான கார்புகளை டிரைகிளிசிரைட் எனும் கொழுப்பாக மாற்ற தூண்டுகிறது. டிரைகிளிசிரைட் அளவுகள் அதிகரிக்கின்றன. நாமும் தினமும் மூன்று வேளை கார்புகள் எடுத்து, கொழுப்பை அதிகரித்த வண்ணம் உள்ளோம்.

அதுவே கார்புகள் கம்மியாக (பேலியோ) எடுக்கும் போது க்ளுக்ககான் மற்றும் அட்னிரலின் அதிகரிக்கின்றன. இன்சுலின் சுரப்பு குறைகிறது. இதனால் கொழுப்பு செல்களில் கொழுப்பை உடைய வைக்கும் லைப்பேஸ் எனும் என்சைம் தூண்டப்பட்டு, சேர்ந்திருக்கும் கொழுப்பு கரைந்து சக்திக்காக எரிக்கப்படுகிறது. இன்சுலின் கம்மியாக சுரப்பதால் புதிதாக டிரைகிளிசிரைட் உறப்த்தியாகாது. டிரைகிளிசிரைட் உறபத்தி கம்மி மற்றும் அதன் எரிப்பு அதிகமென்பதால் இதன் அளவு கம்மியாகிறது. நாமும் இளைக்கிறோம்.

பேலியோவில் உணவில் எடுக்கும் அதிக டிரைகிளிசிரைட் என்னாகிறது? அவை நேராக ஈரலுக்கு செல்லாமல் கொழுப்பு செல்களுக்கு சென்று ஸ்டோர் செய்யப்படுகிறது. அதிக கொழுப்பு எடுத்தவுடன் பார்த்தால் டிரைகிளிசிரைட் அதிகமாக இருக்கும். ஆனால் அன்றே அவை எரிக்கப்பட்டு, ஸ்டோரில் உள்ள பழைய கொழுப்பும் எரிக்கப்பட்டு காலை உணவிற்கு முன் டெஸ்ட் எடுத்துப் பார்த்தால் கம்மியாக இருக்கும்.
இது தான் கொழுப்பை கொழுப்பால் எரிப்பது.

நம் முன்னோர்களில் நாம் சிம்பன்சிக்கு மிக நெருக்க சொந்தமாவோம். மற்ற அனைத்து வகை குரங்குகளும் சுத்த சைவம் அல்லது சிலது பூச்சிகளை உண்ணும். ஆனால் சிம்பன்சியின் உணவில் 5% மாமிசம் இருந்துள்ளது. தன் எல்லைக்குள் வேறு வகை குரங்கு வந்துவிட்டால், கூட்டமாக சிம்பன்சிகள் அந்தக் குரங்கை அடித்து சாப்பிட்டு விடும். மற்ற நேரங்களில் பழம் கொட்டைகள், இலைகள் என்று நாள் முழுக்க சாப்பிட்டுக் கொண்டே இருக்கும்.
இதன் வாரிசான Australopithecus africanus குரங்கு, சிம்பன்சியை விட நான்வெஜ் கொஞ்சம் அதிகம் சாப்பிட்டது.

அதன் பின் வந்த homo erectus மனிதன் கல்லால் செய்யப்பட்ட ஆயுதங்களை வைத்து மாமிசத்தை கிழித்து சாப்பிட ஆரம்பித்தான். அதன் பிறகு வந்த நியண்டர்தால் மனிதன் மிக சிறந்த வேட்டையன் ஆவான். மிக அதிக அளவில் மாமிசம் தின்றான். சிறிய அளவில் காய்கறிகள், கொட்டைகள் மற்றும் பழங்கள் தின்றான்.

அதன் பிறகு வந்த நாம் homo sapiens, நியண்டர்தால் மனிதனின் அதே உணவை உண்டோம். ஆனால் நியண்டர்தாலை விட கொஞ்சம் அதிகம் கார்ப் உணவுகள் உண்டோம். அதனால் நம் உடல் அதிக கொழுப்பு, மித அளவு புரதம், கம்மி கார்ப் என்ற நிலைக்கு செட்டானது.

சூழ்நிலை 1: அதிக கொழுப்பு, மிக கம்மி கார்புகள்: மனிதன் வேட்டைக்கு சென்று மாமிசம் கிடைத்த நாளில் அதிகம் அவற்றை உண்டான். அதில் உள்ள கொழுப்பு அவனுக்கு சக்தியளித்தது. மாமிசம் மட்டும் சாப்பிடும் போது மனித உடல், அதை சேமிக்காது. கொழுப்பை கீட்டோன் எனப்படும் சிறிய வகை கொழுப்பாக மாற்றி உடலின் பல செல்களுக்கும் அனுப்பி அவற்றை எரித்து விடும். இதனால் டிரைகிளிசிரிட் எனப்படும் ரத்த கொழுப்பின் அளவு குறையும். இப்படி எரிக்கும் போது கொழுப்பிலிருந்து கம்மி சக்தியே மனிதனுக்கு கிடைக்கும். அதனால் அவன் தினசரி வேலைகளுக்காக அதிக கொழுப்பு எரிகிறது. (மிருகங்கள் அதிகம் கிடைக்கும் நாளில்-->மாமிசம் மட்டும் உண்ணுதல்-->அதிக கலோரிகள் கிடைத்தாலும் உடம்பு அதை சேர்க்காமல் எரித்து விடுதல்).

சூழ்நிலை 1ன் வேதியியல்: அவன் கார்ப் கம்மியாக உண்பதால் கார்பிலிருந்து oxaloacetate கிடைக்காது(சாப்பிடும் கார்புகள் ரத்த செல்களுக்கும் மூளைக்கும் சக்தியளிக்க ஒதுக்கப்பட்டு விடும்). oxaloacetate இருந்தால் தான் கொழுப்பு அதிக சக்தி தரும் TCA cycle க்குள் செல்ல முடியும். oxaloacetate இல்லாததால், கொழுப்பு சக்தி கம்மியாக தரும் கீட்டோன்களாக மாறுகிறது. அதிகமான கொழுப்பு இப்படி செலவிடப்படுகிறது

சூழ்நிலை 2: அதுவே மாமிசம் கிடைக்காத பொழுது காய்கறிகள், பழங்கள் மற்றும் கொட்டைகள் உண்ணும் போது அவை சக்திக்காக எரிகின்றது. அதிகமாக உண்டால் அவை கொழுப்பாக மாறுகிறது. கம்மியாக உண்டால், உடலில் உள்ள கொழுப்பு எரியும். ஆனால் அதிகம் எரியாது.

சூழ்நிலை 2ன் வேதியியல்: கம்மியாக கார்ப் உண்ணும் போது உடலில் உள்ள கொழுப்பு எரிந்து சக்தி தரும். ஆனால் கம்மியான கார்பிலும் oxaloacetate கிடைத்து விடுவதால், கொழுப்பு TCA cycle வழியாக எரியும். கீட்டோன்களாக அல்ல. அதனால் கொஞ்சம் கொழுப்பிலிருந்தே அதிக சக்தி கிடைக்கும். உடல் பெரிதாக இளைக்காது.

சூழ்நிலை 3: சாப்பிடாமலேயே இருந்தால்:கொழுப்புகள் கீட்டோன்களாக கரையும். ஏனென்றால் oxaloacetate இல்லை. உடல் இளைக்கும்

சூழ்நிலை 4: தினமும் கார்புகள் மட்டுமே எடுத்தல்: முந்தைய போஸ்டில் சொன்னது போல, கார்புகள் மட்டுமே எடுத்தால் அவை லைட்டாக எரியும், மற்ற கார்புகள் கொழுப்பாக மாற்றப்படும், உடலில் உள்ள கொழுப்பு எரியவே எரியாது. காரணம்-அதிக இன்சுலின் அளவு.

மனிதன் மாமிசம் அதிகம் சாப்பிட்டான். கிடைக்காத நாளில் காய்கறிகள் பழங்கள் கொட்டைகள் சாப்பிட்டான். அதனால் அவன் உணவுமுறை அதிக கொழுப்பு, கம்மி கார்புகள் என்று பழகியது. அதுவே பேலியோ டயட். கொழுப்பை வேகமாக கீட்டோன் முறையில் எரிப்பதால் டிரைகிளிசிரைட் எனும் கொழுப்பு அளவு குறைகிறது

உணவியல் முரண்பாடுகள் - கொழுப்பு கெட்டதா, நல்லதா?

Dr. V. Hariharan, MBBS, MD (Biochemsitry), Coimbatore

ஒரு செயலை செய்தால் அதற்கு தக்க வினை இருக்கும். ஆனால் நாம் எதிர்பார்ப்பதற்கும், அறிவியிலால் சொல்லப்படுவதற்கும் எதிராக அந்தச்செயலுக்கு வினை நடந்தால், அது paradox எனப்படும். மருத்துவ உலகின் சில paradox களை பார்ப்போம்.

1. French paradox(பிரஞ்சு முரண்பாடு): 

அதிகம் சாட்சுரேட்டட் கொழுப்பு (நெய், முட்டை, இறைச்சி)எடுத்தால் மாரடைப்பு வரும் என மருத்துவ அறிவியல் சொல்கிறது. ஆனால் இவற்றை அதிகம் எடுக்கும் பிரஞ்சு மக்களுக்கு இதய வியாதி மிகக் குறைவான அளவில் இருக்கிறது. இதற்கு பல காரணங்கள் யோசிக்கப்பட்டது (விட்டமின் k2 அவர்கள் உணவில் அதிகம், ஸ்டிரஸ் கம்மி, உணவில் ஆண்ட்டி ஆக்சிடண்டுகள் அதிகம் என). கடைசியில் சாட்சுரேட்டட் கொழுப்பு நல்லது, அதனால் தான் இதய வியாதி கம்மியாக வருகிறது என்ற முடிவுக்கு வந்தார்கள்.

2. Israeli Paradox : 

டாக்டர்கள் அறிவுறுத்தும் சன்பிளவர் ஆயில், சோயா ஆயில், சோள எண்ணெய்களை பயன்படுத்தி, டாக்டர்கள் எதிர்க்கும் சாட்சுரேட்டட் கொழுப்புகளை கம்மியாக எடுக்கும் இஸ்ரேலியர்களுக்கு மிக அதிக அளவில் மாரடைப்பு வந்தது. இன்று இந்த கமர்சியல் எண்ணெய்களில் அதிகம் உள்ள ஒமேகா 6 எனும் அமிலம் இதய வியாதியை கொண்டு வருவதாக கண்டுப்பிடித்துள்ளனர்.

3.Spanish Paradox: 

1976ல் திடீரென இதய வியாதி வருதல் குறைந்தது. என்ன காரணம் என்று ஆராய்ந்ததில் அந்த வருடம் தேசிய அளவில் இறைச்சி, பால் பொருட்கள், மீன் ஆகியவை முன்னெப்போதும் இல்லாத அளவில் அதிகம் உணவில் சேர்த்துக் கொள்ளப்பட்டிருந்தது தெரிய வந்தது. மற்றும் கார்புகள் குறைவாக எடுக்கப்பட்டிருந்ததும் தெரிய வந்தது.

4. Japanese Paradox:
ஜப்பானியர்களுக்கு இதய வியாதி மற்ற நாட்டினரை விட குறைவு. ஆனால் கொலஸ்டிரால், பிரஷர், சர்க்கரை வியாதிகள் மற்ற நாட்டு அளவுகள் போல் இருக்கிறது. ஆராய்ந்து பார்த்ததில் அவர் அதிக கடலுணவு எடுப்பதே காரணம் என அறிந்தார்கள். இதயத்தை புண்ணாக்கும் ஒமேகா 6 (சூரியகாந்தி, ஆமணக்கு, சோள, தவிட்டு எண்ணெய்கள்) அமிலத்திலின் கெடுதலை, கடல்மீனில் இருக்கும் ஒமேகா 3 அமிலம் தடுக்க வல்லது.

5. masai paradox: 
கென்யா நாட்டின் மசாய் பழங்குடிகள் தினமும் பால் பொருட்கள், இறைச்சி என 3000கலோரிகள் உண்டும் அவர்கள் ஒல்லியாகவும், இருதயத்தில் அடைப்பு சுத்தமாக இல்லாமலும் இருந்திருக்கிறார்கள். கொலஸ்டிராலும் அவர்கள் ஒரு நாளைக்கு 600-2000Mg அளவு எடுக்கிறார்கள். ரெகுலர் உணவுகளில் இவ்வளவு கலோரிகள் எடுத்தால் உடற்பருமன், சுகர், பிரஷர், இதய வியாதி வந்துவிடும். ஆனால் கலோரிகள் எவ்வளவு என்பது முக்கியமல்ல, எதில் இருந்து கிடைக்கிறது என்பது தான் முக்கியம் என இவர்கள் உணர வைத்தார்கள்.

பேலியோ பலருக்கு முரணாக தோன்றலாம். ஆனால் பல வியாதிகளை இல்லாமல் ஆக்குகிறது.

இரும்பு சத்து குறைபாடு (அனீமியா) - by selvan

இரும்பு சத்து குறைபாடு (அனீமியா) இந்திய பெண்களை கடுமையாக தாக்கும் ஒரு நோய். இதற்கான காரணங்கள்:

வீட்டில் கணவர், குழந்தைகள் உண்டது போக மிச்சத்தை பெண்கள் உண்பது சைவ உணவு வழக்கம்

மாதவிலக்கு/பிள்ளைபேறு முதலான காலங்களில் இரும்புசத்தின் தேவை அதிகரித்தல்
இதுபோக கடும் உடல்பயிற்சி செய்பவர்கள், அடிக்கடி ரத்ததானம் கொடுப்பவர்கள் ஆகியோருக்கு அனிமியா ரிஸ்க் உண்டு. ரத்ததானம் தரவேண்டாம் என பொருள் இல்லை. ஆனால் அடிக்கடி கொடுப்போர் இரும்பு சப்ளிமெண்ட் எடுத்துகொள்வது நலம்.

அதனால் ஆண்களுக்கு தினம் 8 மிகி இரும்புசத்து உட்கொள்ள பரிந்துரைக்கபட்டுள்ளது. 19- 50 வயது உள்ள பெண்களுக்கு இது இருமடங்கு: அதாவது சுமார் 16- 18 மிகி இரும்புசத்து பரிந்துரைக்கபட்டுள்ளது. இயற்கை பெண்களுக்கு செய்துள்ள ஓரவஞ்சனை எனவும் கூறலாம்.
இந்திய பெண்களில் சுமார் மூன்றில் இரு பங்கு பெண்களுக்கு அனிமியா பாதிப்பு உள்ளதாக ஆய்வுகள் கூறுகின்றன. நீங்கள் சைவ பெண் ஆக இருந்தால் உங்களுக்கு அனிமியா இருக்கும் வாய்ப்பு அதிகம். கீழ்காணும் சிக்கல்கள் உங்களுக்கு இருந்தால் அனிமியா இருப்பதை அறிந்துகொள்ளலாம்.
அடிக்கடி மூச்சுவாங்குதல்

அடிக்கடி களைப்பு ஏற்படுதல் ( இரும்பு சத்து ரத்தத்தில் உள்ள சிகப்பணுக்களை உற்பத்தி செய்யபயன்படும். சிகப்பு அணுக்கள் உடலெங்கும் ஆக்சிஜனை எடுத்து செல்லும். இரும்புசத்து குறைபாடால் ஆக்சிஜன் பரவல் குறைந்து களைப்பு ஏற்பட்டுவிடும். சோர்ந்து உட்கார்ந்துவிடுவோம்)

தலைசுற்றல் ,தலைவலி ,உள்கை, பாதம் ஆகியவை சூடாக இல்லாமல் குளிராக இருத்தல். உங்கள் உள்கையை ஒருவர் கன்னத்தில் வையுங்கள். "ஐயோ குளிருது" என அவர் சொன்னால் அனிமியாவாக இருக்கும் வாய்ப்பு உண்டு.இதயம் சிறகடிக்கும் பறவையை போல் பட,பட என அடித்தல்.....
உனவல்லாதவற்றை உண்னதோணுதல் (உதா: செங்கல் பொடி, மண்..கர்ப்பிணிகளுக்கு இதை எல்லாம் உண்ண தோன்ற காரணம் இரும்புசத்து குறைபாடு)

நீங்கள் சைவ பெண் ஆக இருந்து மேலே உள்ள அறிகுறிகள் இருந்தால் மருத்துவபரிசோதனை செய்து உடலில் உள்ள இரும்பு சத்து விகிதத்தை டெஸ்ட் செய்யலாம். அனிமியா இருப்பது தெரிந்தால் மருத்துவரிடம் கேட்டு இரும்புசத்து சப்ளிமெண்ட் எடுத்துகொள்வது நலம். ஸ்லோரிலீஸ் ஐயர்ன் எனப்படும் ஒருவகை சப்ளீமெண்ட் உண்டு. அது உடலுக்குள் இரும்புசத்தை மெதுவாக ரிலீஸ் செய்து அது கிரகிக்கபடுவதை அதிகரிக்கும்.
சைவர்களுக்கு உணவின் மூலம் இரும்புசத்தை அடைய முயல்வது சற்று கடினம். காரணம் சைவ உணவுகள் அனைத்திலும் நான் ஹெமே வகை இரும்புசத்து உள்ளது. இவற்றை உடல் கிரகிப்பது மிக கடினம். உதாரணம் கீரையில் இரும்புசத்து அதிகம். ஆனால் கீரையில் உள்ள ஆக்சலேட்டுகள் அந்த இரும்பை உடல் கிரகிப்பதை தடுத்துவிடும். கீரையில் உள்ளதில் 2% அளவேனும் இரும்பு உடலில் சேர்ந்தால் அதிசயம்.
உலர்திராட்சை, பேரிச்சை, கோதுமை முதலானவற்றுக்கும் இதே நிலைதான். பேரிச்சையில் இரும்பு அதிகம் என பலரும் நம்பி வந்தாலும் அதில் உண்மை இல்லை. நூறு பேரிச்சை பழம் உண்டால் மட்டுமே 19- 50 வயது பெண்ணுக்கு போதுமான இரும்புசத்து கிடைக்கும். ஆனால் அதிலும் கிரகிக்கபடும் இரும்பின் சதவிகிதம் குறைவு

அசைவர்கள் முட்டை, சிக்கன், ஈரல் முதலானவற்றில் போதுமான அளவு இரும்புசத்தை அடையலாம். உதாரணம் 4 முட்டை உண்டால் அதில் 2.4 கிராம் அளவு எளிதில் கிரகிக்கபடும் இரும்புசத்து கிடைக்கும். நூறுகிராம் ஈரலில் ஒரு நாளைக்கு தேவையானதில் 130% இரும்புசத்து கிடைக்கும். அசைவ உணவுகளில் உள்ள இரும்புசத்து எளிதில் கிரகிக்கபட காரணம் அது ஹீமோக்ளோபின் வடிவில் இருப்பதுதான்.

சைவர்கள் பின்வரும் டெக்னிக்குகளை கையாளலாம்:
இரும்புசத்து உள்ள உணவுகளை உண்கையில் கூட வைட்டமின் சீ உள்ள உணவுகள் (நெல்லி, கொய்யா) உண்பது இரும்புசத்து கிரகிப்பதை சுமார் 3- 4 மடங்கு அதிகரிக்கிறது.

இரும்புசத்து உள்ள உணவுகளை உண்டு 2 மணிநேரம் முன்/பின் டீ, நட்ஸ், முழு தானியம் முதலானவற்றை தவிர்க்கலாம். டீயில் உள்ளெ டேனின், நட்ஸ், தானியத்தில் உள்ள பைட்டிக் அமிலம் முதலானவை இரும்புசத்து கிரகிப்பை குறைத்துவிடும்.

இரும்புசத்து உள்ல உணவுகளை உண்கையில் உடன் கால்ஷியம் அதிகம் உள்ள உணவுகளை உண்பதை தவிர்க்கவேண்டும். உதா: பால்,தயிர். கால்ஷியம் இரும்பு நுகர்வை குறைத்துவிடும்.
இரும்புசட்டியில் சமைத்தால் இரும்பு அதிக அளவில் உடலில் சேரும்

இரும்புசத்து உள்ள சைவ உணவுகள்:
தினம் ஒரு தேங்காய் உண்டால் சுமார் 10 மிகி இரும்புசத்து கிடைக்கும். தேங்காயில் உள்ல இரும்புசத்து அதிக அளவில் உடலில் சேர்கிறது.
ஹிமாலயன் சால்ட் இரும்புசத்து அதிகம் உள்ள வகை உப்பு. சாதா உப்புக்கு பதில் அதைபயன்படுத்தலாம்.
பீன்ஸ், பருப்புகள். இவற்றுடன் நெல்லிகனி, லெமென் ஜூஸ் முதலானவற்றை உன்டுவந்தால் இரும்புசத்து நுகர்வு அதிகரிக்கும்

பூசணிவிதையில் இரும்பு சத்து உண்டு
பிளாக்சீட் பவுடரிலும் உண்டு. தினம் 2 ஸ்பூன் பிளாக்சீட் பவுடர் உண்டால் 1.2 மிகி இரும்புசத்து கிடைக்கும்
கிணற்றுநீர், இயற்கையான சுனைநீர் ஆகியவற்றில் மண்ணின் தன்மையை பொறுத்து இரும்புசத்து கிடைக்கும். இரும்புகுழாய்களில் வரும் நீரிலும் இரும்புசத்து கிடைக்கலாம். ஆனால் இதை முழுமையாக நம்பி இருக்க முடியாது

மொத்தத்தில் நீங்கள் சைவ பெண்ணாக இருந்து அனிமியா அறிகுறிகள் இருந்தால் மருத்துவர் ஆலோசனையின் பேரில் இரும்புசத்து சப்ளிமெண்ட் எடுப்பது உத்தமம்


Neander Selvan

இரும்பு சத்து குறைபாடு (அனீமியா) - by selvan

இரும்பு சத்து குறைபாடு (அனீமியா) இந்திய பெண்களை கடுமையாக தாக்கும் ஒரு நோய். இதற்கான காரணங்கள்:

வீட்டில் கணவர், குழந்தைகள் உண்டது போக மிச்சத்தை பெண்கள் உண்பது சைவ உணவு வழக்கம்

மாதவிலக்கு/பிள்ளைபேறு முதலான காலங்களில் இரும்புசத்தின் தேவை அதிகரித்தல்
இதுபோக கடும் உடல்பயிற்சி செய்பவர்கள், அடிக்கடி ரத்ததானம் கொடுப்பவர்கள் ஆகியோருக்கு அனிமியா ரிஸ்க் உண்டு. ரத்ததானம் தரவேண்டாம் என பொருள் இல்லை. ஆனால் அடிக்கடி கொடுப்போர் இரும்பு சப்ளிமெண்ட் எடுத்துகொள்வது நலம்.

அதனால் ஆண்களுக்கு தினம் 8 மிகி இரும்புசத்து உட்கொள்ள பரிந்துரைக்கபட்டுள்ளது. 19- 50 வயது உள்ள பெண்களுக்கு இது இருமடங்கு: அதாவது சுமார் 16- 18 மிகி இரும்புசத்து பரிந்துரைக்கபட்டுள்ளது. இயற்கை பெண்களுக்கு செய்துள்ள ஓரவஞ்சனை எனவும் கூறலாம்.
இந்திய பெண்களில் சுமார் மூன்றில் இரு பங்கு பெண்களுக்கு அனிமியா பாதிப்பு உள்ளதாக ஆய்வுகள் கூறுகின்றன. நீங்கள் சைவ பெண் ஆக இருந்தால் உங்களுக்கு அனிமியா இருக்கும் வாய்ப்பு அதிகம். கீழ்காணும் சிக்கல்கள் உங்களுக்கு இருந்தால் அனிமியா இருப்பதை அறிந்துகொள்ளலாம்.
அடிக்கடி மூச்சுவாங்குதல்

அடிக்கடி களைப்பு ஏற்படுதல் ( இரும்பு சத்து ரத்தத்தில் உள்ள சிகப்பணுக்களை உற்பத்தி செய்யபயன்படும். சிகப்பு அணுக்கள் உடலெங்கும் ஆக்சிஜனை எடுத்து செல்லும். இரும்புசத்து குறைபாடால் ஆக்சிஜன் பரவல் குறைந்து களைப்பு ஏற்பட்டுவிடும். சோர்ந்து உட்கார்ந்துவிடுவோம்)

தலைசுற்றல் ,தலைவலி ,உள்கை, பாதம் ஆகியவை சூடாக இல்லாமல் குளிராக இருத்தல். உங்கள் உள்கையை ஒருவர் கன்னத்தில் வையுங்கள். "ஐயோ குளிருது" என அவர் சொன்னால் அனிமியாவாக இருக்கும் வாய்ப்பு உண்டு.இதயம் சிறகடிக்கும் பறவையை போல் பட,பட என அடித்தல்.....
உனவல்லாதவற்றை உண்னதோணுதல் (உதா: செங்கல் பொடி, மண்..கர்ப்பிணிகளுக்கு இதை எல்லாம் உண்ண தோன்ற காரணம் இரும்புசத்து குறைபாடு)

நீங்கள் சைவ பெண் ஆக இருந்து மேலே உள்ள அறிகுறிகள் இருந்தால் மருத்துவபரிசோதனை செய்து உடலில் உள்ள இரும்பு சத்து விகிதத்தை டெஸ்ட் செய்யலாம். அனிமியா இருப்பது தெரிந்தால் மருத்துவரிடம் கேட்டு இரும்புசத்து சப்ளிமெண்ட் எடுத்துகொள்வது நலம். ஸ்லோரிலீஸ் ஐயர்ன் எனப்படும் ஒருவகை சப்ளீமெண்ட் உண்டு. அது உடலுக்குள் இரும்புசத்தை மெதுவாக ரிலீஸ் செய்து அது கிரகிக்கபடுவதை அதிகரிக்கும்.
சைவர்களுக்கு உணவின் மூலம் இரும்புசத்தை அடைய முயல்வது சற்று கடினம். காரணம் சைவ உணவுகள் அனைத்திலும் நான் ஹெமே வகை இரும்புசத்து உள்ளது. இவற்றை உடல் கிரகிப்பது மிக கடினம். உதாரணம் கீரையில் இரும்புசத்து அதிகம். ஆனால் கீரையில் உள்ள ஆக்சலேட்டுகள் அந்த இரும்பை உடல் கிரகிப்பதை தடுத்துவிடும். கீரையில் உள்ளதில் 2% அளவேனும் இரும்பு உடலில் சேர்ந்தால் அதிசயம்.
உலர்திராட்சை, பேரிச்சை, கோதுமை முதலானவற்றுக்கும் இதே நிலைதான். பேரிச்சையில் இரும்பு அதிகம் என பலரும் நம்பி வந்தாலும் அதில் உண்மை இல்லை. நூறு பேரிச்சை பழம் உண்டால் மட்டுமே 19- 50 வயது பெண்ணுக்கு போதுமான இரும்புசத்து கிடைக்கும். ஆனால் அதிலும் கிரகிக்கபடும் இரும்பின் சதவிகிதம் குறைவு

அசைவர்கள் முட்டை, சிக்கன், ஈரல் முதலானவற்றில் போதுமான அளவு இரும்புசத்தை அடையலாம். உதாரணம் 4 முட்டை உண்டால் அதில் 2.4 கிராம் அளவு எளிதில் கிரகிக்கபடும் இரும்புசத்து கிடைக்கும். நூறுகிராம் ஈரலில் ஒரு நாளைக்கு தேவையானதில் 130% இரும்புசத்து கிடைக்கும். அசைவ உணவுகளில் உள்ள இரும்புசத்து எளிதில் கிரகிக்கபட காரணம் அது ஹீமோக்ளோபின் வடிவில் இருப்பதுதான்.

சைவர்கள் பின்வரும் டெக்னிக்குகளை கையாளலாம்:
இரும்புசத்து உள்ள உணவுகளை உண்கையில் கூட வைட்டமின் சீ உள்ள உணவுகள் (நெல்லி, கொய்யா) உண்பது இரும்புசத்து கிரகிப்பதை சுமார் 3- 4 மடங்கு அதிகரிக்கிறது.

இரும்புசத்து உள்ள உணவுகளை உண்டு 2 மணிநேரம் முன்/பின் டீ, நட்ஸ், முழு தானியம் முதலானவற்றை தவிர்க்கலாம். டீயில் உள்ளெ டேனின், நட்ஸ், தானியத்தில் உள்ள பைட்டிக் அமிலம் முதலானவை இரும்புசத்து கிரகிப்பை குறைத்துவிடும்.

இரும்புசத்து உள்ல உணவுகளை உண்கையில் உடன் கால்ஷியம் அதிகம் உள்ள உணவுகளை உண்பதை தவிர்க்கவேண்டும். உதா: பால்,தயிர். கால்ஷியம் இரும்பு நுகர்வை குறைத்துவிடும்.
இரும்புசட்டியில் சமைத்தால் இரும்பு அதிக அளவில் உடலில் சேரும்

இரும்புசத்து உள்ள சைவ உணவுகள்:
தினம் ஒரு தேங்காய் உண்டால் சுமார் 10 மிகி இரும்புசத்து கிடைக்கும். தேங்காயில் உள்ல இரும்புசத்து அதிக அளவில் உடலில் சேர்கிறது.
ஹிமாலயன் சால்ட் இரும்புசத்து அதிகம் உள்ள வகை உப்பு. சாதா உப்புக்கு பதில் அதைபயன்படுத்தலாம்.
பீன்ஸ், பருப்புகள். இவற்றுடன் நெல்லிகனி, லெமென் ஜூஸ் முதலானவற்றை உன்டுவந்தால் இரும்புசத்து நுகர்வு அதிகரிக்கும்

பூசணிவிதையில் இரும்பு சத்து உண்டு
பிளாக்சீட் பவுடரிலும் உண்டு. தினம் 2 ஸ்பூன் பிளாக்சீட் பவுடர் உண்டால் 1.2 மிகி இரும்புசத்து கிடைக்கும்
கிணற்றுநீர், இயற்கையான சுனைநீர் ஆகியவற்றில் மண்ணின் தன்மையை பொறுத்து இரும்புசத்து கிடைக்கும். இரும்புகுழாய்களில் வரும் நீரிலும் இரும்புசத்து கிடைக்கலாம். ஆனால் இதை முழுமையாக நம்பி இருக்க முடியாது

மொத்தத்தில் நீங்கள் சைவ பெண்ணாக இருந்து அனிமியா அறிகுறிகள் இருந்தால் மருத்துவர் ஆலோசனையின் பேரில் இரும்புசத்து சப்ளிமெண்ட் எடுப்பது உத்தமம்


Neander Selvan

பேலியோ டயட்டிற்கு முன்பு கண்டிப்பாக செய்யவேண்டிய குறைந்தபட்ச ரத்தப் பரிசோதனை விவரம்.(Basic Blood test details)

நீங்கள் ஒரு டயட்டில் இருக்கிறீர்களோ இல்லையோ, வருடத்திற்கு ஒருமுறை முழு உடல் பரிசோதனை செய்வது சில சிக்கல்களை வருமுன் காக்க உதவும். 

இரவு கடைசி உணவை 9 மணிக்குள் முடித்துக்கொண்டால், காலையில் ரத்தப் பரிசோதனை எடுக்கும்வரை நீங்கள் எதுவும் சாப்பிடாமல் இருக்கவேண்டும். தண்ணீர் மட்டும் குடிக்கலாம், மேற்கண்ட டெஸ்ட்களை உங்கள் அருகில் உள்ள லேபில் எடுத்துக்கொள்ளலாம்.

டயட் எடுப்பதற்கு முன்பாக பரிசோதனை கட்டாயம், அப்பொழுதுதான் டயட்டின் தாக்கம் உங்கள் உடலில் என்ன என்பது தெரியும், டயட்டுக்கு முன்பாக டெஸ்ட் செய்யாமல், டயட்டிற்குப் பிறகு டெஸ்ட் எடுத்து அது ஏறிவிட்டது, இது குறைந்துவிட்டது என்று கேட்கப்படும் கேள்விகளுக்கு எந்த பதிலும் அளிக்கமுடியாது.

அனைவரும் அல்லது டயபடிக் உள்ளவர்கள் மேற்கண்ட டெஸ்டுகளுடன் அருகிலுள்ள லேபில் உங்கள் சிறுநீரைக்கொடுத்து Microalbuminuria in urine + Urine Routine  டெஸ்ட்களையும் சேர்த்து எடுப்பது நல்லது. இந்த யூரின் டெஸ்டில் உங்கள் கிட்னி செயல்பாடுகள் தெளிவாகத் தெரியவரும், கண்டிப்பாக வருடம் ஒருமுறை எடுத்து உங்கள் கிட்னியின் ஆரோக்கியத்தை அறிந்துகொள்ளலாம்.

© https://www.facebook.com/groups/tamilhealth/

டயபடிக் மக்களுக்கான தனிக் குழுமம் பற்றிய விவரம். / Exclusive Paleo group for Diabetic

டயபட்டீஸ் / நீரிழிவு / சர்க்கரை நோயை விரட்ட நியான்டர் செல்வனால் ஆரம்பிக்கப்பட்ட இந்த குழுமத்திற்கு ( https://www.facebook.com/groups/ancestralfoods/ ) அட்மின்கள், மாடரேட்டர்கள் சார்பாக வரவேற்கிறோம். டயபட்டீஸை உங்கள் உடலில் இருந்து விரட்டி, உங்களை ஆரோக்கியமான வாழ்வியல் முறைக்கு அழைத்து செல்வதே குழுவின் நோக்கம். குழுவில் கோப்புகள் பகுதியில் மருத்துவர்கள், சீனியர்களின் அறிவுரைகள் நல்ல தமிழில் உள்ளது. உங்கள் உள்ளுறுப்புகளின் இன்ப்ளமேஷன் எனப்படும் உள்காயத்தை குறைத்து, உங்கள் குருதியில் சர்க்கரை அளவு அதிகரிக்காமல் இருக்க கீழ்க்கண்ட பரிந்துரைகள் கொடுக்கப்படுகிறது. என்ன என்ன உணவு சாப்பிடவேண்டும் என்பது ஆளுக்காள் மாறுபடும் (அதற்கு தைரோகேர் ஆரோக்கியம் 1.4 பேக்கேஜ் எடுத்து அந்த ரிப்போட் அப்லோட் செய்து நீங்கள் டயட் கேட்கவேண்டும்), ஆனால் சில பரிந்துரைகள் அனைவருக்குமானது. அவற்றை கீழே பட்டியலிடுகிறேன்.

சிவராம் அண்ணாவின் உன்னை வெல்வேன் நீரிழிவே புத்தகம் கண்டிப்பாக முழுமையாக படித்திருக்கவேண்டும். செல்வன் ஜி யின் பேலியோ டயட் புத்தகம் படித்திருக்கவேண்டும். மல்லிகை மகள் புத்தகத்தில் நமது குழு சீனியர்கள் எழுதிய கட்டுரைகளின் தொகுப்பு புத்தகம் படித்திருக்கவேண்டும்.

குழுவில் ரிப்போட் அப்டேட் செய்தபின், சீனியர்கள் மருத்துவர்களின் ஆலோசனைக்காக காத்திருந்து, டயட் பெற்று அதன் பின்னர் மட்டுமே பேலியோ தொடங்க வேண்டும். (உதா : யூரிக் ஆசிட் அளவுகள் அதிகம் இருந்தால், ரெட் மீட், கீரைகள் தவிர்க்க சொல்வோம். ஆனால் நீங்களாக டயட் ஆரம்பித்தால் இதை கணக்கில் கொள்ளாமல் ரெட் மீட் சாப்பிட்டு யூரிக் ஆசிட் அளவுகள் மேலும் அதிகரித்து பிறகு எங்களை குறை சொல்வீர்கள்)

தினமும் வைட்டமின் டி: வைட்டமின் டி புரோட்டகாலை பாலோ செய்யவேண்டும். அதாவது சப்ளிமெண்ட்ஸ் எடுக்கவேண்டும். (உங்கள் வைட்டமின் டி அளவுகள் அடுத்த ரிப்போட்டில் சிறப்பாக வரும் வரை. வைட்டமின் டி அளவுகள் 100 இருந்தால் 100 வயது வரை ஆரோக்கியமாக வாழலாம். ஆனால் நான் பார்க்கும் ரிப்போட்டுகளில் பலவற்றில் வைட்டமின் டி 25க்கு குறைவே. சிலருக்கு 10க்கும் குறைவு. 6 கூட பார்த்தேன். அதிக வெய்யில் இருக்கும் நம் நாட்டில் இந்த நிலை என்பது தான் மிகவும் ஆச்சர்யம். ஆக தினமும் மதிய வெய்யிலில் நின்று, அடுத்த ரிப்போட்டில் உங்கள் வைட்டமின் டி அளவு மிக அதிகரிக்குமாறு பார்த்துக்கொள்ளவேண்டும். மதிய வெய்யிலில் (11:30 யில் இருந்து 2 மணி வரை) ஏதாவது ஒரு 20 நிமிடம், தண்ணீர் வைத்துக்கொள்ளவும். அவ்வப்போது தண்ணீர் குடித்துக்கொள்ளவும்.

தினமும் வெய்யிலில் 20 நிமிடம்.
+
சாப்ட்ஜெல்ஸ் டாக்டர்ஸ் பெஸ்ட் வைட்டமின் டி3 - 5000 ஐயு - காலை உணவுக்கு பின் 1 மாத்திரை
வைட்டமின் கே2 - ஜாரோ - காலை உணவுக்கு பின் 1 மாத்திரை (ஜாரோ பார்முலாஸ் எம்.கே7) வைட்டமின் கே2 90 எம்சிஜி
மக்னீசியம் க்ளைசினேட் - சொலாரே - ஒரு மாத்திரை இரவு உணவுக்கு முன்.

தினம் ஒரு ஒமேகா 3 - எப்போது வேண்டுமானாலும் எடுக்கலாம். வெஜிட்டேரியன்கள் கண்டிப்பாக தயங்க கூடாது. 1000 எம் ஜி. டயபட்டீஸ் மக்களுக்கு மிக மிக தேவையானது. நார்வீஜியன் காட் லிவர் ஆயில் என கேட்டு பார்த்து அந்த பிராண்ட் வாங்கவும். எது பெஸ்ட் என விசாரித்து வாங்கவும்.

வைட்டமின் பி 12 குறைபாட்டை போக்க அசைவம் சாப்பிடுபவர்கள் வாரம் ஒருமுறை ஈரல் + ரத்த பொரியல் கண்டிப்பாக சாப்பிடவேண்டும்.

கட்டுப்பாடற்ற சுகர் இருப்பவர்கள் (300க்கு மேல் / 11க்கு மேல்) கண்டிப்பாக வாரத்தில் ஐந்து நாட்கள் 4 கிலோமீட்டர் நடைப்பயிற்சி செய்யவேண்டும். நல்ல கட்டுப்பாட்டில் இருப்பவர்கள், வாரத்தில் 3 நாட்கள் 4 கிலோமீட்டர் நடைப்பயிற்சி செய்யவேண்டும். நடைப்பயிற்சி சீரான ரத்த ஓட்டத்தை கொடுத்து நல்ல ஆரோக்கியத்தை கொடுக்கும். நமது குழுவின் வாக்கிங் ஈவண்டில் சேர்ந்து உங்கள் நடைப்பயிற்சி விவரங்களை தெரிவித்துவாருங்கள் :

பசு மஞ்சள் வைத்தியம் : கொழுப்புணவு சாப்பிட்ட பின், பசு மஞ்சள் வைத்தியம் செய்யவும். ஆர்கானிக் மஞ்சள் பொடி 1 ஸ்பூன் + துளசி இலை 3 + மிளகு தட்டியது 8 + ஒரு சின்ன வெங்காயம் சிறிய துண்டுகளாக வெட்டியது இவற்றை மாத்திரை போல விழுங்கவும், அல்லது கடித்தும் சாப்பிடலாம்.

பூண்டு : தினமும் காலையில் இரண்டு பூண்டுகளை சிறு துண்டுகளாக வெட்டி, பத்து நிமிடம் கழித்து தண்ணீரில் அப்படியே விழுங்கவும்.

லெமன் ஜூஸ் : தினமும் ரெண்டு எலுமிச்சையை ஒரு பெரிய க்ளாஸில் பிழிந்து ஒரு ஸ்பூன் உப்பு போட்டு குடிக்கவும். ஒரே நேரமாக குடிக்க முடியவில்லை என்றால் லெமன் ஜூஸ் வாட்டர் பாட்டில் தயாரித்துக்கொண்டு தாகம் வரும்போதெல்லாம் இதையே குடிக்கவும். பேராதிமனிதனான நம் குழுவின் தலைவர் செல்வன் தினம் 4 லெமன் ஜூஸ் குடிக்கிறார். விருப்பம் இருந்தால் நீங்களும் செய்யலாம்.

ஆப்பிள் சைடர் வினிகர் : உங்கள் குருதியில் ரத்த சர்க்கரை அளவு அதிகரிப்பை 20 சதவீதம் வரை கட்டுப்படுத்தக்கூடியது ஆப்பிள் சைடர் வினிகர். ஒரு கிளாஸில் இரண்டு ஸ்பூன் ஆப்பிள் சைடர் வினிகர் விட்டு, அதில் முழுவதும் தண்ணீர் நிரப்பி, பத்து நிமிடம் வைத்திருந்து உணவுக்கு பின் ஒவ்வொரு வேளையும் அருந்தலாம். ப்ராக் ப்ராண்ட் ரா அண்பில்ட்டர்ட் ஆப்பிள் சைடர் வினிகர் மட்டுமே அருந்தவேண்டும். நார்மல் வினிகர், நார்மர் ஆப்பிள் சைடர் வினிகர் அருந்த கூடாது. இது அந்த நிறுவனத்தின் இணைய தளம் - bragg.com. அனைத்து இ-காம் இணைய தளங்களிலும் ஆப்பிள் சைடர் வினிகர் கிடைக்கிறது. ஆப்பிள் சைடர் வினிகர் எப்படி அருந்துவது என்ற யூடியூப் வீடியோ இது : https://www.youtube.com/watch?v=SmQRpL97ltE

நாட்டு மருந்துகள், நிலவேம்பு பொடி பவுடர் தூள் குச்சி மரம் ஓமியோபதி மருந்துகள் சித்தா யுனானி மருந்துகள் எனக்கு எந்த பலனையும் தரவில்லை. இது என் சொந்த அனுபவம். மேற்கொண்டு இதில் எதுவும் பேசுவதாயில்லை.

டயபட்டீஸ் இருக்கும் பலரிடம் குருதியில் ரத்த சர்க்கரை அளவை அளக்கும் கருவி கிடையாது. நீங்கள் குடும்பமாக சினிமாவுக்கு போகும் செலவு தான் அந்த மெஷின். அக்யூ செக் என்ற பிராண்ட் நன்றாக இருக்கிறது. பேலியோ ஆரம்பித்தப்பின் வாரம் 3 முறையாவது உணவுக்கு முன் ஒரு முறையும், உணவுக்கு பின் இரண்டு மணி நேரம் கழித்து ஒரு முறையும் குருதி பரிசோதனை செய்து பார்த்துவரவும். காலை உணவுக்கு முன் 110க்கு கீழேயும், உணவுக்கு பின் 180க்கு கீழேயும் இருக்கவேண்டும்.

டயபட்டீஸுக்கு இதுவரை எந்த மாத்திரையும் எடுக்காமல் இருப்பவர்கள் தயவு செய்து உங்கள் ரிப்போட்டை ஆங்கில மருத்துவர் - டாக்டர் எம்பிபிஎஸ்ஸிடம் காட்டி டயபட்டீஸுக்கு கொடுக்கப்படும் மருந்துகளை வாங்கி தவறாமல் உண்ணவும். ஒரு மாதம் பேலியோ எடுத்தபிறகு மீண்டும் ஒரு ரிப்போர்ட் எடுத்து, அதே மருத்துவரிடம் காட்டி மாத்திரை அளவுகள் குறைப்பதோ அல்லது முற்றிலும் நிறுத்துவதோ செய்யலாம்.

டயபட்டீஸுக்கு மாத்திரை எடுப்பவர்கள் உங்கள் மாத்திரைகளை நீங்களாக நிறுத்தவேண்டாம். பேலியோ பாலோ செய்து அதன் பின் குருதி பரிசோதனை செய்து மருத்துவரின் அனுமதி பெற்று அதன் பின்னரே மாத்திரைகளை நிறுத்தவேண்டும்.

நான் அப்படித்தான் செய்தேன். மருத்துவர் மெட்பார்மினை நிறுத்தி முழுவதும் டயட் பாலோ செய் என அனுமதி கொடுத்தார். அவர் அனுமதியோடு பேலியோவை கடைபிடித்து குருதி சர்க்கரை அளவுகளை குறைத்து காட்டினேன். நீங்களும் அவ்வாறே செய்க

பெண்கள் கண்டிப்பாக இரும்பு சட்டியில் சமைத்து உண்டால் உங்கள் இரும்பு சத்து குறைபாடு நீங்கும். பெரும்பாலான டயபட்டீக் இருக்கும் பெண்களுக்கு இரும்பு சத்து குறைபாடு கண்டிப்பாக இருக்கிறது என்பதை பல ரிப்போட்களில் பார்க்கிறேன்.

கிழங்கு வகைகள் தவிர்த்துவிடவும். டயபட்டீஸ் முழுதாக குறைந்தபிறகு எடை இழப்பை நிறுத்த தினம் ஒரு உருளைக்கிழங்கு எடுக்கலாம்.

சர்க்கரை வியாதி / நீரிழிவு குறைபாடு உள்ளவர்கள் பால் பொருட்கள் முடிந்த அளவு தவிர்த்துவிடவேண்டும்.

பாத பராமரிப்பு : இரவில் ஈமு ஆயில் போட்டு பாதங்களை மசாஜ் செய்யலாம். பாதங்களில் ஆறாத புண் இருந்தால் உடனே மருத்துவரை அணுகவேண்டும்.

ps:

உங்கள் தைரோகேர் ரிப்போட் குழுவில் இமேஜ் ஆக கொடுக்கலாம். அல்லது உங்கள் மின்னஞ்சலுக்கு வரும் பிடிஎப் கோப்பை அப்படியே அப்லோட் செய்யலாம். தயவு செய்து காத்திருந்து முறையான டயட் பெறவும்.

Credits: Dr.V.Hariharan MBBS, MD. Dr Raja Ekambaram​ Dr Vijayapriya Panneerselvam​ Sivaram Jagadeesan

Link to buy Paleo Books : http://paleo.co.in (you can also buy various products displayed in our meetup events - People want to add their products, do let me know)

ஃபேட்டி லிவர் - Fatty Liver

 ஃபேட்டி லிவர் - Fatty Liver - By Neander Selvan.


ஃபேட்டி லிவர் வர காரணம் அதீத அளவில் லிவரில் குளுகோஸ்..குறிப்பா பழ சர்க்கரையான ப்ருக்டோஸ் சேர்வது. இதை லிவர் கொழுப்பா மாற்றியே ஆகணும். ஆனால் அதை சரியா செய்யமுடியாமல் கொழுப்பு வயிற்றில் தேங்கிவிடுகிறது.

இத்துடன் இன்ஃப்ளேமேக்சனும் சேர்ந்தால் நிலை இன்னும் மோசமாகிறது. இன்ஃப்ளமேஷன் வர காரணம் தானியங்களில் உள்ள ஒமேகா 6. பொதுவா உணவின் மூலம் எதையும் வராமல் தடுக்கலாம். வந்தபின் குணபடுத்துவது என்பது அந்த சிக்கல் நமக்கு எந்த அளவு தீவிரமா இருக்கு, உடல் எப்படி ரியாக்ட் செய்யுது என்பதை பொறுத்தது.

ஃபேட்டி லிவர் வர முக்கிய காரணம் கோலின் பற்றாகுறை. கோலின் அதிகமா கானப்படுவது நாட்டுகோழி முட்டைகளில் தான். ஒரு நாட்டுகோழி முட்டையில் 28% கோலின் இருக்கு. கோலின் நம் செல்களை சுத்தபடுத்தும் ஆற்றல் கொண்டது. இந்த செல்களில் தான் கொழுப்பு அடைத்து பிரச்சனை செய்யும்.
முட்டைக்கு அடுத்து அதிக அளவில் கோலின் காணப்படுவது நாட்டுகோழியில். சைவ உணவுகளில் கோலின் கிடைப்பது மிக சிரமம். ஒரு நாளுக்கு தேவையான கோலின் கிடைக்க 1 முழு காலிபிளவர் அல்லது

பிராக்களியை சாப்பிடணும். நடக்கும் விஷயமா?

ஃபேட்டி லிவர் குணமாக பின் வரும் டயட்டை பின்பற்றலாம்.

காலை உணவு: வேக வைத்த நாட்டுகோழி முட்டை 4. முழு முட்டையும் சாப்பிடணும்..மஞ்சள் கருவில் தான் கோலின் இருக்கு. மஞ்சள் கருவை தூக்கி வீசிட்விட்டு எக் ஒயிட்டை சபபிடுபவர்கள் கோலின் பற்ராகுறையை வலிந்து தேடிகொள்கிறார்கள்.

இந்த காலை உணவிலேயே ஒரு நாளுக்கு தேவையான கோலின் 100% கிடைத்துவிடும். அதனால் எக்காரணம் கொண்டும் நாட்டுகோழி முட்டை சாப்பிடாமல் இருக்கவேண்டாம்.

மதியம்: 1 கப் கொழுப்பு எடுக்காத பால்/தயிர்/பனீர்

மதியம்: க்ரில் சிக்கன்/ வறுத்த சிக்கன். வெண்ணெய் சமையல் ஆயிலா பயன்படுத்துங்க. வேறு எந்த எண்னெயும் வேண்டாம். சிக்கன் தோலுடன் சாப்பிடுங்க. சூப்பும் வைத்து குடிக்கலாம். சைடா கீரை, காய்கறி குறிப்பா காலிபிளவர், பிராக்களி சபபிடலாம். வேர் காய்கறிகள் முற்றிலும் தவிர்க்கவும்

ஸ்னாக்: சீஸ்/பால்/பனீர்/தயிர் வித் காய்கறி

டின்னர்: மீன்டும் சிக்கன் அல்லது மீன் அல்லது வெஜிட்டபிள் சூப்/ சாலட்/தேங்காய். ஏராளமா கீரை (கோலின் அதிகம் உள்ளது), காய்கறி

மீல்களை ஆல்டர்நேட் செய்துகொள்ளலாம்.

சுத்தமாக தொடக்கூடாத பொருட்கள்:

நட்ஸ்
பழங்கள்..பழங்களில் உள்ள புரொக்டோஸ் தான் லிவரில் கொழுப்பாக மாறுகிறது.
இனிப்புகள்
தானியம்
பீன்ஸ்
பருப்பு
சர்க்கரை

---

மொடாகுடியர்களுக்கு வரும் ஃபேட்டி லிவர் வியாதி குழந்தைகளுக்கும் வருவதன் காரணத்தை ஒரு ஆய்வு கண்டுபிடித்துள்ளது.

லிவர் முழுக்க கொழுப்பு அடைத்துகொள்ளும். நார்மலாக துருவேறிய இரும்பு நிறத்தில் இருக்கும் லிவர் முழுக்க கொலஸ்டிரால் அடைத்துகொள்வதால் அது மஞ்சள் கலரில் மாறி ஊதி, உப்பி வீங்கிவிடும். வழக்கமாக இது மொடா குடிமக்களுக்கு மட்டுமே தான் வரும். ஆனால் இப்போது இது குழந்தைகளுக்கும் வருகிறது. சுமார் 10% அமெரிக்க குழந்தைகளுக்கு இந்த வியாதி உள்ளது.
காரணம்?

சர்க்கரை. குறிப்பாக ப்ருக்டோஸ்

இது குண்டாக இருக்கும் குழந்தைகளுக்கு அதிகம் வந்தாலும் நார்மலாக இருக்கும் குழந்தைகளுக்கும் அதிக அளவில் வருகிறது. குடிக்காத குழந்தைகளுக்கு இது ஏன் வருகிறது என புரியாமல் இதற்கு "நான் ஆல்கஹாலிக் பேட்டிலிவர் வியாதி" என பெயர் வைத்து ஆராய்ந்ததில் தெரிய வந்த தகவல் என்னவெனில் கார்ன் சிரப்பிலும், ஜூஸ்களிலும், இனிப்புகளிலும் இருக்கும் ப்ருக்டோஸ் இதற்கு முக்கிய காரணம் என தெரிய வந்துள்ளது,.
 

சர்க்கரை என்பது போதை அளிக்காத சாராயத்துக்கு சமம் என்கிறார் மருத்துவர் ராபர்ட் லஸ்டிக். அதனால் மொடாகுடியர்களுக்கு வரும் வியாதி பிள்ளைகளுக்கும் வருவதுதான் சோகம்
http://www.wsj.com/articles/SB10001424127887324549004579064903051692782

துவக்க நிலை பேலியோ டயட் சார்ட் - Paleo diet for beginners (Veg & Non Veg)

Paleo diet for beginners

பேலியோ துவக்கநிலை டயட்

முன் எச்சரிக்கை:

இந்த டயட் மருத்துவரால்/ டயட்டிசியனால் எழுதபட்டது கிடையாது. சராசரி குடிமகனால் சொந்த அனுபவம், படித்து தெரிந்துகொண்டது ஆகியவற்றின் பேரில் எழுதபட்டது. டயட்டை துவக்குமுன் மருத்துவர் அறிவுரையை கேட்டுகொன்டு பின்பற்றூவது நலம்

இந்த டயட்டில் கொலஸ்டிரால் & எல்டிஎல் ஏறும். சுகர் இறங்கும். பிளட் பிரஷர் கட்டுபாட்டில் வரும். இதயத்துக்கு எந்த ஆபத்தும் கிடையாது.

இந்த டயட்டில் சுகர் இறங்குவதால் அதற்கு தகுந்தபடி சுகர் மாத்திரை அளவை மருத்துவர் அறிவுரையின் பேரில் குறைத்துகொள்வதும், சுகர் லெவலை அடிக்கடி மானிட்டர் செய்து லோ சுகர் ஆகாமல் பார்த்துகொள்வதும் அவசியம்.

இது பொதுவாக சுகருக்கும், எடைகுறைப்புக்கும் எழுதபட்டது. அத்துடன் வேறு எதாவது சிக்கல்கள், வியாதிகள் (உதா: கிட்னி பிரச்சனை) இருந்தால் அம்மாதிரி பிரச்சனைகளை மனதில் வைத்து இது எழுதபடவில்லை. அம்மாதிரி சூழலில் இதை மருத்துவ ஆலொசனை இன்றி பின்பற்றவேண்டாம்.

——-

இந்த டயட்டில் தானியத்தை எந்த அளவு தவிர்க்கிறீர்களோ அந்த அளவு நல்லது. காலரி கணக்கு பார்க்கவேண்டியது இல்லை. பசி அடங்கும் வரை உண்ணலாம்.

விதிகள்:

மூன்று வேளையும் வீட்டில் சமைத்த உணவு மட்டுமே
சர்க்கரை, தேன், இனிப்புகள், கோக்/பெப்சி உணவகத்தில் சமைத்தது, பேக்கரி பொருட்கள், இனிப்பு, காரம் அனைத்தும் தவிர்க்கணும்

அசைவ டயட்:

மீல் 1:

3 முட்டை ஆம்லட். முழு முட்டை. வெள்ளைக்கரு அல்ல. மஞ்சள் கருவும் சேர்த்து. தேவைப்பட்டால் 4 முட்டை ஆம்லட் கூட உண்ணலாம். பிரச்சனை இல்லை. பசி அடங்குவது முக்கியம். சமையல் எண்ணெய் நெய். நாட்டுகோழி முட்டை மிக சிறப்பு. முட்டையை ஸ்க்ராம்பிள், ஆஃப்பாயில், புல்பாயில் என எப்படியும் உண்ணலாம்.

மீல் 2:

100 கிராம் பாதாம் அல்லது பிஸ்தா அல்லது வால்நட்ஸ், மாகடமியா நட்ஸ்.நெய்யில் வணக்கி உண்ணலாம், ஊறவைத்தும் உண்ணலாம்.

OR

நட்ஸ் விலை அதிகம் என கருதுபவர்கள் காளிபிளவர் ரைஸ், சிக்கன்/மட்டன் சூப் சேர்க்கலாம்

OR

பாதாம் விலை அதிகம் எனக் கருதுபவர்கள் காலை உணவாக ‘திபெத்திய பட்டர் டீ’ உட்கொள்ளலாம். (அதன் செய்முறை விளக்கம் கொடுக்கப்பட்டுள்ளது.)

மீல் 3:

பாயில் / க்ரில் செய்த சிக்கன்/மட்டன்/ மீன். அளவு கட்டுபாடு இல்லை. வாணலியில் வறுத்தால் சமையல் எண்னெயாக நெய் பயன்படுத்தவும்
ஸ்னாக்: தினம் 1 கப் முழு கொழுப்பு உள்ள பால் அல்லது 50 கிராம் முழு கொழுப்பு உள்ள சீஸ்

சைவ டயட்:

மீல் 1: 100 கிராம் பாதாம் அல்லது பிஸ்தா அல்லது வால்நட்ஸ் அல்லது முந்திரி.பாதாம் விலை அதிகம் எனக் கருதுபவர்கள் காலை உணவாக ‘திபெத்திய பட்டர் டீ’ உட்கொள்ளலாம்

மீல் 2: காளிபிளவர் அரிசி வித் காய்கறி. காளிபிளவரை மிக சின்ன அரிசி சைஸ் துண்டுகளால்க நறுக்கி இட்டிலி பாத்திரத்தில் ஸ்டீம் செய்து எடுத்து அரிசி போல் பாவித்து குழம்பில் ஊற்றி உண்ணவும்
அல்லது காய்கறி சூப் ஏராளமாக பருகவும். உடன் சிறிது தேங்காய். வாரம் 1 நாள் 40 கிராம் கைகுத்தல்/குதிரைவாலி அரிசி எடுத்து சமைத்து உண்ணலாம். அதற்கு மேல் வேண்டாம்.

மீல் 3:   4 முட்டை ஆம்லட். அல்லது பனீர் டிக்கா. 200 கிராம் பனீர்
ஸ்னாக்: 1 கப் முழு கொழுப்பு உள்ள பால்/தயிர். தினம் 100 கிராம் கீரை சேர்த்துகொள்ளவும்
சமையல் எண்ணெய் நெய்/பட்டர்/செக்கில் ஆட்டிய தேங்காய் எண்ணெய்/செக்கில் ஆட்டிய நல்லெண்ணெய் மட்டுமே.

தவிர்க்கவேன்டியவை

பழங்கள் (அவகாடோ, தேங்காய் தவிர்த்து மற்ற எல்லா பழங்களும் தவிர்க்கவேண்டும்)
அரிசி, கோதுமை, சிறுதானியம், ராகி, கம்பு, குதிரைவாலி, பாஸ்மதி, கைகுத்தல் அரிசி, தினை அனைத்தும்
பருப்பு, க்ரீன் பீன்ஸ், மாவு, சோயா, பேபிகார்ன், க்ரீன் பீன்ஸ், பலாக்காய், வாழைக்காய், பச்சை மாங்காய், முளைகட்டின பயறுவகைகள், கொண்டைகடலை, இன்ன பிற கடலை வகைகள், கிழங்கு வகைகள் அனைத்தும், அவரைக்காய், நிலகடலை, எடமாமி, டோஃபு தவிர்க்கவும்.

பேக்கரியில் கிடைக்கும் பொருட்கள் அனைத்தும் தவிர்க்கவும், இனிப்பு, காரம், பேகேஜ் உணவுகள், பிஸ்கட் இன்னபிற கொரிக்கும் உணவுகள்.

கொழுப்பு அகற்றிய பால், 2% பால், 1% பால் அனைத்தும் தவிர்க்கவும்,. முழுகொழுப்பு பாலே உட்கொள்ளவேண்டும்.

அளவு கட்டுபாடு இன்றி உண்ணகூடியவை

மாமிசம், மீன், முட்டை, பனீர் அல்லது சீஸ் ,காய்கறிகள்,கீரைகள் (உருளை, கேரட், கிழங்குவகைகள் தவிர்த்து)

தவிர்க்கவேண்டிய இறைச்சி:

சாஸேஜ், ஸ்பாம் முதலான புராசஸ் செய்யபட்ட இறைச்சி தவிர்க்கவேண்டும்
கொழுப்பு அகற்றப்பட்ட லீன் கட்ஸ் வகை இறைச்சி, தோல் இல்லாத கோழி
கருவாடு (மிதமான அளவுகளில் உண்னலாம். தினமும் வேண்டாம்)
முட்டையின் வெள்ளைகரு மட்டும் உண்பது தவிர்க்கபடவேண்டும். முழு முட்டை உண்னவேண்டும்
எண்ணெயில் டீஃப் ப்ரை செய்த இறைச்சி

———————————————————————————————————————————————————

இது முகநூலில் இயங்கும் ஆரோக்கி யம்& நல்வாழ்வு எனும் குழுமத்திற்கான டயட். இதில் மேலும் கேள்விகள் இருந்தால் இக்குழுவில் இணையவும். இக்குழுவின் பதிவுகளை முன்னோர் உணவு எனும் முகநூல் பக்கத்திலும் படிக்கலாம்.